Натриофолин медак (50 мг/ мл 100 мг)

МНН: Фолиевая кислота
Производитель: Хаупт Фарма Вольфратсхаузен ГмбХ
Анатомо-терапевтическо-химическая классификация: Sodium folinate
Номер регистрации в РК: № РК-ЛС-5№015099
Период регистрации: 30.06.2015 - 30.06.2020
Республиканский центр развития здравоохранения
КНФ (ЛС включено в Казахстанский национальный формуляр лекарственных средств)
Включено в Список ЛС в рамках ГОБМП, подлежащих закупу у Единого дистрибьютора
ЕД (Включено в Список ЛС в рамках ГОБМП, подлежащих закупу у Единого дистрибьютора)
Предельная цена закупа в РК: 6 034.97 KZT

Инструкция

Саудалық атауы

Натриофолин медак

Халықаралық патенттелмеген атауы

Жоқ

Дәрілік түрі

Инъекцияға немесе инфузияға арналған 50 мг/мл, 100 мг және 400 мг ерітінді

Құрамы

1мл ерітіндінің құрамында

белсенді зат – 54.65 мг динатрий фолинаты, 50 мг фолиний қышқылының мөлшеріне сәйкес

қосымша заттар – хлорсутек қышқылы, натрий гидроксиді, инъекцияға арналған су.

Сипаттамасы

Мөлдір, түссіз немесе құрамында көзге көрінетін бөгде заттары жоқ сәл сарғыш түсті ерітінді

Фармакотерапиялық тобы

Цитостатикалық емнің уыттылығын төмендететін препараттар.

АТХ коды VO3AF06

Фармакологиялық қасиеттері

Фармакокинетикасы

Таралуы

Натриофолин медакты көктамыр ішіне енгізген кезде фолиний қышқылының (әсер етуші белсенді заттың) концентрациясы қанда 10 минуттан кейін ең жоғары мәніне жетеді.

Метаболизмі

Биологиялық тұрғыдан белсенді изомер L-5-формилтетрагидрофолий (фолиний) қышқылы бауырда 5-метилтетрагидрофолий қышқылына тез метаболизденеді.

Шығарылуы

Биологиялық тұрғыдан белсенді емес изомер D-5-формилтетрагидрофолий қышқылы бүйрек арқылы өзгермеген күйінде іс жүзінде толық бөлініп шығады. Биологиялық тұрғыдан белсенді изомер L-5-формилтетрагидрофолий қышқылының аздаған бөлігі өзгермеген күйінде бүйректер арқылы шығарылады, бірақ белседі изомердің көп бөлігі фолий қышқылына метаболизденеді.

Фармакодинамикасы

Натриофолин медак фолиний қышқылының қалпына келтірілген түрі болып табылады және фолий қышқылының антагонистері сияқты әсер ететін дәрілік заттардың антидоты ретінде қолданылады. Фолий қышқылының антагонистері, метотрексат сияқты, дигидрофолатредуктазаны тежейді, және осылайша, нуклеин қышқылының биосинтезінде бір көміртекті қалдықты тасымалдаудың маңызды кофакторы болып табылатын тетрагидрофолаттың фолиний қышқылынан пайда болуына кедергі жасайды. Нәтижесінде нуклеин қышқылының синтезі және жасуша бөлінуі бөгеледі. Натриофолин медактың фолиний қышқылынан ерекшелігі тетрагидрофолатқа айналу үшін дигидрофолатредуктазаның қалпына келуін қажет етпейді, ол оны қолданған кезде ДНҚ, РНҚ және ақуыздардың бұзылған үдерісін қалпына келтіруге мүмкіндік береді.

Натриофолин медактың қорғаныш әсері сау жасушаларға қатысты ғана білінеді. Тиісті уақытта енгізілетін Натриофолин медак метотрексаттың сүйек кемігінің және асқазан-ішек жолының жасушаларына уытты әсері етуіне жол бермейді, бірақ препараттың іс жүзінде ықпал еткен нефроуытты әсеріне елеулі ықпалын тигізбейді.

Натриофолин медак фторурацилдің ісікке қарсы әсерін күшейтуі мүмкін. Осы екі препарат өзара әрекеттескен кезде құрамында тимидилатсинтетаза бар үш компоненттің тұрақты жиынтық түзіледі, ол ДНҚ синтезін кідіртеді. Бұл 5-фторурацилдің цитоуыттылығының оны монотерапия режимімен қолданған кездегімен салыстырғанда күшеюіне әкеп соқтырады.

Қолданылуы

- фолий қышқылының антагонистерімен (метотрексатпен) уланғанда

- жоғарылатылған және жоғары дозаларда қолданған кезде метотрексаттың уытты әсерінің алдын алуға

- 5-фторурацилмен біріктірілген колоректальды қатерлі ісікте

Қолдану тәсілдері және дозасы

Натриофолин медак көктамыр ішіне енгізіледі: сұйылтылмаған күйінде инъекция арқылы немесе сұйылтылған күйінде инфузия арқылы. Натриофолин медакты интратекальды түрде енгізбеу керек.

Натриофолин медактің 5-фторурацилмен біріктірілімі

Препараттардың әртүрлі дозаларын қолдана отырып, бірнеше енгізу режимі бар. Метастазданған колоректальды қатерлі ісіктің химиотерапиясының төменде көрсетілген режимдері мысал ретінде беріліп отыр:

1. Апталық режимі

1.1 5-фторурацилдің орташа жоғары дозасы

2 сағаттан астам бойы көктамырішілік инфузия түрінде 500 мг/м2 фолин қышқылын (=546,5 мг/м2 Натриофолин медак) Натриофолин медак инфузиясын бастағаннан кейін 1 сағаттан соң басталған көктамырішілік болюсті инъекция түрінде 600 мг/м2 5-фторурацилмен біріктіріп.

6 апта бойы аптасына бір рет қайталау керек (1 цикл).

Циклды 2 аптадан кейін қайталау керек. Циклдер саны ісіктің жүргізіліп отырған емге жауабына байланысты.

5-фторурацил дозасын түзету

5-фторурацилді дозалауды уыттылықтың білінуіне сәйкес түзету қажет:

ДДҰ бойынша

гастроинтестинальді уыттылығы ³ 1:

500 мг/м2-ге дейін азаюы

Бастапқы дозаға тек уыттылық симптомдары толық қалыпқа келген кезде ғана жаңғыртылуы мүмкін.

ДДҰ бойынша сүйек кемігіне уытты әсері ³ 1:

500 мг/м2-ге дейін азаюы.

Бастапқы дозаға тек уыттылық симптомдары толық қалыпқа келген кезде ғана оралуы мүмкін

Лейкоциттер > 3000/мкл

Тромбоциттер > 100 000/мкл

1.2 5-фторурацилдің жоғары дозасы

500 мг/м2 фолиний қышқылы (=546,5 мг/мл2 Натриофолин медак) 1-2 сағаттан астам бойы көктамырішілік инфузия түрінде енгізіледі, содан кейін 5-фторурацилді 2600 мг/м2 дозада 24 сағаттан астам бойы инфузиялық түрде енгізеді.

6 апта бойы аптасына бір рет қайталау керек (1 цикл).

Циклды 2 аптадан кейін қайталау керек. Циклдер саны ісіктің жүргізіліп отырған емге жауабына байланысты.

5-фторурацил дозасын түзету

5-фторурацилді дозалауды уыттылықтың білінуіне сәйкес түзету қажет:

Өмірге қатер төндіретін кардиоуыттылық

Емдеуді тоқтату

ДДҰ бойынша сүйек кемігіне ықпалын тигізетін уыттылығы ³ 3:

20%-ға азайту.

Келесі көрсеткіштерде бастапқы дозаға қайта жаңғыртылуы мүмкін:

Лейкоциттер >3 000/мкл

Тромбоциттер >100 000/мкл

ДДҰ бойынша асқазан - ішектік уыттылығы ³ 3:

20%-ға азайту.

2. Айлық режим

2.1 Натриофолин медактың орташа жоғары дозасы

200 мг/м2 фолиний қышқылы (=218,6 мг/м2 Натриофолин медак), содан кейін 370 мг/м2 5-фторурацил, екі препарат та көктамырішілік болюсті инъекция түрінде енгізіледі. Препараттарды енгізуді 5 күн қатарынан (1 цикл) қайталайды.

Циклды 4 аптадан, 8 аптадан кейін және содан кейін әрбір 5 аптада қайталайды. Циклдер саны ісіктің жүргізіліп отырған емге жауабына байланысты.

5-фторурацил дозасын түзету

Дозировку 5-фторурацил дозасын уыттылықтың білінуіне сәйкес түзету қажет (ДДҰ):

ДДҰ уыттылығы 0:

Күнделікті дозаны 30 мг/м2 -ге дейін арттыру

ДДҰ уыттылығы 1:

Күнделікті доза өзгермейді

ДДҰ уыттылығы ³ 2:

Күнделікті дозаны 30 мг/м²-ге дейін азайту

2.2 Натриофолин медактың төменгі дозасы

20 мг/м2 фолиний қышқылы (=21,86 мг/м2 Натриофолин медак), содан кейін 425 мг/м2 5-фторурацил, екі препарат та көктамырішілік болюсті инъекция түрінде енгізіледі. Препараттарды енгізуді 5 күн қатарынан (1 цикл) қайталайды.

Циклды 4 аптадан, 8 аптадан және содан кейін әрбір 5 аптадан кейін қайталайды. Циклдер саны ісіктің жүргізіліп отырған емге деген жауабына байланысты.

5-фторурацилдің дозасын түзету

Уыттылық болмаған жағдайда (әсіресе циклдер аралығында сүйек кемігі және асқазан - ішек жолы тарапынан елеулі уыттылық жоқ болған кезде) әрбір жағдайда 5-фторурацил дозасын 10%-ға арттыру ұсынылады.

Фолий қышқылының антагонистерімен (метотрексатпен) уланған кезде

Натриофолина медактың жәрдемімен метотрексаттың уытты әсеріне жол бермеу метотрексаттың қан сарысуындағы деңгейін анықтау нәтижесін алғанға дейін басталуы мүмкін, әрі қарай Натриофолин медак дозасы метотрексаттың сарысудағы деңгейін анықтау нәтижесіне сәйкес түзетілуі мүмкін. Метотрексатты мына дозада енгізу ( ³ дененің 100 мг/м²) әрі қарай Натриофолин медакты енгізумен қатар жүргізілуі тиіс.

Натриофолин медактың әртүрлі дозаларын пайдалана отырып енгізудің бірнеше режимі бар.

Натриофолин медактың жәрдемімен метотрексаттың (МТХ) уытты әсеріне жол бермеу:

МТХ енгізгеннен кейін 24-30 сағаттан соң МТХ-нің сарысулық деңгейі

Енгізу аралықтарын (сағатпен) есепке ала отырып, фолиний қышқылына шаққандағы Натриофолин медак дозасы (мг/м²)

Емдеу ұзақтығы

1,0 x 10-8 моль/л –

1,5 x 10-6 моль/л

Әрбір 6 сағат сайын 10-нан 15 мг/м² -ге дейін

48 сағат

1,5 x 10-6 моль/л – 5,0 x 10-6 моль/л

Әрбір 6 сағат сайын 30 мг/м²

MТХ-ның сарысулық мына деңгейіне жеткенге дейін

< 5 x 10-8 моль/л

> 5,0 x 10-6 моль/л

Әрбір 6 сағат сайын 60-тан 100 мг/м² -ге дейін

MТХ-ның сарысулық мына деңгейіне жеткенге дейін

< 5 x 10-8 моль/л

Натриофолин медакпен уытсыздануды бастау

Метотрексатты көктамыр ішіне енгізгеннен кейін 18 – 30 сағаттан кешіктірмей.

Натрий фолинатымен уытсыздандыруды аяқтау

Метотрексатты көктамыр ішіне енгізуді бастағаннан кейін емдеудің ең ерте кезеңі 71 сағаттан соң. Уытсыздану аяқталғаннан кейін метотрексат деңгейі 10-7 моль/л-ден төмен, ең қолайлы 10-8 моль/л-ден төмен болуы тиіс.

Шамадан тыс уытсыздандыру метотрексаттың тиімділігіне кері әсер етуі мүмкін. Уытсыздандыру жеткіліксіз болған жағдайда уытты жағымсыз әсерлердің білінуі метотрексаттың жоғары дозаларымен емдеген кезде байқалатын жағымсыз әсерлерге ұқсас болады.

Жағымсыз әсерлері

Жиілігі:

Өте жиі ( <1/10)

Жиі (>1/100 - <1/10)

Жиі емес (>1/1000- <1/100)

Сирек (>1/10000- <1/1000)

Өте сирек (<1/10000)

Белгісіз (қолда бар деректер бойынша анықталуы мүмкін емес)

Натриофолин медакпен емдеген кезде жағымсыз реакциялар сирек байқалады. Препаратты парентеральды түрде енгізген кезде температуралық реакциялардың жекелеген жағдайлары байқалды. Сонымен қатар аллергиялық реакциялардың, мысалы, аса жоғары сезімталдық сияқты, анафилактоидтық реакциялар мен есекжемді қоса, жекелеген жағдайлары орын алды. Жоғары дозаларда енгізген кезде асқазан - ішектік бұзылулар байқалды.

Натриофолин медак 5-фторурацилдің уыттылығын күшейтеді. Натриофолин медак пен 5-фторурацилді біріктіріп тағайындаған кезде келесі жағымсыз реакциялар дамуы мүмкін:

Ас қорыту жүйесі тарапынан

Жиі

- диарея

- сусыздану

- стоматит

Жиі емес

- жүрек айнуы, құсу, іш қатулар, анорексия

Қан түзілу жүйесі тарапынан

Жиі

- лейкопения

Жиі емес

- тромбоцитопения

Дерматологиялық реакциялар

Жиі емес

- алопеция, дерматит

Басқалар

Жиі емес

  • жұқпалар

Қолдануға болмайтын жағдайлар

- пернициозды анемияда немесе В12 витаминінің тапшылығынан болған анемияның басқа түрлерінде

- 2 жасқа дейінгі балаларға

- динатрий фолинатқа немесе препараттың құрамына кіретін кез келген басқа компонентке жоғары сезімталдықта

Натриофолин медак және 5-фторурацилді біріктіріп енгізуге қарсы көрсетілімдер:

- жүктілік

- емшек емізу (лактация кезеңі)

- ауыр диареяда

Егер емделушіде жоғарыда аталған аурулардың қандай да бірі болса, препаратты қабылдар алдында дәрігерден кеңес алыңыз.

Дәрілермен өзара әрекеттесуі

Натриофолин медакты фенобарбиталмен, фенитоинмен және примидонмен бірге қолдану олардың эпилепсияға қарсы белсенділігінің төмендеуіне әкеп соқтырады. Фенобарбитал, фенитоин, примидон қабылдап жүрген, эпилепсия ауруы бар емделушілердің қан плазмасында эпилепсияға қарсы препараттар деңгейінің азаюы нәтижесінде ұстамалар жиілігінің жоғарылау қаупі артады. Эпилепсияға қарсы препараттардың плазмадағы концентрацияларына клиникалық мониторинг жасау ұсынылады, сондай ақ натриофолин медакпен емдеу кезінде және оны тоқтатқаннан кейін эпилепсияға қарсы препараттар дозасына бейімделу қажет.

Натриофолин медак фолий қышқылының антагонистерімен (мысалы, метотрексатпен), олардың клиникалық уыттылығын модификациялау немесе бейтараптандыру үшін, бір мезгілде енгізілмеуге тиіс, өйткені фолий қышқылының емдік әсері жоққа шығарылуы мүмкін. Натриофолин медактың артық дозалануы метотрексатпен емдеу тиімділігінің төмендеуіне әкеп соқтыруы мүмкін (шамадан тыс уытсыздандыру).

Натриофолин медак фторурацилдің емдік те және уытты әсерін де күшейтуі мүмкін, осыған байланысты бірге қолданған кезде фторурацил дозасы төмендетілуі тиіс.

Натриофолин медакты 5-фторурацилден басқа дәрілік заттармен араластыруға болмайды.

Айрықша нұсқаулар

Натриофолин медакты және 5-фторурацилді біріктіріп енгізу 5-фторурацилмен және фолинаттармен цитоуытты ем жүргізу тәжірибесі бар дәрігердің бақылауымен ғана жүргізілуі мүмкін.

Тек жоғары дозадағы метотрексатпен жұмыс жасау тәжірибесі бар дәрігерлер ғана осы емді жүргізе алады.

Натриофолин медакты алкоголизмнен, эпилепсиямен, бүйректің созылмалы жеткіліксіздігіне шалдыққан емделушілерге, 2 жастан асқан балаларға сақтықпен қолданған жөн.

Егде жастағы немесе әлсіреген емделушілерге ерекше бақылау қажет, өйткені олар ауыр уыттылықтың даму қаупіне көбірек ұшырайды.

Фолий қышқылының антагонистерімен артық дозаланған жағдайда Натриофолин медакті мүмкіндігінше ертерек енгізу қажет. Фолий қышқылының антагонистерін (мысалы, метотрексатты) және Натриофолин медакты енгізу арасындағы уақыт аралығының ұзаруымен антагонистің уыттылығын төмендетуде Натриофолин медактың тиімділігі азаяды. Натриофолин медактің қолайлы дозасын және емдеу ұзақтығын анықтау үшін сарысулық метотрексатқа мониторинг қажет. Метотрексаттың организмнен баяу шығарылуы препараттың үшінші кеңістіктегі сұйықтықта (асцит сұйықтығында, плевралық жалқықта) жиналып қалуымен, бүйрек жеткіліксіздігімен, гидратацияның жеткіліксіздігімен, қабынуға қарсы стероидты емес препараттарды немесе салицил қышқылының туындыларын қолданумен байланысты. Осындай жағдайларда Натриофолин медактың жоғары дозаларын енгізу немесе оны өте ұзақ енгізу қажет болуы мүмкін.

Натриофолин медак метотрексаттың гематологиялық емес уыттылығына, препараттың және/немесе оның метаболиттерінің бүйректе тұндырылу нәтижесінде болатын нефроуыттылыққа ықпалын тигізбейді.

Натриофолин медакты В12 витаминінің тапшылығынан туындаған макроцитарлы анемия аясында қолдану бір мезгілде неврологиялық бұзылуларға өршитін гематологиялық ремиссияға әкелуі мүмкін.

Жүктілік және лактация кезеңінде қолданылуы

Жүктілік және бала емізу кезеңінде метотрексатпен емдеу қарсы көрсетілім болғандықтан, Натриофолин медак препаратын тағайындаудың қажеті жоқ.

5-фторурацилдің Натриофолин медакпен біріктірілімін тағайындау жүктілік және бала емізу кезеңдерінде қарсы көрсетілімде.

Дәрілік заттың автокөлікті және қауіпті механизмдерді басқару қабілетіне ықпал ету ерекшеліктері

Автокөлікті және қауіпті механизмдерді басқару қабілетіне ықпалы жоқ.

Артық дозалануы

Натриофолин медак уытты емес. Натриофолин медактың артық дозалану жағдайлары туралы осы уақытқа дейін хабарланбаған.

Шығарылу түрі және қаптамасы

Инъекция немесе инфузияға арналған 50 мг/мл натриофолин медак ерітіндісі 2 мл, 8 мл-ден шыны құтыда. 1 құтыдан медициналық қолдану жөніндегі мемлекеттік және орыс тіліндегі нұсқаулықпен бірге картон қорапқа салынады.

Сақтау шарттары

+2-ден +8 оС-ге дейінгі температурада, жарық түспейтін жерде сақтау керек.

Балалардың қолы жетпейтін жерде сақтау керек!

Сақтау мерзімі

3 жыл. Ашылып сұйылтылғаннан кейін +2 ден +8 С-ге дейінгі температурада 24 сағаттан асырмай сақтау керек.

Жарамдылық мерзімі өткеннен кейін қолданбау керек.

Пайдаланылмаған ерітінділер жойылуға сәйкес талаптар бойынша жойылуы тиіс.

Дәріханалардан босату шарттары

Рецепт арқылы

Өндіруші

Хаупт Фарма Вольфратсхаузен ГмбХ, Германия

Тіркеу куәлігінің иесі және қаптаушы:

медак ГмбХ, Германия

Қазақстан Республикасы аумағында тұтынушылардан өнім сапасына қатысты шағымдар қабылдайтын ұйымның мекенжайы:

«Сhemothera» (Хемотера) ЖШС, Алматы, 050060, Гагарин даң. 258 В, бизнес-орталығы «Азия», 318 кеңсе, телефон, факс: +7 7273962037, эл.поштасы: a.tyulembayeva@medac.de

 

Прикрепленные файлы

706903051477976397_ru.doc 88.5 кб
882453151477977648_kz.doc 86 кб

Отправить прикрепленные файлы на почту

Источники

Национальный центр экспертизы лекарственных средств, изделий медицинского назначения и медицинской техники