Нафазолин капли (0.1%)

МНН: Нафазолин
Производитель: Биосинтез ОАО
Анатомо-терапевтическо-химическая классификация: Naphazoline
Номер регистрации в РК: № РК-ЛС-5№015677
Период регистрации: 05.03.2015 - 05.03.2020

Инструкция

Саудалық атауы

НАФАЗОЛИН

Халықаралық патенттелмеген атауы

Нафазолин

Дәрілік түрі

Мұрын тамшысы 0,1 %

Құрамы

1 л ерітінді құрамында

белсенді зат1 г нафазолин нитраты,

қосымша заттар: бор қышқылы, тазартылған су

Сипаттамасы

Мөлдір, түссіз немесе сәл боялған сұйықтық.

Фармакотерапиялық тобы

Антиконгестанттар және жергілікті қолдану үшін мұрынға арналған басқа да препараттар. Симпатомиметиктер. Нафазолин

АТХ коды R01AA08

Фармакологиялық қасиеттері

Фармакокинетикасы

Нафазолиннің емдік әсері препаратты тамызғаннан 5 минуттан кейін дамиды және 8 сағатқа дейін жалғасады, жиі қолданғанда препарат әсерінің ұзақтығы 6 сағатқа дейін қысқаруы мүмкін. Жергілікті қолданғанда нафазолин қан айналымы жүйесіне сіңуі және жүйелік әсер етуі мүмкін.

Фармакодинамикасы

Нафазолин - альфа-адреностимуляциялаушы дәрі, шырышты қабық тамырларына қатысты жылдам, айқын және ұзаққа созылатын вазоконстрикторлық әсер береді (ісінуді, гиперемияны, экссудацияны азайтады). Ринит кезінде мұрынмен демалуды жеңілдетеді. Мұрын қосалқы қойнаулары кіру ағыстарының ашылуы мен кеңеюіне және евстахий түтіктерінің босауына ықпал етеді. Бұл секреттің шығуына ықпал етеді және бактериялардың мұрын шырышына шөгуін болдырмайды.

Қолданылуы

- жедел ринитте, аллергиялық ринитте

- синуситте, евстахиитте, ларингитте

- аллергиялық генезді көмекей ісінуінде

- сәулелену аясында көмекей ісінуінде

- жоғарғы тыныс алу жолдарына операциядан кейінгі шырышты қабық гиперемиясы

- мұрыннан қан кетуді тоқтату үшін

- риноскопия жасауды жеңілдету үшін

Қолдану тәсілі және дозалары

Ересектерге 0,1% ерітіндіні 1-3 тамшыдан күніне 3-4 рет мұрын ішіне (әр танауға) енгізуге тағайындайды. Емдеу курсы 5-7 күнді құрайды.

Жағымсыз әсерлері

Сирек

- жүрек айнуы

- бас ауыруы

- тахикардия, артериялық қысымның жоғарылауы

- реактивті гиперемия, мұрын қуысы шырышты қабығының ісінуі

Кейде

- тітіркену

- мұрын шырышты қабығының ісінуі, атрофиялық ринит (1 аптадан аса қолданғанда)

Қолдануға болмайтын жағдайлар

- препаратқа аса жоғары сезімталдық

- артериялық гипертензия

- айқын атеросклероз, гипертиреоз

- созылмалы ринит

- ауыр көз аурулары

- қант диабеті

- тахикардия

- МАО (моноаминоксидазалар) тежегіштерімен бір уақытта және оларды

қабылдап болғаннан кейін 14 күнге дейінгі аралықта қабылдау

- 18 жасқа дейінгі балалар мен жасөспірімдерге

Дәрілермен өзара әрекеттесуі

МАО тежегіштерімен бір мезгілде немесе оларды қолданғаннан кейін 10 күн ішінде қолданбаған жөн.

Жергілікті жансыздандыратын дәрілік заттардың сіңуін баяулатады (беткейлік жансыздандыруда олардың әсерін ұзартады).

Айрықша нұсқаулар

Резорбтивті әсері болуы мүмкін.

Ұзақ уақыт қолданғанда тамыртарылтқыш әсерінің айқындығы біртіндеп төмендейді ( тахифилаксия құбылысы), осыған байланысты 5-7 күн қолданғаннан кейін бірнеше күн үзіліс жасау ұсынылады.

Жүктілік және лактация кезеңі

Препаратты жүктілік кезіндегі ана үшін болжамды пайдасы ұрыққа төнетін қауіп-қатерден жоғары болған жағдайда ғана қолдануы мүмкін.

Лактация кезеңінде препаратты сақтықпен қолдануы мүмкін.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Препараттың жағымсыз әсерін ескере отырып, автокөлікті және басқа да қауіптілігі зор механизмдерді басқарғанда сақ болу қажет.

Артық дозалануы

Симптомдары: дене температурасының төмендеуі, брадикардия, артериялық қысымның көтерілуі

Емі: симптоматикалық.

Шығарылу түрі және қаптамасы

10 мл-ден қондырма-дозаторы мен пластиктен жасалған бұрандалы қақпағы бар құтыда.

Әр құтыға өздігінен желімденетін заттаңба жапсырады.

Әр құты медицинада қолданылуы жөніндегі мемлекеттік және орыс тілдеріндегі нұсқаулықпен картоннан жасалған қорапшаға салынады.

Сақтау шарттары

Жарықтан қорғалған жерде, 10°С-ден 25°С-ге дейінгі температурада сақтау керек.

Мұздатып қатыруға болмайды.

Балалардың қолы жетпейтін жерде сақтау керек!

Сақтау мерзімі

3 жыл

Жарамдылық мерзімі өткеннен кейін пайдалануға болмайды.

Дәріханалардан босатылу шарттары

Рецептісіз

Өндіруші

«Синтез» ААҚ.

Ресей Федерациясы, 640008, Қорған қ., Конституция даңғылы, 7.

Тел./факс (3522) 48-16-89

E-mail: real@kurgansintez.ru

Интернет-сайт: http://www.kurgansintez.ru

Тіркеу куәлігінің иесі

«Синтез» ААҚ, Ресей Федерациясы

Қазақстан Республикасы аумағында тұтынушылардан өнім сапасына қатысты шағымдарды қабылдайтын ұйымның мекенжайы

«СТОФАРМ» ЖШС, 000100, Қазақстан Республикасы,

Қостанай облысы, Қостанай қ., Орал к-сі, 14

тел. 714 228 01 79

 

 

 

4

 

Прикрепленные файлы

927255191477976521_ru.doc 46 кб
431359761477977683_kz.doc 54 кб

Отправить прикрепленные файлы на почту

Источники

Национальный центр экспертизы лекарственных средств, изделий медицинского назначения и медицинской техники