НЕЙРОМИДИН® (NEIROMIDIN®)

• русский
• қазақша

• Скачать инструкцию медикамента

Саудалық атауы

Нейромидин® (Neiromidin®)

Халықаралық патенттелмеген атауы

Ипидакрин

Дәрілік түрі

20 мг таблеткалар

Құрамы

Бір таблетканың құрамы

белсенді зат: 20 мг ипидакрин гидрохлориді,

қосымша заттар: лактоза моногидраты, картоп крахмалы, кальций стеараты.

Сипаттамасы

Ақ немесе ақ дерлік түсті, жалпақ цилиндр пішінді, ойығы бар таблеткалар.

Фармакотерапиялық тобы

Психоаналептиктер. Холинэстераза тежегіштері. Ипидакрин.

АТХ коды N06DA05

Фармакологиялық қасиеттері

Фармакокинетикасы

Ішке қабылдаудан кейін ипидакрин гидрохлориді асқазан-ішек жолынан тез сіңеді. Негізінен 12 елі ішектен, аз шамада жіңішке ішектен сіңеді. Қан плазмасында ең жоғары концентрацияға бір сағаттан соң жетеді. Белсенді заттың 40-55%-ға жуығы қан плазмасы ақуыздарымен байланысады. Белсенді зат қаннан тінге тез өтеді, гематоэнцефалдық бөгеттен өтеді. Тепе-тең таралғаннан кейін қан плазмасында белсенді заттың 2%-ға жуығы қалады. Негізінен гидроксилдену жолымен бауырда метаболизденеді. Метаболиттер әсер етудің сол бейінін сақтайды, бірақ олардың әсерлерінің айқындылығы едәуір әлсіз. Элиминациясы ренальді және экстраренальді түрде жүреді, өзекшелік секреция арқылы несеппен бірге шығарылуы басым, және дозаның тек 1/3-і ғана шумақтық сүзілу жолымен бөлініп шығады. Жартылай шығарылуының ақырғы кезеңі 2-3 сағатты құрайды. Ішке қабылдағананн кейін дозаның 3,7%-ы ғана өзгермеген күйінде несеппен бірге шығарылады. Жиналып қалмайды.

Фармакодинамикасы

Нейромидин® – холинэстеразаның қайтымды тежегіші. Препарат, жарғақшалардың калий өзекшелерінің бөгелуі салдарынан, жүйке-бұлшықет синапсымен және ОЖЖ-мен импульстің жүруін тікелей стимуляциялайды. Нейромидин® тегіс бұлшықеттерге ацетилхолиннің ғана емес, адреналиннің, серотониннің, гистаминнің және окситоциннің де әсерін күшейтеді.

Нейромидин® препаратының мынадай фармакологиялық әсерлері бар:

• жүйке-бұлшықет берілімін жақсартады және стимуляциялайды;

• шеткергі жүйке жүйесінде әртүрлі факторлардың (жарақат, қабыну, жергілікті анестетиктердің, кейбір антибиотиктердің, калий хлоридінің және басқалардың әсері) әсер етуі салдарынан бұзылған импульстердің өтуін қалпына келтіреді;

• калий хлоридін қоспағанда, барлық агонистердің ықпал етуімен тегіс бұлшықеттердің жиырылғыштығын күшейтеді;

• жекелеген седативтік әсерлердің көріністерімен бірігіп ОЖЖ орташа стимуляциялайды;

• жадыны жақсартады.

Қолданылуы

Кешенді ем құрамында

• шеткергі жүйке жүйесінің аурулары (неврит, полиневрит, полинейропатия, полирадикулонейропатия, миастения және этиологиясы әртүрлі миастениялық синдром);

• бульбарлы салдар және парездер;

• қимыл-қозғалыстың бұзылуымен қатар жүретін, орталық жүйке жүйесінің органикалық зақымдануларындағы қалпына келтіру кезеңінде;

• жүйке жүйесінің демиелинизацияланатын ауруларында (соның ішінде жайылған склероз);

• жадының шығу тегі әртүрлі бұзылуларында (Альцгеймер ауруы, қарттық кем ақылдылықтың басқа түрлері);

• ішек атониясында.

Қолдану тәсілі және дозалары

Ішке. Дозалар және емдеу ұзақтығы сырқаттың ауырлығына қарай әр адамға жекелей белгіленеді. Ең жоғары бір реттік доза - 40 мг, ең жоғары тәуліктік доза - 200 мг.

Невритте: күніне 2-3 рет 20 мг. Емдеу курсы жедел невритте 10-15 күн, созылмалы невритте - 20-30 күнге дейін. Қажет болғанда емдеу курсын 2-4 апталық аралықпен емдік әсерге қол жеткізілгенше 2-3 рет қайталайды;

Полирадикулонейропатияларда: 30-40 күн бойына күніне 2-3 рет 20 мг-ден. Емдеу курсын емдік әсерге қол жеткізілгенше 1-2 ай аралықпен көп рет қайталайды;

Миастенияда және миастениялық синдромда: күніне 1-3 рет 10-20 мг (1/2 - 1 таблетка). Емдеу курсы 1-ден 2 айға дейінді құрайды. Қажет болған кезде емдеуді курс аралықтарына 1-2 ай үзіліспен бірнеше рет қайталауға болады.

Қимыл-қозғалыстың бұзылуымен қатар жүретін, орталық жүйке жүйесінің органикалық зақымдануларындағы қалпына келтіру кезеңінде: 60 күн бойына күніне 3 рет 20 мг-ден.

Жүйке жүйесінің демиелинизацияланатын ауруларында (соның ішінде жайылған склерозда): жылына 2-3 рет 60 күн бойы күніне 3-5 рет 20 мг-ден.

Жадының шығу тегі әртүрлі бұзылуларында (соның ішінде Альцгеймер ауруында): күніне 2-3 рет 20 мг.

Емдеу курсының ұзақтығы - 4 айдан 1 жылға дейін.

Дәрігер белгілеген мерзім ішінде жүйке-бұлшықет өткізгіштігінің ауыр бұзылуларында миастениялық кризге жол бермеу үшін 1-2 мл (15-30 мг) Нейромидин® препаратының инъекцияға арналған 1,5% ерітіндісін бұлшықет ішіне немесе тері астына енгізеді, содан кейін емдеуді дәрілік заттың таблетка түрімен жалғастырады және дозаны күніне 5 рет 20-40 мг-ге дейін арттыруға болады, емдеу курсын дәрігер белгілейді және ол клиникалық көріністің динамикасына байланысты болады. Ең жоғары тәуліктік доза  200 мг.

Ішек атониясында: 1-2 апта бойы күнінен 2-3 рет 20 мг.

Жағымсыз әсерлері

Жиі

- гиперсаливация, жүректің айнуы

- жүрек қағуы, брадикардия

- терлеудің күшеюі

Сирегірек

- бронх секретінің бөлініп шығуының күшеюі

- жоғары дозаларды қолданудан кейін – бас айналу, бас ауыру, әлсіздік, ұйқышылдық, бұлшықет құрысулары, аллергиялық реакциялар (терінің қышуы, бөртпе), құсу

Сирек

- эпигастрияда ауыру, іш өту

Белгісіз (қолда бар деректермен анықтауға келмейді)

- бронхтың түйілуі

Сілекейдің бөлінуін және брадикардияны м-холиноблокаторлармен (атропин және басқа) азайтуға болады.

Мұндай жағдайларда дозаны азайтады немесе препарат қабылдауды қысқа мерзімге (1-2 күнге) тоқтатады.

Қолдануға болмайтын жағдайлар

- ипидакринге немесе препараттың қосымша заттарына жоғары сезімталдық

- эпилепсия

- гиперкинезбен бірге экстрапирамидтік аурулар

- стенокардия

- айқын брадикардия

- бронх демікпесі

- ішектің немесе несеп шығару жолдарының бітелуі

- вестибулярлы бұзылыстарға бейімділік

- асқазан мен он екі елі ішектің ойық жара ауруының өршу сатысы

- жүктілік және бала емізу кезеңі

- 18 жасқа дейінгі балалар мен жасөспірімдер (балаларда дәрілік заттың қауіпсіздігіне талапқа сай зерттеулер жүргізілген жоқ).

Дәрілермен өзара әрекеттесуі

Нейромидин® препараты белсенділігінің ауқымында седативтік әсердің болуы үлкен дозалардағы ұйықтатқыш препараттардың (гексенал, хлоралгидрат) әсерлерін біршама потенциялауға әкеледі, сол кезде Нейромидин® аз дозалардағы сияқты ұйықтатқыш дәрілердің әсеріне ықпалын тигізбейді немесе әсерін әлсіретеді. Әсері және жағымсыз әсерлері холинэстеразаның басқа тежегіштерімен және м-холиномиметикалық дәрілермен бірге қолданғанда күшейеді. Myasthenia gravis бар науқастарда басқа холиномиметикалық дәрілерді қолдану аясында холинергиялық криздің даму қаупі ұлғаяды. b-адреноблокаторлар Нейромидин® препаратымен емдеуді бастағанға дейін қолданылса, брадикардияның даму қаупі жоғарылайды. Церебролизин препараттың тиімділігін арттырады. Нейромидин® жергілікті анестетиктердің, антибиотиктердің әсерін әлсіретеді.

Алкоголь препараттың жағымсыз әсерін күшейтеді.

Айрықша нұсқаулар

Егер кезекті қабылдауды өткізіп алсаңыз, мұны еске түсіру бойына, препаратты қабылдаңыз, бірақ келесі қабылдау уақыты болып қалса, қабылдамай-ақ қойыңыз. Еш уақытта екі еселенген доза қабылдамаңыз!

Асқазан мен он екі елі ішектің ойық жара ауруында, тиреотоксикозда, жүрек-қантамыр ауруларында, сондай-ақ сыртартқысында тыныс жолдарының аурулары бар емделушілерге немесе тыныс жолдарының жедел ауруларында сақтықпен тағайындаңыз.

Препарат құрамында лактоза бар. Туа біткен галактоза жақпаушылығы, Lapp лактаза тапшылығы немесе глюкоза-галактоа мальабсорбциясы бар емделушілерге қолданбаған жөн.

Көлік құралын немесе қауіпті механизмдерді басқару қабілетіне дәрілік заттың ықпал ету ерекшеліктері

Нейромидин® седативтік әсер беруі мүмкін, сондықтан орталық жүйке жүйесі тарапынан жағымсыз құбылыстар, мысалы, ұйқышылдық байқалған емделушілер көлік құралын басқаруды тоқтата тұрғаны жөн.

Артық дозалануы

Ауыр артық дозалануда мынадай симптомдармен “холинергиялық криз” дамуы мүмкін: бронхтың түйілуі, көзден жас ағу, терлеудің күшеюі, қарашықтардың тарылуы, нистагм, кенеттен болатын дефекация және несептің бөлініп шығуы, құсу, брадикардия, жүрек бөгелісі, аритмиялар, гипотензия, мазасыздық, үрейлену, қозу, қорқыныш сезімі, атаксия, конвульсиялар, кома, міңгірлеп сөйлеу, ұйқышылдық және әлсіздік. Симптомдар әлсіз білінуі мүмкін.

Емі: препарат қабылдауды тоқтату, асқазанды шаю, симптоматикалық ем, м-холиноблокаторлар: атропин, циклодол немесе метацин пайдаланылады, олар артық дозалану симптомдарының айқындылығын азайтады.

Шығарылу түрі және қаптамасы

Поливинилхлоридті үлбірден және алюминий фольгадан жасалған пішінді ұяшықты қаптамада 10 таблеткадан.

Медицинада қолданылуы жөнінде мемлекеттік және орыс тілдеріндегі нұсқаулықпен бірге картон қорапшада пішінді 5 қаптамадан.

Сақтау шарттары

Құрғақ, жарықтан қорғалған жерде, 25°С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

5 жыл

Қаптамасында көрсетілген жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецепт арқылы

Өндіруші

“ОЛАЙНФАРМ” АҚ.

Мекенжайы: Рупницу к-сі 5, Олайне, LV-2114, Латвия.

Тұтынушылардан өнім сапасы жөніндегі шағымдарды Қазақстан Республикасы аумағында қабылдайтын ұйымның мекенжайы: 050009 Алматы қ., Абай д-лы 151/115, кеңсе 807, телефон /факс 007 727 333 46 52,

E-mail olainfarm.instr@mail.ru