Миролют

• русский
• қазақша

• Скачать инструкцию медикамента

Саудалық атауы

Миролют

Халықаралық патенттелмеген атауы

Мизопростол

Дәрілік түрі

200 мкг таблеткалар

Құрамы

1 таблетканың құрамында

белсенді зат - 20 мг Миролют немесе Мизопростол-ГПМЦ (құрамында 100 % затқа шаққанда 0.2 мг мизопростол мен 19,8 мг гипромеллоза бар),

қосымша заттар: Просолва (98 % микрокристалды целлюлоза, 2 % коллоидты кремнийдің қостотығы), натрий карбоксиметилкрахмалы, магний стеараты.

Сипаттамасы

Жалпақ цилиндр пішінді, сызығы мен ойығы бар, ақтан сарғыш реңді ақ дерлік түске дейінгі таблеткалар.

Фармакотерапиялық тобы

Гинекологиялық ауруларды емдеуге арналған басқа да препараттар. Миометрий тонусын көтеретін препараттар. Простагландиндер.

АТХ коды G02AD06

Фармакологиялық қасиеттері

Фармакокинетикасы

Ішу арқылы қабылдағанда жылдам және толық сіңіріледі (тағам сіңірілуді төмендетеді).

Асқазан-ішек жолының жақтауларында және бауырда фармакологиялық белсенді диэстерифицирленген метаболиті – мизопростол қышқылына дейін метаболизденеді. Метаболиттің ең жоғары концентрациясына (TСmax) жету уақыты – 9-15 мин. Ең жоғары концентрациясы (Cmax) – 1 мкг/мл құрайды. Жартылай шығарылу кезеңі (T1/2) – 20-40 минут. Плазма ақуыздарымен байланысуы – 85 %.

Бүйрекпен – 64-73 % алғашқы 24 сағат ішінде (56 % алғашқы 8 сағат ішінде) және өтпен (15 % алғашқы 24 сағат ішінде) шығарылады.

Бүйрек функциясының бұзылуы кезінде Cmax 2 есеге дейін жоғарылауы, T1/2 ұзаруы мүмкін. Жинақталмайды.

Фармакодинамикасы

Миролют – Е1 простагландинінің синтетикалық туындысы. Препараттың белсенді заты – мизопростол – миометрий тегіс бұлшықет талшықтарының жиырылуын және жатыр мойнының кеңеюін индукциялайды. Мизопростолдың жатыр жиырылуын көтермелейтін қабілеті жатыр мойнының ашылуын және жатыр қуысы ішіндегісінің шығарылып тасталуын жеңілдетеді. Асқазан-ішек жолының тегіс бұлшықеттеріне әлсіз стимуляциялайтын әсер береді.

Қолданылуы

• ерте мерзімде (аменореяның 42 күніне дейін) мифепристонмен біріктіре отырып, жатырлық жүктілікті үзуде

Қолдану тәсілі мен дозалары

Мифепристонмен бірге жүктілікті тоқтату үшін препарат тиісінше дайындалған дәрігер кадрлары бар мекемелерде қолданылуы тиіс.

Ішке, 600 мг (3 таблетка) мифепристонды қабылдағаннан кейін 36-48 сағаттан соң 400 мкг (2 таблетка) Миролют препаратын тағайындайды.

Жағымсыз әсерлері

• іштің төменгі жағының толғақ тәрізді ауыруы

• бас айналуы, бас ауыруы, әлсіздік, бетке «қан тебу»

• жүрек айнуы, құсу, метеоризм, диарея

• тері бөртпесі, қышыну, гипертермия

• аллергиялық реакциялар (ангионевротикалық ісіну)

Қолдануға болмайтын жағдайлар

• препарат компоненттеріне аса жоғары сезімталдық

• жүрек-қантамыр аурулары

• бауыр мен бүйрек аурулары

• простагландинге тәуелділікпен байланысты аурулар немесе простагландиндер қабылдауға қарсы көрсетілімдер болғанда: глаукома, бронх демікпесі, артериялық гипертензияда

• эндокринопатиялар және эндокриндік жүйе аурулары, оның ішінде қант диабеті, бүйрек үсті бездері дисфункциясы

• гормонға тәуелді қатерлі ісіктер

• анемия

• лактация кезеңі

• жатырішілік контрацептивтерді қолдану (ЖІК) (қолданар алдында ЖІК алып тастау керек)

• жатырдан тыс жүктілікке күдіктену

• балалар мен 15 жасқа дейінгі жасөспірімдер

Дәрілермен өзара әрекеттесуі

Құрамында магний бар антацидтермен біріктіргенде диарея күшеюі мүмкін.

Тамақтану, антацидтер плазмада мизопростол қышқылының концентрациясын азайтады (клиникалық елеусіз).

Мизопростол ацетилсалицил қышқылының сіңірілуіне, қандағы концентрациясы мен антиагрегантты әсеріне, соңғысын емдік дозада қабылдағанда, сондай-ақ диклофенак және ибупрофеннің фармакокинетикасына клиникалық мәнді ықпалын тигізбейді.

Айрықша нұсқаулар

Ерте мерзімді жүктілікті тоқтату үшін қолданылғанда, мизопростол тек мифепристонмен үйлестіріліп қолданылуы тиіс. Мифепристонмен біріктірілгенде мизопростол тек сәйкесінше даярланған дәрігер кадрлары және шұғыл хирургиялық гинекологиялық және гемотрансфузиялық жәрдем беру мүмкіндіктері бар маманданған мекемелерде дәрігердің тағайындалуымен және қадағалауымен қолданылуы тиіс. Препаратты қабылдау резус-конфликттің алдын алуды және түсік тастаумен қатарлас жүретін басқа жалпы шараларды қажет етеді.

Миролютті тағайындар алдында емделуші әйел препараттың әсері мен болуы мүмкін жағымсыз әсерлері туралы толық құлағдар болуы тиіс. Емделуші әйел препаратты қабылдағаннан кейін 4-6 сағат бойы емдеу мекемесі жағдайында қадағалануы тиіс. Препаратты қабылдау кезінде немесе қабылдағаннан кейін көп қан кеткен немесе басқа асқынулар дамыған жағдайда емделуші әйелге дер кезінде медициналық жәрдем көрсетілуі тиіс. Препаратты қабылдағаннан кейін емделуші әйелдерде, әдетте, кейбір әйелдерде аздап, кейбіреуінде едәуір ұзақ уақыт қынаптан қан кету туындайды. Жүктіліктің өте ерте мерзімінде түсік мифепристонды қабылдағаннан кейін бірден болуы мүмкін, дегенмен, бұл жағдайда, дәрі-дәрмекпен түсік тастату нәтижесін оңтайландыру үшін мизопростол таблеткаларын қабылдау қажет. Препаратты қабылдағаннан кейін түсік тастау әйелдердің шамамен 80 %-ында 6 сағат ішінде және шамамен 10 %-ында – 1 апта ішінде жүреді. Емделуші әйелдер препаратты қабылдағаннан кейін 8-15 күннен кейін сол емдеу мекемесінде қайталап тексеруден өтуі қажет. Қажет болған жағдайда УДЗ және қан сарысуындағы хорионикалық гонадотропин деңгейін анықтау жүргізілуі тиіс. Толық түсік жасалмағанына немесе жүктіліктің сақталғанына күдіктенсе, дер кезінде кешенді медициналық тексеру жүргізу қажет.

Мифепристон қабылдағаннан кейін 10-14-күндері бағаланған толық емес түсікте немесе жүктілік жалғасып жатса, міндетті түрде вакуум-аспирация жүргізіледі, кейін аспират гистологиялық зерттеледі, өйткені препараттың ұрықтағы туа бітетін ақаулардың қалыптасуына ықпалын бағалау қажет.

Лактация

Дәрі-дәрмекпен түсік тастату жүргізілгеннен кейін (мифепристонды қабылдаған сәттен бастап) бала емізуді 7 күнге тоқтата тұру керек.

Артық дозалануы

Симптомдары: адамдарда мизопростолдың уыттылығы анықталған жоқ. Артық дозаланғанын білдіретін клиникалық белгілері ұйқышылдық, діріл, құрысулар, іштің ауыруы, диарея, қызба, жүрек соғысының күшеюі, гипотензия немесе брадикардия болып табылады.

Емі: симптоматикалық, гемодиализ тиімсіз.

Шығарылу түрі мен қаптамасы

2, 3 немесе 4 таблеткадан түйіршіктелген ұсақ кеуекті силикагелі бар контейнермен бұралатын қақпақпен тығындалған полимер банкіге салады.

Банкіге заттаңбалық немесе жазу қағазынан жасалған заттаңба жапсырылады.

1 банкіден медицинада қолданылуы жөніндегі мемлекеттік және орыс тілдеріндегі нұсқаулықпен бірге картон қорапшаға салынады.

Сақтау шарттары

Құрғақ, жарықтан қорғалған жерде, 25 С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

3 жыл

Препаратты қаптамасында көрсетілген жарамдылық мерзімі өткеннен кейін пайдалануға болмайды.

Дәріханалардан босатылу шарттары

Рецепт арқылы

Өндіруші

«Обнинск химиялық-фармацевтикалық компаниясы» ЖАҚ, Ресей Федерациясы

Тіркеу куәлігі иесінің атауы мен елі

«Нижфарм» ААҚ, Ресей Федерациясы

603950, Нижний Новгород қ.

ҚҚП-459, Салганская к-сі, 7

тел.: (831) 278-80-88

факс: (831) 430-72-28

веб сайт: http://www.nizhpharm.ru

Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын ұйымның мекенжайы:

«Нижфарм» ААҚ Өкілдігі

050043, Қазақстан Республикасы,

Алматы қ., Хан-Тәңірі ы/а, 55б

тел.: (727) 2222-100

факс: (727) 398-64-95

e–mail: almaty@stada.kz