Неладекс

• русский
• қазақша

• Скачать инструкцию медикамента

Саудалық атауы

Неладекс

Халықаралық патенттелмеген атауы

Жоқ

Дәрілік түрі

Көз/құлақ тамшы дәрісі, 5 мл

Құрамы

1 мл препараттың құрамында

белсенді заттар: 1,0 мг дексаметазон,

3,5 мг неомицин (сульфат түрінде),

6000 ХБ полимиксин В сульфат,

қосымша заттар: гидроксипропилметилцеллюлоза, бензалконий хлориді, динатрий эдетаты, натрий хлориді, полисорбат 80, натрий гидроксиді немесе хлорсутек қышқылы, инъекцияға арналған су.

Сипаттамасы

Ұсақ дисперсті ақ түсті, иіссіз суспензия.

Фармакотерапиялық тобы

Офтальмологиялық және отологиялық ауруларды емдеуге арналған препараттар. Микробқа қарсы препараттармен біріктірілген глюкокортикостероидтар. Микробқа қарсы препараттармен біріктірілген дексаметазон.

АТХ коды S03СА01

Фармакологиялық қасиеттері

Фармакокинетикасы

Препараттың жүйелі қан ағымына сіңірілу дәрежесінің төмендігіне байланысты, дабыл жарғағының тесілу жағдайларынан басқа, фармакокинетикасына зерттеулер жүргізілген жоқ.

Фармакодинамикасы

Неладекс қабынуға қарсы, аллергияға қарсы және бактерияға қарсы әсері бар жергілікті қолданылатын біріктірілген препарат болып табылады.

Микроб жасушаларының жарғақшасын зақымдайды, жасуша ішіндегі метаболиттер ағымын бұзады және олардың қырылуына алып келеді.

Препараттың қабынуға қарсы әсеріне оның құрамына кіретін синтетикалық глюкокортикостероид, фторпреднизолонның метилденген туындысы – дексаметазон түрткі болады және эозинофилдерден қабыну медиаторларының босап шығуын бәсеңдету, липокортиндердің түзілуін индукциялау және гиалурон қышқылын бөліп шығаратын жуан жасушалар санын азайту; қылтамырлардың өткізгіштігін азайту; жасуша жарғақшалары мен органеллалар жарғақшаларын (әсіресе лизосомалық) тұрақтандыру арқылы жетеді. Дексаметазонның аллергияға және экссудатқа қарсы әсері де бар, бұған жедел аллергия медиаторларының босап шығуының төмендеуіне алып келе отырып айналымдағы эозинофилдер мөлшерінің төмендеуі; аллергия медиаторларының эффекторлық жасушаларға әсерінің төмендеуі түрткі болады. Дексаметазонның минералокортикоидтық белсенділігі жоқ.

Неомицин және полимиксин В антибиотиктерінің үйлестірілімі препараттың грамтеріс және грамоң микроорганизмдердің көпшілігіне бактерияға қарсы әсерінің кең ауқымдылығын қамтамасыз етеді. Неомицин – аминогликозидтер тобының антибиотигі, микроб жасушасындағы ақуыз синтезін бұзудың есебінен бактерицидтік әсер береді, мыналарға: Staphylococcus aureus, E.coli, Haemophilus influenzae, Klebsiella pneumoniaeге қатысты белсенді.

Полимиксин В – полипептидтік құрылымды антибиотик, қоздырғыштар жасушалары жарғақшаларының фосфолипидтерімен байланысады, олардың құрылымының бұзылуына алып келеді, мыналарға: E.coli, Klebsiella pneumoniae, Haemophilus influenzae, Pseudomonas aeruginosaға қатысты белсенді. Бұл антибиотиктердің әсеріне Streptococcus spp. (соның ішінде, Streptococcus pneumoniae) және анаэробты бактериялар төзімді.

Қолданылуы

Көздің беткейлік бактериялық жұқпасымен немесе бактериялық жұқпа қаупімен қатар жүретін, кортикостероидтармен емдеуге болатын қабыну ауруларын зеңдік және вирустық жұқпаның жоқтығын анықтағаннан кейін қысқа мерзімде емдеу үшін:

- конъюнктиваның, қабақтың немесе көз алмасының қабыну жағдайларында

- көздің мөлдір қабығы мен алдыңғы сегментінің қабынуында

- көздің алдыңғы сегментінің созылмалы увеитінде

- мөлдір қабықтың химиялық заттармен, радиациямен, термиялық күйіктермен немесе бөгде затпен зақымдануында

- дабыл жарғағының зақымдануынсыз сыртқы отитте

Қолдану тәсілі және дозалары

Препаратты тағайындар алдында ауру тудырған микрофлораның препарат құрамына кіретін антибиотиктерге сезімталдығын анықтап алу ұсынылады.

Тікелей қолданар алдында жағымсыз суықты сезінуді болдырмас үшін, құтыны қолға алып жылыту және құтының ішіндегісін сәл шайқау ұсынылады.

Офтальмологияда қолданылуы:

Неладексті зақымданған көздің конъюнктива қалтасына әр 4-6 сағат сайын 1-2 тамшыдан тамызады. Қолдану жиілігін клиникалық белгілерінің жақсаруына қарай азайту керек. Емдеуді мерзімінен бұрын тоқтату ұсынылмайды.

Емдеу курсын емдеуші дәрігер анықтайды.

Көзге тамызу техникасы. Препаратты қолданар алдында қолыңызды мұқият жуыңыз. Басыңызды сәл артқа шалқайтыңыз және төменгі қабақты қалта пайда болатындай қылып тартыңыз және оған препараттың 1-2 тамшысын тамызыңыз. Көзіңізді жабыңыз және көз алмасын 1-2 минут бойы айналдырыңыз. Егер дәрігер жазып берсе, бұл әрекеттерді екінші көзіңізге қайталаңыз. Қолыңызды жуыңыз.

Тамшылатқыш құтының ішіндегісінің микробпен ластануын болдырмас үшін оның ұштығының қандай-да бір беткейлермен, соның ішінде көздерге тиюін болдырмаңыз. Қолданулар арасында құтыны тығыз жауып ұстау қажет.

Басқа офтальмологиялық ерітінділерді де тамызулар арасында 5-10 минуттық аралықты сақтау керек.

Отоларингологияда қолданылуы:

Неладексті тәулігіне 3-4 рет 2-3 тамшыдан тағайындайды. Препаратты бір құлаққа тамызғаннан кейін басыңызды қарсы жаққа қарай бірнеше минутқа бұрыңыз, сосын, егер қажет болса, екінші құлаққа тамызыңыз.

Емдеу курсы 5-6 күн.

Жағымсыз әсерлері

Жергілікті

Жиі

- көзішілік қысымның жоғарылауы

- көздің тітіркенуі

- көздегі жайсыздық (ашытудың пайда болуы, қатты шаншу, қышыну)

Жиі емес

- көру жүйкесінің зақымдануы

- кератит

- субкапсулярлық катаракта

- ойық жаралы кератит, мөлдір қабықтың жұқаруы, жарықтан қорқу, көрудің бұлыңғырлығы, мидриаз, көздің ауыруы, көздің қышынуы, көздің ісінуі, птоз, көзде бөгде зат тұрғандай сезіну, көзден қатты жас парлауы, көз функциясының бұзылуы

Жүйелік

жиі

- аса жоғары сезімталдық (жүйелік немесе жергілікті)

- дабыл жарғағының бүтіндігі бұзылса – есту және вестибулярлық аппаратқа уытты әсер ету қаупі

- бас ауыруы

Қолдануға болмайтын жағдайлар

- препараттың кез-келген компонентіне жоғары сезімталдық

- сиыр шешегі, желшешек және мөлдір қабық пен конъюнктиваның басқа вирустық жұқпалары (herpes zoster тудырған кератиттерден басқа)

- Herpes simplex тудырған эпителий кератиті (ағаш тәрізді кератит) - көздің микобактериялық жұқпалары

- көздің зеңдік аурулары

- құлақтың вирустық және зеңдік жұқпалары

- дабыл жарғағының жұқпалы немесе жарақаттық зақымданулары

- асқынып кеткен іріңді жұқпалар

- препаратты мөлдір қабықтағы бөгде затты асқындырмай алып тастаудан кейін тағайындамайды

- дабыл жарғағының жұқпалы немесе жарақаттық зақымданулары (отоуыттылық қаупі)

Дәрілермен өзара әрекеттесулері

Неладекс препаратының басқа дәрілік заттармен өзара әрекетесуі анықталмаған.

Аминогликозид (неомицин) пен басқа жүйелі, ішілетін немесе жергілікті қолданылатын нейроуытты, отоуытты немесе нефроуытты әсерлері бар дәрілік препараттарды бірге және/немесе бірінен кейін бірін қолдану аддитивті уыттылыққа алып келуі мүмкін, және мүмкіндігінше болдырылмауы тиіс.

Айрықша нұсқаулар

Тек қана жергілікті пайдалануға арналған. Инъекцияларға немесе ішке қабылдауға арналмаған.

Басқа бактерияға қарсы препараттармен жағдайлардағы сияқты ұзақ уақыт қабылдау сезімтал емес бактериялық штамдар немесе зеңдердің шамадан тыс көбеюіне алып келуі мүмкін. Асқын жұқпа дамыған жағдайда сәйкесінше емді бастау керек.

Препаратты қолданған кезде жергілікті қолданылатын аминогликозидтерге жоғары сезімталдық, сондай-ақ басқа аминогликозидтерге айқаспалы сезімталдық байқалуы мүмкін. Күрделі аса жоғары сезімталдық реакциялары пайда болған жағдайда препаратты пайдалануды тоқтату керек.

Құрамында неомицин сульфаты бар препараттарды қолданған кезде көздің ауыруы, қызаруы, ісінуі, тітіркенуі тұрақты білінген немесе күшейген жағдайда, дәрігерге қаралу қажет.

Неладекс дәрілік затын жүйелі аминогликозидтермен немесе полимиксин В-мен бірге пайдаланғанда кумулятивтік уыттылығы болуы мүмкін екендігін ескеру қажет.

Препаратты ұзақ уақыт пайдалану немесе қолдану жиілігін арттыру көзішілік қысымның жоғарылауына және/немесе глаукоманың дамуына, ары қарай көру жүйкесінің зақымдалуына, көру жітілігінің төмендеуіне, көру өрісінің бұзылуына, сондай-ақ артқы субкапсулярлық катарактаның түзілуіне алып келуі мүмкін. Атап көрсетілген жағдайларға бейім емделушілерде көзішілік қысымның жоғарылауы препаратты қысқа мерзімде қолданғаннан кейін де байқалуы мүмкін.

Кортикостероидтарды көзге жергілікті ұзақ уақыт бойы қолданған емделушілерде көзішілік қысымды тұрақты бақылап отыру ұсынылады.

Кортикостероидтар бактериялық, вирустық немесе зеңдік жұқпаға төзімділікті төмендетуі, сондай-ақ олардың дамуына ықпал етуі; жұқпаланудың клиникалық белгілерін бүркемелеуі, антибиотиктің тиімсіздігінің дер кезінде анықталуын қиындатуы немесе препарат компоненттеріне аса жоғары сезімталдық реакцияларын бәсеңдетуі мүмкін. Мөлдір қабықтың тұрақты ойық жаралануы бар, кортикостероидтарды қабылдаған немес қабылдап жүрген емделушілерде зеңдік жұқпаның бар болу ықтималдығы жоққа шығарылмайды. Зеңдік жұқпа расталған жағдайда, кортикостероидтармен емдеу тоқтатылуы тиіс.

Кортикостероидтарды мөлдір қабықтың немесе аққабықтың жұқаруын тудыратын ауруларда жергілікті қолданғанда, олар тесілуі мүмкін.

Көзге жергілікті қолданылған кортикостероидтар мөлдір қабық жараларының жазылуын баяулатуы мүмкін.

Мөлдір қабықтың герпестік зақымдалу қаупін болдырмау үшін, емделушіні саңылаулық шамы бар биомикроскоптың көмегімен бағалауды жиі жүргізіп отыру қажет.

Жанаспалы линзаларды көздің қабынулары мен жұқпаларын емдеу кезінде тағу ұсынылмайды.

Неладекс препаратының құрамында бензалконий хлориді консерванты бар, ол көздің тітіркенуін туғызуы немесе жұмсақ жанаспалы линзалардың түсін кетіруі мүмкін. Жұмсақ жанаспалы линзаларға тигізбеу керек. Препаратты қолданар алдында жанаспалы линзаларды көзден алып тастау және препаратты қолданғаннан кейін линзаларды қайта тақпас бұрын 15 минут күте тұру керек.

Бүйрек және бауыр жеткіліксіздігі бар емделушілерде қолданылуы

Көз/құлақ тамшы дәрісі емделушілердің бұл санатында зерттеуден өткізілмеген. Алайда, белсенді компоненттерінің жергілікті қолданғанда жүйелі сіңірілуі төмен болғандықтан, дозасын түзету қажет емес.

Педиатрияда қолданылуы

Балаларда қолдану ұсынылмайды.

Жүктілік және лактация кезеңі

Бұл препаратты жүктілік кезінде қолданудың қауіпсіздігі мен тиімділігі анықталмаған.

Препаратты жүктілік кезінде қолдану ұсынылмайды.

Препараттың белсенді компоненттерінің жергілікті қолданғаннан кейін емшек сүтіне енетін-енбейтіндігі туралы нақты мәліметтер жоқ.

Жүйелі кортикостероидтар мен аминогликозидтер емшек сүтіне өтетіндіктен, емшектегі бала үшін қаупі жоққа шығарылмайды.

Бала емізуді үзе тұру немесе тоқтату туралы талқылай отырып (препаратпен емдеуден бас тарта тұру, бала үшін емізудің пайдасын/қаупін және әйел үшін емдеудің пайдасын ескере отырып) шешім қабылдау қажет.

Дәрілік заттың көлік құралдарын немесе қауіптілігі зор механизмдерді басқару қабілетіне әсер ету ерекшеліктері

Препаратты қолданғаннан кейін көру уақытша анық болмауы немесе басқа да көруге байланысты мазасыздықтар болуы мүмкін, бұл автокөлік немесе басқа қауіптілігі зор механизмдерді басқару қабілетіне теріс әсер етуі мүмкін. Бұл жағдайда, автокөлікті басқару немесе қауіптілігі зор механизмдерді пайдаланбас бұрын көру қалпына келгенге дейін біраз уақыт күте тұру қажет.

Артық дозалануы

Қазіргі кезде препараттың артық дозалану жағдайлары туралы хабарлар жоқ.

Шығарылу түрі және қаптамасы

Тамшылатқыш тығыны және бұралатын қорғағыш қақпағы бар, сақтандырғыш сақинамен жабдықталған пластик құтыда 5 мл препараттан.

1 құтыдан медицинада қолданылуы жөніндегі мемлекеттік және орыс тілдеріндегі нұсқаулықпен бірге картон қорапқа салады.

Сақтау шарттары

150 С-ден 250 С-ге дейінгі температурада сақтау керек.

Мұздатып қатыруға болмайды!

Балалардың қолы жетпейтін жерде сақтау керек!

Құтыны ашқаннан кейін, қолдану мерзімі 1 ай ішінде.

Сақтау мерзімі

2 жыл

Жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецепт арқылы

Өндіруші

Е.И.П.И. Ко., Мысыр,

Тенс ов Рамадан Сити,

Бірінші Өнеркәсіптік аймақ В1, а/ж 149 Тенс

(«E.I.P.I.CO.» Egypt, Tenth of Ramadan City, First Industrial Area B1, P.O. box: 149 Tenth)

тіркеу куәлігінің иесі

«УОРЛД МЕДИЦИН ОФТАЛЬМИКС» компаниясы болып табылады, Ұлыбритания

Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын ұйымның мекенжайы

ҚР, Алматы қ., Сүйінбай даңғ. 222 Б

Тел/факс: 8(7272) 529090