Небиворлд

• русский
• қазақша

• Скачать инструкцию медикамента

Саудалық атауы

Небиворлд

Халықаралық патенттелмеген атауы

Небиволол

Дәрілік түрі

5 мг таблеткалар

Құрамы

Бір таблетканың құрамында

белсенді зат - небиволол 5.00 мг (небиволол гидрохлориді түрінде 5.45 мг)

қосымша заттар: лактоза моногидраты, жүгері крахмалы, микрокристалды целлюлоза, натрий кроскармеллозасы, гипромеллоза, магний стеараты, сусыз коллоидты кремнийдің қостотығы.

Сипаттамасы

Ақ түсті немесе ақ түсті дерлік бір жағында крест тәрізді сызығы бар екі беті дөңес дөңгелек пішінді таблеткалар.

Фармакотерапиялық тобы

Жүрек–қантамыр жүйесі ауруларын емдеуге арналған препараттар. Бета-адреноблокаторлар. Селективті бета1- адреноблокаторлар. Небиволол.

АТХ коды C07AB12

Фармакологиялық қасиеттері

Фармакокинетикасы

Ішу арқылы қабылдағаннан кейін небивололдың қос энантиомері ас қорыту жолдары арқылы жылдам сіңеді. Ас ішу препараттың сіңірілуіне ықпал етпейді, сондықтан оны ас ішуге қарамастан қабылдауға болады. Небивололды ішу арқылы қабылдағаннан кейін метаболизмі «жылдам» адамдарда (бауырда «алғашқы өту» әсері) биожетімділігі орташа 12%-ды құрайды және метаболизмі «баяу» адамдарда толық дерлік. Қан плазмасының ақуыздарымен байланысуы D-небиволол үшін – 98,1%, L-небиволол үшін 97,9%.

Небиволол ациклді және хош иісті гидроксилирлену және ішінара N-дезалкилирлену жолымен белсенді метаболиттер түзумен метаболизденеді. Түзілетін гидрокси- және аминотуындылары глюкурон қышқылымен конъюгацияланады және О- және N-глюкуронидтер түрінде шығарылады. Гидроксиметаболиттердің жартылай шығарылу кезеңі 24 сағатты құрайды, небиволол энантиомерлері  10 сағатта (метаболизмі «жылдам» адамдарда); гидроксиметаболиттері  48 сағатта, небиволол энантиомерлері  30-50 сағатта (метаболизмі «баяу» адамдарда) шығарылады. Бүйрекпен (38%) және ішек арқылы (48%) шығарылады. Өзгермеген небивололдың несеппен шығарылуы ішке қабылданған препарат мөлшерінің 0,5% азын құрайды.

Фармакодинамикасы

Небиворлд – кардиоселективті β1-адреноблокатор. Гипотензивтік, жүрек қыспасына қарсы және аритмияға қарсы әсер етеді. Небивололдың D- және L-айналатын энантиомерлерінің рацематы небиволол болып табылады. D-небиволол есебінен препарат β1-адренорецепторлардың селективті бәсекелес блокаторының қасиеттерін байқатады. L-небиволол есебінен азот тотығы/L-аргининмен метаболизмдік өзара әрекеттесуі салдарынан тамыртарылтушы әсер етеді. Небиволол емдік дозаларда симпатомиметикалық белсенділік танытпайды, маңызды жарғақша тұрақтандыратын әсері жоқ, сондай-ақ α-адренорецепторларға әсер етпейді. Небивололды бір рет және қайта қабылдағанда жүрек жирылуының жиілігі (ЖЖЖ) төмендейді, артериялық қысымы (АҚ) қалыпты адамдарда тыныштық кезінде және жүктемеде, сондай-ақ артериялық гипертензияда (АГ) АҚ көрсеткіштері азаяды. Ұзақ емдегенде гипотензивтік әсері сақталады.

Жүрегінің жедел және созылмалы жеткіліксіздігі бар пациенттерде небивололды қабылдаған соң жалпы шеткері қантамырлық кедергінің төмендеуі байқалады. ЖЖЖ төмендеуіне қарамастан, тыныштық кезінде және жүктемеде қанның үлкен мөлшеріне байланысты жүрек лықсытуы маңызды өзгермейді.

Гипотензивтік әсері сонымен қатар ренин-ангиотензинді жүйенің белсенділігі азаюымен (қан плазамасындағы ренин белсенділігінің өзгеруімен тікелей корреляцияланбайды) байланысты.

Препараттың гипотензивті әсері емдеуді бастағаннан кейін 1-2 апта ішінде дамиды, небивололды қабылдауды бастағаннан кейін 4 аптадан кейін ғана артериялық қысымды оңтайлы қадағалауға болады.

Миокардқа оттегінің қажеттігін төмендете отырып (ЖЖЖ жиілеуі және алдыңғы жүктеменің және кейінгі жүктеменің төмендеуі), небиволол стенокардия ұстамаларының санын және ауырлығын төмендетеді және дене жүктемесінің көтерімділігін жоғарылатады. Аритмияға қарсы әсері жүректің патологиялық автоматизмінің бәсеңдеуінен (оның ішінде патология ошағында) және атриовентрикулярлы өткізгіштіктің баяулауынан туындайды.

Қолданылуы

• эссенциальді гипертензияда

• ауырлығы жеңіл және орташа дәрежедегі тұрақты созылмалы жүрек жеткіліксіздігін емдеуде емнің стандартты әдістеріне қосымша ретінде егде пациенттерде ≥ 70 жас

Қолдану тәсілі және дозалары

Небиворлд таблеткаларын тәулігіне 1 рет ішу арқылы қабылдайды, ас ішуге қарамастан, тәуліктің әрдайым белгілі бір уақытында, сұйықтықтың жеткілікті мөлшерімен бірге қабылдау керек.

Эссенциальді гипертензия

Ересектер

Доза тәулігіне 1 рет (5 мг небиволол); тәуліктің әрдайым белгілі бір уақытында қабылдаған жөн.

Гипотензивтік әсер емдеудің 1-2 аптасынан кейін білінеді. Кейде оңтайлы әсерге тек 4 аптадан соң жетеді.

Басқа гипотензивті дәрілермен біріктіргенде

-адренорецепторлардың блокаторларын монотерапия, сондай-ақ басқа гипотензивті дәрілермен біріктіре қолдануға да болады. Қазірге дейін қосымша гипотензивтік әсері 5  мг Небиворлдты 12,5-25 мг гидрохлортиазидпен біріктіре отырып қабылдағанда ғана байқалды.

Бүйрек жеткіліксіздігі бар пациенттер

Бүйрек жеткіліксіздігі бар науқастар үшін ұсынылған бастапқы доза тәулігіне 2,5 мг. Қажет болғанда тәуліктік дозаны 5 мг-ге дейін ұлғайтуға болады.

Бауыр жеткіліксіздігі бар пациенттер

Препаратты бауыр жеткіліксіздігі немесе бауыр функциясының бұзылуы бар пациенттерде қолданудың деректері шектеулі мөлшерде. Осы себепті Небиворлдты мұндай пациенттерге қолдануға болмайды.

Егде пациенттер

65 жастан асқан пациенттер үшін ұсынылған бастапқы доза тәулігіне 2,5 мг. Қажет болған жағдайда тәуліктік дозаны 5 мг-ге дейін ұлғайтуға болады. Алайда, препаратты 75 жастан асқан пациенттерге қолдану тәжірибесі жеткіліксіз екенін ескере отырып, оны тағайындағанда бұл пациенттерге сақтық және мұқият бақылау қажет болады.

Балалар мен жасөспірімдер

Небиворлдты балалар мен 18 жастан кіші жасөспірімдерге қолданудың қауіпсіздігі және тиімділігі анықталмаған.

Жүректің созылмалы жеткіліксіздігі

Жүректің тұрақты созылмалы жеткіліксіздігін емдеуді бастауды жеке оңтайлы демеуші дозаға жеткенше дозаны баяу титрлей отырып.

Мұндай пациенттерге препаратты оларда жүректің тұрақты созылмалы жеткіліксіздігі соңғы 6 апта ішінде жедел декомпенсациясының эпизодтары болмағанда

Жүректің созылмалы жеткіліксіздігін тәжірибелі дәрігер жүргізуі керек.

Диуретиктерді және/немесе дигоксин және/немесе АӨФ тежегіштерін және/немесе II ангиотензин  рецепторларының антагонистерін қоса, басқа жүрек-қантамырлар препараттарын қабылдайтын пациенттерде – Небиворлдпен емдеудің алдында – осы дәрі-дәрмектердің іріктелген дозасы соңғы 2 апта бойы тұрақты болуы тиіс.

Дозаны бастапқы титрлеуді мына сызба бойынша жүзеге асыру керек, бұл ретте бір аптадан екі аптаға дейінгі аралықты сақтай отырып, пациенттің осы дозаны көтере алуын бақылай отырып:

1,25 мг небивололды тәулігіне бір рет, тәулігіне бір рет 2,5 мг-ге дейін, содан соң - тәулігіне бір рет 5 мг-ге дейін, содан соң – тәулігіне бір рет 10 мг-ге дейін арттыруға болады.

Ең жоғары ұсынылған доза тәулігіне бір рет 10 мг небивололды құрайды.

Емдеудің басында және дозаны әрбір арттырған сайын пациенттің клиникалық жағдайы тұрақты екеніне көз жеткізу үшін (әсіресе артериялық қысымы, жүрек жирылуының жиілігі, өткізгіштіктің бұзылуы, сондай-ақ жүрек жеткіліксіздігі ауырлауының симптомдарына байланысты) кем дегенде 2 сағат тәжірибелі дәрігердің бақылауында болуы керек.

Жағымсыз әсерлердің пайда болуы пациенттердің барлықтарын дерлік ең жоғары ұсынылатын дозалармен емдеудің мүмкін еместігін білдіреді. Қажет болғанда қол жеткізген дозаны біртіндеп қайта азайтуға немесе тиісінше оған қайта оралуға болады.

Жүрек жеткіліксіздігі ауырлағанда немесе титрлеу фазасында препаратты көтере алмағанда, небивололдың дозасын басында төмендету ұсынылады немесе қажет болған жағдайда оны қабылдауды тез арада тоқтату керек (ауыр гипотония пайда болғанда, өкпенің жедел ісінуімен жүрек жеткіліксіздігі күшейгенде, кардиогенді шок, симптоматикалық брадикардия немесе АВ-блокадада).

Әдетте, небивололмен жүректің тұрақты созылмалы жеткіліксіздігін емдеу ұзақ мерзімді болып табылады.

Небивололмен емдеуді күрт тоқтатуға болмайды, бұл жүрек жеткіліксіздігінің уақытша ауырлауына әкеп соғуы мүмкін. Егер препаратты қабылдауды тоқтату қажет болса, дозаны бір апта аралықпен еке есе азайтып біртіндеп төмендету керек.

Бүйрек жеткіліксіздігі бар пациенттер

Дозаны ең жоғары көтере алатынға дейін титрлеу жекелей жүргізілетіндіктен, ауырлығы жеңіл және орташа дәрежедегі бүйрек жеткіліксіздігінде түзетудің қажеті жоқ.

Ауыр дәрежедегі бүйрек жеткіліксіздігі (қансарысуы креатинині ≥ 250 мкмоль/л) бар науқастарға препаратты қолдану тәжірибесі жоқ. Сондықтан небивололды бұл пациенттерде қолданбаған жөн.

Бауыр жеткіліксіздігі бар пациенттер

Препаратты бауыр жеткіліксіздігі бар пациенттердің қолдануы туралы шектеулі мөлшердегі деректер бар. Осы себепті Небиворлдты осындай пациенттерге қолданбаған жөн.

Егде пациенттер

Дозаны ең жоғары көтере алатынға дейін титрлеу жеке жүргізілетіндіктен, оны түзетудің қажеті жоқ.

Балалар және жасөспірімдер

Небиворлдты балалар мен 18 кіші жасөспірімдерге қолданудың қауіпсіздігі және тиімділігі анықталмаған.

Жағымсыз әсерлері

Жағымсыз әсерлер жиілігіннің төменде келтірілген параметрлері былайша анықталады: жиі ( ≥ 1/100-ден < 1/10 дейін), жиі емес (≥ 1/1000-ден < 1/100 дейін), өте сирек (< 1/10000), жиілігі белгісіз.

Иммун жүйесінің тарапынан бұзылулар: жиілігі белгісіз – ангионевроздық ісіну, аса жоғары сезімталдық.

Психикалық бұзылулар: жиі емес  шым-шытырық түс көрулер, депрессия.

Жүйке жүйесі тарапынан бұзылулар: жиі – бас ауыруы, бас айналуы, парестезиялар; өте сирек - синкопе.

Көру ағзалары тарапынан бұзылулар: жиі емес - көрудің бұзылуы.

Жүрек тарапынан бұзылулар: жиі емес - брадикардия, жүрек жеткіліксіздігі, атриовентрикулярлық бөгет.

Тамырлар тарапынан бұзылулар: жиі емес  гипотензия, мезгіл-мезгіл ақсақтықтың асқынуы.

Тыныс алу, кеуде қуысы және көкірек ортасы ағзалары тарапынан бұзылулар: жиі - ентігу; жиі емес – бронх түйілуі.

Асқазан-ішек жолдарының тарапынан бұзылулар: жиі - іш қатуы, жүрек айнуы, диарея; жиі емес диспепсия, метеоризм, құсу.

Тері және тері асты тіндері тарапынан бұзылулар: жиі емес – қышыну, эриматозды сипаттағы тері бөртпесі; өте сирек псориаздың асқынуы; жиілігі белгісіз – есекжем.

Жыныс мүшелері және сүт бездері тарапынан бұзылулар: жиі емес - импотенция.

Жалпы бұзылулар және енгізу орнындағы бұзылулар тарапынан бұзылулар: жиі - шаршағыштық, ісінулер.

Одан басқа, кейбір β-адреноблокаторлар туғызатын мынадай жағымсыз әсерлер туралы хабарланған: елестеулер, психоздар, сананың шатасуы, аяқ-қолдың салқындауы/цианозы, Рейно синдромы, көздің құрғауы және практолды түрдегі окуломукокутанды уыттылық.

Қолдануға болмайтын жағдайлар

 небивололға немесе препарат компоненттерінің біріне жоғары сезімталдық

 жүректің жедел жеткіліксіздігі, кардиогенді шок немесе инотропты әсері бар әсер ететін заттарды вена ішіне енгізуді қажет ететін жүрек жеткіліксіздігінің декомпенсация кезеңі

 айқын артериялық гипотензия (систолалық АҚ 90 мм с.б. төмен);

 синоаурикулярлы блокаданы қоса, синустық түйін әлсіздігінің синдромы;

 бауыр функциясының ауыр бұзылулары, бауыр жеткіліксіздігі

 брадикардия (емдеуді бастағанға дейін жүрек жирылуының жиілігі минутына 60-дан кем),

 II және III дәрежелі атриовентрикулярлы блокада (жүрек ырғағының жасанды жетекшісінсіз);

 феохромоцитома;

 метаболизмдік ацидоз;

 кардиогенді шок;

 анамнезде бронхтүйілуі және бронхиальді демікпе

 шеткері тамырлардың ауыробструкциялық аурулары (мезгіл-мезгіл ақсақтық, Рейно синдромы);

 миастения;

 депрессия.

Бүйрек жеткіліксіздігінде, қант диабетінде, қалқанша бездің гиперфункциясында, анамнездегі аллергиялық ауруларда, псориазда, өкпенің созылмалыобструкциялық ауруларында, І дәрежелі атриовентрикулярлы блокадада, сондай-ақ 75 жастан асқан пациенттерге препаратты сақтықпен қабылдау керек;

- фруктозаны тұқым қуалайтын көтере алмаушылықпен, Lapp - лактазы ферментінің тапшылығымен, глюкозы-галактоза мальабсорциясымен адамдарға;

- балалар және 18 жасқа дейінгі жасөспірімдерге

Дәрілермен өзара әрекеттесуі

Препараттың фармакодинамикасына байланысты өзара әрекеттесулер

Мына өзара әрекеттесулер -адреноблокаторлар үшін ортақ болып табылады.

Бірге қолдануға болмайды:

Аритмияға қарсы I топтың препараттары (хинидин, гидрохинидин, цибензолин, флекаинид, дизопирамид, лидокаин, мексилетин, пропафенон): атриовентрикулярлы өткізгішікке әсері және теріс инотропты әсері (Айрықша нұсқаулар бөлімін қараңыз) күшеюі мүмкін.

Верапамил / дилтиазем түріндегі кальций антагонистері: жирылуға және атриовентрикулярлы өткізгіштікке теріс әсері. -адреноблокаторларын қабылдайтын пациенттерге верапамилды венаішіне енгізу, айқын артериялық гипотонияға және АВ-блокадаға әкеп соғуы мүмкін (Айрықша нұсқаулар бөлімін қараңыз). Орталық әсері бар гипотензивтік препараттар (клонидин, гуанфацин, моксонидин, метилдофа, рилменидин): орталық әсері бар гипотензивтік препараттармен бірлесе қолдану – орталық сипаттағы симпатикалық жүйке жүйесінің тонусы төмендеуі (жүрек жирылысының жиілігінің және екпінді көлемінің азаюы, вазодилатация) – жүрек жеткіліксіздігінің ауырлауы (Айрықша нұсқаулар бөлімін қараңыз). Қабылдауды күрт тоқтатқанда, атап айтқанда, -адреноблокаторлармен емдеуді аяқтаудың алдында артериялық қысымның көтерілу ықтималдығы артуы мүмкін (тоқтату синдромы) .

Біріктіре қолданғанда сақ болған жөн

III топтың (амиодарон) аритмияға қарсы препараттары: атриовентрикулярлық өткізгіштікке әсерін күшейтуі мүмкін.

Галогенизделген ұшқыр анестетиктер: -адреноблокаторлар және анестетиктермен бірмезгілде қабылдау рефлекторлы тахикардияны бәсеңдетуі және гипотония (Айрықша нұсқаулар бөлімін қараңыз) қаупін арттыруы мүмкін. -адреноблокаторлармен емдеуді әрдайым бірден тоқтатпаған жөн. Егер пациент Небиворлдты қабылдайтын болса, бұл туралы анестезиологқа хабарлау керек. Инсулин және диабетке қарсы ішке қабылданатын дәрілер: небиволол глюкоза деңгейіне әсер етпесе де, алайда, бірлесе қабылдағанда гипогликемияның белгілі бір симптомдарын жасыруы мүмкін (жүрек соғуы, тахикардия).

Баклофен (түйілуге қарсы миорелаксант), амифостин (ісікке қарсы препараттармен емдеуде қосымша дәрілік зат ретінде): гипотензивтік дәрілермен бір мезгілде қолданғанда артериялық қысым төмендеуі мүмкіндігі артуы мүмкін; сондықтан гипотензивтік препараттардың дозасын тиісті түрде түзету керек.

Біріктіре қабылдағанда ескерген жөн

Оймақгүл тобының гликозидтері: біріктіре қабылдағанда атриовентрикулярлы өткізгіштік баяулауы мүмкін. Алайда, небивололға клиникалық зерттеулер жүргізгенде өзара әрекеттесуі белгілері анықталмады. Небиволол дигоксиннің кинетикасына әсер етпейді.

Дигидропиридин түріндегі кальций антагонистері (мынадай амлодипин, фелодипин, лакидипин, нифедипин, никардипин, нимодипин, нитрендипин сияқты): бірлесе қабылдау гипотония қаупін арттыруы мүмкін. Жүрек жеткіліксіздігінен зардап шегетін пациенттерде қарыншалардың сорғы функциясы бұдан әрі нашарлауы қаупі артуын жоққа шығаруға болмайды.

Антипсихотикалық, антидепрессивтік препараттар (трициклді антидепрессанттар, барбитураттар және фенотиазин туындылары): біріктіре қолданғанда -адреноблокаторлардың гипотензивтік әсері әсерлерінің жинақталу принципі бойынша күшеюі мүмкін.

Қабынуға қарсы стероидті емес дәрілер (ҚҚСД): небивололдың гипотензивтік әсеріне әсер етпейді.

Симпатомиметиктер: біріктіре қолданғанда -адреноблокаторларға кері әсер етеді. -адренергиялық әсері бар әсер ететін заттар -, сондай-ақ -адренергиялық әсерлері бар симпатомиметиктердің кедергісіз -адренергиялық белсенділігіне ие (артериялық гипертония, ауыр брадикардия және жүрек бөгелуі даму қаупі).

Препараттың фармакокинетикасына байланысты өзара әрекеттесулер

Небивололлың метаболизмі процесіне CYP2D6 изоферменті қатысатындықтан, осы ферментті тежейтін препараттарды, атап айтқанда, пароксетин, флуоксетин, тиоридазин және хинидинмен біріктіре қабылдау, плазмадағы небивололдың деңгейін арттырады, сөйтіп айқын брадикардия және басқа жағымсыз әсерлер қаупін арттырады.

Бір мезгілде циметидинді тағайындағанда плазмадағы небивололдың деңгейі артқан, алайда клиникалық тиімділігі өзгермеген. Бір мезгілде ранитидинді тағайындау небивололдың фармакокинетикасына әсер етпеген.

Небиволол ас ішу кезінде қабылданатын болса, ал антацидті дәрі – ас ішу арасында қабылданатындықтан қос дәрілік затты бірге тағайындауға болады.

Небивололды никардипинмен біріктіре қабылдағанда клиникалық тиімділігінің өзгеруінсіз плазмада қос субстанцияның деңгейі аздап артқан. Алкогольді, фуросемид немесе гидрохлортиазидті бір мезгілде қабылдау небивололдың фармакокинетикасына әсер етпеген. Небиволол варфариннің фармакокинетикасына және фармакодинамикасына әсер етпейді.

Айрықша нұсқаулар

Стенокардиясы бар пациенттерде емдеуді біртіндеп – 1-2 апта ішінде тоқтату қажет. Кернеу стенокардиясында препараттың дозасы ЖЖЖ тыныштықта 55-60 соғу/мин шегінде, жүктемеде  110 соғу/мин қамтамасыз етуі керек.

Қант диабетінде Небиворлд қан плазмасындағы глюкозаның концентрациясына әсер етпейді, бірақ барлық β-адреноблокаторлар сияқты гипогликемия белгілерін жасыруы мүмкін.

Небиворлд препаратын псориазы бар пациенттерге қолдану туралы мәселені шешуде препаратты қолданудан күтілетін пайданы псориаз асқынуының ықтимал қаупімен мұқият салыстыру керек.

Препаратты қабылдаудың басында АҚ және ЖСС күнделікті бақылануы керек.

Егде пациенттерде бүйрек функциясына бақылау жасау керек (4-5 айда 1 рет).

β-адреноблокаторлар брадикардияны туындатуы мүмкін: егер ЖЖЖ 50-55 соғу/мин кем болса дозаны азайту керек.

Жанаспалы линзаны тағатын пациенттер β-адреноблокаторларды қолдану кезінде көз жасы сұйықтығының өндірілуі төмендеуі мүмкіндігін ескеруі керек.

β-адреноблокаторларды өкпенің созылмалы обструкциялық ауруы бар пациенттерде сақтықпен қолдану керек, өйткені бронх түйілуі күшеюі мүмкін.

β-адреноблокаторлар аллергендерге сезімталдықты және анафилаксиялық реакциялардың ауырлығын арттыруы мүмкін.

β-адреноблокаторларды қабылдауды бірден тоқтатуға болмайды. Мүмкіндігінше, дозаны 10 күн ішінде азайта отырып, біртіндеп тоқтату қажет.

Жағымсыз реакциялар бөлімін қараңыз.

Мынадай ескертулер мен сақтық шаралары -адреноблокаторлар үшін ортақ болып табылады.

Анестезия

-адреноблокаторлардың бөгелуі наркозға енгізгенде және интубацияда жүрек ырғағының бұзылуы қаупін азайтады. Егер хирургиялық араласу кезінде -адреноблокаторлардың бөгелуін тоқтату қажет болса, одан кемінде 24 сағат бұрын -адреноблокаторларды қабылдауды тоқтату керек.

Миокардтың бәсеңдеуін туындататын белгілі бір анестетиктерді сақтықпен қабылдау керек. Атропинді венаішіне енгізу арқылы пациентте вагустық реакциялардың пайда болуының алдын алуға болады.

Жүрек және тамырлар

Әдетте, -адреноблокаторларды жүрек жеткіліксіздігі емделмеген пациенттерге жағдайы қалпына келмейінше тағайындамау керек.

Жүретің ишемиялық ауруларынан зардап шегетін пациенттерде -адреноблокаторлармен емдеуді біртіндеп тоқтату керек, яғни 1–2 апта ішінде. Қажет болғанда – стенокардияның асқынуына жол бермеу үшін – бір мезгілде алмастыратын препараттармен емдеуді бастау ұсынылады.

-адреноблокаторлардың блокаторлары брадикардияны туындатуы мүмкін. Егер пульс тыныштық кезінде минутына 50–55 соғудан төмен мәнге дейін азайса және/немесе пациентте брадикардияны білдіретін симптомдар өршитін болса дозаны азайту қажет.

-адренорецепторлардың блокаторларын мыналарда сақтықпен қабылдау керек:

- шеткері қан айналымының бұзылулары бар (Рейно ауруы немесе Рейно синдромы, мезгіл-мезгіл ақсақтық) пациенттерде, өйткені осы аурулар асқынуы мүмкін;

- І дәрежелі АВ-блокадамен пациенттер -адреноблокаторлардың өткізгіштікке теріс әсеріне байланысты;

- Принцметал стенокардиясы бар пациенттерді -адренорецепторлардың белсенденуінен туындаған коронарлық артериялардың вазоконстрикциясынан: - адренорецепторлар бөгегіштері стенокардияның жиілігін және ұзақтығын арттыруы мүмкін.

Небивололды верапамил және дилтиазем түріндегі кальций антагонистерімен, І топтағы аритмияға қарсы дәрілермен, сондай-ақ орталықтан әсер ететін гипотензивті препараттармен біріктіріп қабылдауға болмайды (бұдан толық ақпаратты дәрілермен өзара әрекеттесуі бөлімінен қараңыз).

Зат алмасуы және эндокринді жүйе

Небиворлд диабеті бар науқастарда глюкоза деңгейіне әсер етпейді. Осыған қарамастан, бұл жағдайда сақ болған жөн, өйткені гипогликемияның белгілі бір симптомдарын (тахикардия, жүрек соғуы) жасыруы мүмкін.

Қалқанша бездің гиперфункциясында -адреноблокаторлар тахикардия сияқты аурудың симптомын жасыруы мүмкін. Емді күрт тоқтатқанда бұл симптомдар күшеюі мүмкін.

Тыныс алу жолдары

Тыныс алу жолдарының созылмалы обструкциялық аурулары бар пациенттерде -адреноблокаторларды сақтықпен қабылдау керек, өйткені тыныс алу жолдарының констрикциясы күшеюі мүмкін.

Басқалар

Анамнезінде псориазы бар пациенттерге -адреноблокаторларды жағдайды мұқият бағалағаннан кейін ғана тағайындауға болады.

-адренорецепторлар бөгегіштері аллергендерге сезімталдықты және анафилаксиялық реакциялардың ауырлық дәрежесін арттыруы мүмкін.

Жүректің созылмалы жеткіліксіздігін небивололмен емдеуді бастаған кезде пациентті тұрақты бақылау керек (қолдану тәсілі және дозалары бөлімін қараңыз). Аса қажетсіз емдеуді күрт тоқтатуға болмайды. Толық ақпарат қолдану тәсілі және дозалары бөлімінде берілген.

Жүктілік және лактация

Жүктілік кезінде Небиворлд препаратын тек анаға күтілетін пайда ұрық немесе жаңа туылған нәрестеге ықтимал қауіптен жоғары болғанда тағайындайды (ұрықта және жаңа туылған нәрестеде брадикардия, артериялық гипотензия, гипогликемия дамуы мүмкіндігіне орай). Егер Небиворлд препаратымен емдеу қажет болса, жатыр-плацентарлы қан ағымына және ұрық өсуіне бақылау жүргізу керек. Емдеуді босанардан 48-72 сағат бұрын тоқтату керек. Мұндай мүмкіндік болмаған жағдайда босанғаннан кейін 48-72 сағат бойы жаңа туылған нәрестеге қатаң бақылау жүргізу қажет.

Небиволол ана сүтімен шығарылады. Небиворлд препаратын лактация кезеңінде қабылдау қажет болғанда, бала емізуді тоқтату керек.

Педиатрияда қолданылуы

Препаратты балалар мен 18 жасқа дейінгі жасөспірімдерге қолданудың тиімділігі мен қауіпсіздігі анықталмаған.

Дәрілік заттың көлік құралдарын немесе қауіптілігі зор механизмдерді басқару қабілетіне ықпал ету ерекшеліктері

Небиворлд препаратымен емдеу кезінде (жағымсыз әсерлер пайда болғанда) көлік құралдарын жүргізгенде және жоғары зейінді жұмылдыруды және психомоторлы реакциялардың жылдамдығын талап ететін  қауіптілігі зор қызмет түрлерімен айналысқанда сақ болған жөн.

Артық дозалануы

Небиворлдтың артық дозалануына қатысты деректер жоқ.

-адреноблокаторлардың артық дозалануы симптомдары: брадикардия, артериялық гипотония, бронх түйілуі және жүректің жедел жеткіліксіздігі.

Емдеу

Артық дозаланған немесе аса жоғары сезімталдық реакциялары дамыған жағдайда пациентке тұрақты бақылауды және қарқынды емдеу бөлімінде емдеуді қамтамасыз ету керек. Қандағы глюкоза құрамына бақылау жүргізу ұсынылады. Асқазанды шаю, белсендірілген көмірді және іш жүргізетін дәрілерді тағайындау арқылы асқазан-ішек жолдарындағы әсер ететін заттың сіңірілуіне кедергі етуге болады. Өкпені жасанды желдету қажет болуы мүмкін. Брадикардия немесе жоғары ваготонияға жол бермеу үшін атропин немесе метилатропинді енгізу ұсынылады. Гипотония мен шокты емдеуді плазма/плазма алмастырғыштардың және қажет болғанда катехоламиндердің көмегі арқылы жүргізуге болады.

Бета-блокаторлық әсерін изопреналин гидрохлоридін шамамен 5 мкг/мин дозадан бастап немесе добутаминді 2,5 мкг/мин дозадан бастап күтілетін әсерге жеткенге дейін венаішіне баяу енгізумен басуға болады. Резистенттілік жағдайында изопреналинді допаминмен біріктіруге болады. Егер бұл шара күтілетін әсерге жеткізбесе, онда глюкагонды вена ішіне 50-100 мкг/кг есебінен енгізуге болады. Қажет болғанда инъекцияны бір сағат ішінде қайталауға болады, содан соң – қажет болса – глюкагонды вена ішілік инфузия ретінде 70 мкг/кг/сағат есебінен жүргізуге болады. Экстремалды жағдайларда – емдеуге төзімді брадикардияда – жүрек ырғағының жасанды жетекшісін қолдануға болады.

Шығарылу түрі және қаптамасы

14 таблетка поливинилхлоридті үлбірден және алюминий фольгадан жасалған пішінді ұялы қаптамаға салынған.

2 немесе 6 пішінді қаптамадан мемлекеттік және орыс тіліндегі медицинада қолданылуы жөніндегі нұсқаулықпен бірге картон қорапқа салынған.

Сақтау шарттары

25°C-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

3 жыл

Жарамдылық мерзімі өткеннен кейін қолдануға болмайды.

Дәріханадан босатылу шарттары

Рецепт арқылы

Өндіруші/Қаптаушы

«УОРЛД МЕДИЦИН ИЛАЧ САН. ВЕ ТИДЖ. А.Ш.», ТҮРКИЯ

Багджылар Илчеси, Гюнешли, Эврен Махаллеси, Джами Йолу Джад. № 50 К. 1В Земин 4-5-6, Стамбул, Түркия

Қазақстан Республикасының аумағында дәрілік заттың сапасы жөнінде шағымдарды (ұсыныстарды) қабылдайтын ұйымның атауы, мекенжайы және байланыс деректері

Қазақстан Республикасы, Алматы қ., Түрксіб ауданы, Сүйінбай даң., 222-б

Қазақстан Республикасының аумағында дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері

«TROKA-S PHARMA» ЖШС, Алматы қ., Сүйінбай даң., 222-б ұяды тел: +7 701 786 33 98,  (24-сағаттық қол жетімділік)

e-mail: pvpharma@worldmedicine.kz