Нексивол

МНН: Небиволол
Производитель: Абди Ибрахим Глобал Фарм ТОО
Анатомо-терапевтическо-химическая классификация: Nebivolol
Номер регистрации в РК: № РК-ЛС-5№015808
Период регистрации: 24.12.2014 - 24.12.2019
Республиканский центр развития здравоохранения
КНФ (ЛС включено в Казахстанский национальный формуляр лекарственных средств)
Включено в Список ЛС в рамках ГОБМП, подлежащих закупу у Единого дистрибьютора
ЕД (Включено в Список ЛС в рамках ГОБМП, подлежащих закупу у Единого дистрибьютора)
Предельная цена закупа в РК: 62.39 KZT

Инструкция

Саудалық атауы

Нексивол

Халықаралық патенттелмеген атауы

Небиволол

Дәрілік түрі

5 мг таблеткалар

Құрамы

Бір таблетканың құрамында

белсенді зат - 5.45 мг небиволол гидрохлориді

(5 мг небивололға баламалы),

қосымша заттар: лактоза моногидраты, жүгері крахмалы, микрокристалды целлюлоза (101 тип), натрий кроскармеллозасы (Acdisol), гидроксипропилметилцеллюлоза Е5, полисорбат 80, сусыз коллоидты кремнийдің қостотығы (Аэросил 200), магний стеараты

Сипаттамасы

Дөңгелек пішінді, бір жағында сызығы мен «+» баспа белгісі бар ақ түсті таблеткалар

Фармакотерапиялық тобы

Жүрек-қантамыр жүйесіне әсер ететін дәрілер. Бета-адреноблокаторлар. Селективті бета-адреноблокаторлар. Небиволол.

АТХ коды C07AB12

Фармакологиялық қасиеттері

Фармакокинетикасы

Ішке қабылдағаннан кейін асқазан-ішек жолынан тез сіңіріледі. Ас ішу сіңуіне әсер етпейді. Биожетімділігі метаболизмі «жылдам» тұлғаларда 12% («алғаш өту» әсері) және «баяу» тұлғаларда толық дерлік. D-небиволол үшін плазма ақуыздарымен байланысуы 98.1%, L-небиволол үшін 97.9%. Алициклды және хош иістендіргіш гидроксилдену және ішінара N-дезалкилдену арқылы метаболизденеді; түзілетін гидрокси- және амин туындылары глюкурон қышқылымен конъюгацияланып, О- және N-глюкуронидтер түрінде шығарылады. T1/2 небиволол гидроксиметаболиттерінде 24 сағат, энантиомерлерінде 10 сағат (метаболизмі «жылдам» тұлғаларда); небиволол гидроксиметаболиттерінде 48 сағат, энантиомерлерінде 30-50 сағат (метаболизмі «баяу» тұлғаларда). Бүйрекпен (38%), ішекпен (48%) шығарылады.

Фармакодинамикасы

Нексивол III буынның кардиоселективті бета1-адреноблокаторы, гипотензиялық, жүрек қыспасына қарсы және аритмияға қарсы әсер көрсетеді. Тыныштықта, дене жүктемесінде және стресс кезінде АҚ көтерілуін төмендетеді. Синапстық және синапстан тыс бета1-адренорецепторларды бәсекелі және таңдамалы бөгейді, оларды катехоламиндер үшін жетімсіз етіп, эндотелийлік вазодилатациялаушы фактордың (NO) босап шығуын түрлендіреді. Гипотензиялық әсері ренин-ангиотензин жүйесі белсенділігін азайтумен де жүзеге асады (плазмадағы ренин белсенділігінің өзгеруімен тікелей өзара байланысқа түспейді). Емдеудің бірінші күндері тамырлардың жалпы шеткергі кедергісін (ТЖШК) арттырады, әріқарай, ұзақ уақыт қолданғанда ол қалпына түседі немесе төмендейді. Гипотензиялық әсері 2-5 күннен соң басталады, тұрақты әсері 1-2 айдан соң білінеді. Миокардтың оттегі қажетсінуін төмендетіп, стенокардия ұстамаларының саны мен ауырлығын азайтады және дене жүктемесінің көтерімділігін арттырады. Сол жақ қарыншадағы (СҚ) соңғы диастолалық қысымның көтерілуі және қарыншалардың бұлшықет талшықтарының созылуы есебінен, әсіресе, СЖЖ бар науқастарда оттегіге деген қажеттілікті арттыруы мүмкін. Аритмияға қарсы әсері жүрек автоматизмінің бәсеңдеуімен (соның ішінде патологиялық ошақта) және AV өткізгіштігінің баяулауымен жүзеге асады.

Қолданылуы

- эссенциальді гипертензияда

- ≥ 70 жастағы егде емделушілерде стандартты ем әдістеріне қосымша ретінде ауырлығы жеңіл және орташа дәрежедегі тұрақты созылмалы жүрек жеткіліксіздігін емдеуде

Қолдану тәсілі және дозалары

Эссенциальді гипертензия

Ересектер

Доза тәулігіне 1 таблетка (5 мг) құрайды; оны үнемі тәуліктің белгілі бір мезгілінде қабылдаған дұрыс. Препаратты ас ішу кезінде қабылдауға болады.

Гипотензиялық әсері 1-2 апта емделуден кейін көрініс береді. Кейде ұтымды әсеріне 4 апта өткен соң ғана жетеді.

Басқа гипотензиялық дәрілермен біріктіру

-адренорецепторлар блокаторларын монотерапия ретінде де, басқа гипотензиялық дәрілермен біріктіріп те қолдануға болады. Әлі күнге дейін қосымша гипотензиялық әсері 5  мг Нексиволдың 12,5-25 мг гидрохлортиазидпен біріктірілімінде ғана байқалды.

Бүйрек жеткіліксіздігі бар емделушілер

Бүйрек жеткіліксіздігінен зардап шегетін науқастарға ұсынылған бастапқы дозасы тәулігіне 2,5 мг құрайды. Қажет болса, тәуліктік дозаны 5 мг дейін арттыруға болады.

Бауыр жеткіліксіздігі бар емделушілер

Препаратты бауыр жеткіліксіздігі немесе бауыр функциясының бұзылуы бар емделушілерде қолдануға қатысты деректердің шектеулі ғана саны бар. Осы себепті ондай емделушілерде Нексивол қолдану қарсы көрсетілімді.

Егде жастағы емделушілер

65 жастан асқан емделушілерге ұсынылған бастапқы доза тәулігіне 2,5 мг құрайды. Қажет болса, тәуліктік дозаны 5 мг дейін арттыруға болады. Алайда, препаратты 75 жастан асқан емделушілерде қолдану тәжірибесінің жеткіліксіздігін ескеріп, оны осы емделушілерге тағайындағанда сақ болу және мұқият бақылау қажет болады.

Балалар мен жасөспірімдер

Препаратты балалар мен жасөспірімдерде қолдануға қатысты зерттеулер жүргізілмеген. Осы себепті бұл жас тобында препаратты қолдану ұсынылмайды.

Созылмалы жүрек жеткіліксіздігі бар емделушілер

Тұрақты созылмалы жүрек жеткіліксіздігін емдеу жекеше оңтайлы демеуші дозасына жеткенше дозаны баяу титрлеуден басталуы тиіс.

Мұндай емделушілерге препарат, егер оларда тұрақты созылмалы жүрек жеткіліксіздігі оның соңғы 6 ай ішіндегі жедел декомпенсация көріністерінсіз орын алған жағдайда, тағайындалады.

Созылмалы жүрек жеткіліксіздігін емдеуді тәжірибелі дәрігер жүргізуі тиіс.

Нексиволмен емдеуді бастар алдында диуретиктер және/немесе дигоксин және/немесе АКФ тежегіштері және/немесе ангиотензин II рецепторларының антагонистері қамтылатын жүрек-қантамыр препараттарын қабылдайтын емделушілерде осы дәрі-дәрмектердің іріктелген дозасы соңғы 2 апта бойы тұрақты болуы тиіс.

Бастапқы дозаны, осы орайда біреуден екі аптаға дейінгі аралықтарды ұстанып және емделушідегі осы дозаның көтерімділігіне сүйеніп, мына сызба бойынша титрлеу керек:

Тәулігіне бір рет 1,25 мг Нексивол, тәулігіне бір рет 2,5 мг дейін, сонан соң тәулігіне бір рет 5 мг дейін, ал артынан тәулігіне бір рет 10 мг дейін арттыруға болады.

Ең жоғары ұсынылатын дозасы тәулігіне бір рет 10 мг Нексивол құрайды.

Емдеудің басында және дозаны әр арттырған сайын емделуші клиникалық жағдайдың тұрақты күйде қалатынына көз жеткізу үшін (әсіресе, артериялық қысым, жүректің жиырылу жиілігі, өткізгіштік бұзылуы, сондай-ақ жүрек жеткіліксіздігінің ауырлап кету симптомдары тұрғысынан) 2 сағаттан кем емес тәжірибелі дәрігердің бақылауында болуы тиіс.

Жағымсыз әсерлердің пайда болуы емделушілердің бәрінің бірдей ең жоғары ұсынылатын дозалармен емделмеуі мүмкін екеніне әкелуі мүмкін. Қажет болса, шегіне жеткен дозаны қайтадан сатылап азайтуға немесе, тиісінше, оған қайта оралуға болады.

Жүрек жеткіліксіздігінің өршуінде немесе препаратты көтере алмаушылықта оны титрлеу фазасында Нексивол дозасын әуелі азайту немесе, қажет болса (ауыр гипотония пайда болғанда, өкпенің жедел ісінуімен жүрек жеткіліксіздігі өршігенде, кардиогенді шок дамуында, симптоматикалық брадикардияда немесе АВ бөгелісінде), дереу оны тоқтату ұсынылады.

Әдетте, тұрақты созылмалы жүрек жеткіліксіздігін Нексиволмен емдеу ұзақ мерзімді болып табылады.

Нексиволмен емдеуді күрт тоқтатуға болмайды, өйткені, бұл жүрек жеткіліксіздігінің уақытша өршуіне әкелуі мүмкін. Егер препаратты тоқтату қажет болса, дозаны сатылап төмендетіп, оны бір апталық аралықпен екі есе азайту керек.

Таблеткаларды ас ішу кезінде қабылдауға болады.

Бүйрек жеткіліксіздігі бар емделушілер

Дозаны ең жоғары көтерімдісіне дейін титрлеу әркімге жеке жүргізілетіндіктен, оны ауырлық дәрежесі жеңілден орташаға дейінгі бүйрек жеткіліксіздігінде түзету талап етілмейді.

Ауыр дәрежедегі бүйрек жеткіліксіздігімен (сарысу креатинині ≥ 250 мкмоль/л) науқастарда препаратты қолдану тәжірибесі жоқ. Сондықтан осы емделушілерде Нексивол қолдану ұсынылмайды.

Бауыр жеткіліксіздігі бар емделушілер

Бауыр жеткіліксіздігі бар емделушілерде препаратты қолдануға қатысты деректердің шектеулі ғана саны бар. Осы себепті мұндай емделушілерде Нексивол қолдану қарсы көрсетілімді.

Егде жастағы емделушілер

Дозаны ең жоғары көтерімдісіне дейін титрлеу әркімге жеке жүргізілетіндіктен, оны түзету талап етілмейді.

Балалар мен жасөспірімдер

Препаратты балалар мен жасөспірімдерде қолдануға қатысты зерттеулер жүргізілмеген. Осы себепті бұл жас тобында препаратты қолдану ұсынылмайды.

 

Жағымсыз әсерлері

Артериялық гипертензия мен созылмалы жүрек жеткіліксіздігі кезіндегі жағымсыз құбылыстар осы жай-күйлердің негізінде жатқан аурулардағы айырмашылыққа орай бөлек берілген.

Артериялық гипертензия

Ағзалар жүйелері мен жиілігі бойынша жіктелген, көпшілік жағдайларда жеңілден орташаға дейінгі түрде байқалған жағымсыз әсерлері төменде тізбеленген:

Жиі (≥ 1/100-ден < 1/10 дейін)

- бас ауырулар, бас айналу

- парестезиялар

- диспноэ

- іш қату, жүрек айну, диарея

- шаршау, ісінулер

Кейде (≥ 1/1000-нан ≤ 1/100 дейін)

- шым-шытырық түстер көру, депрессия

- көрудің нашарлауы

- брадикардия, жүрек жеткіліксіздігі, атриовентрикулярлық өткізгіштіктің баяулауы / АВ бөгелісі

- гипотония, мезгіл-мезгіл ақсаңдаудың өршуі

- бронх түйілуі

- диспепсия, метеоризм, құсу

- қышыну, эритематозды сипаттағы тері бөртпесі

- импотенция

Өте сирек(≤ 1/10000)

- синкопе

- псориаз ағымының өршуі

Белгісіз

- ангионевротикалық ісіну, аса жоғары сезімталдық

Бұдан басқа, кейбір -адреноблокаторлар туғызған мынадай жағымсыз әсерлері хабарланды: елестеулер, психоздар, сананың шатасуы, аяқтағы суыну/цианоз, Рейно синдромы, көздің құрғауы және практолол типі бойынша окуло-мукокутанды уыттану.

Созылмалы жүрек жеткіліксіздігі

- жүрек жеткіліксіздігінің өршуі

- ортостатикалық гипотензия

- дәрілік затты көтере алмаушылық

- I дәрежелі АВ бөгелісі

- аяқтың ісінуі

Қолдануға болмайтын жағдайлар

- препарат компоненттеріне жоғары сезімталдық

- бронх түйілуі, бронх демікпесі

- артериялық гипотензия

- брадикардия (ЖЖЖ минутына 50 рет соғудан аз), синоаурикулярлы бөгелісті қоса, синустық түйіннің әлсіздік синдромында (СТӘС), ІІ және ІІІ дәрежелі AV бөгелісі

- ангиоспастикалық стенокардия (Принцметалл стенокардиясы)

- жедел жүрек жеткіліксіздігі, декомпенсация сатысындағы созылмалы жүрек жеткіліксіздігі

- кардиогенді шок

- емделмеген феохромоцитома

- бауыр функциясының ауыр бұзылулары

- бүйрек функциясының айқын бұзылулары

- депрессия

- шеткергі тамырлардың облитерацияланатын аурулары, соның ішінде мезгіл-мезгіл ақсаңдау синдромы

- бұлшықет әлсіздігі, миастения

- метаболикалық ацидоз

- 18 жасқа дейінгі балалар мен жасөспірімдерге

- жүктілік және лактация кезеңі

Дәрілермен өзара әрекеттесуі

Препарат фармакодинамикасымен шартталған өзара әрекеттесулер

Мынадай өзара әрекеттесулер -адреноблокаторға ортақ болып саналады.

Бірге қолдану ұсынылмайды:

I топтағы аритмияға қарсы препараттар (хинидин, гидрохинидин, цибензолин, флекаинид, дизопирамид, лидокаин, мексилетин, пропафенон): атриовентрикулярлы өткізгіштікке әсер етуі және теріс инотропты әсері күшеюі мүмкін.

Верапамил/дилтиазем типіндегі кальций антагонистері: жиырылуға және атриовентрикулярлы өткізгіштікке кері ықпал етуі. -адреноблокаторлар қабылдайтын емделушілерге көктамыр ішіне верапамил енгізу айқын артериялық гипотонияға және АВ бөгелісіне әкелуі мүмкін.

Орталық әсер ететін гипотензиялық препараттар (клонидин, гуанфацин, моксонидин, метилдофа, рилменидин): орталық әсер ететін гипотензиялық препараттармен бірге қолдану орталық сипаттағы симпатикалық жүйке жүйесі тонусының төмендеуі (жүректің жиырылу жиілігінің және соғу көлемінің азаюы, вазодилатация) салдарынан жүрек жеткіліксіздігін өршітуі мүмкін. Кенеттен тоқтатқанда, атап айтқанда, -адреноблокаторлармен ем аяқталар алдында артериялық қысымның көтерілу ықтималдығы жоғарылауы мүмкін (тоқтату синдромы).

Бірге қолдану кезінде ерекше сақтану талап етіледі.

III топтағы аритмияға қарсы препараттар (амиодарон): атриовентрикулярлы өткізгіштікке әсері әлеуеттенуі мүмкін.

Галогенделген ұшқыр анестетиктер: бір мезгілде -адреноблокаторлар мен анестетиктер қолдану рефлекторлы тахикардияны бәсеңдетіп, гипотония қаупін арттыруы мүмкін. -адреноблокаторлармен емдеуді күрт тоқтатудан үнемі сақтану керек. Егер емделуші Нексивол қабылдап жүрсе, бұл жөнінде анестезиологты хабардар ету керек.

Инсулин және диабетке қарсы ішуге арналған дәрілер: Нексивол глюкоза деңгейіне ықпалын тигізбесе де, дегенмен бірге қабылдағанда ол гипогликемияның белгілі бір симптомдарын (жүрек қағу, тахикардия) бүркемелеуі мүмкін.

Баклофен (түйілуге қарсы миорелаксант), амифостин (ісікке қарсы препараттармен ем кезіндегі қосымша дәрілік зат): гипотензиялық дәрілермен бір мезгілде қолданғанда артериялық қысымның түсіп кету ықтималдығы артуы мүмкін; сондықтан гипотензиялық препараттар дозасын тиісті үлгіде түзету қажет.

Бірге қолданғанда ескеру қажет

Оймақгүл тобындағы гликозидтер: бірге қабылдағанда атриовентрикулярлы өткізгіштік баяулауы мүмкін. Алайда, небивололдың клиникалық зерттеулері жүргізілгенде осы өзара әрекеттесу белгілері табылмаған. Нексивол дигоксин кинетикасына ықпал етпейді.

Дигидропиридин типті кальций антагонистері (амлодипин, фелодипин, лакидипин, нифедипин, никардипин, нимодипин, нитрендипин сияқты): бірге қабылдау гипотония қаупін арттыруы мүмкін. Жүрек жеткіліксіздігінен зардап шегетін емделушілерде қарыншалардың сорғы функциясының әріқарай нашарлау қаупінің жоғарылауын жоққа шығаруға болмайды.

Психозға қарсы, депрессияға қарсы препараттар (үш циклды антидепрессанттар, барбитураттар және фенотиазин туындылары): бірге қолданғанда -адреноблокаторлардың гипотензиялық әсері әсерлердің жиынтықталу қағидасы бойынша күшеюі мүмкін.

Қабынуға қарсы стероидты емес дәрілер (ҚҚСП): небивололдың гипотензиялық әсеріне ықпал етпейді.

Симпатомиметиктер: бірге қолданғанда -адреноблокаторларға қарама-қарсы әсер көрсетуі мүмкін. -адренергиялық әсер иеленетін әсер етуші заттар - және сондай-ақ -адренергиялық әсерлері (артериялық гипертонияның, ауыр брадикардияның және жүрек бөгелісінің даму қауіптілігі) бар симпатомиметиктердің кедергісіз -адренергиялық белсенділігіне әкелуі мүмкін.

Препарат фармакокинетикасымен шартталған өзара әрекеттесулер

Небиволол метаболизмінің үдерісіне CYP2D6 изоферменті қатысатындықтан, осы ферментті тежейтін препараттарды, атап айтқанда, пароксетин, флуоксетин, тиоридазин және хинидинді бірге қабылдау плазмадағы небиволол деңгейін арттырады, осылайша, айқын брадикардияның және басқа да жағымсыз әсерлердің туындау қаупін жоғарылатады.

Циметидин бір мезгілде тағайындалғанда плазмадағы небиволол деңгейі артады, алайда, клиникалық тиімділігі өзгермейді.

Ранитидинді бір мезгілде тағайындау Нексивол фармакокинетикасына ықпал етпеген.

Нексиволды ас ішу кезінде, ал антацидті дәріні тамақтанулар арасында қабылдау шартымен дәрілік заттың екеуін де бірге тағайындауға болады.

Небиволол никардипинмен біріктірілгенде клиникалық тиімділігінің өзгеруінсіз плазмада екі субстанцияның да деңгейлері сәл жоғарылаған. Бір мезгілде алкоголь, фуросемид немесе гидрохлортиазид қабылдау небиволол фармакокинетикасына ықпалын тигізбеген. Нексивол варфарин фармакокинетикасы мен фармакодинамикасына әсер етпейді.

Айрықша нұсқаулар

Мынадай сақтандырулар мен сақтану шаралары -адреноблокаторларға ортақ болып табылады.

Анестезия

-адренорецепторлар бөгелісі наркоз енгізілгенде және интубацияда жүрек ырғағының бұзылу қаупін азайтады. Егер хирургиялық араласуға даярлық кезінде -адренорецепторлар бөгелісін үзу қажет болса, -адреноблокаторларды осыған дейін кемінде 24 сағат бұрын тоқтату керек.

Миокард бәсеңдеуін туғызатын белгілі бір анестетиктерді абайлап қолдану керек. Емделушіде вагустық реакциялардың пайда болуынан көктамыр ішіне атропин енгізу арқылы сақтануға болады.

Жүрек және тамырлар

Әдетте, -адреноблокаторлар емделмеген жүрек жеткіліксіздігі бар емделушілерге олардың ахуалы тұрақтанғанша тағайындалмайды.

Жүректің ишемиялық ауруынан зардап шегетін емделушілерде -адреноблокаторлармен емді біртіндеп, яғни 1-2 апта ішінде тоқтату керек. Қажет болса, стенокардияның өршуін бөгеу үшін алмастырғыш препараттармен емдеуді бір мезгілде бастау ұсынылады.

-адренорецепторлар блокаторлары брадикардияны туғызуы мүмкін. Егер тамырдың тыныш күйде соғуы минутына 50-55 реттен төмен мәндерге дейін төмендесе және/немесе емделушіде брадикардияны көрсететін симптомдар дамыса, дозаны азайту керек.

-адренорецепторлар блокаторларын мыналарда сақтықпен қолдану керек:

- шеткергі қан айналымы бұзылған емделушілерде (Рейно ауруы немесе Рейно синдромы, мезгіл-мезгіл ақсаңдау), өйткені осы аурулар өрши бастауы мүмкін;

- -адреноблокаторлардың өткізгіштікке теріс әсер етуімен байланысты

I дәрежелі АВ-бөгелісі бар емделушілерде;

- -адренорецепторлардың белсендірілуінен болатын коронарлық артериялар вазоконстрикциясына орай, Принцметалл стенокардиясы бар емделушілерге: -адренорецепторлар блокаторлары стенокардия ұстамаларының жиілігі мен ұзақтығын арттыруы мүмкін.

Небивололды верапамил мен дилтиазем типті кальций антагонистерімен, I  топтағы аритмияға қарсы дәрілермен, сондай-ақ орталық әсер ететін гипотензиялық препараттармен біріктіру ұсынылмайды.

Зат алмасу және эндокрин жүйесі

Нексивол диабетпен науқастарда глюкоза деңгейіне ықпал етпейді. Бұған қарамастан, аталған жағдайда сақтық шарасын қадағалау қажет, өйткені небиволол гипогликемияның белгілі бір симптомдарын (тахикардия, жүректің соғуы) бүркемелеуі мүмкін.

Қалқанша бездің гиперфункциясында -адреноблокаторлар тахикардия сияқты аурудың симптомын бүркемелеуі мүмкін. Емді кенеттен тоқтатқанда бұл симптомдар күшеюі мүмкін.

Тыныс жолдары

Тыныс жолдарының созылмалы обструкциялық аурулары бар емделушілерде -адреноблокаторлар абайлап қолданылу керек, өйткені тыныс жолдарының констрикциясы күшеюі мүмкін.

Басқалары

Сыртартқысында псориаз бар емделушілерге -адреноблокаторлар жағдай мұқият бағаланған соң ғана тағайындалу керек.

-адренорецепторлар блокаторлары аллергендерге сезімталдықты және анафилактикалық реакциялардың ауырлық дәрежесін арттыра алады.

Созылмалы жүрек жеткіліксіздігін небивололмен емдеудің басында емделушіні ұдайы қадағалау талап етіледі. Аса зор қажеттіліксіз емдеуді күрт тоқтатуға болмайды.

Аталған препаратта лактоза бар. Сирек кездесетін тұқым қуалайтын галактоза көтере алмаушылығы, организмдегі лактаза тапшылығы немесе глюкоза-галактоза мальабсорбциясы синдромы бар емделушілерге Нексивол қабылдауға болмайды.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Көлік құралдарын басқарғанда немесе механизмдер қызметін көрсеткенде кейде бас айналу мен шаршау сезімінің орын алуы мүмкін екенін ескеру керек.

Артық дозалануы

Симптомдары – жағымсыз әсерлерінің күшеюі.

Емі – симптоматикалық. Артық дозаланған немесе аса жоғары сезімталдық реакциясы дамыған жағдайда емделушіні тұрақты бақылаумен және қарқынды ем бөлімі жағдайларында емдеумен қамтамасыз ету керек. Қандағы глюкоза мөлшерін бақылау ұсынылады. Асқазан-ішек жолында болатын әсер етуші заттың сіңуін асқазанды шаюмен, белсендірілген көмір мен іш жүргізгіш дәрілер тағайындаумен бөгеуге болады. Өкпені жасанды желдету керек болуы мүмкін.

Шығарылу түрі және қаптамасы

Пішінді ұяшықты қаптамада 14 таблеткадан. Медициналық қолдану жөніндегі мемлекеттік және орыс тілдеріндегі нұсқаулықпен бірге 2 пішінді қаптамадан картон қорапшаға салынады.

Сақтау шарттары

Құрғақ, жарықтан қорғалған жерде, +25˚С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

3 жыл

Қаптамасында көрсетілген жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецепт арқылы

Өндіруші

«Абди Ибрахим Глобал Фарм» ЖШС

Қазақстан Республикасы, Алматы обл., Іле ауд., Өндірістік аймақ 282

тел.: +7 (727) 232-44-85

Тіркеу куәлігінің иесі

«Абди Ибрахим Глобал Фарм» ЖШС

Қазақстан Республикасы

Қазақстан Республикасы аумағында тұтынушылардан өнім  сапасына қатысты шағымдарды қабылдайтын және дәрілік заттың қауіпсіздігін тіркеуден кейінгі қадағалануына жауапты ұйымның  мекенжайы

«Абди Ибрахим Глобал Фарм» ЖШС, Қазақстан Республикасы, Алматы обл., Іле ауд., Өндірістік аймақ 282, тел.: +7 (727) 232-44-85,

электрондық пошта: info@aigp.kz

 

Прикрепленные файлы

954618241477976533_ru.doc 83 кб
621859871477977689_kz.doc 111.5 кб

Отправить прикрепленные файлы на почту

Источники

Национальный центр экспертизы лекарственных средств, изделий медицинского назначения и медицинской техники