Нексиум таблетки (40 мг)

• русский
• қазақша

• Скачать инструкцию медикамента

Саудалық атауы

Нексиум

Халықаралық патенттелмеген атауы

Эзомепразол

Дәрілік түрі

Қабықпен қапталған 20 мг және 40 мг таблеткалар

Құрамы

Бір таблетканың құрамында

белсенді зат - 20 мг және 40 мг эзомепразолға сәйкес 22,30 мг немесе 44,50 мг эзомепразолдың магний тригидраты,

қосымша заттар: глицерил моностеараты 40-55, гипролоза, гипромеллоза, темірдің қызыл тотығы, темірдің сары тотығы (20 мг доза үшін), магний стеараты, метакрил және этакрил қышқылдарының сополимері (1:1), микрокристалды целлюлоза, синтетикалық парафин, макрогол, полисорбат 80, кросповидон, натрий стеарилфумараты, қанттың сфералық түйіршіктері, титанның қостотығы, тальк, триэтилцитрат.

Сипаттамасы

20 мг таблеткалар: екі жақ беті дөңес, сопақша пішінді, бір жағында 20 mG, ал екінші жағында А/ЕН деген өрнегі бар, ашық-қызғылт түсті қабықпен қапталған.

40 мг таблеткалар: екі жақ беті дөңес, сопақша пішінді, бір жағында 40 mG, ал екінші жағында А/ЕІ деген өрнегі бар, қызғылт түсті қабықпен қапталған таблеткалар.

Фармакотерапиялық тобы

Ойық жараға қарсы препараттар және гастроэзофагеальді рефлюксті емдеуге арналған препараттар (GORD). Протонды сорғы тежегіштері. Эзомепразол.

АТХ коды А02ВС05

Фармакологиялық қасиеттері

Фармакокинетикасы

Эзомепразол қышқыл ортада тұрақты емес, сондықтан ішу арқылы қолдану үшін құрамында қабығы асқазан сөлінің әсеріне төзімді препарат түйіршіктері бар таблеткалар пайдаланылады. Препарат жылдам сіңіріледі: плазмадағы ең жоғары концентрациясына қабылдағаннан кейін 1-2 сағаттан соң жетеді. 40 мг дозасын бір рет қабылдағаннан кейін эзомепразолдың нақты биожетімділігі 64 құрайды және тәулігіне бір рет күн сайын қабылдау аясында 89 дейін артады. Эзомепразолдың 20 мг дозасы үшін бұл көрсеткіштер, тиісінше, 50 және 68 құрайды. Дені сау адамдарда тепе-тең концентрациясы кезіндегі таралу көлемі шамамен әр кг дене салмағына 0,22 л құрайды. Эзомепразол плазма ақуыздарымен 97 байланысады.

Ас ішу асқазанда эзомепразолдың сіңуін баяулатады және төмендетеді, алайда бұл тұз қышқылы сөлінісін тежеу тиімділігіне елеулі ықпалын тигізбейді.

Эзомепразол Р450 (СҮР) цитохромы жүйесінің қатысуымен метаболизмге ұшырайды. Негізгі бөлігі спецификалық полиморфты СҮР2С19 изоформасының қатысуымен метаболизденеді, осы орайда эзомепразолдың гидрокси- және деметилденген метаболиттері түзіледі. Қалған бөлігінің метаболизмі басқа спецификалық СҮР3А4 изоформасымен жүзеге асады, бұл орайда плазмада анықталатын негізгі метаболит болып табылатын эзомепразол сульфотуындысы түзіледі.

Төменде келтірілген параметрлер, негізінен, белсенді CYP2C19 ферменті бар емделушілердегі (метаболизмі белсенді емделушілер) фармакокинетика сипатын көріністейді.

Жалпы клиренсі препаратты бір рет қабылдағаннан кейін шамамен сағатына 17 л және көп рет қабылдағаннан кейін сағатына 9 л құрайды. Жартылай шығарылу кезеңі тәулігіне бір рет жүйелі түрде қабылдаған кезде 1,3 сағат құрайды. Эзомепразолды қайта қабылдағанда «концентрация - уақыт» қисығы астындағы ауданы (АUС) ұлғаяды. АUС-тың дозаға тәуелді ұлғаюы эзомепразолды қайта қабылдаған кезде дозаға байланыссыз сипат алады, бұл эзомепразолдың және/немесе оның сульфоқұрамды метаболитінің CYP2C19 ферментін тежеуінен туындауы ықтимал бауыр арқылы «алғаш өту» кезінде метаболизм төмендеуінің, сондай-ақ жүйелі клиренс төмендеуінің салдары болып саналады. Тәулігіне бір рет күн сайын қабылдағанда эзомепразол қабылдаулар арасындағы үзілісте қан плазмасынан толық шығарылады және жинақталмайды.

Эзомепразолдың негізгі метаболиттері асқазан қышқылының сөлінісіне ықпал етпейді. Ішу арқылы қолданғанда доза 80-ға дейін метаболиттер түрінде несеппен шығарылады, қалған бөлігі нәжіспен шығарылады. Өзгермеген эзомепразолдың 1-дан азы несептен табылады

Емделушілердің кейбір топтарындағы фармакокинетика ерекшеліктері:

Шамамен тұрғындардың 2,9±1,5% СҮР2С19 ферментінің белсенділігі төмендеген. Мұндай емделушілерде эзомепразол метаболизмі, негізінен, СҮР3А4 әсер етуінің нәтижесінде жүзеге асады. 40 мг эзомепразолды тәулігіне бір рет жүйелі қабылдағанда орташа АUС мәні CYP2C19 изоферментінің белсенділігі жоғары емделушілердегі осы параметр мәнінен 100% асып кетеді. Изофермент белсенділігі төмендеп кеткен емделушілерде плазмадағы ең жоғары концентрациясының орташа мәндері шамамен 60 жоғарылаған. Аталған ерекшеліктер эзомепразолдың дозасына және қолдану тәсіліне ықпал етпейді.

Егде жастағы емделушілерде (71-80 жас) эзомепразол метаболизмі елеулі өзгерістерге ұшырамайды.

40 мг эзомепразолды бір рет қабылдағаннан кейін әйелдердегі орташа АUС мәні еркектердегі мәнінен 30% асып кетеді. Препаратты тәулігіне бір рет күнделікті қабылдағанда еркектер мен әйелдердің фармакокинетикасында айырмашылықтар болмайды. Аталған ерекшеліктер эзомепразолдың дозасына және қолдану тәсіліне әсер етпейді.

Бауырының жеңіл және орташа жеткіліксіздігі бар емделушілерде эзомепразол метаболизмі бұзылуы мүмкін. Бауыр жеткіліксіздігі ауыр емделушілерде метаболизм жылдамдығы төмендеген, ол эзомепразолға тән АUС мәнінің 2 есе артуына апарады.

Бүйрек жеткіліксіздігі бар емделушілердің фармакокинетикасына зерттеу жүргізілген жоқ. Бүйрек арқылы эзомепразолдың өзінің емес, оның метаболиттерінің шығарылуы жүзеге асатындықтан, бүйрек жеткіліксіздігіне шалдыққан емделушілерде эзомепразол метаболизмі өзгермейді деп жорамалдауға болады.

12-18 жастағы балаларда 20 мг және 40 мг эзомепразолды қайта қабылдағаннан кейін АUС мәні және қан плазмасындағы ең жоғары концентрациясына жету уақыты (tmax) ересектердегі АUС және tmax мәндерімен ұқсас болды.

Фармакодинамикасы

Нексиум париетальді жасушаларда протон сорғысын спецификалық тежеу жолымен асқазандағы қышқыл сөлінісін төмендетеді, омепразолдың S-изомері болып табылады. Омепразолдың S- және R-изомерлері ұқсас фармакодинамикалық белсенділік иеленген.

Әсер ету механизмі

Нексиум әлсіз негіз болып табылады, қышқылды ортада париетальді жасушалардың сөл бөлетін өзекшелерінде жиналады, сол жерде белсенділенеді және протон сорғыcын – Н+ К+-АТФаза ферментін тежейді. Эзомепразол қышқылдың әрі базальді, әрі көтермеленген сөлінісін тежейді. Эзомепразолдың әсері ішу арқылы 20 мг немесе 40 мг қабылдағаннан кейін 1 сағат ішінде дамиды. Препаратты 20 мг дозада 5 күн бойы тәулігіне бір рет күн сайын қабылдағанда пентагастринмен көтермеленгеннен кейін қышқылдың ең жоғары орташа концентрациясы 90 төмендейді (емдеудің 5-ші күні препаратты қабылдағаннан кейін 6-7 сағаттан соң қышқыл концентрациясын өлшегенде). Гастро-эзофагеальді рефлюкс ауруына (ГЭРА) шалдыққан және клиникалық белгілері бар емделушілерде күн сайын эзомепразолды 20 мг немесе 40 мг дозада ішу арқылы 5 күн қабылдағаннан соң асқазанішілік рН мәні 24 сағаттың орташа алынған 13 және 17 сағаты бойына 4-тен жоғары болды. Эзомепразолды тәулігіне 20 мг дозада қабылдау аясында асқазанішілік рН-тың 4-тен жоғары мәні, 76, 54 және 24 емделушілерде, тиісінше, 8, 12 және 16 сағаттан кем емес сақталды. 40 мг эзомепразол үшін бұл арақатынас, тиісінше, 97, 92 және 56 құрайды.

Қышқыл сөлінісін тежеу нәтижесінде жетуге болатын емдік тиімділік

40 мг дозада Нексиум қабылдағанда рефлюкс-эзофагиттің жазылуы шамамен 78% емделушілерде емнің 4 аптасынан соң және 93% емделушілерде емнің 8 аптасынан соң басталады.

Бір апта бойы тәулігіне 2 рет сәйкесті антибиотиктермен біріктіріп 20 мг дозадағы Нексиуммен емдеу шамамен 90 емделушілерде сәтті Helicobacter pylori эрадикациясына әкеледі. Асқынбаған ойық жаралы ауруы бар емделушілерге апталық эрадикациялық курстан кейін әрі қарай ойық жараны жазу және белгілерді жою үшін сөлініске қарсы препараттардың монотерапиясы талап етілмейді.

Қолданылуы

- гастро-эзофагеальді рефлюкс ауруы: эрозиялы рефлюкс-эзофагит, эрозиялы рефлюкс-эзофагит жазылғаннан кейін қайталануының алдын алу үшін ұзаққа созылатын демеуші емде, гастро-эзофагеальді рефлюкс ауруын белгісіне қарай емдеуде

- Helicobacter pylori-мен астасқан асқазан мен он екі елі ішектің ойық жара ауруы кезінде біріктірілген антибактериялық ем құрамындағы Helicobacter pylori эрадикациясында

- пептикалық ойық жарадан қан кетуді өткерген емделушілердегі қышқылды төмендететін ұзақ емде (асқазан бездерінің сөлінісін төмендететін препараттарды көктамыр ішіне қолданғаннан кейін, қайталануының алдын алу үшін)

- қабынуға қарсы стероидты емес дәрілерді ұзақ қабылдаумен байланысты гастропатияда

- Золлингер-Эллисон синдромы немесе патологиялық асқын сөлініспен сипатталатын басқа жай-күйлер, соның ішінде идиопатиялық асқын сөлініс

- қауіп тобына жататын емделушілерде қабынуға қарсы стероидты емес дәрілерді ұзақ қабылдаумен байланысты асқазан мен он екі елі ішектің ойық жарасының алдын алуда

Қолдану тәсілі және дозалары

Ішке. Таблетканы сумен іше отырып, бүтіндей жұтқан жөн. Таблеткаларды шайнауға немесе бөлшектеуге болмайды. Жұту қиын болатын емделушілер үшін таблеткаларды жарты стақан газдалмаған суда таблетка ыдырағанша араластыра отырып, ерітуге болады (ұсақ түйіршіктердің қорғағыш қабығы еріп кететіндіктен басқа сұйықтықтарды пайдалануға болмайды), сонан соң ұсақ түйіршіктер жүзіндісін бірден немесе 30 минут ішінде ішеді, одан кейін қайтадан стақанға жартылай су толтырып, қалдығын араластырып ішу қажет. Ұсақ түйіршіктерді шайнауға немесе үгітуге болмайды. Жұта алмайтын емделушілерге таблеткаларды суда ерітіп, назогастральді зондпен енгізу керек.

Ересектер мен 12 жастан асқан балалар

Гастро-эзофагеальді рефлюкс ауруы

4 апта бойы тәулігіне бір рет 40 мг-ден. Алғашқы курстан кейін эзофагиттің жазылуы болмайтын немесе белгілері сақталатын жағдайларда қосымша 4 апталық емдеу курсы ұсынылады.

Эрозиялық рефлюкс-эзофагит жазылғаннан кейін оның қайталануының алдын алу үшін ұзаққа созылатын демеуші ем

Тәулігіне бір рет 20 мг-ден.

Гастроэзофагеальді рефлюкс ауруын белгісіне қарай емдеу

Эзофагитсіз емделушілерге – тәулігіне бір рет 20 мг. Егер 4 апта емдегеннен кейін белгілері жоғалмаса, емделушіге қосымша тексеру жүргізген жөн. Ауру белгілері жойылғаннан кейін препаратты «қажет болған кезде» қабылдау режиміне көшуге, яғни белгілер жаңғырған кезде тәулігіне бір рет 20 мг Нексиум қабылдауға болады. ҚҚСП қабылдап жүрген емделушілер және асқазан мен он екі елі ішектің ойық жарасы дамуының қауіп тобына жататындар үшін «қажет болған кезде» режимінде емдеуді ұзарту ұсынылмайды.

Ересектер

Helicobacter pylori эрадикациясына арналған біріктірілген ем құрамында

Helicobacter pylori-мен астасқан асқазан мен он екі елі ішектің ойық жарасын емдеу: 20 мг Нексиум, 1 г амоксициллин және 500 мг кларитромицин. Барлық препараттар 1 апта бойы тәулігіне екі рет қабылданады.

Пептикалық ойық жарадан қан кетуді өткерген емделушілерде қышқылды төмендететін ұзақ уақыттық ем (асқазан бездерінің сөлінісін төмендететін препараттарды көктамыр ішіне қолданудан кейін, қайталануының алдын алу үшін)

Асқазан бездерінің сөл бөлуін төмендететін препараттармен көктамырішілік ем аяқталғаннан кейін 4 апта бойы тәулігіне 1 рет 40 мг Нексиум.

Ұзақ уақыт ҚҚСП қабылдайтын емделушілер

ҚҚСП қабылдаудан болатын асқазанның ойық жарасын емдеу:

Тәулігіне бір рет 20 мг немесе 40 мг Нексиум. Емдеу ұзақтығы 4-8 апта құрайды.

ҚҚСП қабылдаудан болатын асқазан мен он екі елі ішектің ойық жарасының алдын алу

Тәулігіне бір рет 20 мг немесе 40 мг Нексиум.

Патологиялық асқын сөлініспен байланысты жай-күйлер, соның ішінде Золлингер-Эллисон синдромы және идиопатиялық асқын сөлініс

Бастапқы ұсынылатын доза – тәулігіне екі рет 40 мг Нексиум.

Әрі қарай доза жекеше іріктеледі, емдеу ұзақтығы аурудың клиникалық көрінісіне қарай белгіленеді.

Препаратты тәулігіне 2 рет 120 мг дейінгі дозаларда қолдану тәжірибесі бар.

Препаратты назогастральді зонд арқылы енгізу

1. Таблетканы еккішке салыңыз да, еккішті 25 мл сумен және шамамен 5 мл ауамен толтырыңыз. Кейбір зондтар үшін, зондтың таблетка түйіршіктерімен бітеліп қалуын болдырмау үшін, препаратты 50 мл ауыз суымен сұйылту қажет болады.

2. Таблеткаларды еріту үшін еккіштің ішіндегісін шамамен екі минут бойы шайқаңыз.

3. Еккіштің ұштығын жоғары қарата ұстап, ұштықтың бітеліп қалмағанына көз жеткізіңіз.

4. Еккіштің ұштығын зондқа енгізіп, оны жоғары қарай бағыттап ұстауды жалғастырыңыз.

5. Еккішті сілкіп, оның ұштығын төмен қарата бұрыңыз. Дереу 5-10 мл ерітілген препаратты зондқа енгізіңіз. Енгізгеннен кейін еккішті бұрынғы қалпына келтіріп, шайқаңыз (ұштықтың бітеліп қалуын болдырмау үшін еккіштің ұштығын жоғары қарата ұстау керек).

6. Еккіштің ұштығын төмен қарата бұрып, тағы 5-10 мл препаратты зондқа енгізіңіз. Еккіш толық босағанша осы операцияны қайталаңыз.

7. Препараттың бір бөлігі еккіште шөгінді түрінде қалған жағдайда еккішті 25 мл сумен және 5 мл ауамен толтырып, 5 тармақта сипатталған әрекеттерді қайталаңыз.

Жағымсыз әсерлері

Жиі ( 1/100, 1/10)

- бас ауыру

- іштің ауыруы, диарея, метеоризм, жүрек айну, құсу, іш қату

Жиілігі аз ( 1/1000, 1/100)

- дерматит, қышыну, есекжем, бөртпе

- бас айналу

- ауыздың кеберсуі

- ұйқысыздық, парестезия, ұйқышылдық

- «бауыр» ферменттері белсенділігінің жоғарылауы

- шеткергі ісінулер

- көрудің анық болмауы

Сирек ( 1/10000, 1/1000)

- лейкопения, тромбоцитопения

- аллергиялық реакциялар: қызба, ангионевротикалық ісіну, анафилактоидтық реакция/шок

- қозу, депрессия, дімкәстану, абыржу

- дәм сезудің бұзылуы

- гипонатриемия

- бронх түйілуі

- стоматит және асқазан-ішек кандидозы

- сарғаюмен (немесе онсыз) гепатит

- фотосенсибилизация, алопеция

- артралгиялар, миалгиялар, омыртқа, ортан жілік мойны, білезік сүйектер сынуының даму қаупі

- тершеңдік

Өте сирек ( 1/10000)

- агранулоцитоз, панцитопения

- елестеулер (көбіне әлсіреген емделушілерде), озбыр мінез-құлық

- бауыр жеткіліксіздігі, бауыр энцефалопатиясы

- мультиформалы экссудативті эритема

- Стивенс-Джонсон синдромы

- уытты эпидермальді некролиз

- бұлшықет әлсіздігі

- интерстициальді нефрит

- гинекомастия

- гипомагнезиемия, ауыр гипомагнезиемия гипокальциемияға әкелуі мүмкін

- микроскопиялық колит

Жай-күйі қатер шегіндегі емделушілерде жоғары дозаларды қабылдау кезінде көрудің қайтымсыз бұзылуының жекелеген жағдайлары туралы хабарланған, препаратты қабылдаумен себепті байланысы анықталмаған.

Қолдануға болмайтын жағдайлар

- эзомепразолға, орын басатын бензимидазолдарға немесе препарат құрамына кіретін басқа ингредиенттерге жоғары сезімталдық

- тұқым қуалайтын фруктозаны көтере алмаушылық

- глюкоза-галактоза мальабсорбциясы немесе сахароза-изомальтаза жеткіліксіздігі

- нелфинавирмен бір мезгілде қабылдау

- ГЭРА кезінде 12 жасқа дейінгі балаларға

- гастроэзофагеальді рефлюкс ауруынан басқа көрсетілімдер бойынша

18 жасқа дейінгі балалар мен жасөспірімдер

Сақтықпен

- бүйректің ауыр жеткіліксіздігі

Дәрілермен өзара әрекеттесуі

Эзомепразолмен және басқа да протонды помпа тежегіштерімен емдеу аясында асқазан сөлі қышқылдылығының төмендеуі сіңуі қышқылды ортаға тәуелді болатын препараттардың сіңірілу өзгерісіне әкеледі. Эзомепразол, асқазандағы қышқыл сөлінісін төмендететін басқа препараттар сияқты, кетоконазол, интраконазол және эрлотиниб сіңірілуінің төмендеуіне әкелуі мүмкін. Сонымен қатар, эзомепразол дигоксинмен бірге қабылданғанда соңғысының концентрациясын арттыра алады. ППТ мен метотрексат бірге қабылданған кезде кейбір емделушілерде концентрация жоғарылайды. Метотрексатты жоғары дозаларда қолданғанда эзомепразол қабылдауды тоқтата тұру қажет.

Атазанавир мен нелфинавир омепразолмен бір мезгілде қабылданған жағдайларда сарысуда осы препараттар деңгейінің төмендеуі болды, сондықтан оларды қосып қолданудан аулақ болу керек. Тәулігіне бір рет 40 мг дозадағы омепразол мен 300 мг атазанавир/100 мг ритонавирді бірге тағайындау AUC мәндерінің, сондай-ақ атазанавирдің ең жоғары және ең төмен концентрацияларының едәуір төмендеуіне әкелді. Атазанавир дозасын 400 мг дейін арттыру омепразолдың атазанавир концентрациясына ықпал етуінің орнын толтырған жоқ. Cондықтан эзомепразолды атазанавирмен бірге тағайындауға болмайды, ал эзомепразол мен нелфинавирді бір мезгілде тағайындауға мүлде жол берілмейді.

Эзомепразол оның метаболизміне қатысатын негізгі СҮР2С19 ферментін тежейді. Эзомепразолды метаболизміне СҮР2С19 қатысатын диазепам, циталопрам, имипрамин, кломипрамин, фенитоин және т.б. сияқты басқа препараттармен бірге қолдану плазмада осы препараттар концентрацияларының жоғарылауына әкеліп, өз кезегінде, дозаны азайтуды талап етуі мүмкін. Мұндай өзара әрекеттесулер туралы, әсіресе Нексиумді «қажеттілігіне қарай» тәртібінде тағайындаған кезде естен шығармаған жөн. 30 мг эзомепразол мен СҮР2С19 цитохромының субстраты болып табылатын диазепамды бірге қабылдаған кезде диазепам клиренсінің 45 төмендеуі болады.

Эзомепразолды 40 мг дозада тағайындау эпилепсияға шалдыққан емделушілерде фенитоиннің қалдық концентрациясының 13 жоғарылауына әкелді. Осыған орай, эзомепразолмен емдей бастағанда және оны тоқтатқанда плазмадағы фенитоин концентрациясын бақылау ұсынылады.

Варфаринді 40 мг эзомепразолмен бірге қабылдау варфаринді ұзақ уақыт қабылдайтын емделушілерде коагуляция уақытының өзгеруіне әкелмейді. Дегенмен варфарин мен эзомепразолды бірге қолданғанда ХҚҚ (халықаралық қалыптандырылған қатынас) индексінің клиникалық мәнді артуының бірнеше жағдайлары жөнінде хабарланды. Сондықтан осы препараттарды бірге қолдану басталғанда және аяқталғанда ХҚҚ бақылау ұсынылады.

40 мг эзомепразолмен цизапридті бірге қабылдау дені сау еріктілердегі цизапридтің фармакокинетикалық параметрлері мәндерінің: AUC 32% және жартылай шығарылу кезеңінің 31% ұлғаюына әкеледі, алайда цизапридтің плазмадағы жоғары шекті концентрациясы бұл орайда елеулі өзгермейді. Цизаприд монотерапиясы кезінде байқалған QT аралығының мардымсыз ұзаруы Нексиумді қосқан кезде ұлғайған жоқ.

Нексиум амоксициллин мен хинидин фармакокинетикасының клиникалық елеулі өзгерістерін туындатпайды.

Эзомепразолмен бір мезгілде тағайындау сарысуда такролимус концентрациясының ұлғаюына әкеледі.

Эзомепразол мен напроксен немесе рофекоксибтің қысқа мерзімді бірге қолданылуын бағалау бойынша зерттеулерде клиникалық тұрғыдан маңызды өзара әрекеттесулер анықталған жоқ.

Эзомепразол метаболизміне CYP2C19 және CYP3A4 қатысады. Эзомепразолды СҮР3А4-ті тежейтін кларитромицинмен (тәулігіне 2 рет 500 мг) бірге қолдану эзомепразолдың AUC мәнінің 2 есе артуына әкеледі. Эзомепразол мен біріктірілген CYP3А4 және CYP2C19 тежегішін, мысалы вориконазолды бірге қолдану эзомепразолға тән AUC мәнінің 2 еседен де артық ұлғаюына әкеп соқтырады. Мұндай жағдайларда эзомепразол дозасын реттеу қажет емес.

Эзомепразол мен клопидогрелді бірге қолданудан аулақ болған жөн.

Айрықша нұсқаулар

Кез келген үрейлену белгілері болған кезде (мысалы, дене салмағын күрт едәуір жоғалту, құсудың қайталануы, дисфагия, қан аралас құсу немесе мелена), сондай-ақ асқазанның ойық жарасы болған кезде (немесе асқазан ойық жарасынан күдіктенгенде) қатерлі жаңа түзілімнің болуын жоққа шығарған жөн, өйткені Нексиуммен емдеу белгілер қатарының тегістелуіне әкеліп, диагноз қоюды кешеуілдетуі мүмкін.

Препаратты ұзаққа созылатын кезең бойына (әсіресе, бір жылдан астам) қабылдайтын емделушілер дәрігердің ұдайы қадағалауында болуы тиіс. Нексиумді «қажет болған кезде» қабылдайтын емделушілер белгілерінің сипаты өзгергенде өз дәрігерімен хабарласуы қажет екені жөнінде нұсқаулануы тиіс. Плазмадағы эзомепразол концентрациясының ауытқуын назарға ала отырып, «қажет болған кезде» емін тағайындағанда препараттың басқа дәрілік заттармен өзара әрекеттестігін есепке алу керек.

Нексиумді Helicobacter pylori эрадикациясы үшін тағайындаған кезде үштік емнің барлық құрамдас бөліктеріне тән дәрілік өзара әрекеттесудің болуы мүмкін екені ескерілуі тиіс. Кларитромицин күшті СҮР3А4 тежегіші болып табылады, сондықтан СҮР3А4 қатысуымен метаболизденетін басқа препараттар (мысалы, цисаприд) алатын емделушілерге эрадикациялық ем тағайындалғанда болуы мүмкін қарсы көрсетілімдерді және кларитромициннің осы дәрілік заттармен өзара әрекеттесуін ескеру қажет.

Нексиум таблеткаларының құрамында сахароза бар, сондықтан олар тұқым қуалайтын фруктозаны көтере алмаушылығы, глюкоза-галактоза мальабсорбциясы немесе сахароза-изомальтаза жеткіліксіздігі бар емделушілерге қарсы көрсетілімді.

Протондық помпа тежегіштерімен емдеу Salmonella мен Campylobacter туғызатын асқазан-ішек жұқпаларының пайда болу қаупінің болымсыз артуына әкелуі мүмкін.

Сөл бөлуге қарсы препараттарды ұзақ уақыт аралығы кезінде қабылдайтын емделушілердің асқазанында темірлі кисталардың түзілуі жиі болады. Бұл құбылыстар қышқыл сөлінісін айқын тежеу нәтижесінде болатын физиологиялық өзгерістермен шартталған. Кисталар қатерсіз және қайтымды сипатта болады.

Ранитидинмен жүргізілген салыстырмалы зерттеулер барысында Нексиум циклоксигеназа-2 (ЦОГ-2) іріктелген тежегіштерін қоса, қабынуға қарсы стероидты емес препараттарды (ҚҚСП) қабылдаған емделушілерде асқазан ойық жарасының жазылуына қатысты үздік тиімділігін көрсетті.

Бүйрек жеткіліксіздігі: препараттың дозасын реттеу қажет емес.

Нексиумді бүйрегінің ауыр жеткіліксіздігі бар емделушілерде қолдану тәжірибесі шектеулі; осыған орай, препаратты мұндай емделушілерге тағайындағанда сақ болу керек.

Бауыр жеткіліксіздігі: жеңіл және орташа бауыр жеткіліксіздігінде препараттың дозасын реттеу қажет емес.

Ауыр сипатты бауыр жеткіліксіздігі бар емделушілерде 20 мг - ең жоғары тәуліктік дозадан асыруға болмайды.

Егде жастағы емделушілер: препараттың дозасын реттеу қажет емес.

Жүктілік және лактация

Препаратты жүктілерге ана үшін күтілетін пайдасы ұрыққа төнетін болжамды қауіптен басым болған жағдайда ғана тағайындау керек.

Эзомепразолдың ана сүтімен бөліну-бөлінбеуі белгісіз, сондықтан Нексиумді бала емізу кезінде тағайындауға болмайды.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Дәрілік заттың жағымсыз әсерлерін ескере отырып, көлік құралын немесе қауіптілігі зор механизмдерді басқарған кезде сақтық шарасын қадағалау керек.

Артық дозалануы

Симптомдары: жағымсыз әсерлер симптомдарының күшеюі.

Емі: симптоматикалық. Арнайы у қайтарғысы белгісіз. Эзомепразол плазма ақуыздарымен байланысады, сондықтан диализдің тиімділігі аз.

Шығарылу түрі және қаптамасы

Қабықпен қапталған 20 мг және 40 мг таблеткалар.

7 таблеткадан поливинилхлоридті үлбірден және баспалы алюминий фольгадан жасалған пішінді ұяшықты қаптамаға салынған.

2 пішінді қаптамадан медицинада қолданылуы жөніндегі мемлекеттік және орыс тілдерінде жазылған нұсқаулықпен бірге картон пәшкеге салынады.

Сақтау шарттары

25оС-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

3 жыл

Жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецепт арқылы

Өндіруші

АстраЗенека АБ, SE- 151 85 Содерталье, Швеция

Тіркеу куәлігінің иесі

АстраЗенека АБ, Швеция

Қазақстан Республикасы аумағында тұтынушылардан өнім (тауар) сапасына қатысты шағымдар қабылдайтын ұйымның мекенжайы

«АстраЗенека Ю-Кей Лимитед»ЖАҚ өкілдігі

Қазақстан Республикасы, Алматы қаласы, 05000, Наурызбай батыр к-сі 31, «Премиум» бизнес орталығы, № 84 кеңсе

Телефон: +7 727 226 25 30, факс: +7 727 226 25 29

e-mail: Aigul.Doszhanova@astrazeneca.com

Нексиум - АстраЗенека компания тобының меншігі болып табылатын сауда белгісі.