Мукоплант сироп от кашля с плющом

МНН: Плюща листьев экстракт
Производитель: Др. Тайсс Натурварен ГмбХ
Анатомо-терапевтическо-химическая классификация: Плюща листьев экстракт
Номер регистрации в РК: № РК-ЛС-5№122070
Период регистрации: 04.03.2016 - 04.03.2021

Инструкция

Саудалық атауы

Мукоплант жөтелге қарсы шырмауықты шәрбат

Халықаралық патенттелмеген атауы

Жоқ

Дәрілік түрі

Шәрбат 154 мг/100 мл

Құрамы

1000 мг препарат құрамында

белсенді зат – шырмауық жапырағының құрғақ сығындысы (4 - 8:1)1 – 1,392 мг,

қосымша заттар: калий сорбаты, гидроксиэтилцеллюлоза (Hyetellose), қара қарақат хош иістендіргіші, мальтитол ерітіндісі (Lycasin®), сусыз лимон қышқылы, тазартылған су

1 - 30 % спирттік сығынды шырмауық жапырағынан (Hedera helix L.) өндірілген

Сипаттамасы

Қарақатқа тән иісі бар қоңырлау-сары түсті аздап бұлыңғыр ерітінді.

Фармакотерапиялық тобы

Қақырық түсіретін препараттар. Шырмауық жапырағының сығындысы.

АТX коды R05CA12

Фармакологиялық қасиеттері

Шырмауық жапырағынан алынған препараттар негізінен секретолитикалық және бронхоспазмдық әсерлеріне байланысты тұтқыр шырыштың гиперсекрециясымен және жөтелмен сипатталатын респираторлық ауруларды емдеуде пайдаланылады. Мукоплант жөтелге қарсы шырмауықты шәрбатының құрамында шырмауық жапырағының сығындысы бар, ол тегіс бұлшықеттің түйілуін баса отырып муколитикалық және спазмолитикалық әсер көрсетеді, осылайша өзінің бронхолитикалық әсерін көрсетеді. Сондай-ақ оның бактерияға қарсы әсері сипатталады, ол, негізінен, құрамында тритерпендік сапониндердің болуына байланысты жүзеге асады. Негізгі құрамдастары көбінесе альфа-хедерин және С хедераказиді болып табылады.

Қолда бар деректерге сәйкес бронходилатация бета-2-адренорецептор арқылы негізделеді. α-хедерин бета-2-адренорецепторлар белсенділігінің жоғарылауына әкеледі және осылайша бронх кеңейткіш әсер етеді және беткейлік-белсенді заттардың өндірілуін күшейтеді, бұл секрет тұтқырлығының төмендетілуіне және оның тыныс алу жолдарынан шығуының жеңілдеуіне әкеледі. Қақырық түсіретін әсері асқазан шырышының тітіркенуімен байланысты, бұл бронх бездері жұмысының парасимпатикалық жүйке жүйесінің сенсорлық талшықтары арқылы рефлекторлық күшеюін туындатады.

Қолданылуы

- өнімді жөтел кезінде қақырық түсіретін дәрі ретінде

Қолдану тәсілі және дозалары

Ересектер, жасөспірімдер және 12 жастан асқан балалар үшін әдеттегі доза тәулігіне үш рет 15 мл құрайды.

6-12 жастағы балалар үшін әдеттегі доза тәулігіне екі рет 15 мл құрайды.

2-5 жастағы балалар үшін әдеттегі доза тәулігіне екі рет 10 мл құрайды.

Препарат сұйылтылмаған күйде және ас қабылдауға қарамастан қабылданады.

Емдеу курсы 7 күн.

Жағымсыз әсерлері

Жағымсыз әсерлері жиілік тәртібімен келесі топтарға жіктеледі:

Өте жиі: (≥1/10),

Жиі: (≥1/100 <1/10),

Жиі емес: (≥1/1000 <1/100),

Сирек: (≥1/10000 <1/1000),

Өте сирек: (<1/10000).

Белгісіз: Жиілігі қолда бар деректер негізінде бағалануы мүмкін емес.

Жиі:

- жүрек айнуы, құсу, диарея

Жиі емес:

- есекжем, бөртпе, купероз (жарылған капиллярлар, негізінен бетте және мұрында) ретінде байқалатын аллергиялық реакция

- тыныс алудың қиындауы

Қолдануға болмайтын жағдайлар

- препарат компоненттеріне жоғары сезімталдық

- 2 жасқа дейінгі балалар

Дәрілермен өзара әрекеттесуі

Басқа дәрілік заттармен өзара әрекеттесуі туралы деректер жоқ, алайда егер шәрбатпен бір уақытта немесе оның алдында біраз бұрын қандай да бір дәрілік препараттар қабылдасаңыз өз дәрігеріңізге міндетті түрде хабарлаңыз.

Шәрбатты дәрігердің кеңесінсіз жөтелді басатын басқа дәрілік заттармен (кодеин немесе декстрометорфан сияқты жөтелге қарсы дәрілер) бір уақытта қабылдау ұсынылмайды.

Айрықша нұсқаулар

- 2-ден 4 жасқа дейінгі балаларға жөтел кезінде препаратты қабылдау алдында алдын ала диагностика талап етіледі

- тыныс алу қиындағанда, қызбада немесе іріңді қақырықта сізге препаратты қабылдау алдында Өз дәрігеріңізбен кеңесу керек

- АІЖ аурулары (гастрит, асқазанның ойықжаралы ауруы және басқалар) бар пациенттерге препаратты сақтықпен қабылдау керек

- препарат қабылдауды жіберіп алғанда қосарлы дозаны қабылдауға болмайды

- сирек тұқым қуалайтын фруктоза жақпаушылығы проблемалары бар пациенттерге Мукоплант жөтелге қарсы шырмауықты шәрбатын қабылдамаған жөн

- 10 мл шәрбат құрамында 4 г мальтитол ерітіндісі бар, бұл шамамен 0,3 нан бірлігіне сай келеді. Бұл ақпарат қант диабетімен зардап шегетін адамдар үшін маңызды. Калория мөлшері 2.3 ккал/г мальтитол ерітіндісі

- мальтитол ерітіндісі жеңіл іш жүргізгіш әсерге ие - егер препаратты пайдалану уақытында симптомдар бір аптадан артық сақталса дәрігермен кеңескен жөн

- егер әсер тым күшті немесе тым әлсіз көрінсе дәрігермен кеңесіңіз.

Жүктілік және лактация кезеңі

Мукоплант жөтелге қарсы шырмауықты шәрбатын жүкті және бала емізетін әйелдерге қолдану ұсынылмайды, өйткені шырмауық жапырағының құрғақ сығындысын жүкті және бала емізетін әйелдерге пайдалану туралы деректер жеткіліксіз.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері.

Көлік құралын немесе қауіптілігі зор механизмдерді басқару қабілетіне ықпалы туралы ешқандай зерттеулер жүргізілмеді.

Мукоплант жөтелге қарсы шырмауықты шәрбат көлік құралын немесе қауіптілігі зор механизмдерді басқару қабілетіне ықпал ету мүмкіндігі туралы хабарланбады.

Артық дозалануы

Дозалау режимін қатаң сақтау ұсынылады.

4 жастағы бала 90 мл шырмауық сығындысын (1,8 г шырмауық жапырағына баламалы) байқаусызда жұтқаны туралы бір оқиға белгілі.

Озбырлық және диарея байқалды.

Симптомдары: жүрек айнуы, құсу, диарея, үрей сезімі.

Емі: Симптоматикалық.

Шығарылу түрі және қаптамасы

100 немесе 250 мл препараттан тығыздығы төмен полиэтиленнен жасалған мөлдір тамшылатқышымен және тығыздығы жоғары полиэтиленнен жасалған алғашқы ашылуы бақыланатын сақинасы бар полипропиленнен жасалған қара бұралмалы қақпағымен қоңыр шыны бөтелкеге салады.

Бір құтыдан және өлшеуіш стақаннан медициналық қолдану жөніндегі мемлекеттік және орыс тілдеріндегі нұсқаулықпен бірге картон қорапшаға салынған.

Сақтау шарттары

30ºС-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

3 жыл

Құтыны ашқаннан кейінгі препараттың сақтау мерзімі – 6 апта. Жарамдылық мерзімі өткеннен кейін пайдалануға болмайды!

Дәріханалардан босатылу шарттары

Рецептісіз

Өндіруші

Др. Тайсс Натурварен ГмбХ,

Мишелинштрассе 10, D-66424 Хомбург, Германия

Тел./факс: + 49-6841-709-0/ + 49-6841-709-265

Тіркеу куәлігінің иесінің атауы және елі

Др. Тайсс Натурварен ГмбХ, Германия

Қазақстан Республикасы аумағында тұтынушылардан өнім сапасына қатысты шағымдарды қабылдайтын ұйымның мекенжайы :

«Натусана» ЖШС, 050046, Алматы қ-сы, Гайдар к-сі, 198

Тел./факс: 8 (727) 268-31-66

Прикрепленные файлы

938536321477976275_ru.doc 55 кб
592834861477977474_kz.doc 33.88 кб

Отправить прикрепленные файлы на почту

Источники

Национальный центр экспертизы лекарственных средств, изделий медицинского назначения и медицинской техники