Мореазе СР

• русский
• қазақша

• Скачать инструкцию медикамента

Саудалық атауы

Мореазе СР

Халықаралық патенттелмеген атауы

Мебеверин

Дәрілік түрі

Босап шығуы ұзартылған капсулалар, 200 мг

Құрамы

Бір капсуланың құрамында

белсенді зат: 200 мг мебеверин гидрохлориді

қосымша заттар: қант түйірлері #30/35 (Фарм-а шариктер), повидон К-30, полисорбат 80,

негізгі жабыны: мебеверин гидрохлориді пеллеті, гипромеллоза 6 cps,

полимерлі жабыны: негізгі жабыны бар мебеверин гидрохлориді пеллеті, аммоний метакрилатының кополимері, В типі (Eudragit RSPO), метакрил қышқылы метилметакрилаты кополимері (1:1) (Eudragit L 100), макрогол 8000, тазартылған тальк

қатты желатин капсуланың құрамы:

қақпағы: бриллиантты көк Е133, хинолинді сары Е104, сары сансет Е110, титанның қостотығы Е171, метилпарагидроксибензоат, пропил- парагироксибензоат, желатин

Сипаттамасы

Сарыдан сарғыш-қызыл сары түске дейінгі мөлдір емес қақпақшасында “DR REDDY´s” деген жазуы және логотипі және ашық сарыдан сары түске дейінгі мөлдір емес корпусында «Morease SR» деген жазуы бар, екі жағы қармалатын жүйеден тұратын, өлшемі "0", қатты желатинді капсулалар.

Капсуланың ішіндегісі – ақтан ақ дерлік түске дейінгі пеллеттер.

Фармакотерапиялық тобы

АІЖ қызметінің бұзылуларын емдеуге арналған препараттар. Ішектің функционалдық бұзылыстарын емдеуге арналған препараттар. Синтетикалық холиноблокаторлар – үштік амин тобы бар эфирлер. Мебеверин.

ATХ коды А03АА04

Фармакологиялық қасиеттері

Фармакокинетикасы

Мебеверин ішке қабылданғаннан кейін тез және толық сіңеді. Плазмадан табылмайды, өйткені бауырда жүйеалды гидролизге ұшырап, 3,4-диметоксибензой қышқылын (вератр қышқылын) және мебеверин спиртін түзеді. Көбіне несеппен бірге, вератр қышқылы және мебеверин спирті (соның ішінде тиісті карбон қышқылы түрінде, ішінара – деметилденген карбон қышқылы түрінде) метаболиттері түрінде ғана шығарылады, аздаған мөлшерде өттен табылады. Бір реттік дозаны қабылдағаннан кейін 24 сағат ішінде толық шығарылады. Организмде заттар жиналып қалмайды.

Фармакодинамикасы

Мебеверин гидрохлориді миоциттердің жасушалық жарғақшасының жылдам натрий өзекшелерін бөгейді және Na+ иондарының жасушаға енуін бұзады, Са2+ иондарының баяу өзекшелер арқылы енуін бөгейді, жарғақшаның деполяризациялану үдерісін баяулатады және бұлшықет талшықтарының жиырылуына кедергі жасайды.

Миотроптық әсер ететін спазмолитик болып табылады, асқазан-ішек жолының тегіс бұлшықеттеріне тікелей әсер етеді. Түйілуді жояды, ішектің қалыпты жиырылуына елеулі ықпалын тигізбейді. Антихолинергиялық әсер бермейді.

Қолданылуы

- тітіркенген ішек синдромымен қатарласа жүретін іштің түйілуінде және ауыруында

Қолдану тәсілі және дозалары

Капсуланы ішке судың жеткілікті мөлшерімен (100 мл) ішіп, тұтастай қабылдайды. Ересектер үшін ұсынылатын дозасы – тамақтанудан 1 сағат бұрын, тәулігіне 2 рет 1 капсула. Емдеу курсы ауру барысына байланысты және әр адамға жекелей белгіленеді, әдетте 4 аптаны құрайды.

Жағымсыз әсерлері

Жағымсыз әсерлері жалпы алғанда аз білінеді және өткінші сипатқа ие. - диарея, іш қату, іштің ауыруы, жүректің айнуы, құсу, метеоризм, ауыз ішінің құрғауы, стоматит, асқазан-ішектік кандидоз, дәм сезімінің өзгеруі

- бас ауыру, бас айналу, парестезиялар, ұйқышылдық, ұйқысыздық; кейбір жағдайларда – мазасыздық жағдайы, депрессия, елестеулер, сананың шатасуы

- кейбір жағдайларда – артралгия, миалгия, бұлшықет әлсіздігі

- аллергиялық реакциялар және тері тарапынан өзгерулер: қышыну, бөртпе, фотосезімталдық, мультиформалы эритема, алопеция, ангионевротикалық ісіну, анафилактикалық шок

- лейкопения, панцитопения, агранулоцитоз, тромбоцитопения - бауыр ферменттері деңгейінің жоғарылауы; бауырдың ауыр ауруларын бұрын бастан өткерген науқастарда гепатит, энцефалопатия, бауыр жеткіліксіздігінің симптомдары пайда болуы мүмкін

- гинекомастия

- қызба, бронхтың түйілуі, интерстициальді нефрит, қатты терлеу

- көрудің көмескіленуі

- шеткергі ісінулер

Қолдануға болмайтын жағдайлар

- препарат компоненттеріне жоғары сезімталдық

- гиперпролактинемия

- асқазан-ішектік қан кетулер, перфорация, ішек бітелісі

- бауыр функциясының бұзылуы

- жүктілік және лактация кезеңі

- балалар және 18 жасқа дейінгі жасөспірімдер

Дәрілермен өзара әрекеттесуі

Белгісіз

Айрықша нұсқаулар

Емдеуді бастар алдында және емдеуді аяқтағаннан кейін қатерлі жаңа түзілімдердің бар-жоқтығын анықтау үшін міндетті түрде эндоскопиялық бақылау жүргізу керек, өйткені Мореазе СР препаратымен емдеу симптоматиканы бүркемелеуі және ауруды дұрыс анықтау мерзімін ұзартуы мүмкін.

Бауырдың созылмалы аурулары бар емделушілерде 2 аптада кем дегенде 1 рет бауыр ферменттерінің деңгейін анықтау керек. Осы көрсеткіштерінің кез келген өзгерісі кезінде препарат қабылдауды дереу тоқтату керек. Ұзақ емдегенде науқастар дәрігердің ұдайы бақылауында болуы тиіс.

Дәрілік заттың көлік құралдарын немесе қауіпті механизмдерді басқару қабілетіне ықпал ету ерекшеліктері

Мореазе СР тағайындағанда науқастарда орталық жүйке жүйесі тарапынан жағымсыз құбылыстар (ұйқышылдық, бас айналу, елестеулер, үрейлену сезімі) пайда болатындықтан, зейінді жұмылдыруды және реакция шапшаңдығын талап ететін жұмыстар жасауды тоқтата тұру ұсынылады.

Артық дозалануы

Симптомдары: ұйқышылдық, бағдардан адасу және экстрапирамидтік реакциялар, қозу, сананың шатасуы, бас ауыру, қатты терлеу, ауыз ішінің құрғауы, жүректің айнуы, аритмия.

Емі: белсендірілген көмір қабылдау, асқазанды шаю және симптоматиалық ем жүргізу. Арнайы у қайтарғысы жоқ.

Шығарылу түрі және қаптамасы

10 капсуладан алюминий фольгадан жасалған пішінді ұяшықсыз қаптамаға салынған.

10 пішінді ұяшықсыз қаптамадан медицинада қолданылуы жөнінде мемлекетттік және орыс тілдеріндегі нұсқаулықпен бірге картон қорапшаға салынады.

Сақтау шарттары

Құрғақ жерде, 250С-ден аспайтын температурада сақтау керек.

Баллардың қолы жетпейтін жерде сақтау керек!

Сақтау мерзімі

2 жыл

Жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецепт арқылы

Өндіруші

Д-р Редди’с Лабораторис Лимитед

№ 42,45 және 46 учаскелері

Бачупалли Виллидж, Кутубуллапур Мандал

Ранга Редди ауданы, Андхра Прадеш, Үндістан

Тіркеу куәлігінің иесі

Д-р Редди´с Лабораторис Лимитед, Үндістан

Тұтынушылардан өнім сапасы жөнінде шағымдарды Қазақстан Республикасы аумағында қабылдайтын ұйымның мекенжайы:

050057 Алматы қ-сы, 22 линия к-сі, 45,

3941699,3941689, факс:3941294 (110), info@drreddys.kz