Неофен (50 мг/г)

МНН: Ибупрофен
Производитель: БЕЛУПО, лекарства и косметика д.д.
Анатомо-терапевтическо-химическая классификация: Ibuprofen
Номер регистрации в РК: № РК-ЛС-5№022139
Период регистрации: 31.03.2016 - 31.03.2021

Инструкция

Саудалық атауы

НЕОФЕН

Халықаралық патенттелмеген атауы

Ибупрофен

Дәрілік түрі

Cыртқа қолдануға арналған спрей, 50 мг/г

Құрамы

1 грамм препараттың құрамында

белсенді зат – 50 мг ибупрофен бар

қосымша заттар: 96 % этанол, макрогол 300, макрогол цетостеараты 22, тазартылған су

Сипаттамасы

Этанолдың иісі бар, мөлдір түссіз ерітінді

Фармакотерапиялық тобы

Тірек-қимыл аппараты ауруларын жергілікті емдеуге арналған препараттар. Жергілікті қолдануға арналған қабынуға қарсы стероидты емес препараттар. Ибупрофен.

ATХ коды M02AA13

Фармакологиялық қасиеттері

Фармакокинетикасы

Жергілікті қолдануға арналған дәрі түріндегі ибупрофен жұмсақ тіндерде, буындар мен синовиальді сұйықтықта жоғары емдік мәнді жергілікті концентрацияға жете отырып, жылдам және үлкен көлемде тері арқылы өтеді.

Осыған қарамастан, ибупрофенге жоғары сезімталдықтың сирек жағдайларын қоспағанда, жағымсыз жүйелік әсерінің кез келген түрін туындату үшін плазмадағы концентрациясы тым төмен болып қалады.

Ибупрофеннің биотрансформациясы мен бөлінуінде оны пероральді немесе жергілікті қолданған кезде елеулі айырмашылықтар жоқ.

Фармакодинамикасы

Ибупрофен – анальгетикалық және қабынуға қарсы әсер ететін жергілікті қолдануға арналған қабынуға қарсы стероидты емес препарат. Ибупрофен тікелей қолданған жерге қабынған тіндерде простагландин синтезін тежеу арқылы әсер етеді. Бұл дәрі ұшқыш сулы-спиртті ерітінді болғандықтан, оның ауырған аймаққа тыныштандыратын және салқындататын әсер береді.

Қолданылуы

- арқаның ауыруы, ревматизмдік және бұлшықеттің ауыруы, байламдар созылуы, буынның шығуы мен невралгияны қоса, тірек-қимыл аппаратының ауыруы мен қабынуларын жергілікті емдеуде

- жеңіл артрит түрлерінде ауыруды симптоматикалық жеңілдетуде.

Қолдану тәсілі және дозалары

Препарат сыртқа қолдануға арналған.

Спрей бар құтыны шашыратқышын жоғары немесе төмен етіп, тігінен тұрған қалпында сақтау қажет. Спрейді теріге 10-15 см арақашықтықта жағады. Әрбір 2-3 басудан кейін препаратты тікелей ауыру аймағының үстіне және оның айналасына теріге жеңіл ғана ысқылайды. Жағатын препараттың дәл мөлшері ауыру аймағы мен ауырлығына байланысты құбылып отыруы мүмкін, алайда 5-10 басу (1-2 мл) әдетте жеткілікті. Көрсетілген мөлшерді күніне 3-4 рет немесе қажет болса, жиірек қолдануға болады. Шамадан тыс үлкен дозаларды қолдану ұсынылмайды. Қолдың ауырғанын емдеу үшін қолданатын жағдайларды қоспағанда, препаратты қолданғаннан кейін қолды жуу керек. Емдеу ұзақтығы емдеу дәрігер ұсынымы бойынша жалғастыратын жағдайларды қоспағанда, бірнеше аптадан аспауы тиіс.

Препаратты дозалау мен қолдану режимі барлық жастағы пациенттерді емдеуде бірдей болады, алайда осы үшін дәрігердің ұсынымы болатын жағдайларды қоспағанда, спрей түріндегі ибупрофен 12 жастан кіші балаларды емдеуге ұсынылмайды.

Жағымсыз әсерлері

Ибупрофенді қолданғанда төменде аталған жағымыз құбылыстар сезімталдығы жоғары адамдарда өте сирек туындайды, сондықтан жергілікті қолданғанда ықтималдығы айрықша төмен. Мұндай жағдайларда препарат қолдануды бірден тоқтату қажет.

Жалпы бұзылулар және препаратты қолданған орындағы реакциялар

Аса жоғары сезімталдық реакциясы төмендегі түрінде анықталады:

- спецификалық емес аллергиялық реакциялар және анафилаксиялық шок

- демікпе, демікпе кезіндегі жай-күйдің нашарлауы, бронх түйілуі немесе диспноэ

- типтері әртүрлі бөртпе, қышыну, есекжем, пурпура, Квинке ісінуі және жиілігі аздау – буллезді дерматоз (эпидермальді некролиз және erythema multiforme)

Бүйрек функциясы мен несеп шығару жүйесінің бұзылуы

- анамнезде бүйрек аурулары бар пациенттерде бүйрек функциясының бұзылуы туындауы мүмкін.

Ас қорыту жүйесінің бұзылуы

- іштің ауыруы, диспепсия

Қолдануға болмайтын жағдайлар

Препаратты мынадай жағдайларда қолануға болмайды:

- ибупрофенге немесе препарат құрамындағы қосымша заттарға аса жоғары сезімталдық

- бұрын ацетилсалицил қышқылына, ибупрофенге немесе қабынуға қарсы стероидты емес препаратқа аса жоғары сезімталдығы байқалған демікпесі, аллергиялық риниті немесе есекжемі бар пациенттерге

- тері зақымдануында

- жүктілік және лактация кезеңі

Дәрілермен өзара әрекеттесуі

Қабынуға қарсы стероидты емес препараттар қан қысымын төмендетуге арналған препараттармен өзара әрекеттесуі және антикоагулянттар әсерін күшейтуі мүмкін. Көрсетілген дәрілерді жергілікті қолданғанда ұқсас өзара әрекеттесулер ықтималдығы елеусіз болып табылады.

Иибупрофенді спрей түрінде және ацетилсалицил қышқылын немесе ҚҚСП бір мезгілде қолдану жағымсыз әсерлердің туындау жағдайлары артуына әкелуі мүмкін.

Айрықша нұсқаулар

Бұл препарат тұтанғыш зат болып табылады. Препаратты ашық от көздеріне электр жылытқыштарға немесе басқа да тұтану көздеріне жақын бүркуге тыйым салынады.

Егер симптомдар нашарлап немесе ұзақ уақыт бойы қайталанатын болса, дәрігермен кеңесу қажет. Пероральді қолданатын қабынуға қарсы стероидты емес дәрілер, оның ішінде ибупрофен, бүйрек зақымдануының, белсенді ойық жаралы ауру нашарлауының себебі болуы немесе сезімталдығы жоғары демікпесі бар адамдарда аллергиялық бронх реакциясын туындатуы мүмкін. Ибупрофеннің жүйелік сіңуі пероральді қабылдауға қарағанда жергілікті қолданғанда аздау. Сирек жағдайларда асқынулар туындауы мүмкін. Осы себептен бұл препаратты қолданғанда белсенді ойық жаралы ауруы, анамнезде бүйрек ауруы, демікпесі, ацетилсалицил қышқылы немесе ибупрофен жақпаушылығы бар науқастардың дәрігермен кеңесулері қажет.

Препараты көзге жақын немесе шырышты қабыққа жақын қолдануға болмайды.

Көлік құралдары мен механизмдерді басқару қабілетіне әсер етуі.

Жергілікті қолданғанда ибупрофеннің көлік құралдары мен жабдықтарды басқаруға әсер етуі туралы деректер жоқ.

Артық дозалануы

Ибупрофенді жергілікті қолданғанда теріде артық дозалану жағдайлары тіркелмеген.

Шығарылу түрі және қаптамасы

50 мл препараттан шашыратқыш помпалық механизмі және қорғаныш пластик қалпақшасы бар тығыздығы жоғары полиэтиленнен жасалған құтыда.

1 құты пластик құрылғы-шашыратқышпен жинақта медициналық қолдану жөніндегі мемлекеттік және орыс тіліндегі нұсқаулықпен бірге картон қорапшаға салынады.

Сақтау шарттары

25 ºС-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

2 жыл

Жарамдылық мерзімі өткеннен кейін препаратты пайдалануға болмайды.

Дәріханалардан босатылу шарттары

Рецептісіз

Өндіруші/Қаптаушы

БЕЛУПО, дәрілер және косметика д.д., Хорватия Республикасы.

Тіркеу куәлігінің иесі

БЕЛУПО, дәрілер және косметика д.д., Хорватия Республикасы.

Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын ұйымның мекенжайы:

«BELUPO, дәрілер және косметика д.д.» Қазақстан Республикасындағы өкілдігі

Алматы қ., Желтоқсан к-сі, 87, 24,25,26 кеңсе.

Тел. +7(727) 225-01-64;

Факс +7(727) 279-35-33

e-mail: belupo@belupo.kz

Қазақстан Республикасы аумағында дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері:

«BELUPO, дәрілер және косметика д.д.» Қазақстан Республикасындағы өкілдігі

Алматы қ., Желтоқсан к-сі, 87, 24,25,26 кеңсе.

Тел. +7(727) 225-01-64;

Факс +7(727) 279-35-33

e-mail: belupo@belupo.kz

 

Прикрепленные файлы

555364251477976267_ru.doc 44.5 кб
077433191477977475_kz.doc 58.5 кб

Отправить прикрепленные файлы на почту

Источники

Национальный центр экспертизы лекарственных средств, изделий медицинского назначения и медицинской техники