Неомицин с дексаметазоном

МНН: Дексаметазон, Неомицин
Производитель: Фармацевтическая компания "МЕДОПТИК"
Анатомо-терапевтическо-химическая классификация: Дексаметазон в комбинации с противомикробными препаратами
Номер регистрации в РК: № РК-ЛС-3№020974
Период регистрации: 10.05.2018 - 10.05.2023
Республиканский центр развития здравоохранения
КНФ (ЛС включено в Казахстанский национальный формуляр лекарственных средств)

Инструкция

Саудалық атауы

Неомицин дексаметазонмен

Халықаралық патенттелмеген атауы

Жоқ

Дәрілік түрі

Көз, құлақ, мұрын тамшысы 5 мл

Құрамы

1 мл препараттың құрамында

белсенді заттар: 5,0 мг неомицин сульфаты, 1,0 мг дексаметазон натрий фосфаты,

қосымша заттар: натрий хлориді, натрий дигидрофосфат дигидраты, динатрий фосфат додекагидраты, инъекцияға арналған су.

Сипаттамасы

Түссіз немесе аздап сарғыш түсті мөлдір сұйықтық

Фармакотерапиялық тобы

Офтальмологиялық және отологиялық ауруларды емдеуге арналған препараттар.

Микробтарға қарсы препараттармен біріктірілген глюкокортикоидтар.

Микробқа қарсы препараттармен біріктірілген дексаметазон.

АТХ коды S03CA01

Фармакологиялық қасиеттері

Фармакокинетикасы

Неомицин іс жүзінде жүйелі сіңірілуге ұшырамайды, 6 сағат ішінде мөлдір қабық стромасында, алдыңғы камера ылғалында және шыны тәрізді денеде емдік концентрацияда анықталады.

Дексаметазон сулы ылғалға, мөлдір қабыққа, нұрлы қабыққа, көздің қан тамырлы қабығына, цилиарлы дене мен торқабыққа сіңеді. Жүйелі сіңуі жоғары дозалар қолданғанда немесе ұзақ емделгенде ғана пайда болуы мүмкін. Шамамен 30 нг/мл құрайтын сулы ылғалдағы ең жоғарғы концентрациясына екі сағат ішінде жетеді, ол соңынан жарты сағаттан 3 сағатқа дейінгі аралықта төмендейді.

Неомицин дексаметазонмен препаратын құлаққа қолданғанда дабыл жарғағы бүтін болса, оның жүйелі сіңірілуі болмайды.

Фармакодинамикасы

Неомицин дексаметазонмен – микробтарға және қабынуға қарсы әсері бар, офтальмологияда және оториноларингологияда жергілікті қолдануға арналған біріктірілген препарат. Бұл аминогликозид тобының әсер ету ауқымы кең антибиотигі – неомицин сульфаты мен глюкокортикоидты гормон – дексаметазон натрий фосфатының болуымен байланысты.

Неомицин бактерицидтік әсер көрсетеді. Әсер ету механизмі рибосомаға тікелей әсер етуімен және бактериялық жасуша ақуызы синтезін басумен байланысты. Көптеген грамоң және грамтеріс микроорганизмдерге, оның ішінде Staphylococcus aureus, Streptococcus pneumoniae, Esherichia coli, Proteus, Shigella қатысты белсенді. Стрептококктар мен Pseudomonas aeruginosa-ға қатысты тиімділігі аз. Патогенді зеңдерге, вирустарға, анаэробты бактерияларға қатысты тиімді емес. Микроорганизмдердің неомицинге төзімділігі баяу және аз дәрежеде дамиды.

Дексаметазон — глюкокортикоидты дәрі. Қабынуға қарсы, аллергияға қарсы және десенсибилизациялаушы әсер етеді. Дексаметазон жасушалық жарғақшаны тұрақтандырады, қылтамырлардың өткізгіштігін азайтады, лизосома жарғақшаларын тұрақтандыру есебінен антиэкссудативті әсер көрсетеді.

Дексаметазонның бактерияға қарсы компонентпен біріктірілімі жұқпа үдерісінің дамуын төмендетуге мүмкіндік береді.

Қолданылуы

  • кортикостероидтармен емдеуге болатын, беткейлік бактериялық жұқпамен қатар жүретін көз ауруларын қысқа мерзімді емдеуде (вирустық және зеңдік аурулар: блефариттерді, конъюнктивиттерді, кератиттерді, иридоциклиттерді, ириттерді қоспағанда)

  • операциядан кейінгі кезеңде көздің қабыну үдерістерін емдеу және алдын алуда

  • құлақ ауруларын емдеуде: жедел және созылмалы сыртқы және ортаңғы отиттер (дабыл жарғағы зақымданбаған), сыртқы құлақтың жұқпалы-аллергиялық аурулары

  • мұрын ауруларын емдеуде: ринит, гайморит, синуситтерде

Қолдану тәсілі және дозалары

Көз үшін

Ересектерге: препаратты 1-2 тамшыдан әрбір 4-6 сағат сайын конъюнктивальді қапшыққа тамызу керек, қабыну симптомдарының азаюына қарай қолдану жиілігін біртіндеп азайтады.

Құлақ үшін

Ересектерге: құлақтың сыртқы өзегінің жұқпасы кезінде Неомицин дексаметазонмен препараты тамшысын 2-3 тамшыдан әр құлаққа күніне 3-4 рет тамызады немесе препаратқа малынған мақта тампонын құлаққа салып қою керек.

Құлаққа салқын сұйықтықтың енуімен байланысты болатын жағымсыз сезімді болдырмау үшін, құлақ тамшы дәрісін пайдаланардың алдында құтыны қолға ұстап тұрып, жылытып алуға кеңес беріледі.

Мұрын үшін

Ересектерге: әр мұрын жолына 2-3 тамшыдан күніне 3-4 рет тамызады.

Емдеу курсы 5-6 күннен аспайды.

Препаратты емдеуші дәрігердің кеңесінсіз, белгіленген мерзімнен артық қолдану ұсынылмайды.

Жағымсыз әсерлері

Сирек (ұзақ қолданған кезде):

  • кейіннен глаукоманың дамуы мүмкіндігімен, және жекелеген жағдайларда көру жүйкесі мен көру аясының зақымдануымен, көру өткірлігінің нашарлауымен көзішілік қысымның жоғарылауы

  • субкапсулярлық катаракта

  • тері реакциялары (қысқа мерзімді күйдіру, көзден жас ағу, конъюнктива гиперемиясы)

  • аллергиялық реакциялар (қабақтың қышуы және ісінуі, конъюнктиваның қызаруы)

  • екіншілік жұқпаның (зеңдік) қосылуы

  • дабыл жарғағының бүтіндігі бұзылған кезде –вестибулярлы және есту аппаратына уытты әсер ету қаупі

Қолдануға болмайтын жағдайлар

- препаратқа жоғары сезімталдық

- Herpes simplex немесе Varicellazoster вирусынан туындаған кератит (тармақтанған кератит)

- желшешек

- асқынған іріңді жұқпалы аурулар

- мөлдірқабық эпителиі тұтастығының бұзылуы және склераның жұқаруы

- көздің және құлақтың вирустық және зеңдік жұқпалары

- дабыл жарғағының жарақат алуы (тесілуі) немесе жұқпалы зақымдануы

- есту жүйкесінің невриті

- жүктілік және лактация кезінде

- 18 жасқа дейінгі балалар мен жасөспірімдер

Дәрілермен өзара әрекеттесуі

Мономицинмен, стрептомицинмен, гентамицинмен, амикацинмен және нетилмицинмен үйлесімсіз.

Неомицинге аллергия бар болса басқа да аминогликозидтерге айқаспалы аллергия болуы мүмкін.

Аминогликозидтерді (неомицин) және нейроуытты, отоуытты немесе нефроуытты әсерлері бар басқа да жүйелі, пероральді немесе жергілікті қолданылатын дәрілік препараттарды бірге және /немесе бірізді қолдану аддитивті уыттылыққа алып келуі мүмкін және, мүмкіндігінше мұны болдырмау қажет.

Айрықша нұсқаулар

Басқа аминогликозидтермен бір мезгілде қолдануға болмайды.

Кортикостероидтар бактериялық, вирустық немесе зеңдік жұқпаларға төзімділікті азайтуы мүмкін, сондай-ақ олардың дамуына ықпал етуі мүмкін; препарат компоненттеріне аса жоғары сезімталдықтықты бәсеңдету немесе антибиотиктердің тиімсіздігін уақтылы анықтауды қиындата отырып, жұқпаның клиникалық белгілерін бүркемелеуі мүмкін. Мөлдір қабықтың тұрақты ойық жарасы бар, кортикостероидтарды қабылдаған немесе қабылдап жүрген емделушілерде зеңдік жұқпаның бар болуы ықтимал. Зеңдік жұқпа расталған жағдайда кортикостероидтармен емдеу тоқтатылуы тиіс.

Склераның немесе мөлдір қабықтың жұқаруын туындататын ауруларда кортикостериодтарды жергілікті қолданған кезде, олардың тесілуі мүмкін.

Көзге жергілікті қолданылатын кортикостероидтар мөлдір қабық жарасының жазылуын баяулатуы мүмкін.

Мөлдір қабықтың герпестік зақымдану қаупін болдырмас үшін, емделушіні саңылаулы лампасы бар биомикроскопияның көмегімен жиі бақылап отыру керек.

Ұзақ пайдалану кейіннен көру жүйкесінің зақымдануымен, көз аясы және көру өткірлігінің төмендеуімен көзішілік қысымның жоғарылауына, сондай-ақ артқы субкапсулярлық катарактаның пайда болуына әкелуі мүмкін. Препаратты 10 күннен артық пайдаланған кезде көзішілік қысымды тексеріп отыру қажет.

Көздің жедел іріңді жұқпасы кезінде кортикостероидтар аурудың симптомдарын бүркемелеуі немесе өршітуі мүмкін.

Неомицин дексаметазонмен препаратымен емделу кезеңінде жанаспалы линзаларды тағып жүруге тыйым салынады. Қатты линзаларды пайдаланған кезде препаратты тамызардың алдында шешіп алып, және препаратты тамызып болғаннан кейін 15-20 минуттан соң оны қайта киген жөн.

Жүктілік және лактация кезінде

Жүктілік кезінде препараттың қауіпсіздігі және қолдану тиімділігі анықталмаған.

Препаратты жүктілік кезінде қолдану ұсынылмайды.

Препаратты жергілікті қолданғаннан кейін оның белсенді компоненттерінің ана сүтіне өтетіндігі туралы нақты мәліметтер жоқ.

Жүйелі кортикостероидтар мен аминогликозидтер ана сүтіне өтетін болғандықтан, емшектегі балалар үшін төнетін қауіп жоққа шығарылмайды.

Препаратты тағайындағанда емізуді уақытша тоқтату немесе оны мүлдем тоқтату туралы сараланған шешім қабылдау қажет (бала үшін емшек емудің пайда/қаупін және әйел үшін емнің пайдасын ескере отырып, препаратпен емдеуден бас тарту).

Педиатрияда қолданылуы

Дәрілік заттың балалар мен жасөспірімдер үшін қауіпсіздігі мен тиімділігі жайында мәліметтер жоқ.

Көлік жүргізуге және механизмдерді басқару қабілетіне ықпалы

Егер препаратты қолданғаннан кейін емделушіде көру жітілігі уақытша төмендесе, ол қалпына келгенге дейін автомобиль басқаруға және зейінді шоғырландыруды және психомоторлық реакциялардың жылдамдығын қажет ететін басқа да іс әрекетпен айналысуға болмайды.

Артық дозалануы

Тамшы дәрілерді жергілікті қолданғанда артық дозалану ықтималдығы аз.

Шығарылу түрі және қаптамасы

Алғашқы ашылуы бақыланатын қақпақпен тұмшаланып тығындалған, полиэтиленнен жасалған тамшылатқыш-құтыларда 5 мл- ден.

1 құтыдан медицинада қолданылуы жөніндегі мемлекеттік және орыс тілдеріндегі нұсқаулықпен бірге қораптық картоннан жасалған қорапшаға салынған.

Картон қорапқа 10, 20, 100 немесе 500 қорапшадан салынған.

20, 100 немесе 1000 құтыдан (қорапшаға салмай) құты санына қарай медицинада қолданылуы жөніндегі мемлекеттік және орыс тілдеріндегі нұсқаулықпен бірге қораптық картоннан жасалған қорапқа салынады.

Сақтау шарттары

Жарықтан қорғалған жерде, 25 ºС-ден аспайтын температурада сақтау керек.

Балалардан қорғау керек!

Сақтау мерзімі

2,0 жыл

Құтыны ашқаннан кейінгі қолдану кезеңі - 4 аптадан аспауы керек.

Жарамдылық мерзімі өткеннен кейін қолдануға болмайды.

Дәріханадан босатылу шарттары

Рецепт арқылы

Өндіруші

«Медоптик» ЖШС, Қазақстан Республикасы

Алматы қ-сы, Огарев к-сі 2 «б»

тел: 8 (727) 2320822,2320823, 2320824

факс: 8 (727) 3832202

Е-mail: medoptic1@rambler.ru

Тіркеу куәлігінің иесі

«Медоптик» ЖШС, Қазақстан Республикасы

Қазақстан Республикасы аумағында тұтынушылардан өнім (тауар)

сапасына қатысты шағымдарды қабылдайтын ұйымның мекенжайы:

«Медоптик» ЖШС, Қазақстан Республикасы

Алматы қ-сы, Огарев к-сі 2 «б»

тел: 8 (727) 2320822,2320823, 2320824

факс: 8 (727) 3832202

Е-mail: medoptic1@rambler.ru

Прикрепленные файлы

659729371477976627_ru.doc 54.5 кб
416527221477977774_kz.doc 62.5 кб

Отправить прикрепленные файлы на почту

Источники

Национальный центр экспертизы лекарственных средств, изделий медицинского назначения и медицинской техники