МИСТИНИН-DF

Мистинин-DF

жоқ

Сыртқа және жергілікті қолдануға арналған ерітінді, 0,01%, 10 мл, 50 және 100 мл

1 л ерітіндінің құрамында

белсенді зат - мирамистин (сусыз затқа шаққанда) – 0,1 г,

қосымша зат – тазартылған су 1,0 л дейін.

Сілкігенде көбіктенетін түссіз мөлдір сұйықтық.

Антисептиктер және дезинфекциялайтын препараттар. Төрттік аммоний біріктірілімдері.

ATХ коды D08AJ

Фармакокинетикасы

Сыртқа және жергілікті қолданғанда мирамистин тері және шырышты қабық арқылы сіңу қабілеті жоқ.

Фармакодинамикасы

Мистинин – DF антибиотиктерге полирезистенттілігі бар ауруханалық штаммдарды қоса, моноөсірінді және микробты ассоциациялар түрінде грамоң және грамтеріс, аэробты және анаэробты бактерияларға қатысты айқын бактерицидті әсері бар. Препарат грамоң бактерияларға (Staphylococcus spp., Streptococcus spp., Streptococcus pneumonia және т.б.) қатысты анағұрлым тиімді, жыныс жолымен берілетін ауру қоздырғыштарына (Chlamydia spp., Treponema spp., Trichomonas vaginalis, Neisseria gonorrhoeae), сондай-ақ герпес вирусына, адам иммун тапшылығына және т.б. әсер етеді. Aspergillus тұқымдас және Penicillum тұқымдас аскомицеттерге, ашытқылық (Rhodoloruba rubra, Torulopsis gabrata және т.б.) және ашытқты тәрізді зеңдерге (Candida albicans, Candida tropicalis, Candida krusei және т.б.), дерматофиттерге (Trichophyton rubrum, Trichophyton mentagrophytes, Trichophyton verrucosum, Trichophyton schoenleim, Trichophyton violacent, Epidermophyton Kaufman-Wolf, Epidermophyton floccosum, Microsporum gypseum, Microsporum canis және т.б.), сондай-ақ басқа патогенді зеңдерге, мысалы, Pityrosporum orbiculare (Maiassezia furfur), химиотерапиялық препаттарға резистенттілігі бар зеңдік микрофлораны қоса, моноөсірінді және микробты ассоциациялар түріндегі зеңге қарсы әсер етеді. Инфекция жұқтырған жаралар мен күйіктерді болдырмауда тиімді, регенерация үдерістерін белсендіреді. Гиперосмолярлы айқын белсенділігі бар, соның салдарынан жарақаттық және перифокальді қабынуды бәсеңдетеді, іріңді экссудат сіңіріледі, құрғақ струп қалыптасуына ықпал етеді. Грануляция және тері жасушасының тіршілік етуге қабілеттілігі зақымданбайды, шеткі эпителизацияны бәсеңдетпейді.

Кешенді ем құрамында профилактикасы және емдеу:

- хирургия және травматологияда іріңді жаралар, тірек-қимыл аппаратының іріңді-қабыну үдерістері

- акушерлік және гинекологияда босанудан кейінгі жарақаттар, іріңдеген бұтаралық аймақ және қынап жаралары, босанудан кейінгі инфекциялар, қабыну аурулары (вульвовагинит, эндометрит)

- комбустиологияда II және IIIA дәрежедегі беткейлік және терең күйік, күйік жараларын дерматопластикаға дайындау

- дерматологияда пиодермия және тері мен шырышты қабықтардың дерматомикозы, кандидозы, табан микозы

- венерологияда соз, хламидиоз, трихомониаз, генитальді герпес, генитальді кандидоз

- урологияда негізі спецификалық және спецификалық емес уретриттер және уретропростатиттер (хламидиоз, трихомониаз, гонорея)

- оториноларингологияда жедел және созылмалы отит, гайморит, тонзиллит, ларингит

- стоматологияда стоматит, гингивит, пародонтит, периодонтит және алмалы-салмалы протездерді гигиеналық өңдеу

Препарат қолдануға дайын.

Хирургия, травматология, комбустиология. Профилактикалық және емдік мақсатта жара мен күйіктің беткейін суландырады, жараларды және жыланкөздерді жұмсақ тампондайды, препаратқа малынған дәке тампондарды бекітеді. Емдік емшара тәулігіне 2-3 рет 3-5 күн бойы қайталанады. Жаралар мен қуыстарға тәуліктік шығыны 1 л препарат болатын белсенді дренаждау әдісінің тиімділігі жоғары.

Акушерлік-гинекология. Босанудан кейінгі инфекция профилактикасы мақсатында қынаптық суландыру түрінде босануға дейін (5-7 күн), босанғанда әрбір қынаптық зерттеуден кейін және босанудан кейінгі кезеңде 50 мл препараттан препаратпен суландырған тампон түрінде 2 сағ. экспозициямен 5 күн бойы қолданылады.

Кесарь тілігін жасау арқылы босандыру кезінде тікелей операция алдында қынапты, операция кезінде – жатыр қуысы мен ондағы кесілген жерді өңдейді, ал операциядан кейінгі кезеңде препаратпен суландырған тампонды 2 сағ. экспозициямен 5 күн бойы қынапқа енгізеді. Қабыну ауруларын емдеу препаратқа малынған тампондарды қынап ішіне енгізу, сондай-ақ дәрілік электрофорез әдісімен 2 апта бойы курспен жүргізіледі.

Венерология. Препарат венерологиялық аурулар профилактикасы үшін, егер ол жыныстық актіден соң 2 сағаттан кешіктірмей қолданса ғана, тиімді. Құтының ішіндегісін урологиялық аппликатордың көмегімен несеп шығару өзегіне 2-3 минутқа енгізу керек: еркектерге (2-3 мл), әйелдерге (1-2 мл) және қынапқа (5-10 мл). Санның ішкі беткейлері терісін, қасағаны, жыныс мүшелерін өңдеу керек. Емшарадан кейін 2 сағат ішінде дәретке баруға болмайды.

Әйелдерге қынапты суландыру үшін Мистинин-DF 50 мл-ден гофрланған құтыда арнайы құрылғымен жиынтықта шығарылады. Қолданар алдында дайын ерітіндімен құтының қалпақшасын арнайы құрылғыға ауыстырып, қынапқа енгізу және құтының түбін басып, 5-10 мл ерітіндіні 2-3 минут бүрку керек.

Урология. Уретриттер мен уретропростатиттерді кешенді емдеуде 2-3 мл препаратты уретраға бүркуді күніне 1-2 рет, курсты – 10 күн жүргізеді.

Оториноларингология. Іріңді гаймориттерде – пункция кезінде жоғарғы жақ сүйек қойнауы препараттың жеткілікті мөлшерімен шайылады. Тонзиллит, фарингит және ларингитті тамақты тәулігіне 3-4 рет шайып емдейді. Препарат мөлшері бір шаюға 10-15 мл.

Стоматология. Стоматит, гингивит, пародонтит кезінде ауыз қуысын шаю ұсынылады, 10-15 мл препарат тәулігіне 3-4 рет.

- енгізген орынды жеңіл ашыту сезімі, ол 15-20 сек. соң өздігінен басылады және препаратты тоқтатуды қажет етпейді (жекелеген жағдайларда)

сирек:

- аллергиялық реакциялар

- препаратқа жекелей жақпаушылық

Антибиотиктермен бір мезгілде қолданғанда соңғыларға микроорганизмдер төзімділігінің төмендеуі байқалған.

Педиатрияда қолдану

Балаларда клиникалық қолдану тәжірибесі шектеулі.

Жүктілік және лактация

Препаратты жүктілік және лактация кезеңінде тағайындау қажет болғанда ана үшін күтілетін пайдасы мен шаранаға төнетін ықтимал қаупін бағалау керек.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Әсер етпейді.

Артық дозалану жағдайлары байқалмаған

Шығарылу түрі және қаптамасы

10 мл, 50 мл, 100 мл препараттан бұрандалы полимер қалпақшасы бар полиэтилен тамшылатқыш-құтыда, сондай-ақ 50 мл қосымша арнайы қондырмасымен бұрандалы қақпағы бар полиэтиленді гофрленген құтыда (резеңке бүріккіш).

Заттаңбалық немесе жазу қағазынан жасалған заттаңба жапсырылған құтылар медициналық қолдану жөніндегі мемлекеттік және орыс тіліндегі нұсқаулықпен бірге хром-эрзац картоннан жасалған картон қорапшаға салынған.

25оС-ден аспайтын температурада сақтау керек.

Балалардың қолы жетпейтін жерде сақтау керек!

3 жыл

Жарамдылық мерзімі өткеннен кейін қолдануға болмайды.

Рецептісіз

Өндіруші

«DOSFARM» ЖШС, Қазақстан, 050034, Алматы қ., Чаплыгин к-сі, 3.

Тіркеу куәлігінің ұстаушысы

«DOSFARM» ЖШС, Қазақстан

Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электрондық пошта):

«DOSFARM» ЖШС, Қазақстан Республикасы, 050034, Алматы қ., Чаплыгин к-сі, 3

тел./факс: (727) 253-03-88, эл. пошта: dosfarm@dosfarm.kz