Метронидазол (500 мг)
Инструкция
-
русский
-
қазақша
Саудалық атауы
Метронидазол
Халықаралық патенттелмеген атауы
Метронидазол
Дәрілік түрі
500 мг қынаптық суппозиторийлер
Құрамы
Бір суппозиторий құрамында
белсенді зат 500 мг метронидазол,
қосымша заттар: массасы 2 г суппозиторий алуға жеткілікті мөлшердегі – жартылай синтетикалық глицеридтер
Сипаттамасы
Ақ немесе сарғыш реңді ақ түсті, цилиндр-конусты пішінді суппозиторийлер.
Қимасында бос немесе кеуек стержень және шұңғыл түріндегі ұңғыма болады
Фармакотерапиялық тобы
Гинекологиялық ауруларды емдеуге арналған антисептиктер және микробқа қарсы препараттар. Имидазол туындылары.
АТЖ коды G01AF01
Фармакологиялық қасиеттері
Фармакокинетикасы
Қынап ішіне енгізгенде метронидазолдың биожетімділігі пероральді қабылдаумен салыстырғанда 20% құрайды. Метронидазол бауырда метаболизденеді. Гидроксильді метаболиттер белсенді. Метронидазолдың жартылай шығарылу кезеңі 6-11сағатты құрайды. Дозаның 20 % жуығы несеппен өзгермеген түрде шығарылады.
Фармакодинамикасы
Әсер ету механизмі метронидазол 5-нитротобының анаэробты микроорганизмдер мен қарапайымдардың жасуша ішілік тасымалдаушы протеиндерімен биохимиялық қалпына келуіне байланысты. Қалпына келген метронидазол 5-нитротобы микроорганизмдер жасушасы олардың нуклеин қышқылдарының синтезін тежей отырып ДНҚ-мен өзара әрекеттеседі, бұл бактериялардың жойылуына алып келеді. Метронидазол Gardnerella vaginalis; қарапайымдыларға: Trichomonas vaginalis, Giardia intestinalis, Entamoeba histolytica; анаэробты грамтеріс бактерияларға: Bacteroides spp. (Bacteroides fragilis, Bacteroides distasоnis, Bacteroides ovatus, Bacteroides thetaiotaomicron, Bacteroides vulgatus), Fusobacterium spp., Prevotella spp. (Prevotella bivia, Prevotella buccae, Prevotella disiens), анаэробты грамоң бактерияларға: Clostridium spp., Eubacterium spp.; анаэробты грамоң кокктарға: Peptococcus spp., Peptostreptococcus spp қатысты белсенді. Аэробты микроорганизмдер мен факультативті анаэробтар метронидазолға төзімді.
Қолданылуы
- трихомонадты вагинитте және уретритте
- метронидазолға сезімтал микроорганизмдерден туындаған
қынаптың анаэробты жұқпасында
- спецификалық емес вагиниттерде
Қолдану тәсілі және дозалары
Қынап ішіне. Тәулігіне 1 рет бір суппозиторийден, 10 күн бойы дәл ұйықтар алдында. Емді аурудың барлық симптомдары жойылғаннан кейін бірнеше күн бойы жалғастырады. Емдеу курсының ұзақтығы мен оны жүргізудің жиілігі жеке анықталады.
Жағымсыз әсерлері
-қышу, ашыту сезімі
-қынаптың шырышты қабығының тітіркенуі, әсіресе емнің бастапқы кезеңінде
-жүрек айнуы, іштің ауырулары
-бас ауыруы, бас айналуы
-аллергиялық реакциялар
-қынап кандидозы дамуы
Қолдануға болмайтын жағдайлар
- метронидазолға немесе нитроимидазолдың басқа да туындыларына асқын сезімталдықта
- жүктіліктің I триместрінде
- лактация кезеңінде
Дәрілермен өзара әрекеттесуі
Тікелей емес антикоагулянттармен бір мезгілде қолданғанда олардың әсерін күшейтуі мүмкін (протромбин түзілу уақытын арттырады).
Метронидазолды дисульфираммен бір мезгілде қолданғанда ОЖЖ тарапынан бұзылулар байқалуы мүмкін (сана-сезімнің күйреуі, психотикалық бұзылулардың дамуы). Циметидинмен бір мезгілде қолданғанда метронидазолдың қандағы деңгейі жоғарылауы мүмкін.
Литий препараттарымен бір мезгілде қолданғанда литийдің қан плазмасындағы концентрациясының жоғарылағаны байқалуы мүмкін.
Айрықша нұсқаулар
Trichomonas vaginalis-пен туындаған вагинитте жыныстық жұптарды бірге емдеу тиімді, жұптың емін ішке қабылдайтын метронидазолмен жүргізу ұсынылады.
Препаратты ішке қабылдауға арналған метронидазолмен бірге қолданғанда, әсіресе қайталанған курста, шеткергі қан бейнесіне бақылау жасау керек (лейкопения қаупі).
Емдеу кезінде алкоголь қабылдауға болмайды –көтере алмау мүмкіндігі бар және дисульфирамға ұқсас реакциялар болуы мүмкін.
Метронидазолды қолданғанда Нельсон тестінің жалғаноң нәтижесі туындауы мүмкін.
Педиатрияда қолданылуы
Балаларға қолдану ұсынылмайды.
Жүктілікте
Жүктіліктің ІІ және ІІІ триместрлерінде препаратты ана денсаулығы үшін болжамды пайдасы ұрыққа төнетін зор қатерден артық болатын жағдайларда ғана және дәрігердің бақылауымен қолдануға болады.
Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері
Препаратты қолдану көлік жүргізу мен қауіптілігі зор механизмдерді басқару қабілетіне әсер етпейді.
Артық дозалағанда
Препараттың сіңуінің төмендігіне байланысты ұсынылған дозаны сақтағанда артық дозалану жағдайлары болуы анықталмаған.
Шығарылу түрі және қаптамасы
Полиэтиленмен ламинацияланған поливинилхлоридті үлбірден жасалған пішінді ұяшықты қаптамада 5 суппозиторийден.
№ 5 пішінді ұяшықты 2 қаптамадан қолданылуы жөнінде мемлекеттік және орыс тілдеріндегі нұсқаулықпен бірге картон пәшкеге салынған.
Сақтау шарттары
Құрғақ, жарықтан қорғалған жерде, 150С-ден 250С-ге дейінгі температурада сақтау керек.
Балалардың қолы жетпейтін жерде сақтау керек!
Сақтау мерзімі
3 жыл
Жарамдылық мерзімі өткеннен кейін пайдалануға болмайды.
Дәріханадан босатылу шарттары
Рецепт арқылы
Өндіруші
«ФАРМАПРИМ» ЖШҚ,
MD-2028, Молдова Республикасы,
Кишинэу қ., Г. Тудор к., 3
Тіркеу куәлігінің иесі
«ФАРМАПРИМ» ЖШҚ
Тұтынушылардан өнім сапасына қатысты шағымдарды қабылдайтын ұйымның мекенжайы:
«ФАРМАПРИМ» ЖШҚ фирмасының Қазақстан Республикасындағы өкілдігі
Алматы қ., Гоголь к-сі, 86, 528 кеңсе, тел.8-727-2796518,
E-mail: farmaprim.kz@farmaprim.md