Мовегейн
Инструкция
-
русский
-
қазақша
Саудалық атауы
Мовегейн
Халықаралық патенттелмеген атауы
Диацереин
Дәрілік түрі
50 мг қатты капсулалар
Құрамы
Бір капсуланың құрамында
белсенді зат – 50 мг диацереин,
қосымша заттар: лактоза, натрий кроскармеллозасы, гипромеллоза 3 срs (Метоцел Е3LV), сусыз коллоидты кремнийдің қостотығы, магний стеараты, тазартылған су
Қатты желатинді капсуланың құрамы
қақпағы: титанның қостотығы (Е 171), кармоизин (Е 122), V патенттелген көк (E 131), метилпарабен, пропилпарабен, желатин, натрий лаурил сульфат, су;
корпусы: кармоизин (Е 122), титанның қостотығы (Е 171), V патенттелген көк (E 131), метилпарабен, пропилпарабен, желатин, натрий лаурил сульфат, су.
Сипаттамасы
Қара сиялы жазуымен (" DR. REDDY´ s логотипі) көк түсті қақпақшасы және ақ сиямен "Movagain" деген жазуы бар, корпусының түсі көк, өлшемі "1, қатты желатинді капсулалар. Капсуланың ішіндегісі – сары түсті түйіршіктер.
Фармакотерапиялық тобы
Қабынуға қарсы және ревматизмге қарсы препараттар
Қабынуға қарсы стероидты емес препараттар
Басқа да қабынуға қарсы стероидты емес препараттар
Диацереин.
ATХ коды М01АХ21
Фармакологиялық қасиеттері
Фармакокинетикасы
Сіңуі және метаболизмі: ішке қабылдағаннан кейін диацереин АІЖ жылдам сіңіріледі және реинге дейін толығымен деацетилденеді. Препаратты тамақпен бір мезгілде қабылдау биожетімділігін 25%-ға арттырады. Плазмадағы реиннің Cmax 144 мин кейін жетеді. 50 мг препаратты бір реттік қабылдаудан кейін Cmax 3,15 мг/л жетеді. Көп мәрте қабылдағанда препараттың жинақталуына байланысты Cmax жоғарылайды.
Таралуы және шығарылуы: реиннің альбуминмен байланысуы іс жүзінде 100%. Реин ГЭБ және плаценталық бөгет арқылы өтеді. T1/2 — 255 мин. Реин бүйрекпен өзгермеген түрде (20%) және глюкуронид (60%) пен сульфат түрінде (20%) шығарылады.
Фармакодинамикасы
Препараттың баяу жүретін симптом-түрлендіруші әсері бар. Диацереин ИЛ-1 синтезі және тежейді, ол шеміршектің қабынуында, деградациясында және кейіннен остеоартроз кезінде бұзылуында маңызды рөл атқарады. Бұдан басқа, диацереин ИЛ-6 қоса, қабынуды туындататын басқа да цитокиндер әсерін, α-ісіктер некрозы факторын тежейді. Диацереин сондай-ақ шеміршек тінінің зақымдану үдерісіне қатысатын металлопротеиназалардың (коллагеназа, эластаза) түзілуін баяулатады. Ұзақ қолданғанда диацереин протеогликандар синтезін көтермелейді және ПГ синтезіне ықпал етпейді.
Қолданылуы
- бастапқы және салдарлы остеоартрозда.
Қолдану тәсілі және дозалары
Сумен ішіп, ішке қабылдайды. Шайнамай, тұтастай жұту керек. Стандартты қабылдау – күніне 1 капсуладан, содан соң 1 капсуладан күніне екі рет (таңертең және кешке, тамақтан кейін). Емдеудің әсерін 2–4 аптадан соң күту керек.
Мовегейн үздіксіз ұзақ немесе кем дегенде 4 аптаға созылатын курспен қабылданады.
Жағымсыз әсерлері
- тәбеттің болмауы, тәбеттің артуы, ауыздың құрғауы, глоссит, стоматит, ауыз қуысының ойық жарасы, ойық жаралы стоматит, қызыл иектің қанауы, дисфагия, кекіру, жүрек айну, құсу, эзофагит, гастрит, гастроэнтерит, энтерит, іштің кебуі, диспепсия, іштің ауыруы, колит
- назофарингит, ринит, мұрыннан қан кету, бронхит, пневмония, ентігу, демікпе
- ұйқысыздық, ұйқышылдық, үрейлі түстер көру, бас ауыру, бас айналу
- артралгия, артрит, аяқ құрысулары, бурсит, тендовагинит, сіңірдің үзілуі, миастения, миалгия, бұлшықет контрактурасы, бұлшықет құрысулары миозит, миопатия, рабдомиолиз
- қышыну, жанаспалы дерматит, таздану, терінің құрғауы, қатты тершеңдік, есекжем, экзема, себорея, тері ойық жаралары
- несеп жолы жұқпалары, несеп шығарудың жиілеуі, цистит, гематурия, дизурия, бүйректегі конкременттер, никтурия, альбуминурия, нефрит, несепті ұстай алмау, несептің іркілуі, несеп шығаруға қысылу
- эпидидимит, импотенция, либидоның төмендеуі, ерте болатын эякуляция, фиброзды-кистозды мастопатия, қынаптан қан кету, жатырдан ациклдік қан кету
- кеуде қуысы гипертрофиясы
- амблиопия, көздің құрғауы, рефракцияның бұзылуы, көзге қан құйылу, глаукома, құлақтың шыңылдауы, кереңдік, паросмия, дәмді сезбеу, дәмнің бұрмалануы
- жүректің қағуы, вазодилатация, естен тану, бас сақинасы, ортостатикалық гипотензия, флебит, аритмия, стенокардия, артериялық гипертензия
- шеткергі ісіну, гипергликемия, гипогликемия, креатининфосфокиназа деңгейінің жоғарылауы, подагра, дене салмағының артуы
- қанталау, анемия, лимфа түйіндерінің ұлғаюы, тромбоцитопения, петехиальді қан құйылу
- кеуденің ауыруы, арқаның ауыруы, беттің ісінуі, қызба, мойын бұлшықеттерінің сіресуі, бағдардың бұзылуы, жоғары фотосезімталдық реакциясы, жайылған ісіну, анафилаксия, ангионевротикалық ісіну, сулы бөртпе (мультиформалы эритеманы, Стивенс-Джонсон синдромын және уытты эпидермальді некролизді, Лайелл синдромын қоса), қаңқа бұлшықеттері жедел некрозы
Емдеу үдерісінде несептің – сарыдан қоңыр түске дейін (рН байланысты) қарқынды боялуы орын алуы мүмкін, бұл препарат дозасын төмендетуді (тоқтатуды) қажет етпейді.
Қолдануға болмайтын жағдайлар
- препарат компоненттерінің кез келгеніне аса жоғары сезімталдық немесе антрахин препараттарына (мысалы: іш жүргізетін дәрілерге) жоғары сезімталдық
- ішек бітелісі немесе ішінара обструкция
- ішектің қабыну аурулары (спецификалық емес ойық жаралы колит, Крон ауруы)
- белгісіз сипаттағы іш ауыруы
- бүйректің ауыр жеткіліксіздігі
- антибиотиктермен емдеу (емдеуді тоқтата тұру қажет)
- 18 жасқа дейінгі балалар мен жасөспірімдер
- жүктілік және лактация кезеңі
Сақтықпен: ішектің төменгі бөліктерінің тітіркенуі және созылмалы бүйрек жеткіліксіздігі кезінде.
Дәрілермен өзара әрекеттесуі
Мовегейнді ішек ішіндегінің сапасына және оны босату жылдамдығына әсер ететін заттармен (мысалы клетчатканың көп мөлшерін) бірге қабылдау ұсынылмайды. Антацидтер препараттың сіңірілуін азайтады. Антибиотиктермен және ішек микрофлорасына әсер ететін химиотерапиялық препараттармен бір мезгілде қабылдағанда ішек тарапынан жағымсыз құбылыстардың жиілігі артуы мүмкін.
Айрықша нұсқаулар
Бауыр немесе бүйрек жеткіліксіздігі бар науқастарда Диацереинмен емдеу клиникалық мониторингпен, бүйрек пен бауыр қызметін мезгіл-мезгіл бақылай отырып, жүргізілуі тиіс. Бүйрек және бауыр қызметі нашарлаған жағдайда емдеу тоқтатылуы тиіс. Сыртартқыда коагулопатия терапиясы, антикоагулянттармен ем алған емделушілер дәрігердің мұқият бақылауында болуы тиіс. Емдеу кезінде шеткергі қан көрінісін бақылау қажет. Басқа да ҚҚСД алған емделушілерде көз тарапынан өзгерістер тіркелген болса, Диацереинмен емдеу кезінде көзге көрінетін бұзылулардың дамуы жағдайында емдеу дереу тоқтатылып, офтальмологиялық тексеру жүргізілуі тиіс. Қандай да бір аллергиялық реакциялар туындағанда емдеу дереу тоқтатылуы тиіс. Емдеуді 17-кетостероидтары анықталғанға дейін 48 сағат бұрын тоқтатқан жөн.
Диацереинмен бір мезгілде іш жүргізетін дәрілерді қолданбаған жөн. Кейбір емделушілерде препаратты қабылдаған кезде нәжістің сұйылуы мүмкін.
Препарат құрамына лактоза моногидраты кіреді, осыған байланысты Мовегейн тұқым қуалайтын галактозаны көтере алмаушылығы, Лапп лактаза тапшылығы, глюкоза/галактоза мальабсорбциясы бар емделушілерге ұсынылмайды.
Жүкті немесе бала емізетін әйелдерде қолдану
Жүктілікте қолдануға болмайды. Емдеу кезінде бала емізуді тоқтатқан жөн.
Дәрілік заттың көлік құралдарын немесе қауіптілігі зор механизмдерді басқару қабілетіне әсер ету ерекшеліктері
Препарат бас айналуын және ұйқышылдықты туындатуы мүмкін, сондықтан емдеу кезеңінде емделушілер көлік құралын немесе қауіптілігі зор механизмдерді басқармаулары тиіс.
Артық дозалануы
Симптомдары: диарея, әлсіздік
Емі: асқазанды шаю, белсенділендірілген көмір қабылдау, симптоматикалық ем.
Шығарылу түрі және қаптамасы
10 капсуладан алюминий фольгадан жасалған пішінді ұяшықсыз қаптамаға салынған.
1 пішінді ұяшықсыз қаптамадан медицинада қолданылуы жөніндегі мемлекеттік және орыс тілдеріндегі нұсқаулықпен бірге картон пәшкеге салынады.
Сақтау шарттары
Құрғақ, жарықтан қорғалған жерде, 250С-ден аспайтын температурада сақтау керек.
Балалардың қолы жетпейтін жерде сақтау керек!
Сақтау мерзімі
2 жыл
Жарамдылық мерзімі өткеннен кейін қолдануға болмайды.
Дәріханалардан босатылу шарттары
Рецепт арқылы
Өндіруші
«Д-р Редди’с Лабораторис Лимитед»
№ 42, 45, 46 учаскесі, Бачупалли, Кутбуллапур Мандал, Ранга Редди ауданы, Aндхра Прадеш, Үндістан Тіркеу куәлігі иесінің атауы мен елі: «Д-р Редди’с Лабораторис Лимитед», Үндістан
Қазақстан Республикасы аумағында тұтынушылардан өнім сапасына қатысты шағымдарды қабылдайтын ұйымның мекенжайы
«Д-р Редди’с Лабораторис Лимитед» компаниясының Қазақстан Республикасындағы өкілдігі:
050057 Алматы қ., 22 линия к-сі,45
тел: 8(727)3941688
факс: 8(727)3941294