Минирин (0.2 мг)

• русский
• қазақша

• Скачать инструкцию медикамента

Саудалық атауы

Минирин

Халықаралық патенттелмеген атауы

Десмопрессин

Дәрілік түрі

0,1 мг, 0,2 мг таблеткалар

Құрамы

Бір таблетканың құрамында

белсенді зат – 0,1 мг немесе 0,2 мг декомпрессин ацетаты, 0,089 мг немесе

0,178 мг десмопрессинге сәйкес келеді,

қосымша заттар: лактоза моногидраты, повидон, магний стеараты, картоп крахмалы.

Сипаттамасы

Бір жағында сындыруға арналған сызығы және екінші жағында «0.1» өрнегі бар, екі беті дөңес, ақ сопақша таблеткалар (0.1 мг доза үшін).

Бір жағында сындыруға арналған сызығы және екінші жағында «0.2» өрнегі бар, екі беті дөңес, ақ сопақша таблеткалар (0.2 мг доза үшін).

Фармакотерапиялық тобы

Гипоталамус-гипофизарлы гормондар және олардың аналогтары. Гипофиздің артқы бөлігі гормондары. Вазопрессин және оның аналогтары.

Десмопрессин.

АТХ коды Н01ВА02

Фармакологиялық қасиеттері

Фармакокинетикасы

Қанда десмопрессинді қабылдаудан кейін 15-30 минуттан соң анықталады. Қан плазмасындағы ең жоғары концентрациясына 1,5-3 сағаттан кейін жетеді. Жартылай шығарылу кезеңі 2-3 сағатты құрайды. Несеппен өзгермеген түрде жарым-жартылай шығарылады, ішінара ферменттік ыдырауға ұшырайды.

Фармакодинамикасы

Минирин – вазопрессин молекуласы құрылымындағы өзгерістер – 1-цистеиннің дезаминделуі және 8-L-аргининнің 8-D-аргининге ауысуы нәтижесінде алынған аргинин- вазопрессин табиғи гормонының құрылымдық баламасы. Бұл құрылымдық өзгерістер едәуір күшейтілген антидиуретикалық белсенділікпен біріктірілгенде, вазопрессинмен салыстырғанда, тамырлар мен ішкі мүшелердің тегіс бұлшықетіне болар-болмас әсер етеді, бұл жағымсыз спастикалық әсерлердің болмауына және ұзағырақ әсер етуіне түрткі болады.

Препарат иілген өзекшелердің дистальді бөліктері эпителийінің су өткізгіштігін ұлғайтады және оның қайта сіңірілуін арттырады. Препаратты қантсыз диабетінде қолдану бөлініп шығатын несеп көлемінің азаюына және бір мезгілде оның осмолярлығының ұлғаюына және қан плазмасының осмолярлығының төмендеуіне алып келеді. Бұл несеп шығару жиілігінің төмендеуіне және никтурияның азаюына әкеп соқтырады.

Ішке қабылдағаннан кейін антидиурездік әсері 15 минуттан соң-ақ басталады. Миниринді 0,1-0,2 мг-ден қабылдау емделушілердің көпшілігінде 8-12 сағатқа созылатын диурезге қарсы әсерді қамтамасыз етеді. Десмопрессиннің тератогендік немесе мутагендік әсері байқалмаған.

Қолданылуы

• шығу тегі орталықтан болатын қантсыз диабетте

• бүйректің қалыпты концентрациялық қабілеті бар 5 жастан асқан балалардағы бастапқы түнгі энурезде

• ересектердегі түнгі полиуриямен байланысты никтурияда (симптоматикалық ем)

Қолдану тәсілі және дозалары

Минириннің дозасы әр адамға жеке анықталады. Препаратты тамақтану кезінде қабылдайды.

Шығу тегі орталықтан болатын қантсыз диабетте: ересектер мен 5 жастан асқан балалар үшін бастапқы доза – 0,1 мг немесе 0,2 мг Минириннен тәулігіне 3 рет. Одан соң доза организмнің реакциясына байланысты түзетіледі. Тәуліктік дозасы тәулігіне Минириннің 0,2 мг-ынан 1,2 мг-ына дейін өзгеріп тұрады. Емделішілердің көпшілігі үшін тәулігіне 3 рет 0,1 мг - 0,2 мг Минириннен қабылдау ұтымды болып табылады. Сұйықтықтың іркілуі жағдайында (гипонатриемия) емді тоқтатып, дозаны түзету қажет.

Бастапқы түнгі энурез: ұйықтар алдында 0,2 мг Минириннен. Әсері жеткіліксіз болған жағдайда дозаны 0,4 мг дейін арттыруға болады. Емдеу кезінде сұйықтық қабылдауды шектеу қажет. Емдеу курсы 3 айды құрайды. Емдеуді жалғастырудың қажеттігі туралы мәселені Минирин препаратын қабылдауда 1-апталық үзілістен кейін шешкен жөн.

Никтурия: түнде бастапқы доза 0,1 мг Миниринді құрайды. Егер бұл доза 1 апта ішінде тиімсіз болса, онда дозаны 0,2 мг дейін және одан әрі аптасына 0,4 мг дейін арттырады. Егде жастағы (65 жастан және одан асқан) адамдарға ем тағайындау ұсынылмайды. Егер ем тағайындалған болса, емді бастар алдында, препаратты 3 рет қабылдаған соң және дозаны арттырғаннан кейін қандағы натрий деңгейін бақылау қажет. Сұйықтықтың іркілу және/ немесе гипонатриемия симптомдарының (бастың ауыруы, жүректің айнуы/құсу, дене салмағының артуы және ауыр жағдайда тырысу) дамуы жағдайында, емделуші толық сауыққанға дейін емдеуді дереу тоқтату керек. Емдеуді қайта жаңғыртқан кезде сұйықтық қабылдауды шектеуде емдеушілер барынша тиянақтылық танытулары керек. Егер емдеудің 4 аптасынан кейін және дозаны түзеткеннен соң барабар клиникалық әсер байқалмаса, препаратты қабылдауды жалғастырмаған жөн.

Жағымсыз әсерлері

• терінің аллергиялық реакциялары

• бас ауыруы

• жүрек айнуы, іштің ауыруы, ауыздың құрғауы

• несеп шығару кезіндегі ауырсыну

• шеткергі ісіну

• эмоциялық бұзылулар

• Миниринді сұйықтық қабылдауды шектеусіз қолданғанда гипонариемиямен және дене салмағының артуымен көрінетін организмдегі сұйықтықтың іркілуі

Жекелеген жағдайларда

• құрысулар

Қолдануға болмайтын жағдайлар

• десмопрессинге немесе препараттың басқа да компоненттеріне жоғары сезімталдық

• кәдімгі немесе психогендік полидипсия

• жүрек жеткліксіздігі және несеп айдайтын препараттар тағайындауды қажет ететін басқа да жағдайлар

• орташадан ауыр түрге дейінгі бүйрек жетіспеушілігі (креатинин клиренсі 50 мл/мин төмен)

• гипонатриемия

• антидиурездік гормонның талапқа сай емес өндірілу синдромы

• 5 жасқа дейінгі балалар

Дәрілермен өзара әрекеттесуі

Үшциклді антидепрессанттар, серотонинді кері қармайтын селективті тежегіштері, хлорпромазин және карбамазепин сияқты, әсері антидиурездік гормон сөлінісінің бұзылуын көтермелейтін дәрілер антидиурездік әсерді күшейтіп, сұйықтықтың іркілу қаупін арттыруы мүмкін. Қабынуға қарсы стероидты емес заттар сұйықтықтың іркілуіне/гипонатриемияға әкелуі мүмкін.

Айрықша нұсқаулар

Түнгі энурез бен никтурияны емдеген жағдайда сұйықтықты қабылдау барынша шектелуі керек – тек шөлді басу үшін: мұндай тәртіп Миниринді қабылдағанға дейін 1 сағат бұрын және оны қабылдағаннан кейін 8 сағат бойына белгіленеді. Өзін-өзі бақылай алмайтын, жиі, ауырсыну туғызатын несеп шығару немесе никтурияның органикалық себептері бар (мысалы, қатерсіз постата гиперплазиясы (ҚПГ), несеп-жыныс жүйесінің жұқпалы аурулары, қуық тасы/ісігі, полидипсия, нашар бақыланатын қант диабеті) емделушілерде негізгі ауруды емдеу қажет.

Минирин таблеткаларының құрамында лактоза бар. Галактозаны сіңіру проблемалары, лактоза жетіспеушілігі, глюкоза-галактоза мальабсорбциясы бар емделушілер бұл препаратты қабылдамауы қажет.

Бүйректің концентрациялық қабілетіне тест жүргізгенде, әсіресе Миниринді қабылдаудан 1 сағат бұрын және оны қабылдағаннан кейін 8 сағат бойына сұйықтық көлемі 0,5 л дейін шектелуі тиіс. Бір мезгілде сұйықтық қабылдауды шектеместен емдеу организмде сұйықтықтың іркілуіне және/немесе гипонатриемияға (бас ауыруы, жүрек айну, құсу, дене салмағының артуы, ауыр жағдайларда құрысудың пайда болуы) әкелуі мүмкін. Қан плазмасында натрий деңгейі төмен, тәуліктік несеп көлемі үлкен (2,8-ден 3 л-ге дейін) егде жастағы емделушілерде гипонатриемияның туындау қаупі жоғары. Су-электролит теңгерімінің бұзылуымен сипатталатын жедел интеркурренттік аурулар жағдайында (жүйелі жұқпалар, қызба жағдайлары және гастроэнтерит) Миниринмен емдеу тоқтатылуы тиіс.

Жүктілік және лактация кезеңі

Миниринді жүктілік және лактация кезінде тек қауіптің мақсатқа лайықтылығын мұқият бағалаудан соң және дәрігердің қатал бақылауымен ғана қолдануға болады. Препараттың ана сүтіне өтуі туралы деректер жоқ.

Дәрілік заттың көлік құралдарын немесе қауіптілігі зор механизмдерді басқару қабілетіне әсер ету ерекшеліктері

Әсер етпейді, бірақ мүмкін болатын жағымсыз әсерлерді ескере отырып, көлік құралын немесе қауіптілігі зор механизмдерді басқару кезінде сақ болған жөн.

Артық дозалануы

Симптомдары: гипонатриемия және организмде сұйықтықтың іркілуі

Емі: симптомсыз гипонатриемияны емдеу үшін Миниринмен емдеуді үзудің, сұйықтық қабылдауды қосымша шектеудің қажеті жоқ; гипонатриемиямен байланысты симптомдар пайда болған жағдайда (изо-) немесе гипертониялық натрий хлориді ерітіндісін тағайындауға болады; организмде сұйықтық іркілуінің құрысумен және/немесе естен танумен көрінетін ауыр жағдайларында кешенді (симптоматикалық) емдеуге фуросемидті қосқан жөн.

Шығарылу түрі және қаптамасы

Тығыздығы жоғары ақ түсті полиэтиленнен жасалған құтыға 30 таблеткадан салынған.

1 құты медицинада қолданылуы жөніндегі мемлекеттік және орыс тілдеріндегі нұсқаулықпен бірге картон қаптамаға салынады.

Сақтау шарттары

Құрғақ жерде, 25°С-ден аспайтын температурада сақтау керек.

Құрғатушы капсуланы қақпақтан алып тастауға болмайды.

Балалардың қолы жетпейтін жерде сақтау керек!

Сақтау мерзімі

3 жыл

Жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецепт арқылы

Өндіруші

Ферринг Интернешнл Сентер СА,

Чемин де ла Вергогнаусаз 50,

1162, Сан-Пре, Швейцария

Тіркеу куәлігінің иесі

Ферринг Интернешнл Сентер СА, Швейцария

Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын ұйымның мекенжайы

Қазақстан Республикасындағы «Ферринг Фармацевтикалс С.А.» өкілдігі

Алматы, Әл-Фараби к-сі, 7 үй, 5А блок, 131 кеңсе, «Нұрлы тау» бизнес орталығы

Тел.\факс: (727) 311-54–47