Микрекс (500 мг)

• русский
• қазақша

• Скачать инструкцию медикамента

Саудалық атауы

Микрекс

Халықаралық патенттелмеген атауы

Цефуроксим

Дәрілік түрі

Үлбірлі қабықпен қапталған 250 мг, 500 мг таблеткалар

Құрамы

Бір таблетканың құрамында

белсенді зат – 328.125 мг, 656.25 мг цефуроксим аксетилі (250 мг және 500 мг цефуроксимге баламалы)

қосымша заттар: микрокристалды целлюлоза, кремнийдің коллоидты қостотығы, гидрогенизирленген майсана майы, натрий лаурилсульфаты, натрий кросскармеллозасы, магний стеараты.

қабықтың құрамы: пропиленгликоль, ТС-1004 ақ, *** тазартылған тальк, титанның қостотығы, изопропил спирті, **** метиленхлорид.****

* қолданыстағы басылым

** көрсетілген мөлшерге 5% артық қосылады

***құрамы ТС-1004 ақ

**** өндіріс барысында буланып ұшып кетеді

Сипаттамасы

Ақ түсті немесе ақ дерлік түсті үлбірлі қабықпен қапталған, сопақша пішінді, бір жақ бетінде «250» деген жазуы бар таблеткалар (250 мг доза үшін).

Ақ түсті немесе ақ дерлік түсті үлбірлі қабықпен қапталған, сопақша пішінді, бір жақ бетінде бөлетін сызығы бар таблеткалар (500 мг доза үшін).

Фармакотерапиялық тобы

Басқа да бета-лактамды препараттар. Екінші буынды цефалоспориндер.

АТЖ коды J01С02

Фармакологиялық қасиеттері

Фармакокинетикасы

Ішке қабылдағаннан кейін цефуроксим асқазан-ішек жолынан сіңеді және ішектің шырышты қабығында және қанда гидролизденіп, жүйелік қан ағысына цефуроксимді босатып шығарады. Тамақтанудан кейін таблетканы қабылдағанда тиімді сіңуге қол жеткізіледі. Цефроксим гематоэнцефалдық бөгет (ГЭБ) арқылы өтеді, плацентаға ине арқылы өтеді және емшек сүтіне енеді.

Микрекс таблеткасын аспен бірге қабылдағаннан кейін 2-4 сағаттан соң қан плазмасында ең жоғары концентрация (125 мг үшін 2.9 мг/l; 250 мг үшін 4.4 мг/l; 500 мг үшін 7.7 мг/l және 1 г үшін 13.6 мг/l) анықталады.

Цефуроксимнің қан плазмасы ақуыздарымен байланысу дәрежесі 33%-дан 50%-ға дейінді құрайды.

Цефуроксим организмде метаболизденбейді, бүйректер арқылы өзгермеген түрде шумақтық сүзілу және өзекшелік секреция арқылы бөлініп шығады.

Жартылай шығарылу кезеңі 1-1,5 сағатты құрайды.

Фармакодинамикасы

Әсер ету өрісі ауқымды, ІІ буынды цефалоспоринді антибиотик, бактериялардың жасушалық қабырғасының синтезін тежеу арқылы бактерицидтік әсер етеді. Микрекс мембранамен байланысқан транспептидазаны ацетилдеп, осылайша, жасушалық қабырғаның мықтылығын және төзімділігін қамтамасыз ету үшін қажетті пептидогликандардың айқаспалы байламын бұзады.

Мына грамтеріс бактерияларға белсенділігі жоғары: Escherichia coli, Haemophilus influenzae, Salmonella spp., Shigella spp., Proteus mirabilis, Neisseria gonorrhoeae, Enterobacter spp. Мына грамоң бактерияларға да белсенді: Staphylococcus spp., Streptococcus spp.

Мыналарға белсенді емес: Pseudomonas spp., көптеген Enterococcus spp штамдарына, көптеген Enterobacter cloacae штамдарына, метициллин-төзімді Staphylococcus spp. және Listeria monocytogenes штамдарына.

Бета-лактамазаның әсері төзімді.

Қолданылуы

Цефуроксимге сезімтал микроорганизмдерден болған мына жұқпалы-қабыну ауруларында:

• тыныс алу жолдарының жұқпаларында (соның ішінде жедел ағымды және созылмалы бронхитте, жұқпаланған бронхоэктазда, бактериялық пневмонияда, өкпе абцесінде)

• абдоминальді және гинекологиялық жұқпаларда

• ЛОР-жұқпаларда (соның ішінде синуситте, тонзиллитте, фарингитте, ортаңғы отитте)

• несеп шығару жолдарының жұқпаларында (соның ішінде жедел ағымды және созылмалы пиелонефритте, циститте, асимптоматикалық бактериурияда)

• тері мен жұмсақ тін жұқпаларында (соның ішінде целлюлитте, тілме қабынуда, жара жұқпаларында)

• сүйек пен буын жұқпаларында (соның ішінде остеомиелитте, септикалық артритте)

• созда

• ересектер мен 12 жастан асқан балалардағы ерте сатыдағы Лайм ауруында және осы аурулардың кеш сатыларының алдын алуға.

Қолдану тәсілдері және дозасы

Препаратты қолдану ұзақтығы орта есеппен 7 күнді (5 күннен 10 күнге дейінді) құрайды. Тамақтанудан кейін қабылдаған жөн.

Ересектер

Сатылы терапия:

Пневмония

Микрекс 1,5 г дозада 48-72 сағат ішінде тәулігіне 2-3 рет (к/і немесе б/і), содан кейін Микрекс ішу арқылы 500 мг дозада 7-10 күн бойы тәулігіне 2 рет.

Созылмалы бронхиттің асқынуы

Микрекс 750 мг дозада 48-72 сағат бойы тәулігіне 2-3 рет (к/і немесе б/і), ал содан кейін Микрекс 500 мг дозада 5-10 күн бойы тәулігіне 2 рет ішу арқылы.

Балалар

Жағымсыз әсерлері

Жиі

• Candida тұқымына жататын тұрақты микроорганизмдердің өсуінің күшеюі

• эозинофилия

• бас ауыру, бас айналу

• асқазан-ішек бұзылулары, диареяны, жүректің айнуын, асқазанның ауыруын қоса есептегенде

• бауыр ферменттері (АЛТ, АСТ, ЛДГ) белсенділігінің уақытша жоғарылауы

Жиі емес

• оң Кумбс реакциясы, тромбоцитопения, лейкопения (кейде күшті білінетін)

• тері бөртпесі

• құсу, глоссит, псевдомембранозды колит

Сирек

• есекжем, қышу

Өте сирек

• гемолитикалық анемия

• қызба, сарысу ауруы, анафилаксия

• сарғаю (әсіресе холестатикалық), гепатит

• мультиформалы эритема, Стивенс-Джонсон синдромы, уытты эпидермальді некролиз (экзантемальді некролиз)

Қолдануға болмайтын жағдайлар

- цефуроксимге және басқа да цефалоспориндерге сезімталдық жоғары болғанда – сыртартқысында асқазан-ішектен қан кету болғанда

- жүктілікте және лактация кезеңінде

- 6 жасқа дейінгі балаларға

Дәрілермен өзара әрекеттесуі

Асқазан сөлінің қышқылдылығын азайтатын препараттар Микрекстің биожетімділігін, препаратты ашқарынға қабылдаған кездегі осындаймен салыстырғанда, төмендетуі мүмкін және ас қабылдауға байланысты сіңуінің ұлғаюына кедергі жасайды.

Микрексті аминогликозидтер тобының антибиотиктерімен және диуретиктермен біріктіргенде нефроуытты әсерлерінің пайда болу қаупі артады.

Микрекс ішу арқылы қабылданатын біріктірілген контрацептивтердің тиімділігін төмендетуі мүмкін.

«Ілмектік диуретиктермен» бір мезгілде қабылдау өзекшелік секрецияны баяулатады, бүйректік клиренсті төмендетеді, плазмадағы цефуроксимнің концентрациясын ұлғайтады және жартылай шығарылу кезеңін арттырады.

Микрекс қабылдап жүрген емделушілерде көгілдіртеміртекті калиймен сынама жалған теріс нәтиже беруі мүмкін, қандағы глюкоза деңгейін анықтау үшін глюкозооксидаза немесе гексокиназа қолданылатын әдісті қолдану керек.

Пробеницидпен бір мезгілде енгізу Микрекстің AUC-н 50%-ға арттырады.

Айрықша нұсқаулар

Микрексті пенициллин қатарының антибиотиктеріне және басқа да бета-лактамазаларға сезімталдығы жоғары емделушілерге аса сақтықпен тағайындайды.

Ұзақ уақыт емдеген кезде төзімді микроорганизмдердің (Candida, Enterococci, Clostridium difficile) өсуі күшеюі мүмкін, ол емдеуді тоқтатуды қажет етеді. Антибиотиктерді, соның ішінде Микрексті, қолдану аясында диарея пайда болғанда жалған жарғақшалы колиттің дамуы мүмкін екендігін ескерген жөн.

Микрекс препаратымен Лайм ауруын емдеген кезде кейде Яриш-Герсгеймер реакциясы байқалады. Бұл реакция Микрекстің аурудың қоздырғышы – Borrelia burgdorferi спирахетке бактерицидтік әсерінің және әдетте жиі емнің өздігінен қайтуы салдары болып табылады. Емделушілер бұл симптомдардың осы ауруда антибиотиктерді қолданудың өзіне тән салдары екендігінен хабардар болуы тиіс.

Сатылы терапияда ішу арқылы қолданылатын емге ауыстыру уақыты жұқпаның ауырлығына, емделушінің клиникалық жағдайына және қоздырғыштардың сезімталдығына қарай анықталады. Егер емді бастаған 72 сағат ішінде клиникалық нәтиже жоқ болса, емдеудің парентеральді курсы жалғастырылуы тиіс.

Микрексті фенилкетонуриясы бар емделушілерге тағайындаған кезде онда фениаланинге себепші болуы мүмкін аспаратамның бар екендігін ескерген жөн.

Микрескті қолдану аясында спирт ішімдіктерін пайдалану қауіпті, өйткені антабусқа ұқсас әсерлер (диарея, жүректің айнуы, тахикардия, беттің қызаруы және басқа) пайда болуы мүмкін.

Дәрілік заттың көлікті немесе қауіпті механизмдерді басқару қабілетіне ықпал ету ерекшеліктері

Микрексті қабылдаған кезде бас айналуы мүмкін болғандықтан, көлікті және басқа да механизмдерді басқарған кезде сақ болу қажет.

Артық дозаланғанда

Симптомдары: құрысулар, жүректің айнуы, құсу.

Емдеу: симптоматикалық ем жүргізеді. Микрекс гемодиализде және перитонеальді диализде шығарылады.

Шығарылу түрі және қаптамасы

Алюминий фольгадан жасалған пішінді ұяшықты қаптамада 4 таблеткадан.

Пішінді 3 қаптама қолданылуы жөнінде мемлекеттік және орыс тілдеріндегі нұсқаулықпен бірге картон пәшкеге салынған.

Сақтау шарттары

Құрғақ, жарықтан қорғалған жерде, +25°С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

2 жыл

Жарамадылық мерзімі өткеннен кейін пайдалануға болмайды.

Дәріханадан босатылу шарттары

Рецепт арқылы

Өндіруші

«MИКРО ЛАБС ЛИМИТЕД», Үндістан

№ от 121до 124, 4-ое фаза, K.I.A.D.B.,

Бомасандра Өндірістік ауданы,

Бангалор-560 001, Үндістан

Тел.: 91-80-22370451 – 57

Факс: 080-22370463

Тіркеу куәлігі иесінің атауы және елі

«МИКРО ЛАБС ЛИМИТЕД», Үндістан

Тұтынушылардан өнім сапасы жөнінде шағымдары Қазақстан Республикасы аумағында қабылдайтын ұйымның мекенжайы

«Лайфкеэ Этикалс» ЖШС, Қазақстан Республикасы, Алматы қ-сы, Мамыр-3, үй 3А, тел. +7 (727) 261 536 (7).