Натрия хлорид 500 мл (0,9%)
Инструкция
-
русский
-
қазақша
Саудалық атауы
НАТРИЙ ХЛОРИДІ
Халықаралық патенттелмеген атауы
Жоқ
Дәрілік түрі
Инфузияға арналған 0.9 % ерітінді
Құрамы
1000 мл ерітіндінің құрамында
белсенді зат – 0.9 г натрий хлориді,
қосымша зат – инъекцияға арналған су.
Сипаттамасы
Түссіз мөлдір сұйықтық
Фармакотерапиялық тобы
Су-электролиттік теңгерімге ықпал ететін ерітінділер. Электролиттер.
АТЖ коды В05ВВ01
Фармакологиялық қасиеттері
Фармакодинамикасы
Натрий (Na+) концентрациясы– 142 ммоль/л (плазма) және 145 ммоль/л (интерстициальді сұйықтық); хлорид (Cl-) концентрациясы – 101 ммоль/л (интерстициальді сұйықтық).
Бүйректер арқылы өзгермеген күйінде шығарылады.
Фармакокинетикасы
Натрий хлориді – плазманың орнын алмастыратын дәрі. Уытсыздандырғыш және регидратациялағыш әсер береді. Организмнің әртүрлі патологиялық жағдайларында натрий тапшылығының орнын толықтырады. 0,9% натрий хлориді ерітіндісі адам плазмасына изотониялы, сондықтан қантамыр арнасынан, тек айналымдағы қан көлемін уақытша ұлғайта отырып, тез шығарылады (қан жоғалтқанда және шокта тиімділігі жеткіліксіз).
Қолданылуы
- уытты диспепсияда, тырысқақта, «тоқтаусыз» құсуда, диареяда
- экссудатациясы күшті ауқымды күйіктерде
- сусыздану қосылған гипохлоремияда және гипонатриемияда
- ішек бітелісінде
- уыттануларда
- жараларды, көзді, мұрынның шырышты қабығын жуып-шаюға, дәрілік заттарды ерітуге, таңғыш материалдарды дымқылдауға
Қолдану тәсілі және дозалары
Инфузияға арналған натрий хлоридінің (0,9%) изотоникалық ерітіндісін көктамыр ішіне (к/і) енгізеді (әдетте тамшылатып); тері астына (т/а); тік ішекке (клизмаларда тәулігіне 3 л-ге дейін).
Ерітіндіні енгізер алдында 36-38оС-ге дейін жылытады. Дозасы организмнің жоғалтқан сұйықтығына, натрий және калий иондарына байланысты – орта есеппен тәулігіне 1 л құрайды. Сұйықтықты көп жоғалтқанда және қатты уыттанғанда тәулігіне 3 л-ге дейін сұйықтық енгізілуі мүмкін. Енгізу жылдамдығы – сағатына 540 мл (минутына 180 тамшы); қажет болғанда – енгізу жылдамдығын арттырады.
Дегидратация аясында (зертханалық параметрлерін анықтағанға дейін) артериялық қысымы айқын төмендеген балаларға дене салмағының әр кг-на шаққанда 20-30 мл енгізеді. Әрі қарай дозалау режимі зертханалық көрсеткіштерге байланысты түзетіледі.
0,9% натрий хлориді ерітіндісінің үлкен дозаларын ұзақ уақыт енгізгенде плазмадағы және несептегі электролиттердің мөлшеріне бақылау жүргізу қажет.
0,9% натрий хлориді ерітіндісін жараларды, көзді, мұрынның шырышты қабығын жуып-шаю, таңғыш материалдарды дымқылдау үшін қолданады.
Жағымсыз әсері
- хлоридті ацидоз
- гипергидратация, гиперкалиемия
- бас ауыру, бас айналу, мазасыздық, әлсіздік
- көзден жас ағуы, тершеңдік, қызба
- тахикардия, артериялық гипертензия
- жүректің айнуы, құсу, диарея
- бүйрек қызметінің бұзылуы, ісінулер
- бұлшықеттердің тартуы және гипертонусы
- енгізілген жердің ауыруы және тітіркенуі, тромбофлебит
Қолдануға болмайтын жағдайлар
- гипернатриемия
- ацидоз
- гиперхлоремия
-гипокалиемия
- жасушадан тыс гипергидратация: мидың және өкпелердің ісінуімен қауіп төндіретін айналымдағы бұзылулар, мидың ісінуі, өкпелердің ісінуі, сол жақ қарынша қызметінің жедел жеткіліксіздігі, глюкокортикостероидтарды жоғары дозада қатарластыра тағайындау
Дәрілермен өзара әрекеттестігі
Коллоидты гемодинамикалық қан алмастырғыштармен үйлеседі (өзара әсері күшейеді).
Байқа дәрілік заттармен араластырған кезде үйлесімділігін көзбен қарап бақылау қажет.
Айрықша нұсқаулар
Сақтықпен: декомпенсацияланған жүрек қызметі жеткіліксіздігінде, бүйрек қызметінің созылмалы жеткіліксіздігінде (олиго, -анурия).
Натрий хлоридінің изотоникалық ерітіндісінің жоғары дозаларын ұзақ уақыт енгізген кезде қышқылдық-негіздік жағдайына және қан плазмасы мен несептегі электролиттердің жағдайына бақылау жасау қажет.
Едәуір сусызданған жағдайда көктамыр ішіне енгізу мүмкін болмағанда тері астына немесе тік ішекке енгізеді.
Контейнердің герметикалылығы сақталатын жағдайда препарат мұздатып қатырылуы мүмкін.
Жүктілік және лактация
Мәліметтер жоқ
Дәрілік заттың көлікті немесе қауіпті механизмдерді басқару қабілетіне ықпал ету ерекшеліктері
Анықталған жоқ
Артық дозаланғанда
Препараттың артық дозалануы жөнінде деректер жоқ.
Шығарылу түрі және қаптамасы
Поливинилхлоридтен жасалған полимерлі контейнерлерге препаратты 200 мл-ден, 500 мл-ден және 1000 мл-ден құяды.
Контейнерге таңбасын салады немесе өздігінен желімденетін заттаңба жапсырады.
Ішінде 200 мл-ден, 500 мл-ден және 1000 мл-ден препараты бар әрбір контейнер полиэтиленді (ішкі) пакетке және полиэтиленді (сыртқы) пакетке салынады.
Препараттың қолданылуы жөнінде мемлекеттік және орыс тілдеріндегі нұсқаулық сыртқы пакетке салынады.
Сақтау шарттары
Құрғақ, жарықтан және агрессивті ортадан қорғалған жерде, 5оС-ден 25°С-ге дейінгі температурада сақтау керек.
Балалардың қолы жетпейтін жерде сақтау керек.
Сақтау мерзімі
2 жыл
Жарамдылық мерзімі өткеннен кейін пайдалануға болмайды.
Дәріханадан босатылу шарттары
Рецепт арқылы
Өндіруші
«Синтез» ААҚ
Ресей, 640008, Қорған қ-сы, Конституция д-лы, 7
тел/факс (3522) 48-16-89
Тіркеу куәлігінің иесі
«Синтез» ААҚ, Ресей
Тұтынушылардан өнім сапасы жөнінде шағымдарды Қазақстан республикасы аумағында қабылдайтын ұйымның мекенжайы
«СТОФАРМ» ЖШС, 000100, Қазақстан Республикасы,
Қостанай облысы, Қостанай қ-сы, Уральская к-сі, 14
тел. 714 228 01 79
E-mail: