Натрия тиосульфат (300 мг/мл)

МНН: Натрия тиосульфат
Производитель: Новосибхимфарм ОАО
Анатомо-терапевтическо-химическая классификация: Thiosulphate
Номер регистрации в РК: № РК-ЛС-5№004966
Период регистрации: 26.07.2016 - 26.07.2021
Республиканский центр развития здравоохранения
КНФ (ЛС включено в Казахстанский национальный формуляр лекарственных средств)
Включено в Список ЛС в рамках ГОБМП, подлежащих закупу у Единого дистрибьютора
ЕД (Включено в Список ЛС в рамках ГОБМП, подлежащих закупу у Единого дистрибьютора)
Предельная цена закупа в РК: 91.02 KZT

Инструкция

Саудалық атауы

Натрий тиосульфаты

Халықаралық патенттелмеген атауы

Жоқ

Дәрілік түрі

Көктамыр ішіне енгізуге арналған 300 мг/мл ерітінді, 10мл

Құрамы

1 мл ерітіндінің құрамында

белсенді зат: 300.0 мг натрий тиосульфаты

қосымша заттар: натрий гидрокарбонаты, инъекцияға арналған су.

Сипаттамасы

Мөлдір түссіз сұйықтық

Фармакотерапиялық тобы

Басқа да емдік өнімдер. Антидоттар. Натрий тиосульфаты.

АТХ коды V03AВ06

Фармакологиялық қасиеттері

Фармакокинетикасы

Көктамыр ішіне енгізгеннен кейін жасушадан тыс сұйықтыққа таралады. Организмнен несеппен бірге өзгермеген түрде шығарылады. Жартылай шығарылу кезеңі – 0,65 сағатты құрайды.

Фармакодинамикасы

Натрий тиосульфаты уыттануға қарсы, қабынуға қарсы және десенсибилизациялаушы әсер береді. Күкірт иондарының донаторы болып табылады. Организмдегі роданидті жүйесінің субстраты ретінде уытты емес тиоқосылыстар синтезіне пайдалынады. Синильді қышқыл және цианидтермен, мышьякпен, қорғасынмен, сынаппен, йод және бром қосылыстарымен уланған кезде антидот болып табылады. Мышьяк, сынап және қорғасын қосылыстарымен уланғанда улы емес сульфиттер түзеді. Цианидтермен уланғанда улылығы аздау роданидті қосылыстар түзеді.

Қолданылуы

Мышьяк, сынап, қорғасын қосылыстарымен; синильді қышқыл және оның тұздарымен; йод, бром және олардың тұздарымен уланғанда.

Қолдану тәсілі және дозалары

Мышьяк, сынап, қорғасын қосылыстарымен, йод, бром және олардың тұздарымен уланғанда 1,5-3 г (5-10 мл 30 % ерітінді) дозада көктамыр ішіне болюсті тағайындайды. Синильді қышқыл және оның тұздарымен уланғанда препаратты 15 г (50 мл 30 % ерітінді) дозада енгізеді. Препаратты бүкіл уытты кезең бойы тағайындайды (уланудың бірінші клиникалық симптомдары пайда болғаннан бастап организмнен токсиндер толық шығарылғанға дейін).

Жағымсыз әсерлері

- бас ауыру, бас айналу, көрудің бұзылуы, құлақтың шуылдауы, көрудің бұлыңғырлануы

- аллергиялық реакциялар: анафилаксиялық реакциялар, артралгия, қызба

- бөрту (оның ішінде макулопапулездік), есекжем, гиперемия, ыстықты сезіну

- инфузияның жылдамдығы жоғары болғанда артериялық қысымның коллапсқа дейін төмендеуі, естен тану

- жүрек айну, құсу

- енгізу орнындағы реакциялар, жалпы әлсіздік, диурездің күшеюі

Қолдануға болмайтын жағдайлар

Препараттың құрамын кіретін компоненттерге аса жоғары сезімталдық.

Дәрілермен өзара әрекеттесуі

Метаболизмі роданидталу сатысы арқылы өтетін дәрілік заттармен бірге қолдану соңғыларының фармакологиялық әсерлерінің әлсіреуіне әкеледі.

Йодидтер, бромидтер болып табылатын дәрілік заттар натрий тиосульфатымен бірге қолданғанда өзінің фармакологиялық қасиеттерін көрсете алмауы мүмкін.

Нитрит және нитрат ерітінділерімен үйлесімсіз. Препаратты басқа дәрілік заттармен бір еккіште араластыруға болмайды. Натрий тиосульфаттың нитраттармен, калий перманганатымен байланысқа түсуін болдырмау керек.

Айрықша нұсқаулар

Артериялық гипертензия, бронх демікпесі, бауыр циррозы, іркілісті жүрек жеткіліксіздігі, бүйрек жеткіліксіздігі, бауыр жеткіліксіздігі, жүктілік токсикозы бар науқастарға сақтықпен тағайындайды, өйткені пациенттердің жай-күйін нашарлатуы мүмкін.

Цианидтермен уланудың бас кезінде метгемоглобин түзгіштерді, антицианды немесе амилнитритты қолдану қажет, содан соң натрий тиосульфатын көктамыр ішіне енгізуге көшу керек.

Қолданар алдында ампуланың ішіндегісін тексеріп көру қажет. 

Бүйрек функциясы бұзылған пациенттер

Натрий тиосульфаты негізінен бүйрекпен шығарылатыны, және препаратқа уыттылық реакциясының даму қаупі бүйрек функциясы бұзылған пациенттерде жоғары болатыны белгілі.

Егде жастағы пациенттер

Егде жастағы пациенттерде бүйрек функциясының төмендеуі ықтималдығы жоғары, сондықтан дозаны таңдау мен бүйрек функциясын бақылауда сақ болған жөн.

Балалар

Препаратты клиникалық деректердің жоқтығына байланысты балаларға қолданбайды.

Жүктілік және лактация кезеңі

Жүктілік кезінде препаратты өмірлік көрсеткіштер бойынша ғана тағайындайды. Әйелдер препаратты лактация кезінде қолданатын болса, онда емшек емізуді тоқтату қажет.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Клиникалық деректері жоқ, сондықтан емдеу кезінде автокөлікті басқарудан немесе жоғары зейін қою және психомоторлық реакциялар жылдамдығын қажет ететін басқа да механизмдермен жұмыстан тартына тұрған жөн.

Артық дозалануы

Симптомдары: артралгия, гиперрефлексия, құрысулар, ажитация, елестеулерді қоса, психозды мінез-құлық; жүрек айну, құсу; жағымсыз реакциялар көріністерінің күшеюі.

Емі: гемодиализ; демеуші ем.

Шығарылу түрі мен қаптамасы

10 мл-ден нейтралды шыны ампулаларда.

10 ампуладан картон қорапқа салынады. Әр қорапқа медициналық қолдану жөніндегі мемлекеттік және орыс тілдеріндегі нұсқаулықпен ампулаларды ашуға арналған пышақпен немесе ампулалық скарификатормен бірге салынады.

5- немесе 10 ампуладан поливинилхлоридті үлбірден жасалған пішінді ұяшықты қаптамаға салады.

1 (10 ампуладан) немесе 2 (5 ампуладан) пішінді ұяшықты қаптамадан медициналық қолдану жөніндегі мемлекеттік және орыс тілдеріндегі нұсқаулықпен ампулаларды ашуға арналған пышақпен немесе ампулалық скарификатормен бірге картон қорапшаға салынады.

Ампулаларды қаптаған кезде сындыру сақинасы немесе сындыру нүктесі бар ампулаларды қаптағанда ампулаларды ашуға арналған пышақ немесе ампулалық скарификатор салынбайды.

Сақтау шарттары

Жарықтан қорғалған жерде 5º-тен 25°С-ге дейінгі температурада сақтау керек.

Балалардың қолы жетпейтін жерде сақтау керек!

Сақтау мерзімі

5 жыл

Қаптамасында көрсетілген жарамдылық мерзімі өткеннен кейін пайдалануға болмайды

Дәріханалардан босатылу шарттары

Рецепт арқылы

Өндіруші

«Новосибхимфарм» ААҚ

630028, Ресей, Новосібір қ-сы, Декабристер к-сі, 275

тел. (383) 363-32-44,

факс (383) 363-32-55

Тіркеу куәлігінің ұстаушысы

«Новосибхимфарм» ААҚ

630028, Ресей, Новосібір қ-сы,

Декабристер к-сі, 275

тел. (383) 363-32-44;

факс (383) 363-32-55.

Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның мекенжайы

«Валента Азия» ЖШС, Алматы қ-сы, Абай д-лы, Радостовец көшесінің қиылысы, 151/115, «Алатау» бизнес-орталығы, № 1102 кеңсе

Тел./факс 8 727 334-15-52, E-mail: asis@valentapharm

Прикрепленные файлы

043152431477976197_ru.doc 54 кб
289159811477977445_kz.doc 62 кб

Отправить прикрепленные файлы на почту

Источники

Национальный центр экспертизы лекарственных средств, изделий медицинского назначения и медицинской техники