Мифетрил

МНН: Мифепристон
Производитель: Джагсонпал Фармацевтикал Лтд
Анатомо-терапевтическо-химическая классификация: Mifepristone
Номер регистрации в РК: № РК-ЛС-5№122103
Период регистрации: 04.03.2016 - 04.03.2021

Инструкция

Саудалық атауы

Мифетрил

Халықаралық патенттелмеген атауы

Мифепристон

Дәрілік түрі

Таблеткалар, 200 мг

Құрамы

Бір таблетканың құрамында

белсенді зат 200.00 мг мифепристон бар,

қосымша заттар: сусыз коллоидты кремнийдің қостотығы, жүгері крахмалы, микрокристалды целлюлоза, повидон, магний стеараты.

Сипаттамасы

Дөңгелек пішінді, екі беті дөңес, бір жағында «J09» өрнегі бар және екінші жағы тегіс, ашық-сары түсті таблеткалар

Фармакотерапиялық тобы

Жыныс гормондары және жыныс жүйесінің модуляторлары. Басқа да жыныс гормондары. Антиконгестанттар. Прогестерон рецепторларының модуляторлары. Мифепристон.

АТХ коды G03XB01

Фармакологиялық қасиеттері

Фармакокинетикасы

Сіңуі

600 мг бір реттік дозасын ішке қабылдағаннан кейін, мифепристон жылдам сіңеді, қан плазмасындағы 1,98 мг/л концентрациясының шыңына қабылдағаннан кейін шамамен 90 минуттан соң жетеді. 20 мг пероральді дозасының абсолюттік биожетімділігі 69% құрайды.

Таралуы

Мифепристон плазма ақуыздарымен, альбуминмен және α1-қышқылды гликопротеинмен 98%-ға байланысады.

Метаболизмі

Мифепристонның метаболизмі бауыр арқылы «бастапқы» өтуі кезінде 17 пропинилден тұратын тізбектің N-деметилденуі және гидроксилденуі жолымен, негізгі үш: мифепристонның стероидты сақинасының 11β-п-диметиламинофенильді алмастырғышының бір және екі метилдік тобының жоғалуы нәтижесінде түзілетін моно-деметилденген (RU 42633), ди-деметилденген (RU 42848) және гидроксилденген (RU 42698) метаболитін түзе отырып жүреді.

Шығарылуы

Препараттың 83%-ы нәжісте және 9%-ы несепте анықталады. Таралу фазасынан кейін, мифепристонның шығарылуы алдымен баяу (50% концентрациясы 12- 72 сағат аралығында), содан соң жылдамырақ жүреді. Жартылай шығарылу кезеңі 18 сағат.

Жас шамасының, бауыр және бүйрек ауруларының мифепристонның қауіпсіздігіне, тиімділігі мен фармакокинетикасына әсері зерттелген жоқ.

Фармакодинамикасы

Мифепристон - Мифетрилдің белсенді заты, синтетикалық стероидты антипрогестагенді дәрі болып табылады (прогестеронның әсерін рецепторлардың деңгейінде бөгейді), гестагендік белсенділігі жоқ.

Қосылыс эндогенді немесе экзогенді прогестеронның белсенділігін бәсеңдетеді. Нәтижесінде жүктіліктің тоқтауы жүзеге асады.

Хориодецидуальді жасушалардағы интерлейкин-8 босап шығуын стимуляциялай отырып, миометрийдің простагландиндерге сезімталдығын арттыра отырып (әсерін күшейту үшін простагландиннің синтетикалық аналогымен үйлестіріп қолданады), миометрийдің жиырылғыштық қабілетін арттырады.

Препараттың әсерінің нәтижесінде децидуальді қабықтың десквамациясы және ұрық жұмыртқасының шығуы жүреді.

Сонымен қатар Мифетрил антиглюкокортикоидтық және әлсіз антиандрогендік белсенділікке ие. Рецепторлармен байланысу деңгейіндегі бәсекелестіктің есебінен, глюкокортикостероидтармен антагонизмі байқалады.

Қолданылуы

- аменореяның 63 күніне дейінгі жүктілікті дәрі-дәрмектің көмегімен тоқтату үшін простагландиндердің аналогымен үйлестіріліп

- жүктілікті алғашқы триместрде операция жолымен тоқтатуда жатыр мойнын дайындау үшін

- медициналық көрсетілімдер бойынша жүктілікті тоқтату кезінде (алғашқы триместрде) простагландиндер аналогының әсеріне дайындау үшін

- ұрықтың құрсақішілік өлімі салдарынан жүктілікті тоқтатқан жағдайда жатырдың жиырылуын туғызу үшін (простагландин мен окситоцинді қолдануға қарсы көрсетілімдер болған жағдайда)

Қолдану тәсілі және дозалары

Жүктілікті дәрі-дәрмектік жолмен тоқтатуда простагландиндердің аналогымен үйлестіріп

Жүктілік кезінде – аменореяның 49 күніне дейін қолданудың алғашқы тәсілі

600 мг (200 мг-ден 3 таблетка) мифепристонды дәрігердің қадағалауымен бір рет ішке қабылдайды.

Мифепристонды қабылдағаннан кейін 36-48 сағаттан соң простагландин аналогын, атап айтқанда 400 мкг мизопростолды пероральді немесе 1 мг гемепростты қынап ішіне тағайындайды.

Жүктілік кезінде – аменореяның 49 күніне дейін қолданудың екінші тәсілі

200 мг (200 мг-ден 1 таблетка) мифепристонды дәрігердің қадағалауымен бір рет ішке қабылдайды.

Мифепристонды қабылдағаннан кейін 36-48 сағаттан соң простагландин аналогын - 1 мг гемепростты қынап ішіне тағайындайды.

Жүктілік кезінде - аменореяның 50-63 күндері арасында қолданудың алғашқы тәсілі

600 мг (200 мг-ден 3 таблетка) немесе 200 мг (1 таблетка) мифепристонды дәрігердің қадағалауымен бір рет ішке қабылдайды.

Мифепристонды қабылдағаннан кейін 36-48 сағаттан соң простагландин аналогын, атап айтқанда 1 мг гемепростты қынап ішіне тағайындайды.

Жүктілік кезінде – аменореяның 49 күніне дейін қолданудың екінші тәсілі

200 мг (200 мг-ден 1 таблетка) мифепристонды дәрігердің қадағалауымен бір рет ішке қабылдайды.

Мифепристонды қабылдағаннан кейін 36-48 сағаттан соң простагландин аналогын - 1 мг гемепростты қынап ішіне тағайындайды.

Жүктілікті бірінші триместрде операциялық жолмен тоқтатуға жатыр мойнын дайындау

200 мг мифепристонды (1 таблетка) дәрігердің немесе кіші медициналық қызметкердің қатысуымен бір рет ішке қабылдайды, 36-48 сағаттан соң (бірақ одан асырмай) жүктілікті операциялық жолмен тоқтату жүргізіледі.

Жүктілікті үшінші триместрде медициналық көрсетілімдер бойынша тоқтату кезінде простагландиндер аналогының әсеріне дайындау

(қолданған кезде қолданыстағы ұсынымдарды ескеру керек)

600 мг мифепристонды (200 мг-ден 3 таблетка) дәрігердің қатысуымен бір қабылдауға) тағайындау, 36-48 сағаттан соң простагландин аналогының әсері ұсынылады, ол қажет болса қайтадан енгізілуі мүмкін.

Ұрықтың құрсақішілік өлімі кезінде жүктілікті тоқтатқан жағдайда жатырдың жиырылуын туғызу (простагландин мен окситоцинді қолдануға қарсы көрсетілімдер болған жағдайда)

2 күн бойы күніне 600 мг мифепристон (200 мг-ден 3 таблетка).

Егер толғақ препаратты алғаш қабылдағаннан кейін 72 сағат ішінде басталмаса, жүктілікті тоқтатудың әдеттегі әдістерін қолдану керек.

Жағымсыз әсерлері

Өте жиі

- простагландинді қабылдағаннан кейінгі бірнеше сағат бойы жатырдың жиырылулары немесе құрысулар (10-нан 45%-ға дейін)

- жүрек айнуы, құсу, диарея (простогландинді қолданумен байланысты)

Жиі

- жыныс жолдарынан қатты қан кету

- абортпен қатар жүретін инфекциялар, күдікті немесе расталған инфекциялар (эндометрит, жамбас ағзаларының қабыну аурулары)

- іштің төменгі бөлігінің елеусіз ауыруы

- құрысулар (жеңіл немесе орташа)

Кейде

- артериялық гипотензия (0.25%)

Сирек

- бас ауыруы, әлсіздік, дімкәстану, жүйкелік сипаттағы көріністер

(ысыну ұстамалары, бас айналуы, қалтырау), қызба

- есекжем, эритродермия, эритема, эпидермальді некролиз, тері бөртпесі (0.2%)

Өте сирек

- жатырдың жыртылуы (босанған әйелдерде немесе жүктіліктің екінші және үшінші триместрінде простагландиндерді қолданғаннан кейінгі ұрықтың құрсақішілік өліміне байланысты жатырында кесар тілігінен кейін тыртық қалған әйелдерде)

- Clostridium sordellii инфекциясынан туындаған, өліммен аяқталатын уытты шок

- Квинке ісінуі

Қолдануға болмайтын жағдайлар

Барлық көрсетілімдер үшін

- мифепристонға және препараттың басқа компоненттеріне аса жоғары сезімталдық

- бүйрекүсті безі жеткіліксіздігі және ұзаққа созылған глюкокортикостероидтық (ГКС) ем

- жедел немесе созылмалы бүйрек және/немесе бауыр жеткіліксіздігі

- бақыланбайтын демікпенің ауыр түрі

- тұқым қуалайтын порфирия

- анемия (гемоглобин мөлшері 100 г/л)

- гемостаз бұзылулары (соның ішінде алдыңғы антикоагулянттармен жүргізілген ем)

Жүктілікті дәрі-дәрмектің көмегімен тоқтату мақсатында

- клиникалық тексеру кезінде расталмаған жүктілік

- аменореяның 63 күнінен артық мерзімдегі жүктілік

- жатырдан тыс жүктілікке күдіктену

- простагландиндерді қолдануға қарсы көрсетілімдер

Жатыр мойнын жүктілікті операциялық жолмен тоқтатуға дайындау мақсатында

- клиникалық тексеру кезінде расталмаған жүктілік

- аменореяның 84 күнінен артық мерзімдегі жүктілік

- жатырдан тыс жүктілікке күдіктену

Жүктілікті медициналық көрсетілімдер бойынша тоқтату кезінде простагландиндер аналогының әсеріне дайындау мақсатында

- простагландинді қолдануға қарсы көрсетілімнің болуы

Простагландиндерді пайдаланған кезде болған ұрықтың құрсақішілік өлімі жағдайында жатырдың жиырылуын туғызу мақсатында

- простагландинді қолдануға қарсы көрсетілімдердің болуы

Сақтықпен

- өкпенің созылмалы обструкциялық ауруы

- бронх демікпесі

- артериялық гипертензия

- жүрек ырғағының бұзылулары, жүректің созылмалы жеткіліксіздігі

- жатыр миомасы

Дәрілермен өзара әрекеттесуі

Мифепристонның өзара әрекеттесулерін зерттеулер жүргізілген жоқ.

Мифепристонның метаболизміне CYP3А4 қатыспайтынын ескере отырып,

кетоконазол, итраконазол, эритромицин, грейпфрут шырыны бірге қолданылғанда қан плазмасындағы мифепристон концентрациясын арттыруы мүмкін екендігін жоққа шығаруға болмайды. Бұдан өзге, рифампицин, дексаметазон, шлітерлі шайқурай препараттары, және кейбір құрысуға қарсы препараттар (фенитоин, фенобарбитал, карбамазепин) бірге қолданған кезде қан плазмасындағы мифепристон концентрациясын төмендетуі мүмкін.

Мифепристонды CYP3A4 субстраттары болып табылатын препараттармен (соның ішінде, жалпы анестезияға арналған дәрілік заттармен де) бірге қолданғанда, олардың қан плазмасындағы концентрациясы жоғарылауы және мұндай өзара әрекеттесудің ұзаққа созылуы мүмкін болғандықтан, сақтық таныту керек.

Мифепристонды қолданғаннан кейін 8-12 күн бойы қабынуға қарсы стероидты емес препараттарды (ҚҚСП) бір мезгілде қабылдау ұсынылмайды. Мифепристон мен глюкокортикостероидтарды (ГКС) бір мезгілде қолданғанда соңғысының дозасын арттыру қажет.

Айрықша нұсқаулар

Асқынуларды болдырмас үшін, Мифетрил препаратын қатаң түрде дәрігердің тағайындауымен, тиісінше дайындықтан өткен дәрігер кадрлары және қажетті құрал-жабдықтары бар медициналық акушерлік-гинекологиялық емдеу мекемелерінде қолдану қажет. Мифетрилді бүйрек, бауыр жеткіліксіздігі бар пациент әйелдерге және дене салмағы төмен пациент әйелдерге тағайындау ұсынылмайды.

Жүкетілікті дәрі-дәрмектің көмегіен тоқтату

Бұл әдісті тек, жүктілікті әйелдің белсене қатысуымен тоқтатуға ниет білдірген пациент әйелдерге ғана ұсынуға болады, ол бұл әдістің ерекшеліктері мен жүргізілу әдістері туралы хабардар болуы тиіс:

- емдеудің простагландинмен біріктірілетіндігі, оның дәрігерге екінші рет келген кезде тағайындалатындығы туралы;

- ұрықтың толық шыққандығын анықтау мақсатында Мифетрилді қабылдағаннан кейін 14-21 күннен соң бақылау тексеруінің (3-ші кеңес беру) жүргізілу қажеттігі туралы;

- хирургиялық араласуды қажет ететін сәтсіз аяқталуы мүмкін жағдайлар туралы.

Мифетрил препаратын тағайындау міндетті түрде 36-48 сағаттан соң простагландинді қынап ішіне немесе пероральді қолданумен қатар жүруі тиіс, өйткені простагландинсіз, сәтсіз аяқталу қаупі 20%-ға дейін артады. Түсік тастау простагландинді қабылдағанға дейін де орын алуы мүмкін (шамамен жүз жағдайдың 3-еуінде), бірақ бұл жағдайда да пациент әйел, жатыр қуысының толық тазарғандығына толық көз жеткізу үшін, бақылау тексеруінен өтуі тиіс.

Аталған әдісті қолданумен байланысты қауіптер

Сәтсіз аяқталуы

Артынан простагландин аналогын қолданумен жүретін Мифетрилді қолданған кездегі сәтсіз аяқталу пайызы ауытқып тұрады (1.3%-дан 7.5%-ға дейін) және қолданылған простагландинге байланысты болып келеді. Әдістің сәтсіз болуы ықтималдығын ескере отырып, бақылау мақсатындағы кеңес беру кезінде ұрықтың жатыр қуысынан толық шыққандығына тексеру жүргізу қажет.

Қынаптан қан кету

Пациент әйелдер қынаптан ұзақ уақыт бойы, кейде лақылдап қан кетулердің (Мифетрилді қабылдаған сәттен бастап 12 күнге дейін немесе одан да көп) дамуы мүмкіндігі туралы хабардар болуы тиіс. Олар барлық жағдайларда дерлік байқалады және сондықтан да, ұрықтың толық шыққандығына дәлел бола алмайды. Осыған байланысты, пациент әйелдерге толық аборт расталғанға дейін алыс жолға шықпау ұсынылады. Әйелге лақылдап қан кету немесе қандай-да бір басқа қиындықтар туындаған жағдайда қайда қаралуы керектігі туралы нақты нұсқау берілуі тиіс. Ұрықтың толығымен шыққандығын тексеру үшін, бақылау тексеруі (кіші жамбас ағзаларын клиникалық жолмен УДЗ тексеру кезінде, қан плазмасындағы β-АХГ концентрациясын анықтау кезінде), Мифетрилді қабылдағаннан кейін 14-21 күн өткен соң міндетті түрде жүргізілуі тиіс. Егер бақылау тексеруі кезінде қан кету (тіпті ең елеусіз) әлі жалғасып жатқаны анықталса, бірнеше күннен соң, оның толығымен тоқтағанына көз жеткізу үшін қосымша тексеру жүргізу керек. Жүктіліктің сақталып қалғандығына күдік болған жағдайда (және оның ары қарай дамуы мүмкін болса) кіші жамбас ағзаларына УДЗ жүргізу көрсетілуі мүмкін.

Қынаптан қанды бөліністердің шығуының жалғаса беруі толық емес абортты немесе диагнозы анықталмаған эктопиялық жүктілікті білдіруі мүмкін, аталған жағдайларды анықтап білу үшін сәйкесінше тексеру және қажет болса, ем жүргізілуі тиіс.

Бақылау мақсатындағы жүргізілген тексеру күні жүктіліктің дамуы сақталған жағдайда, пациент әйелге жүктілікті басқа тәсілмен тоқтату ұсынылуы тиіс. Кейде өте күшті қан кетулер қаупін (1.4% жағдайда) ескере отырып, қан кетуді тоқтату мақсатында жатыр қуысын қырнап тазалау қажет болуы мүмкін, осыған байланысты гемостаз бұзылулары мен анемиясы бар пациент әйелдерге ерекше көңіл бөлу керек. Мұндай жағдайларда, гемостаз бұзылуының типі мен анемияның айқындық дәрежесіне байланысты, препаратты қолдану туралы шешім мамандармен бірге қабылдануы тиіс.

Инфекциялық аурулар

Аса сирек жағдайларда, мифепристонды қолданумен және артынан пероральді қолдануға арналған мизопростол таблеткаларын рұқсат етілмеген интравагинальді жолмен енгізу арқылы дәрі-дәрмектің көмегіен жүргізілген аборттан кейін Clostridium sordellii-ден туындаған, өліммен аяқталатын уытты шокпен асынған, қызбасыз және инфекцияның басқа клиникалық көріністерінсіз жүрген эндометрит жағдайлары тіркелді. Гинеколог дәрігер мұның өліммен аяқталуы мүмкін жағдайын білуі тиіс.

Жатыр мойнын жүктілікті операция жолымен тоқтатуға дайындау

Ең жақсы әсеріне қол жеткізу үшін, Мифетрилді қабылдау міндетті түрде, кемінде 36-48 сағаттан кешіктірмей жүргізілетін жатырішілік аспирациямен қатар жүруі тиіс.

Әдісті қолданумен байланысты қауіптер

Қынаптан қан кету

Пациент әйел Мифетрилді қабылдағаннан кейін болуы мүмкін, тіпті кейде лақылдап қан кету туралы хабардар болуы тиіс. Ол операцияға дейін де түсік тастауы мүмкіндігінен хабардар болуы және ұрықтың шыққандығын тексеру үшін, сондай-ақ мифепристонды қабылдаудың салдарынан қандай-да бір әдеттен тыс құбылыстар болған жағдайда қайда қаралу керектігін білуі тиіс. Қалған қауіптер кез келген хирургиялық араласу кезінде байқалатындарға ұқсас.

Барлық жағдайларда

Мифетрил препаратын қолдану резус-иммунизациялауды және абортпен қатар жүретін басқа жалпылама шаралардың профилактикасын жүргізуді қажет етеді.

Клиникалық сынақтар барысында ұрықтың шығуы мен келесі етеккір арасында ұрықтану жағдайлары байқалған. Жаңа жүктілікті болдырмас үшін, алдын-ала контрацепция әдістемесін қарастыру керек.

Препаратты қолдану кезіндегі сақтық шаралары

Барлық жағдайларда

Бүйрекүсті безінің жедел жеткіліксіздігінің дамуына күдік болған жағдайда, дексаметазонды енгізу ұсынылады ( 400 мг мифепристон — 1 мг дексаметазон есебінен).

Мифепристонның антиглюкокортикостероидтық белсенділігіне байланысты, ГКС-мен, соның ішінде ингаляциялық түрлерімен ұзақ мерзімді емдеудің тиімділігі, бронх демікпесі бар пациент әйелдерде мифепристонды қабылдағаннан кейінгі 3-4 күн ішінде төмендеуі мүмкін. Ондай пациент әйелдерге ГКС емін түзету қажет.

Аборттың аталған дәрі-дәрмектік әдісін аспиринді (ацетилсалицил қышқылын) қоса, қабынуға қарсы стероидты емес препараттармен (ҚҚСП), бірге қолданғанда соңғысының простагландинге қарсы тиімділігі төмендеуі мүмкін. Шектеулі мәліметтер простагландин аналогын қолданған күні қабынуға қарсы стероидты емес препараттарды (ҚҚСП) бір мезгілде тағайындағанда мифепристон мен простагландин аналогының әсеріне және жүктілікті дәрі-дәрмектік жолмен тоқтатудың клиникалық тиімділігіне теріс әсерінің жоқтығын көрсетеді.

Жүктілікті дәрі-дәрмектің көмегімен тоқтату

Жүрек-қантамыр жүйесі тарапынан болатын сирек, бірақ ауыр асқынулар простагландин аналогын бұлшықет ішіне енгізгеннен кейін тіркелді. Осыған байланысты, жүрек-қантамыр аурулары дамуының қауіп факторлары бар немесе анықталған пациент әйелдерге қатысты ерекше сақтық таныту керек.

Простагландинді енгізу тәсілі

Простагландинді қабылдау кезінде және қабылдағаннан кейін 3 сағат ішінде, пациент әйел простагландинді қолданудан туындайтын, болуы мүмкін жедел жағдайларды өткізіп алмау үшін, емдеу мекемесінде болуы тиіс.Мифетрилді қабылдауды простагландинмен үйлестіру, тағайындалуына байланыссыз

Простагландиндерді қабылдау кезінде қарастырылатын сақтық шараларын қадағалау керек.

Лактация

Мифепристонның липофильді қосылыстары ананың емшек сүтімен бөлініп шығуы мүмкін. Қауіпсіздігі бойынша ешқандай фармацевтикалық зерттеу жүргізілген жоқ, сондықтан бала емізу кезінде мифепристонның қолданылуын болдырмау керек.

Дәрілік заттың көлік құралын немесе қауіптілігі зор механизмдерді басқару қабілетіне ықпал ету ерекшеліктері

Мифепристонның көлік құралдары мен механизмдерді басқару қабілетіне әсерін зерттеулер жүргізілген жоқ, алайда, препараттың болуы мүмкін жағымсыз әсерлерінің (бас айналуы, артериялық гипотензия) бейінін ескере отырып, көлік құралдарын басқару және психомоторлық реакциялардың жылдамдығы мен зейін шоғырландыруды қажет ететін басқа қызметпен шұғылдану кезінде сақтық таныту керек.

Артық дозалануы

Симптомдары: айқын жалпы уыттанумен, ұйқышылдықпен, құсумен, жүрек айнуымен және өзіне тән бүйрек шаншуымен жүретін бүйрек үсті безінің жеткіліксіздігі.

Емі: дексаметазонды енгізу арқылы симптоматикалық емдеу.

Шығарылу түрі және қаптамасы

1 таблеткадан поливинилхлоридті үлбір мен алюминий фольгадан жасалған пішінді ұяшықты қаптамаға салынған.

3 пішінді ұяшықты қаптамадан медициналық қолдану жөніндегі мемлекеттік және орыс тілдеріндегі нұсқаулықпен бірге картоннан жасалған қорапшаға салынады.

Сақтау шарттары

Құрғақ, жарықтан қорғалған жерде, 25С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

2 жыл

Қаптамасында көрсетілген жарамдылық мерзімі өткеннен кейін қолдануға болмайды.

Босатылу шарттары

Рецепт арқылы

Өндіруші/Қаптаушы

Джагсонпал Фармацевтикал Лтд

Орны № 14, 15, 16, 55, 56, 57, Сектор-5, IIE, Пант Нагар, Рудрапур, Удхам Сингх Нагар- 263153, Уттаракханд, Үндістан

Тіркеу куәлігінің иесі

НААРИ АГ

Арнольд Боклин-штрассе 11, CH- 4051 Базель, Швейцария

Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын ұйымның мекенжайы «IMEXPHARMA» ЖШС (ИМЕКСФАРМА)

Қазақстан Республикасы, 050008, Алматы қ., Шевченко к-сі, 146, 2 кеңсе «С»

Телефон: 8 7017674477

Электронды поштасы: meruert@inbox.ru

Прикрепленные файлы

957493171477976269_ru.doc 101.5 кб
578179081477977467_kz.doc 127 кб

Отправить прикрепленные файлы на почту

Источники

Национальный центр экспертизы лекарственных средств, изделий медицинского назначения и медицинской техники