Нимелид (Nimesulide)

Нимелид

Нимесулид

Ішке қабылдау үшін суспензия дайындауға арналған түйіршіктер, 100 мг/2 г

Бір пакеттің ішінде

белсенді зат - нимесулид 100.00 мг,

қосымша заттар: макрогол цетостеарил эфирі, сусыз лимон қышқылы, коллоидты сусыз кремнийдің қостотығы, апельсин хош иістендіргіші, сахароза.

Апельсин иісі бар ашық-сары түсті түйіршіктелген ұнтақ.

Ақтан ашық сары түске дейінгі ұнтақталған қоспалардың және бөлшектер агломераттарының болуына жол беріледі, олар қысқан кезде ыдырап кетеді.

Қабынуға қарсы және ревматизмге қарсы препараттар. Стероидты емес қабынуға қарсы препараттар. Стероидты емес қабынуға қарсы басқа препараттар. Нимесулид.

АТX коды M01AX17

Фармакокинетикасы

Нимесулид ішу арқылы қабылдаған кезде жақсы сіңеді. 100 мг нимесулидтен тұратын бір реттік дозасын қабылдағаннан кейін, ересектерде плазмадағы ең жоғары концентрациясына 2 – 3 сағаттан кейін жетеді және 3 – 4 мг/л құрайды. Қисық астындағы ауданы (AUC) 20 – 35 мг сағ/л құрайды. Нимесулидті 100 мг дозадан тәулігіне бір немесе екі рет 7 күн бойы қабылдаған кезде фармакокинетикалық қасиеттерінің ешқандай айырмашылықтары байқалған жоқ.

Нимесулидтің 97,5% -ға дейінгісі плазма ақуыздарымен байланысады.

Нимесулид P450 (CYP) 2C9 цитохромы изоферментінің қатысуымен бауырда әртүрлі жолдармен белсенді метаболизденеді. Сондықтан, нимесулидті осы изоферменттің қатысуымен метаболизденетін дәрі-дәрмектермен бірге қолданған жағдайларда, дәрілік өзара әрекеттесулердің туындауы мүмкін екенін ескеру керек. Негізгі метаболиті нимесулидтің фармакологиялық белсенді парагидрокси-туындылары болып табылады. Бұл метаболиттің айналымдағы қаннан табылуына дейінгі уақыт аз (0,8 сағатқа жуық), бірақ оның түзілу шамасы үлкен емес әрі нимесулидтің сіңу шамасына қарағанда біршама азырақ. Гидроксинимесулид плазмадан анықталатын бірден-бір метаболит болып табылады. Бұл метаболит толығымен дерлік байланысқан түрде болады. Жартылай шығарылу кезеңі 3,2 -ден 6 сағатқа дейін.

Нимесулид организмнен негізінен несеппен шығарылады (қабылданған дозаның 50%-ға жуығы). 1 – 3 % ғана өзгермеген күйінде шығарылады. Гидроксинимесулид – негізгі метаболит, тек қана глюкуронат түрінде анықталады. Қабылданған дозаның шамамен 29% метаболизденген түрде нәжіспен шығарылады.

Нимесулидтің егде жастағы адамдардағы фармакокинетикалық бейіні бір реттік және көп реттік/қайталама дозаларды тағайындаған кезде өзгермейді.

Жеңіл және орташа түрдегі бүйрек жеткіліксіздігі бар пациенттердің (креатинин клиренсі 30 - 80 мл/мин) және дені сау еріктілердің қатысуымен жүргізілген қысқа мерзімдік тәжірибелік зерттеуде, нимесулидтің және оның негізгі метаболитінің науқастар плазмасындағы ең жоғары концентрациясы дені сау еріктілердегі концентрациядан көп болған жоқ. Қисық астындағы аудан "Концентрация - уақыт" (AUC) және жартылай шығарылу кезеңі (t1/2 beta) бүйрек жеткіліксіздігі бар пациенттерде 50% жоғары болды, бірақ әрқашанда нимесулид қабылдаған дені сау еріктілерден бақыланған фармакокинетикалық мәндердің ауқымынан шықпады. Препаратты қайталап қабылдау аккумуляцияға ұшыратқан жоқ.

Фармакодинамикасы

Стероидты емес қабынуға қарсы дәрі. Айқындығы аз ЦОГ-1 тежеуші белсенділігі бар болған кезде циклооксигеназа-2-ге (ЦОГ-2) қатты ұқсастығы бар. Қабынған кезде ЦОГ-2 түзілуі биологиялық белсенді заттармен (цитокиндер, эндоксиндер) индукцияланады. Препарат ЦОГ-2 тежеу есебінен қабынуға қарсы, ауырғанды басатын және ыстықты түсіретін әсер көрсетеді, бұл ісінудің қалыптасуына және қабыну кезіндегі ауыруға қатысатын простагландиндердің синтезін бәсеңдетуге әкеледі. Препарат сондай-ақ тромбоциттердің белсенділену факторын, альфа ісіктерінің некроз факторын, гистамин мен протеиназалардың босап шығуын басады. Липидтердің асқын тотығуын бәсеңдетеді, гемостазға және фагоцитозға ықпал етпейді.

- жедел ауыруларды емдеуде

- бастапқы дисменореяда

Нимесулидті тек қана екінші желідегі препарат ретінде тағайындау керек.

Нимесулидпен ем жүргізу туралы шешім нақты бір пациент үшін барлық қауіптерді бағалау негізінде қабылдануы тиіс.

Нимелид ішке қабылданады. 1 пакеттің ішіндегісін (100 мг нимесулид) 80-100 мл суда ерітеді. Емдеу ұзақтығы клиникалық жағдайға байланысты және мүмкіндігінше қысқа болуы тиіс.

Ересектер мен 12-18 жастағы жасөспірімдер

Ұсынылатын доза тәулігіне 2 рет тамақтан кейін 100 мг-ден.

Егде жастағы пациенттер үшін дозаны түзету талап етілмейді.

Бүйрек функциясы бұзылған пациенттер

Нимелидті айқындығы орташа бүйрек жеткіліксіздігі бар (креатинин клиренсі 30-80 мл/мин) науқастар жақсы көтереді. Мұндай науқастар үшін дозаны төмендету талап етілмейді. Бүйрек функциясы ауыр бұзылған кезде (креатинин клиренсі <30 мл/мин) препаратты қолдануға болмайды.

Жағымсыз әсерлердің даму қаупін барынша азайту үшін, ең аз тиімді доза мүмкіндігінше неғұрлым қысқа уақыт кезеңіне тағайындалуы тиіс.

Нимелидті қабылдаудың ең ұзақ уақыты 15 күннен аспауы тиіс.

Төменде келтірілген жағымсыз әсерлер бақыланбалы клиникалық зерттеулерден* (шамамен 7800 пациент) және постмаркетингтік зерттеулерден алынған деректерге негізделген. Оқиғалар жиілігі былайша жіктеледі: өте жиі (≥ l/10); жиі (≥ l/100, < l/10), кейде (≥ l/l,000, < l/100); сирек (≥ l/10,000, < l/l,000); өте сирек (< l/10,000), жекелеген жағдайларды қоса алғанда.

- нимесулидке немесе препараттың қандайда бір компонентіне жоғары сезімталдық

- ацетилсалицил қышқылын немесе басқа стероидты емес қабынуға қарсы препараттарды қабылдауға байланысты анамнездегі гиперергиялық реакциялар (мысалы, бронх түйілуі, ринит, есекжем)

- асқазанның немесе он екі елі ішектің асқыну кезеңіндегі ойық жаралы ауруы, анамнездегі қайталанған ойық жаралы ауру немесе асқазан-ішек қан кетуі

- анамнезде цереброваскулярлық қан кетудің немесе басқа қан кетулердің, сондай-ақ қанағыштықпен қабаттасқан аурулардың болуы

- қан ұюының ауыр бұзылыстары

- ауыр жүрек жеткіліксіздігі

- ауыр бүйрек жеткіліксіздігі (креатинин клиренсі <30 мл/мин)

- препаратты қолдануға анамнездегі гепатоуытты реакциялар

- бауыр жеткіліксіздігі

- әлеуетті гепатоуыттылығы бар басқа заттарды қабаттастыра қабылдау

- жүктілік және емшек емізу кезеңі

- алкоголизм, есірткіге тәуелділік

- 12 жасқа дейінгі балалар

- суық тию немесе тұмау симптомдары бар пациенттер

Дәрілермен өзара әрекеттесулері

Қабынуға қарсы стероидты емес басқа препараттар (ҚҚСП)

Құрамында нимесулид бар дәрілік заттарды басқа стероидты емес қабынуға қарсы препарттармен, оның ішінде қабынуға қарсы дозалардағы (тәулігіне бір рет ≥1 г немесе ≥3 г жалпы тәуліктік доза) ацетилсалицил қышқылымен бірге қолдану ұсынылмайды.

Кортикостероидтар: асқазан-ішек жолының ойық жаралануы немесе қан кету қаупін арттырады.

Антикоагулянттар

Антикоагулянттар: ҚҚСП варфарин немесе ацетилсалицил қышқылы сияқты антикоагулянттардың әсерін күшейтуі мүмкін. Қан кету қаупі жоғары болғандықтан, мұндай біріктірілім коагуляцияның ауыр бұзылыстары бар пациенттерге ұсынылмайды әрі қолданылмайды. Егер біріктірілген емнен қалайда бас тартуға болмаса, қан ұйығыштығының көрсеткіштеріне мұқият бақылау жүргізу қажет.

Антитромбоцитарлық дәрілер және серотониннің қайта сіңуінің іріктемелі тежегіштері (SSRIs):

Антитромбоцитарлық дәрілер және серотониннің қайта сіңуінің іріктемелі тежегіштері (SSRIs) асқазан-ішек қан кетуінің туындау қаупін ұлғайтады.

Кортикостероидтар

Кортикостероидтар, антитромбоцитарлық дәрілер және серотониннің қайта сіңуінің іріктемелі тежегіштері (SSRIs) асқазан-ішек жолының ойық жаралануы немесе қан кету қаупін арттырады.

Диуретиктер, ангиотензинөзгертетін ферменттің тежегіштері, ангиотензин II антагонистері (АIIА):

ҚҚСП диуретиктердің және басқа гипотензиялық препараттардың (мысалы, бета-блокаторлардың және АӨФ тежегіштерінің) тиімділігін төмендетуі мүмкін. Бүйрек функциясы бұзылған кейбір пациенттерде (мысалы, сусызданудан зардап шегетін пациенттерде, немесе бүйрек функциясы шектеулі егде жастағы пациенттерде) АӨФ тежегіштерін немесе ангиотензин II антагонистерін, сондай-ақ циклооксигеназа жүйесін басатын заттарды бірге тағайындау, бүйрек функциясын одан әрі төмендетуі мүмкін (жедел бүйрек жеткіліксіздігіне дейін), ол, әдетте, қайтымды сипатқа ие. Мұндай өзара әрекеттесулердің бар екенін нимесулидті АӨФ тежегіштерімен немесе АIIА бірге қабылдайтын пациенттерде назарда ұстау қажет. Сондықтан препараттардың бұл біріктірілімі, әсіресе егде пациенттерге сақтықпен тағайындалуы тиіс. Пациенттер жеткілікті мөлшерде сұйықтық ішуі тиіс. Біріктірілген емді бастағаннан кейін және оның жүру барысында әлсін-әлсін бүйрек функциясын бақылау қажеттігі бағалануы тиіс.

Фармакокинетикалық өзара әрекеттесулер: нимесулидтің басқа дәрілік заттардың фармакокинетикасына ықпалы

Фуросемид

Нимесулид дені сау еріктілерде фуросемидтің натрийдің шығарылуына, азырақ дәрежеде, калийдің шығарылуына әсерін уақытша төмендетті, және диуретикалық жауапты төмендетті. Нимесулид пен фуросемидті бірге қабылдау"Концентрация – уақыт" қисығы астындағы ауданның (AUC) азаюына (шамамен 20%-ға) және фуросемидтің бүйректік клиренсін өзгертпей фуросемидтің жинақталып сыртқа шығуын төмендетуге алып келеді.

Фуросемидті және құрамында нимесулид бар дәрілік препараттарды бірге тағайындау бүйрек және жүрек функциясының бұзылуы бар пациенттерде сақтықты талап етеді.

Литий

ҚҚСП литий клиренсін төмендететіні туралы деректер бар, бұл қан плазмасындағы литий деңгейінің және оның уыттылығының жоғарылуына алып келеді. Литий препараттарымен ем алып жүрген пациенттерге Нимесилді® тағайындаған кезде плазмадағы литий деңгейін жиі бақылап отыру керек. Глибенкламидпен, теофиллинмен, варфаринмен, дигоксинмен, циметидин және антацидті препараттармен (мысалы, алюминий және магний гидроксидінің біріктірілімі) фармакокинетикалық өзара әрекеттесу ықтималдығын анықтау мақсатымен in vivo зерттеулер жүргізілді. Клиникалық мәнді өзара әрекеттесулері байқалған жоқ.

Нимесулид CYP2C9 ферментінің белсенділігін басады. Нимелидпен бір мезгілде осы ферменттің субстраты болып табылатын дәрілерді қолданғанда, бұл препараттардың плазмадағы концентрациясы жоғарылауы мүмкін.

Нимесулидті метотрексатты қабылдардан кем дегенде 24 сағат бұрын немесе қабылдағаннан кейін кем дегенде 24 сағат ішінде тағайындағанда сақ болу талап етіледі, өйткені мұндай жағдайларда плазмада метотрексаттың деңгейі, сәйкесінше осы препараттың уыттылық әсері де жоғарылауы мүмкін.

Бүйрек простагландиндеріне әсеріне байланысты, простагландиндердің синтетазаларының тежегіштері, ондайларға нимесулид жатады, циклоспориндердің нефроуыттылығын арттыруы мүмкін.

Фармакокинетикалық өзара әрекеттесулер: басқа препараттардың нимесулидке әсерлері

Нимесулидтің толбутамидпен, салицил қышқылы және вальпрой қышқылымен байланысу орнынан ығыстырып шығарылатындығын in vitro зерттеулері көрсеткен. Бұл өзара әрекеттесулердің қан плазмасында анықталғандығына қарамастан, көрсетілген әсерлер препаратты клиникалық қолдану үдерісінде байқалмаған.

Ауру симптомдарын (асқазан-ішек жолы және жүрек-қантамыр жүйесі тарапынан қауіптер) бақылауға қажетті барынша аз ұзақтықта ең аз тиімді дозаны пайдалана отырып, қаламаған жағымсыз әсерлерді барынша азайтуға болады. Симптомдардың жақсаруы болмаса, препаратпен ем жүргізуді тоқтатқан жөн.

Егде жастағы пациенттерде стероидты емес қабынуға қарсы препараттарға жағымсыз реакциялардың жиілігі, әсіресе, асқазан-ішектен қан кетуінің және тесілуінің жиілігі артуы мүмкін, бұл кейбір жағдайларда өлім қаупін тудыруы мүмкін; егде жастағы пациенттерде сондай-ақ бүйрек, бауыр және жүрек функциясының бұзылулары болуы мүмкін. Сондықтан мұндай пациенттерге тиісті клиникалық бақылау жүргізу ұсынылады.

Бауыр тарапынан бұзылыстар

Бауыр тарапынан қатерлі реакциялардың сирек жағдайлары, оның ішінде құрамында нимесулид бар дәрілік препараттарды қолдануға байланысты өліммен аяқталған өте сирек жағдайлар туралы хабарланған. Нимелид препаратымен емдеу кезінде бауырдың зақымдалу симптомдарына ұқсас симптомдарды (мысалы, анорексия, жүрек айну, құсу, іштің ауыруы, шаршағыштық, несеп түсінің күңгірттенуі) сезінген пациенттер немесе бауыр функциясы зертханалық талдауының деректері қалыпты мәннен ауытқыған пациенттер препаратпен емделуді тоқтатулары тиіс. Мұндай пациенттерге нимесулидті қайталап тағайындауға болмайды. Препараттың қысқа мерзімдік әсер етуінен кейін, көп жағдайда қайтымды болатын бауыр зақымданулары туралы хабарланған. Нимелидпен емдеу кезінде басқа анальгетиктерді қабылдаудан тартына тұрған жөн. Нимелид және басқа да ҚҚСП, оның ішінде циклооксигеназа-2 селективті тежегіштерін қатар қолдануды болдырмаған жөн.

Нимесулид қабылдаған және тұмауға немесе суық тиюге ұқсайтын симптомдар дамыған пациенттер препаратпен емделуді тоқтатуы тиіс.

Асқазан-ішек жолы тарапынан бұзылыстар:

Барлық ҚҚСП қабылдаған кезде, емдеу кезіндегі кез келген сәтте, хабаршы-симптомдар болса да, болмаса да немесе анамнезінде асқазан-ішек жолының елеулі бұзылыстары болғанда өмірге қауіп төндіруі мүмкін асқазан-ішек қан кетуі, ойық жара және ойық жараның тесілуі пайда болуы мүмкін екені хабарланған.

Қабынуға қарсы стероидты емес препраттардың дозасын ұлғайтқан кезде анамнезде ойық жарасы, әсіресе қан құйылумен немесе тесілумен болған пациенттерде, сондай-ақ егде пациенттерде асқазан-ішектен қан кету, ойық жара немесе ойық жараның тесілу қаупі ұлғаяды.

Бұл пациенттер үшін емдеуді мүмкіндігінше ең аз дозадан бастау керек.

Осы пациенттерге, сондай-ақ аспириннің немесе асқазан-ішек ауруларының туындау қаупін арттыратын басқа да препараттардың төмен дозаларын бір мезгілде қабылдайтын пациенттер үшін үшін қорғайтын заттарды (мысалы, мисопростолды немесе протонды сорғы тежегіштерін) қолдана отырып, біріктірілген ем жүргізу мүмкіндігін қарастырған жөн.

Асқазан-ішек жолының уытты зақымдануы бар пациенттер, әсіресе егде адамдар, асқазан-ішек жолы аймағында туындаған кез келген өзгеше симптомдар (әсіресе, асқазан-ішектен қан кету) жайлы хабарлаулары тиіс. Бұл емдеудің бастапқы сатысында өте маңызды.

Асқазан-ішектен қан кету, ойық жаралардың немесе тесілулердің пайда болуы емдеудің әртүрлі сатыларында хабаршы-симптомдардың немесе анамнезде АІЖ тарапынан патологияның бар-жоғына қарамастан байқалды. Егер асқазан-ішектен қан кетсе немесе асқазан-ішек жолы ойық жараланса, нимесулидпен емдеуді дереу тоқтату керек. Нимелидті анамнезде асқазан-ішек жолының аурулары (пептикалық ойық жараны, асқазан-ішектен қан кетуді, спецификалы емес ойық жаралы колитті немесе Крон ауруын қоса алғанда) бар пациенттерге сақтықпен тағайындау керек.

Ойық жара немесе қан кетудің туындау қаупін ұлғайтуы мүмкін қатар жүретін препараттарды, мысалы, ішу арқылы қабылданатын кортикостероидтарды, варфарин, серотониннің қайта сіңуінің селективті тежегіштері сияқты антикоагулянттарды немесе аспирин сияқты антитромбоцитарлық дәрілерді қабылдап жүрген пациенттер препаратты қабылдау кезінде сақтық таныту қажеттілігі жайында хабардар болулары тиіс.

Нимелид препаратын қабылдайтын пациенттерде асқазан-ішектен қан кетуі немесе ойық жара туындаған жағдайда, препаратпен емдеуді тоқтату керек.

Анамнезінде асқазан-ішек аурулары бар (спецификалы емес ойық жаралы колит, Крон ауруы) пациенттерге, бұл аурулардың асқынуы мүмкін болғандықтан, ҚҚСП сақтықпен тағайындаған жөн.

Тері тарапынан бұзылыстар

Стероидты емес қабынуға қарсы препараттарға терінің елеулі реакция беруінің өте сирек жағдайлары туралы деректер бар, олардың кейбіреулері өлім қаупін тудыруы мүмкін. Оның ішінде эксфолиативті дерматит, Стивенс – Джонсон синдромы, және уытты эпидермалық некролиз. Байқап қарағанда, пациенттер тері реакциялары дамуының ең көп қаупіне емнің бастапқы кезеңінде ұшырайды. Нимелидті тері бөртпесінің алғашқы белгілерінде, шырышты қабықтардың зақымдануында және басқа аллергиялық реакция белгілерінде тоқтату керек.

Бүйрек тарапынан бұзылыстар

Бүйрек немесе жүрек жеткіліксіздігі бар пациенттерде Нимелидті сақтықпен қолдану керек, өйткені препарат бүйрек функциясын нашарлатуы мүмкін.

Мұндай жағдайда емдеуді тоқтату керек.

Фертильділікке әсері

Нимесулидті қолдану әйелдер фертильділігін төмендетуі мүмкін, сондықтан ол жүктілікті жоспарлаған әйелдерге тағайындауға ұсынылмайды. Ұрықтану жөнінде қиындықтары бар немесе бедеулікке тексеріліп жүрген әйелдерде Нимелидті тоқтату мүкіндігін қарастыру керек.

Нимелидтің құрамында сахароза бар. Бұл препарат фруктозаны көтере алмайтын туа біткен сирек ахуалы, глюкоза-галактозаның мальабсорбциясы, немесе сахарaза-изомальтаза жеткіліксіздігі бар пациенттерге тағайындалмауы тиіс.

Жүрек-қантамыр және цереброваскулярлық жүйелер тарапынан бұзылыстар:

Анамнезінде артериялық гипертензия және/немесе әлсіз/орташа жедел жүрек жеткіліксіздігі бар пациенттерге, сондай-ақ ҚҚСП емге қолдануға реакция түрінде организмде сұйықтық іркілуі мен ісінулердің туындауы бар пациенттерге жай-күйін тиісті бақылау және дәрігердің кеңесі талап етіледі.

Клиникалық зерттеулер мен эпидемиологиялық деректер кейбір қабынуға қарсы стероидты емес препараттардың, әсіресе жоғары дозаларда және ұзақ қолданған кезде, елеусіз артериялық тромбоздық жағдайлдардың (мысалы, миокард инфарктісі немесе инсульттің) туындау қаупіне әкелу ықтималдығы туралы қорытынды жасауға мүмкіндік береді. Нимесулидті қолдану кезінде мұндай оқиғалардың туындау қаупін жоққа шығаруға деректер жеткіліксіз.

Бақыланбайтын артериялық гипертензиясы, жедел жүрек жеткіліксіздігі, анықталған ишемиялық жүрек ауруы, шеткері артериялар ауруы және/немесе цереброваскулярлық ауруы бар пациенттерге нимесулидті жағдайды мұқият бағалаудан кейін ғана тағайындаған жөн.

Жүрек-қантамыр аурулары дамуының қауіп факторлары бар пациенттерді (мысалы, артериялық гипертония, гиперлипидемия, қант диабеті, темекі тарту кезінде) ұзақ уақыт емдеуді бастар алдында да жай-күйді осылайша мұқият қарастыру қажет.

Нимесулид тромбоциттердің функциясына ықпал етуі мүмкін болғандықтан, оны геморрагиялық диатезі бар пациенттерге сақтықпен тағайындау керек. Алайда, Нимелид жүрек-қантамырлар ауруларының профилактикасы кезінде ацетилсалицил қышқылын алмастыра алмайды.

Жүктілік және лактация кезеңі

Нимелидті жүктілік кезінде пайдалануға болмайды.

Препаратты лактация кезінде қолдану қажет болған жағдайда емшек емізуді тоқтату мәселесін шешу керек.

Дәрілік заттың көлік құралдарын немесе қауіптілігі зор механизмдерді басқару қабілетіне ықпал ету ерекшеліктері

Препаратты қолдану кезінде бас айналу және ұйқышылдық тәрізді жағымсыз әсерлер туындау мүмкіндігіне байланысты, оны ерекше зейін қоюды, шапшаң психикалық және қимыл реакцияларын талап ететін қауіптілігі зор әрекет түрлерімен шұғылданатын пациенттерге тағайындаған кезде сақ болу керек.

Симптомдары: летаргия, жүрек айну, құсу және эпигастральдік аймақтағы ауыру. Бұл симптомдар әдетте демеуші ем кезінде қайтымды болады. Асқазан-ішектен қан кету, артериялық гипертензия, жедел бүйрек жеткіліксіздігі, анафилаксиялық реакциялар, тыныс алудың бәсеңдеуі және кома байқалуы мүмкін.

Емі: симптоматикалық және демеуші. Арнайы антидоты жоқ. Стационарға препараттың артық дозалану симптомдарымен түскен науқастарға (оны қабылдағаннан кейін 4 сағат ішінде немесе жоғары дозасын қабылдағаннан кейін) асқазанды шаю, белсендірілген көмірді (ересектерге – 60-100 мг) және/немесе осмостық типтегі іш жүргізетін дәрілерді енгізу ұсынылады. Бауыр мен бүйрек функциясына тұрақты бақылау жасау қажет. Нимесулидті гемодиализ көмегімен шығару мүмкіндігі туралы деректер жоқ. Бірақ, оның қан плазмасындағы ақуыздармен байланысу дәрежесінің жоғарылығын ескеріп (97.5% дейін), препарат артық дозаланған кезде гемодиализді, гемоперфузияны, жеделдетілген диурезді және несепті сілтілеуді тиімсіз деп болжауға болады.

Шығарылу түрі және қаптамасы

Термобекітпемен жабылған, көп қабатты ламинацияланған пакетке 2 г түйіршіктерден.

6, 10 немесе 30 пакеттен медициналық қолдану жөніндегі мемлекеттік және орыс тілдеріндегі нұсқаулықпен бірге бүктемелі қорапқа салынады.

Түпнұсқалық қаптамасында, 25 °C-ден аспайтын температурада сақтау керек.

Балалардың қолы жетпейтін жерде сақтау керек!

4 жыл

Қаптамасында көрсетілген жарамдылық мерзімі өткеннен кейін препаратты пайдалануға болмайды.

Рецепт арқылы

Өндіруші

Ромфарм Компани С.Р.Л., Отопень қ., Ероилор к-сі №1А, Румыния

тел. +40 21 208 9743, +40 21 208 97 42, факс: +40 21 266 49 38

Ромфарм Компани С.Р.Л., Отопень қ., Ероилор к-сі №1А, Румыния

Қазақстан Республикасы аумағында тұтынушылардан өнім сапасына қатысты шағымдарды қабылдайтын ұйымның мекенжайы

«Ромфарм Компани» ҚР өкілдігі, Алматы қ., 050013, Бұқар Жырау бульвары, 33-үй, «Жеңіс» БО, 41-кеңсе

Телефон: 8 (727) 247-07-85, факс: 8 (727) 376-35-88

Қазақстан Республикасы аумағында дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«Ромфарм Компани» ҚР өкілдігі, Алматы қ., 050013, Бұқар Жырау бульвары, 33-үй, «Жеңіс» БО, 41-кеңсе

Телефон: 8 (727) 247-07-85, факс: 8 (727) 376-35-88

электронды почта: amangul-62@mail.ru