Никотиновая кислота (1 мл)

МНН: Никотиновая кислота
Производитель: Химфарм АО
Анатомо-терапевтическо-химическая классификация: Nicotinic acid
Номер регистрации в РК: № РК-ЛС-5№009415
Период регистрации: 30.03.2015 - 30.03.2020
Республиканский центр развития здравоохранения
КНФ (ЛС включено в Казахстанский национальный формуляр лекарственных средств)
Включено в Список ЛС в рамках ГОБМП, подлежащих закупу у Единого дистрибьютора
ЕД (Включено в Список ЛС в рамках ГОБМП, подлежащих закупу у Единого дистрибьютора)
Предельная цена закупа в РК: 9.15 KZT

Инструкция

Саудалық атауы

Никотин қышқылы

Халықаралық патенттелмеген атауы

Никотин қышқылы

Дәрілік түрі

1% инъекцияға арналған ерітінді, 1 мл

Құрамы

1 мл ерітіндінің құрамында

белсенді зат - 10 мг никотин қышқылы,

қосымша заттар: натрий гидрокарбонаты, инъекцияға арналған су.

Сипаттамасы

Мөлдір, түссіз сұйықтық.

Фармакотерапиялық тобы

Гиполипидемиялық препараттар. Гипохолестеринемиялық және гипотриглицеридемиялық препараттар. Никотин қышқылы және оның туындылары. Никотин қышқылы.

АТХ коды C10AD02

Фармакологиялық қасиеттері

Фармакокинетикасы

Никотин қышқылы парентеральді түрде енгізген кезде тез сіңеді. Ағзалар мен тіндерге біркелкі таралады. Негізінен, метилдену арқылы және азырақ конъюгациялануы арқылы белсенділігі жойылады. N-метилникотинамид, метилпиридонкарбоксамидтер, глюкуронид және глицинмен кешен түзе отырып, бауырда ішінара биоөзгеріске ұшырайды. Жартылай шығарылу кезеңі (Т1/2) – 45 минут. Организмнен бүйрек арқылы өзгермеген күйінде және метаболиттер түрінде шығарылады. Бүйректік клиренсі никотин қышқылының қан плазмасындағы концентрациясына байланысты және оның плазмадағы концентрациясы жоғары болған кезде төмендеуі мүмкін.

Фармакодинамикасы

Құрылымы бойынша никотин қышқылы никотинамидке ұқсас.Никотин қышқылы және оның амиді организмнің тіршілігінде елеулі рөл атқарады: олар – сутегіні тасымалдаушы және тотығу-тотықсыздану үдерістерін жүзеге асыратын кодегидраза І (дифосфопиридиннуклеотид - НАД) және кодегидраза ІІ (трифосфопиридиннуклеотид - НАДФ) ферменттерінің простетикалық тобы болып табылады. Кодегидраза ІІ фосфатты тасымалдауға да қатысады.

Никотин қышқылы РР витамині тапшылығының орнын толтырады, қантамырларды кеңейтетін әсер береді. Тіндік тыныс алуды, май алмасуларын реттеуге қатысады, холестериннің, тығыздығы төмен липопротеидтердің (әсіресе триглицеридтердің) жалпы деңгейін төмендетеді.

Қолданылуы

- пеллаграның (РР авитаминозы) профилактикасында және емдеуде

Кешенді ем құрамында: аяқ-қол қантамырларының тарылуында (облитерациялайтын эндартериит, Рейно ауруы), бет жүйкесінің невритінде, ми қанайналымының ишемиялық бұзылуларында.

Қолдану тәсілі және дозалары

Никотин қышқылын ерсектерге тері астына, бұлшықет ішіне немесе көктамыр ішіне баяу енгізеді.

Көктамыр ішіне сорғалатып енгізу үшін препараттың бір реттік дозасын 10 мл 0,9 % натрий хлориді ерітіндісінде сұйылтады, кемінде 5 минут ішінде енгізеді (1 минут ішінде 2 мг никотин қышқылынан асырмай).

Көктамыр ішіне тамшылатып енгізу үшін препараттың бір реттік дозасын 100-200 мл 0,9 % натрий хлориді ерітіндісінде сұйылтады, енгізу жылдамдығы – минутына 30-40 тамшы.

Теріастылық және бұлшықетішілік енгізулері ауысынумен жүреді.

Пеллаграда көктамыр ішіне немесе бұлшықет ішіне 1% ерітіндіні 10-15 күн бойы күніне 1-2 рет 1 мл-ден енгізеді.

Ми қанайналымының ишемиялық бұзылуында көктамыр ішіне (баяу) 1 мл 1% ерітіндіні енгізеді.

Басқа көрсетілімдерде тері астына немесе бұлшықет ішіне 10-15 күн бойы күніне 1 рет 10 мг (1 мл) тағайындайды. Инфузиялық ерітіндіге: 10 мг (1 мл) никотин қышқылын 100-200 мл инфузиялық ерітіндіге қосуға болады.

Көктамыр ішіне енгізгендегі жоғарғы дозалары: бір реттік – 100 мг (10 мл), тәуліктік – 300 мг (30 мл).

Жағымсыз әсерлері

- шаншу мен күйдіру сезімі болатын бет және дененің үстіңгі жағының гиперемиясы (сезімталдығы жоғары адамдарда)

- есекжем, қышыну сезімі, бөртпе

- бас айналуы, басқа қан тебу сезімі, бас ауыруы

- ортостатикалық гипотензия, коллапс (көктамыр ішіне жылдам енгізгенде)

Жоғары дозаларда ұзақ қолданған кезде

- терінің құрғауы, эксфолативтік дерматит

- анорексия, құсу, диарея

- бауыр функциясының бұзылуы, оның ішінде бауырдың майлы дистрофиясы, сарғаю

- аритмиялар

- парестезиялар

- гиперурикемия

- гиперпигментация, гиперкератоз

- глюкозаға төзімділіктің төмендеуі

- гипергликемия

- аспартатаминотрансфераза, лактатадегидрогеназа, сілтілік фосфатаза белсенділігінің транзиторлық жоғарылауы

- асқазан-ішек жолы шырышты қабығының тітіркенуі

- астения

- теріасты және бұлшықетішілік инъекциялары орнының ауыруы.

Қолдануға болмайтын жағдайлар

- никотин қышқылына жоғары сезімталдық

- артериялық гипертензияның ауыр түрлері

- атеросклероз (көктамырішілік инъекция үшін)

- асқазан мен он екі елі ішектің ойық жара ауруы (өршу сатысында)

- бауыр функциясының айқын бұзылуы: гепатит, бауыр циррозы

- жуырда бастан өткерген миокард инфарктісі

- декомпенсацияланған қант диабеті

- подагра және гиперурикемия

- жүктілік, лактация кезеңі

- 18 жасқа дейінгі балаларға

Дәрілермен өзара әрекеттесуі

Пероральді ұрықтануға қарсы дәрілер мен изониазид триптофанның никотин қышқылына өзгеруін төмендетеді, сол арқылы, никотин қышқылына қажеттілікті арттыруы мүмкін.

Никотин қышқылы барбитураттардың, туберкулезге қарсы дәрілердің, сульфаниламидтердің тиімділігі мен уыттылығын төмендетеді. Сульфонилмочевина препараттарымен бірге қолданғанда қандағы глюкоза мөлшерін арттыруы мүмкін. Сондай-ақ никотин қышқылы неомициннің уыттылығын төмендетеді және олар индукциялайтын холестерин мен тығыздығы жоғары липопротеидтер концентрациясының азаюын болдырмайды.

Антибиотиктер никотин қышқылы туғызатын терінің қызаруын күшейтуі мүмкін.

Ацетилсалицил қышқылы никотин қышқылының әсерінен туындайтын терінің қызару әсерін төмендетеді.

Ципрофибратты никотин қышқылымен біріктіру ұсынылмайды.

Жағымсыз реакциялар дамуы мүмкін болғандықтан, ловастатинді, правастатинді никотин қышқылымен біріктіру ұсынылмайды.

Гипотензиялық дәрілермен (гипотензиялық әсері күшеюі мүмкін), антикоагулянттармен, ацетилсалицил қышқылымен (геморрагиялардың даму қаупіне байланысты) біріктіргенде сақ болу қажет.

Препарат фибринолитикалық дәрілердің, спазмолитиктер мен жүрек гликозидтерінің әсерін, алкогольдің бауырға уытты әсерін әлеуеттендіреді.

Тиамин хлориді ерітіндісімен араластырмау керек (тиаминнің ыдырауы жүреді).

Айрықша нұсқаулар

Препаратты қолданар алдында дәрігермен кеңесу қажет.

Ұзақ уақыт қолдану бауырдың майлы дистрофиясына алып келуі мүмкін болғандықтан, соңғысының профилактикасы үшін науқастардың емдәміне метионинге бай өнімдерді қосады немесе метионинді, липой қышқылын тағайындайды. Емдеу үдерісінде бауыр функциясын бақылауда ұстау қажет. Препаратқа жоғары сезімталдық пайда болса (тамырды кеңейткіш дәрі ретінде қолданылған жағдайларынан басқа), никотинамидке алмастыруға болады.

Препаратты гиперацидті гастритте, асқазан мен он екі елі ішектің ойық жара ауруында (өршу сатысынан тыс) сақтықпен қолданады.

Препаратты қолдану қант диабетімен науқастарда инсулинге қажеттіліктің артуына алып келуі мүмкін. Қант диабетімен науқастарда дислипидемияны түзету үшін қолдану керек емес.

Глюкозаға төзімділіктің төмендеу мүмкіндігіне байланысты глюкозаға, сондай-ақ ұзақ емдеу нәтижесінде жоғарылау мүмкіндігін ескере отырып, сарысудағы несеп қышқылы деңгейіне ұдайы мониторинг жүргізіп отыру қажет.

Глаукомада, қан кетулерде, артериялық гипотензияда, бауыр және бүйрек функциясының бұзылуында, сыртартқыдағы бауыр аурулары мен оның функциясының бұзылуында, қант диабетінде, жүрек ырғағының бұзылысында, бас сақинасында, алкогольді асыра пайдалануда сақтықпен тағайындайды.

Дәрілік заттың көлік құралын немесе қауіптілігі зор механизмдерді басқару қабілетіне ықпал ету ерекшеліктері

Дәрілік препараттың жағымсыз әсерлерін ескере отырып, автокөлікті және қозғалыстағы механизмдерді басқарған кезде сақ болған жөн.

Артық дозалануы

Симптомдары: жүрек-қантамыр жүйесі тарапынан болатын жағымсыз әсерлердің күшеюі – артериялық гипотензия, бас ауыруы, естен тануы, бас айналуы мүмкін, басқа қан тебуді сезіну.

Емі: препаратты тоқтату, уытсыздандырғыш ем, симптоматикалық ем. Арнайы у қайтарғысы жоқ.

Шығарылу түрі және қаптамасы

1 мл-ден еккішпен толтырылатын бейтарап шыныдан жасалған немесе импорттық ампулаларға немесе сындыру нүктесі немесе сындыру сақинасы бар еккішпен толтырылатын импорттық стерильді ампулаларда.

Әр ампулаға заттаңбалық немесе жазу қағазынан жасалған заттаңба жапсырылады.

5 немесе 10 ампуладан поливинилхлоридті үлбір мен алюминий немесе импорттық фольгадан жасалған пішінді ұяшықта қаптамаға қаптайды.

Қораптық картондар картоннан немесе гофрланған картоннан жасалған қораптарға салынады.

Пішінді қаптамалармен медициналық қолдану жөніндегі мемлекеттік және орыс тіліндегі бекітілген нұсқаулықтарды топтық қаптамаға салады. Нұсқаулықтар қораптардың немесе қаптамалардың санына қарай салынады.

Сақтау шарттары

Жарықтан қорғалған жерде, 30°С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

5 жыл

Жарамдылық мерзімі өткеннен кейін пайдалануға болмайды.

Дәріханалардан босатылу шарттары

Рецепт арқылы

Өндіруші

«Химфарм» АҚ, Қазақстан Республикасы

Тіркеу куәлігінің иесі

«Химфарм» АҚ, Қазақстан Республикасы

Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын ұйымның мекенжайы

«Химфарм» АҚ, Қазақстан Республикасы

Шымкент қ., Рашидов к-сі, 81

Телефон нөмірі 7252 (561342)

Факс нөмірі 7252 (561342)

Электронды поштасы infomed@santo.kz

 

Прикрепленные файлы

090225101477976502_ru.doc 73.5 кб
594383341477977663_kz.doc 80 кб

Отправить прикрепленные файлы на почту

Источники

Национальный центр экспертизы лекарственных средств, изделий медицинского назначения и медицинской техники