Нимид™ (гель)
Инструкция
-
русский
-
қазақша
Саудалық атауы
НимидТМ
Халықаралық патенттелмеген атауы
Нимесулид
Дәрілік түрі
Сыртқа қолдануға арналған 30 г және 100 г гель
Құрамы
1 г гельдің құрамында
белсенді зат – нимесулид (микронизирленген) 10 мг,
қосымша заттар: пропиленгликоль, карбопол 980 (карбомер 940), динатрий эдетаты, метилпарагидроксибензоат, пропилпарагидроксибензоат, натрий гидроксиді, хош иістендіргіш Cologne Comp 530**, тазартылған су
**- Құрамы: лимонен, линалоол, линалил ацетаты, гераниол, лавендинал, цикламенальдегид, метилионон, лилиал, бета-нафтилметилкетон, альфа - амил-даршын альдегиді, вертофикс
Сипаттамасы
Мөлдір емес, ақшыл-сары түсті біркелкі гель
Фармакотерапиялық тобы
Жергілікті қолдануға арналған, қабынуға қарсы стероидты емес препараттар.
АТХ коды М02А А
Фармакологиялық қасиеттері
Фармакокинетика
Нимесулид гелін теріге жаққан кезде қан плазмасындағы препарат концентрациясының деңгейі препаратты оральді түрде қабылдаған кезде қол жеткізілген концентрациялармен салыстырғанда өте төмен болады. 200 мг нимесулидті гель түрінде бір рет қолданғаннан кейін қан плазмасындағы концентрацияның тіркелген ең жоғары деңгейі 24 сағаттан соң 9,77 нг/мл құрайды. Белгілі бір жағдайда (8 күн) плазмадағы ең жоғары шектегі концентрация (37,25±13,25 нг/мл) жоғарылайды, бірақ кез келген жағдайда оральді дозаларды қайталап қабылдау нәтижесінде қол жеткізілген концентрациядан 100 есе төмен.
Фармакодинамикасы
НимидТМ гелі жергілікті қолдануға арналған, қабынуға қарсы стероидты емес препарат (ҚҚСП) болып табылады.
Қабынуға қарсы, ауыруды басатын әсер береді. Әсер ету механизмі: циклооксигеназаны тежей отырып, арахидон қышқылының метаболизміне әсер етеді, қабыну кезінде ісіну мен ауырсынудың пайда болуына қатысатын қабыну ошағындағы простагландиндер мөлшерін азайтады.
Қолданылуы
- байламдардың созылуымен және жедел жарақаттық тендинитпен байланысты ауыру синдромында (симптоматикалық ем)
Қолдану тәсілі және дозалары
НимидТМ гелін терінің зақымданбаған жерлерінің сыртына қолданады. 3 г препаратты (гель сықпасынан сығып шығарылған 6-7 см) зақымданған аймақтың терісіне күніне 2-3 рет толық сіңірілгенге дейін жеңіл-желпі сипалау арқылы, жұқа етіп жағады.
Емдеу курсының ұзақтығы 10 күннен аспайды.
Жағымсыз әсерлері
- терінің тітіркенуі, эритема, тері бөртпесі, гель жағылған жердің қабыршақтануы, қышуы, тері түсінің транзиторлы өзгеруі.
Терінің үлкен жерлеріне жаққан кезде жүйелік жағымсыз әсерлер болуы мүмкін
- қыжыл, жүректің айнуы, құсу, диарея, гастралгия
- ісіну синдромы
- тромбоцитопения, лейкопения, агранулоцитоз
- бауыр трансаминазалары белсенділігінің жоғарылауы
- гематурия
- анафилактикалық шок
- бронх демікпесі кезінде тыныстың бұзылуы
Қолдануға болмайтын жағдайлар
- нимесулидке немесе препараттың қандай да болсын қосымша компоненттеріне белгілі жоғары сезімталдық
- ацетилсалицил қышқылына немесе қабынуға қарсы стероидты емес басқа да препараттарға аллергиялық реакциялар (бронхтың түйілуі, ринит, есекжем) (сыртартқыда)
- гельді ашық жараларға немесе жергілікті жұқпалар болған кезде қолдану
- басқа кремдермен бір мезгілде қолдану
- жүктілік және лактация кезеңі
- 18 жасқа дейінгі балаларға және жасөспірімдерге (препараттың қауіпсіздігі мен тиімділігі зерттелген жоқ)
Дәрілермен өзара әрекеттесуі
НимидТМ гелін жергілікті қолданғанда басқа дәрілік препараттармен елеулі өзара әрекеттесу орын алған жоқ.
Айрықша нұсқаулар
НимидТМ гелін ашық жараларға және тері сызаттарына жақпаған жөн.
Препаратты көзге, шырышты қабықтарға тигізіп алмаған жөн. Байқамай тигізіп алған жағдайда сумен дереу жуып-шаю керек.
Препаратты ішке қолдануға болмайды. Жағып болғаннан кейін қолды жуу қажет.
Жағып болғаннан кейін окклюзиялық таңғыш салмаған жөн.
Жағымсыз реакциялар қаупі қысқа уақыт ішінде ең төмен дозада жағу арқылы төмендетілуі мүмкін.
Препаратты бауыр және бүйрек қызметінің жеткіліксіздігі бар, қанның ұйығыштығы бұзылған және жүрек қызметінің жеткіліксіздігі, артериялық гипертензиясы, қант диабеті бар науқастарға абайлап тағайындаған жөн.
Фотосезімталдық реакцияларын болдырмау үшін емделушілер күн сәулесінің тікелей түсуіне жол бермегені жөн.
Егер жақсарулар байқалмаса, немесе керісінше, жағдайы жақсарса, емдеуді тоқтатып, дәрігерге қаралуы керек.
Дәрілік заттың көлікті немесе қауіпті механизмдерді басқару қабілетіне ықпал ету ерекшеліктері
Ықпал етпейді.
Артық дозалануы
Препарат жергілікті қолданылатын болғандықтан, дұрыс қолданылған жағдайда, оның жүйелік сіңу, яғни артық дозалану мүмкіндігі аз.
Шығарылу түрі және дозалары
Бұралатын ақ қақпағы бар алюминий немесе ламинацияланған сықпаларда 30 г немесе 100 г гельден (бөліп салу үшін 30 г және 100 г)
1 сықпа медицинада қолданылуы жөнінде мемлекеттік және орыс тілдеріндегі нұсқаулықпен бірге картон пәшкеге салынған.
Сақтау шарттары
Жарықтан қорғалған жерде, 25оС-ден аспайтын температурада сақтау керек.
Мұздатып қатыруға болмайды.
Балалардың қолы жетпейтін жерде сақтау керек!
Сақтау мерзімі
2 жыл
Қаптамасында көрсетілген жарамдылық мерзімі өткеннен кейін пайдалануға болмайды.
Дәріханадан босатылу шарттары
Рецептісіз
Өндіруші
Кусум Хелткер Пвт. Лтд.,
СП 289 (А), Риико Индл. Ареа Чопанки, Бхивади (Радж.), Үндістан
Тіркеу куәлігінің иесі
Кусум Хелткер Пвт. Лтд., Үндістан
Тұтынушылардан өнім (тауар) сапасы жөнінде шағымдарды Қазақстан Республикасы аумағында қабылдайтын ұйымның мекенжайы
ҚР-дағы «Кусум Хелткер Пвт. Лтд.» серіктестік өкілдігі, Үндістан
Алматы қ-сы, Достық д-лы, 117/6, «Хан Тәңірі» БО.
Телефон: 295-26-50, 295-26-51 (54) , Факс: 295-26-55
Электронды поштасы: Office@kusumhealthcare.kz