Нейрорубин™

• русский
• қазақша

• Скачать инструкцию медикамента

Саудалық атауы

Нейрорубин™

Халықаралық патенттелмеген атауы

Жоқ

Дәрілік түрі

Инъекцияға арналған ерітінді, 3 мл

Құрамы

3 мл препараттың құрамында

белсенді заттар: тиамин гидрохлориді (В1 витамині) 100 мг

пиридоксин гидрохлориді (В6 витамині) 100 мг

цианокобаламин (В12 витамині) 1 мг,

қосымша заттар: калий цианиді, бензил спирті, инъекцияға арналған су.

Сипаттамасы

Қызыл түсті мөлдір сұйықтық.

Фармакотерапиялық тобы

Витаминдер. В1 витамині және оның В6 және В12 витаминдерімен біріктірілімі.

АТХ коды А11DB

 

Фармакологиялық қасиеттері

Фармакокинетикасы

Препарат құрамында В тобы витаминдерінің біріктірілімі: тиамин гидрохлориді (В1), пиридоксин гидрохлориді (В6) және цианокобаламин (В12) бар.

Суда еритін витаминдер бұлшықет ішіне енгізгеннен кейін организмде толық сіңіріледі.

Тиамин гидрохлориді (В1 витамині). Тиамин гидрохлоридінің сіңірілген бөлігі энтерогепатиттік айналымға қатысады. Тиамин гидрохлориді шығарылуының негізгі өнімдері – бұл тиаминкарбон қышқылы және пирамин (2,5-диметил-4-аминопиримидин). Сонымен бірге тиамин гидрохлоридінің аздаған мөлшері өзгермеген күйде бөлініп шығады.

Пиридоксин гидрохлориді (В6 витамині). Организмде пиридоксин гидрохлориді пиридоксальға дейін тотығады немесе пиридоксаминге дейін аминделеді. Оның коэнзим ретінде әрекет ету шарты 5-ші қалыптағы СН2ОН тобы бойынша фосфорлануымен, яғни пиридоксаль-5-фосфат (ПАЛФ) түзілуімен жүзеге асады. Қанда шамамен 80% ПАЛФ ақуыздармен байланысады. Пиридоксин гидрохлориді ПАЛФ түрінде көбінесе бұлшықеттерде жиналады. Бөлініп шығатын негізгі өнімі –

4-пиридоксин қышқылы.

Цианокобаламин (В12 витамині). В12 витамині сіңірілген соң спецификалық В12-байланыстырушы бета-(транскобаламин) және В12-байланыстырушы альфа1-глобулинмен сарысуда байланысады. В12 витаминінің жиналуы негізінен бауырда жүреді. Қан сарысуынан жартылай шығарылу кезеңі шамамен 5 күн, ал бауырдан шамамен 1 жыл құрайды.

Фармакодинамикасы

В тобының витаминдері бәрінен жиірек ақуыздар, майлар және көмірсулар метаболизмін реттейтін ферменттік жүйелер құрамына кіреді. Дегенмен В тобы витаминдерінің әрқайсысы спецификалық биологиялық рөл атқарады. Зат алмасу қызметі қалыпты болу үшін организмде олар теңестірілген мөлшерде болуы қажет.

НейрорубинТМ өзінде жүйке жүйесі қызметінде маңызды рөл атқаратын үш В1, В6, В12 витаминінің жоғары дозаларын біріктіреді. Осы витаминдердің әрбірі жүйке жасушаларында оңтайлы зат алмасуды қамтамасыз ету үшін қажет. Бұдан басқа, осы витаминдердің жоғары дозалары қолданылу барысында ауыруды басу әсерін танытады.

Қолданылуы

- шеткергі нейропатия және полинейропатия (диабеттік, алкогольдік)

- невриттер

- үшкіл жүйке невралгиясы, цервикобрахиальді невралгия, ишиалгиялар

 

Қолдану тәсілі және дозалары

Ересектер

Ауыр жағдайларда: емнің басында ауырсыну сезімдері азайғанша бұлшықет ішіне күн сайын немесе күнара тәулігіне бір ампула (3 мл) қолданылады. Сосын аптасына бір немесе екі рет бір ампула (3 мл).

Орташа ауыр жағдайларда: аптасына бір немесе екі рет бір ампула (3 мл) бұлшықет ішіне қолданылады.

Бұлшықетішілік инъекцияны бөксе бұлшықетінің үстіңгі сыртқы төрттен бір бөлігіне салу керек.

Жағымсыз әсерлері

- аллергиялық реакциялар (қышыну, есекжем, тыныстың тарылуы, Квинке ісінуі, анафилактикалық шок)

- қан плазмасында глютамин-қымыздық-сірке трансаминазасы (АСТ) белсенділігінің жоғарылауы, пролактин бөлінісінің тежелуі

- безеулі бөртпе

- үрейлену, «тамақтағы түйнек» сезімі, тремор, бас айналу, кенеттен тершеңдік, әлсіздік сезіну, мазасыздық

- жүрек айну, асқазан-ішектік қан кетулер

- дене температурасының көтерілуі, бет гиперемиясы

Бірлі-жарым жағдайларда

- тахикардия, коллапс, цианоз, өкпе ісінуі

Қолдануға болмайтын жағдайлар

- препарат компоненттеріне жоғары сезімталдық

- псориаз

- жүктілік және лактация кезеңі

- 18 жасқа дейінгі балалар мен жасөспірімдерге

Дәрілермен өзара әрекеттесуі

Пиридоксин гидрохлориді L-дофаминнің (леводопа) декарбоксилденуін көтермелеп, осы препараттың емдік әсерін азайтуы мүмкін екендіктен, Паркинсон ауруына шалдыққан емделушілерді емдегенде бұл дәрілік заттарды бір мезгілде қолданбау қажет.

Препарат изониазид уыттылығын күшейтеді.

Тиосемикарбазон және 5-флуоурацил В1 витаминінің антагонистері бола отырып, оның тиімділігін азайтады. Тиамин тотықтыратын заттармен, сынап хлоридімен, йодидпен, карбонатпен, ацетатпен, танин қышқылымен, темір аммоний/цитратымен, сондай-ақ фенобарбиталмен, рибофлавинмен, бензилпенициллинмен, декстрозамен және метабисульфитпен үйлеспейді.

Нейрорубинтм ісікке қарсы альтретамин дәрісінің әсер ету тиімділігін азайтуы мүмкін.

С витаминімен қолдану В6 витамині белсенділігінің жойылуына алып келеді.

Нейрорубиндітм басқа дәрілік заттармен араластыруға болмайды.

Айрықша нұсқаулар

Сирек жағдайларда және белгілі бір жай-күйлерде қайтаналанатын құрамында витаминдер бар препараттардың бұлшықетішілік инъекциялары оларға бейім болып келетін емделушілер арасында анафилактоидтық реакциялар туғызуға қабілетті. Олар дамыған жағдайда Нейрорубин™ препаратын тоқтатып, глюкокортикоидтар мен гистаминге қарсы дәрілер пайдалану қажет.

В6 витаминінің шамадан тыс дозалары (5 айдан астам уақыт бойы 500 мг немесе одан жоғары) шеткергі сенсорлы невропатияға әкеп соқтырады, әдетте, ол препарат қолдану аяқталғаннан кейін басылады. В12 витаминін қабылдау, ауру симптомдарын нашарлатуы мүмкін екеніне орай, псориазбен науқастарға қарсы көрсетілімді.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Нейрорубинтм препаратының автокөлік немесе басқа да механизмдерді басқару кезінде реакция жеделдігіне әсер етуіне қатысты зерттеулер жүргізілмеген. Алайда сирек жағдайларда препаратты қолданған кезде бас айналу, әлсіздік, мазасыздық және т.б. болуы мүмкін екенін ескеріп, көлік құралын немесе қауіптілігі зор механизмдерді басқарған кезде сақтық шарасын қадағалау қажет.

Артық дозалануы

Симптомдары: бас айналу, аритмия, құрысулар.

Емі: препаратты тоқтату, симптоматикалық ем.

Шығарылу түрі және қаптамасы

Инъекцияға арналған ерітінді, 3 мл.

Қоңыр шыны ампулаларда 3 мл.

Ампулаларға өздігінен желімделетін заттаңба жапсырылады.

5 ампуладан медицинада қолданылуы жөніндегі мемлекеттік және орыс тілдеріндегі нұсқаулықпен бірге картон пәшкеге салады.

Сақтау шарттары

2оС-ден 8оС-ге дейінгі (тоңазытқышта) температурада сақтау керек.

Балалардың қолы жетпейтін жерде сақтау керек!

Сақтау мерзімі

3 жыл

Жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецепт арқылы

Өндіруші

Меркле ГмбХ, Германия

Тіркеу куәлігінің иесі

Teva Pharmaceutical Industries Limited, Израиль

Қазақстан Республикасы аумағында тұтынушылардан өнім (тауар) сапасына қатысты шағымдар қабылдайтын ұйымның мекенжайы:

ҚР-дағы «Мефа ГмбХ» өкілдігі

050040 Қазақстан Республикасы

Алматы қ., Әл-Фараби даңғылы 19,

Нұрлы Тау бизнес орталығы 1 Б, 603 кеңсе

Телефон, факс: (727) 311-09-15; 311-07-34

E-mail: teva@teva.co.il