Меропенем (0.5 г) (Химфарм АО)

• русский
• қазақша

• Скачать инструкцию медикамента

Саудалық атауы

Меропенем

Халықаралық патенттелмеген атауы

Меропенем

Дәрілік түрі

Инъекция үшін ерітінді дайындауға арналған 0.5 г, 1.0 г ұнтақ

Құрамы

1 құтының ішінде

меропенем тригидраты мен натрий карбонатының стерильді қоспасы, сонымен бірге:

белсенді зат – 0,500 г немесе 1,000 г меропенем тригидраты (сусыз меропенемге шаққанда)

қосымша зат – натрий карбонаты.

Сипаттамасы

Ақ немесе сарғыш реңді ақ түсті кристалл ұнтақ.

Фармакотерапиялық тобы

Бактерияларға қарсы жүйелік қолдануға арналған препараттар. Бактерияларға қарсы басқа да бета-лактамды препараттар. Карбапенемдер. Меропенем

АТХ коды J01DH02

Фармакологиялық қасиеттері

Фармакокинетикасы

Меропенемді көктамыр ішіне 30 минут бойы енгізген кезде қан плазмасындағы ең жоғары концентрациясы 250 мг дозада шамамен 11 мкг/мл-ге, 500 мг дозада 23 мкг/мл-ге және 1 г дозада 49 мкг/мл-ге тең болады.

Алайда енгізілетін дозаға ең жоғары шектегі концентрациясына (Cmax) және фармакодинамикалық қисық астындағы ауданына (AUC) қатысты абсолютті фармакокинетикалық пропорционалды тәуелділік жоқ. 250 мг-нан 2 г-ға дейінгі дозаларда плазмалық клиренстің минутына 287 мл-ден 205 мл-ге дейін азайғаны білінді.

Меропенеммен 5 минут бойы көктамырішілік болюсті инъекция жасағанда плазмада препараттың ең жоғары концентрациясы 500 мг дозада 52 мкг/мл-ге және 1 г дозада 112 мкг/мл-ге тең болады.

Қан плазмасындағы ең жоғары шектегі концентрациялар 1 г препаратты көктамыр ішіне 2 минут, 3 минут және 5 минут бойы енгізген кезде, тиісінше, 110, 91 және 94 мкг/мл құрады. Көктамыр ішіне 500 мг енгізгеннен кейін 6 сағаттан соң қан плазмасында меропенем деңгейі 1 мкг/мл-ге және одан төмен мәнге дейін төмендейді.

Бүйрек қызметі қалыпты емделушілерге меропенемді 8 сағат аралықпен бірнеше рет енгізген кезде препараттың жиналып қалуы байқалмайды. Бүйрек қызметі қалыпты емделушілерде жартылай шығарылу кезеңі шамамен 1 сағатты құрайды.

Қан плазмасы ақуыздарымен байланысуы – шамамен 2%.

Меропенемнің көктамыр ішіне енгізілген дозасының 70%-ға жуығы 12 сағаттың ішінде несеппен бірге өзгермеген күйінде шығарылады, содан кейін несеппен бірге аздаған экскрециясы байқалады. Меропенемнің несептегі 10 мкг/мл-ден асатын концентрациялары 500 мг дозаны енгізгеннен кейін 5 сағат бойы сақталады. 500 мг-ды әрбір 8 сағат сайын немесе 1 г-ды әрбір 6 сағат сайын енгізу тәртібінде бүйрек қызметі қалыпты еріктілерде меропенемнің қан плазмасында және несепте жиналып қалуы байқалған жоқ.

Меропенемнің жалғыз метаболиті микробиологиялық тұрғыдан белсенді емес.

Меропенем организмнің көптеген тіндеріне және сұйықтықтарына, емшек сүтіне, бактериялық менингиті бар науқастарда жұлын-ми сұйықтығына жақсы еніп, көптеген бактерияларды басу үшін қажет етілетіннен де артық концентрацияларға жетеді.

Меропенемнің балалардағы және ересектердегі фармакокинетикасы ұқсас. Меропенемнің жартылай шығарылу кезеңі 2 жасқа дейінгі балаларда –шамамен 1,5 - 2,3 сағат, дене салмағының әр кг-на шаққанда 10 - 40 мг дозалар аралығында дозаға байланысты тәуелділік байқалады.

Бүйрек қызметінің жеткіліксіздігі

Бүйрек қызметінің жеткіліксіздігі бар емделушілерде меропенемнің клиренсі креатинин клиренсімен өзара байланысты. Мұндай науқастарда дозаны түзету қажет.

Бауыр қызметінің жеткіліксіздігі

Бауыр ауруы бар емделушілердегі фармакокинетикасын зерттеу осы патологиялық өзгерулердің меропенемнің фармакокинетикасына ықпалын тигізбейтіндігін көрсетті.

Егде жастағы адамдар

Егде жастағы адамдарда меропенем клиренсінің төмендегені байқалды, ол креатинин клиренсінің жасқа байланысты төмендеуімен өзара байланысты.

Фармакодинамикасы

Меропенем – карбапенемдер тобына жататын антибиотик, парeнтеральді түрде қолдануға арналған, адамның дегидропептидазасына-1 (ДГП-1) біршама төзімді, ДГП-1 тежегішін қосымша енгізуді қажет етпейді.

Меропенем бактериялардың жасушалық қабырғасының синтезіне әсер етуі есебінен бактерицидтік әсер береді. Меропенемнің аэробтық және анаэробтық бактериялардың ауқымды өрісіне қарсы бактерицидтік әсер етуі меропенемнің бактериялардың жасушалық қабырғасы арқылы өту қабілетінің жоғарылығымен, көптеген -лактамазаға тұрақтылығының жоғары деңгейде болуымен және пенициллинді байланыстыратын ақуыздарға (ПБА) елеулі аффинділігімен түсіндіріледі. Ең төмен бактерицидтік концентрациялар (ЕБК) әдетте ең төмен тежегіш концентрациялардағыдай (ЕТК) болады. Тестіленген бактериялар түрлерінің 76%-да ЕБК/ЕТК арақатынасы 2 немесе одан аз болды.

Меропенем қоздырғыштардың сезімталдығын анықтау тестілерінде төзімділік көрсетеді. Меропенем әртүрлі антибиотиктермен біріккен әсер береді, постантибиотикалық әсері бар.

Меропенемге сезімталдықтың жалғыз ғана тиісті критерийі препараттың фармакокинетикасы мен клиникалық және микробиологиялық деректерінің – тиісті қоздырғыштар үшін анықталған зонаның диаметрі мен ЕТК-нің өзара байланыстылығына негізделеді.

Меропенемнің бактерияларға қарсы белсенділігінің өрісі бактериялардың клиникалық тұрғыдан маңызды көптеген грам-оң және грам-теріс аэробтық және анаэробтық штамдарын қамтиды:

Грам-оң аэробтар:

Bacillus spp.., Corynebacterium diphtheriae, Enterococcus liquifaciens, Enterococcus avium, Listeriа monocytogenes, Lactobacillus spp., Nocardia asteroides, Staphylococcus aureus (пенициллиназа-негативті және позитивті), коагулазо-негативті стафилококктар, мыналарды қоса есептегенде: Staphylococcus saprophyticus, Staphylococcus capitis, Staphylococcus cohnii, Staphylococcus xylosus, Staphylococcus warneri, Staphylococcus hominis, Staphylococcus simulans, Staphylococcus intermedius, Staphylococcus sciuri, Staphylococcus lugdunensis, Streptococcus pneumoniae (пенициллинге сезімтал және төзімді), Streptococcus agalactiae, Streptococcus pyogenes, Streptococcus equi, Streptococcus bovis, Streptococcus mitis, Streptococcus mitior, Streptococcus milleri, Streptococcus sanguis, Streptococcus viridans, Streptococcus salivarius, Streptococcus morbillorum, G тобының стрептококктары, F тобының стрептококктары, Rhodococcus equi.

Грам-теріс аэробтар:

Achromobacter xylosoxidans, Acinetobacter anitratus, Acinetobacter lwoffii, Acinetobacter baumannii, Aeromonas hydrophila, Aeromonas sorbria, Aeromonas caviae, Alcaligenes faecalis, Bordetella bronchiseptica, Brucella melitensis, Campylobacter coli, Campylobacter jejuni, Citrobacter freundii, Citrobacter diversus, Citrobacter koseri, Citrobacter amalonaticus, Enterobacter aerogenes, Enterobacter (Pantoea) agglomerans, Enterobacter cloacae, Enterobacter sakazakii, Escherichia coli, Escherichia hermannii, Gardnerella vaginalis, Haemophilus influenzae (-лактамаза-позитивті және ампициллин-төзімді штаммдарды қоса есептегенде), Haemophilus parainfluenzae, Haemophilus ducreyi, Helicobacter pylori, Neisseria meningitidis, Neisseria gonorrhoeae (пенициллинге және спектиномицинге төзімді -лактамаза-позитивті штаммдарды қоса есептегенде), Hafnia alvei, Klebsiella pneumoniae, Klebsiella aerogenes, Klebsiella ozaenae, Klebsiella oxytoca, Moraxella (Branhamella) catarrhalis, Morganella morganii, Proteus mirabilis, Proteus vulgaris, Proteus penneri, Providencia rettgeri, Providencia stuartii, Providencia alcalifaciens, Pasteurella multocida, Plesiomonas shigelloides, Pseudomonas aeruginosa, Pseudomonas putida, Pseudomonas alcaligenes, Burkholderia (Pseudomonas) cepacia, Pseudomonas fluorescens, Pseudomonas stutzeri, Pseudomonas pseudomallei, Pseudomonas acidovorans, Salmonella spp., Salmonella enteritidis/typhі қоса есептегенде, Serratia marcescens, Serratia liquefaciens, Serratia rubidaea, Shigella sonnei, Shigella flexneri, Shigella boydii, Shigella dysenteriae, Vibrio cholerae, Vibrio parahaemolyticus, Vibrio vulnificus, Yersinia enterocolitica.

Анаэробтық бактериялар:

Actinomyces odontolyticus, Actinomyces meyeri, Bacteroides-Prevotella-Porphyromonas spp., Bacteroides fragilis, Bacteroides vulgatus, Bacteroides variabilis, Bacteroides pneumosintes, Bacteroides coagulans, Bacteroides uniformis, Bacteroides distasonis, Bacteroides оvatus, Bacteroides thetaiotaomicron, Bacteroides eggerthii, Bacteroides capsillosis, Prevotella buccalis, Prevotella corporis, Bacteroides gracilis, Prevotella melaninogenica, Prevotella intermedia, Prevotella bivia, Prevotella splanchnicus, Prevotella oralis, Prevotella disiens, Prevotella rumenicola, Bacteroides ureolyticus, Prevotella oris, Prevotella buccae, Prevotella denticola, Bacteroides levii, Porphyromonas asaccharolytica, Bifidobacterium spp., Bilophilia wadsworthia, Clostridium perfringens, Clostridium bifermentans, Clostridium ramosum, Clostridium sporogenes, Clostridium cadaveris, Clostridium sordellii, Clostridium butyricum, Clostridium clostridiiformis, Clostridium innocuum, Clostridium subterminale, Clostridium tertium, Eubacterium lentum, Eubacterium aerofaciens, Fusobacterium mortiferum, Fusobacterium necrophorum, Fusobacterium nucleatum, Fusobacterium varium, Mobiluncus curtisii, Mobiluncus mulieris, Peptostreptococcus anaerobius, Peptostreptococcus micros, Peptostreptococcus saccharolyticus, Peptococcus saccharolyticus, Peptostreptococcus asaccharolyticus, Peptostreptococcus magnus, Peptostreptococcus prevotii, Propionibacterium acnes, Propionibacterium avidium, Propionibacterium granulosum.

Stenotrophomonas maltophilia, Enterococcus faecium және метициллин-төзімді стафилококктар меропенемге төзімді болып шықты.

Қолданылуы

Меропенем оған сезімтал бір немесе бірнеше қоздырғыштардан болған келесі жұқпаларды емдеуге қолданылады:

- пневмония (ауруханадан тыс және ауруханаішілік)

- несеп шығару жүйесінің жұқпалары

- құрсақ қуысының жұқпалары

- эндометрит және кіші жамбас ағзаларының басқа да қабыну аурулары сияқты гинекологиялық жұқпалары

- тері және жұмсақ тін жұқпалары

- менингит

- септицемия

- фебрильді нейтропения симптомдары бар ересектерде эмпириялық ем жүргізуге.

Қолдану тәсілі және дозалары

Меропенем монотерапия түрінде немесе микробқа қарсы басқа да дәрілермен біріктіріп тағайындалады.

Ересектер

Дозасы және емдеу ұзақтығы жұқпалардың түрі мен ауырлығына және емделушінің жағдайына байланысты белгіленуі тиіс.

Мынадай тәуліктік дозалар ұсынылады:

Пневмонияны, несеп шығару жолдарының жұқпаларын, гинекологиялық жұқпаларды, тері мен жұмсақ тін жұқпаларын емдеген кезде – көктамыр ішіне әрбір 8 сағат сайын 500 мг-нан.

Госпиталдық пневмонияны, перитонитті емдегенде, бактериялық жұқпаларға күдіктенгенде нейтропения симптомдары бар науқастарда, сондай-ақ септицемияда – көктамыр ішіне әрбір 8 сағат сайын 1 г-нан.

Менингитті емдеген кезде ұсынылатын доза әрбір 8 сағат сайын 2 г құрайды.

Бүйрек қызметі бұзылған ересек емделушілердегі дозасы

Креатинин клиренсі минутына 51 мл-ден төмен болатын емделушілерде ұсынылатын доза келесі үлгіде азайтылуы тиіс:

Меропенем гемодиализ кезінде шығарылады. Егер препаратпен ұзақ уақыт емдеу қажет болса, доза бірлігі (жұқпаның түріне және ауырлығына қарай), қан плазмасындағы тиімді концентрацияны қалпына келтіру үшін, гемодиализ емшарасы аяқталу бойына енгізілді. Перитонеальді диализ жасалатын науқастарға меропенемді қолдану тәжірибесі жоқ.

Бауыр қызметінің жеткіліксіздігі

Бауыр қызметінің жеткіліксіздігі бар науқастарда дозаны түзетудің қажеті жоқ («Айрықша нұсқаулар» тарауын қараңыз).

Егде жастағы емделушілер

Бүйрек қызметі қалыпты немесе креатинин клиренсі минутына 50 мл-ден асатын егде жастағы науқастарда дозаны түзету қажет емес.

Балалар

3 айлықтан 12 жасқа дейінгі балалар үшін көктамыр ішіне енгізу үшін ұсынылатын доза, жұқпаның типі мен ауырлығына, патогенді микроорганизмдердің сезімталдығы мен емделушінің жағдайына байланысты, әрбір 8 сағат сайын қабылданатын, дене салмағының әр кг-на шаққанда 10 - 20 мг құрайды.

Дене салмағы 50 кг-нан асатын балаларға ересектерге арналған дозаны қолданған жөн.

Менингитте ұсынылатын доза әрбір 8 сағат сайын қабылданатын, дене салмағының әр кг-на шаққанда 40 мг құрайды.

Бүйрек қызметі бұзылған балаларға препаратты қолдану тәжірибесі жоқ.

Енгізу тәсілі

Сұйылтуға арналған инфузиялық сұйықтықтарды (0,9% натрий хлоридінің ерітіндісі, 5% глюкоза ерітіндісі 50 мл-ден 200 мл-ге дейін) қолдана отырып, көктамыр ішіне енгізу үшін меропенем кем дегенде 5 минут бойы көктамырішілік болюсті инъекциялар түрінде, немесе 15-30 минут бойы көктамырішілік инфузия түрінде енгізілуі мүмкін.

Меропенем келесі инфузиялық ерітінділермен үйлеседі: 0,9% натрий хлоридінің ерітіндісі, 5% немесе 10% глюкоза ерітіндісі.

Көктамырішілік болюсті инъекцияға арналған меропенемді инъекцияға арналған стерильді сумен (250 мг меропенемге 5 мл) сұйылтқан жөн, мұндайда ерітіндінің концентрациясы 50 мг/мл-ге жуықты құрайды. Алынған ерітінді мөлдір түссіз немесе ақшыл-сары сұйықтық болып табылады.

Меропенем басқа препараттармен араластырылмауы немесе оларға қосылмауы тиіс.

Меропенемді сұйылтқан кезде стандартты антисептика тәртібін орындаған жөн. Сұйылтылған ерітіндіні пайдаланар алдында сілкілеп араластырыңыз.

Барлық құтылар тек бір рет қолдануға ғана арналған.

Көктамырішілік инъекция және инфузия үшін Меропенемнің жаңа дайындалған ерітіндісін қолдану керек.

Жағымсыз әсерлері

Жиі (≥ 1/100, <1/10)

- бас ауыру, бас айналу, ұйқысыздық, ұйқышылдық

- іштің ауыруы, жүректің айнуы, құсу, диарея, анорексия

- «бауыр» трансаминазасы, сілтілік фосфатаза, лактатдегидрогеназа белсенділігінің жоғарылауы

- тері бөртпелері, қышыну

- инъекция жасаған жердің ауыруы және қабынуы

Жиі емес (≥ 1/1,000, <1/100)

- ауыздың шырышты қабығының кандидозы, қынаптық кандидоз

- тромбоцитопения, эозинофилия, лейкопения, нейтропения

- гиперкреатининемия

- гипербилирубинемия, холестатикалық гепатит

- парестезиялар

- есекжем

Сирек (≥ 1/10 000, <1/1,000)

- құрысулар, қатты қозғыштық, мазасыздық

Өте сирек (< 1/10,000)

- агранулоцитоз, гемолитикалық анемия, тікелей оң және тікелей емес Кумбс сынамасы, ішінара тромбопластинді уақыттың төмендеуі

- жүрек ырғағының бұзылуы, артериялық гипотензия

- ангионевротикалық ісіну, анафилаксия

- көп пішінді (экссудативті) эритема, Стивенс-Джонсон синдромы, уытты эпидермальді некролиз

- тромбофлебит, флебит

- жалған жарғақшалы колит

Қолдануға болмайтын жағдайлар

- меропенемге, соның ішінде басқа да бета-лактамды антибиотиктерге асқын сезімталдық

- 3 айлыққа дейінгі балалар

Сақтықпен: потенциальді нефроуытты препараттармен бір мезгілде тағайындауға, асқазан-ішек аурулары (әсіресе колиттер) бар емделушілерге.

Дәрілермен өзара әрекеттесуі

Пробенецид өзекшелі секрецияны белсенді ету үшін, бүйректік экскрецияны тежей және Меропенемнің плазмадағы концентрациялары мен жартылай шығарылу кезеңін арттыра отырып, Меропенеммен бәсекелеседі. Пробенецидсіз енгізілетін Меропенемнің тиімділігі және әсер ету ұзақтығы талапқа сай болатындықтан, пробенецидті Меропенеммен бірге енгізбеу керек. Меропенемді потенциальді нефроуытты препараттармен бір мезгілде тағайындағанда сақ болған жөн.

Меропенемнің басқа препараттардың ақуызбен байланысуына немесе метаболизміне ықтимал әсері зерттелген жоқ. Меропенемнің ақуыздармен байланысуы төмен, сондықтан плазмадан ақуыздарды ығыстырып шығаруға негізделген басқа препараттармен өзара әрекеттесуі болмауы тиіс деп болжам жасалады.

Меропенемді басқа препараттарды қабылдау кезінде қолдану жағымсыз фармакологиялық өзара әрекеттесулердің пайда болуымен қатарласа жүрген жоқ.

Меропенем қан сарысуында вальпрой қышқылының деңгейін азайтады, бұл құрысуға қарсы әсерді төмендетуге әкелуі мүмкін. Алайда ықтимал дәрілік өзара әрекеттесулер жөнінде арнайы деректер жоқ.

Өзекшелік секрецияны бөгейтін дәрілік заттар Меропенемнің жартылай шығарылу кезеңін баяулатады және оның қан плазмасындағы концентрациясын арттырады.

Айрықша нұсқаулар

Ауыр жағымсыз реакциялар сирек.

Меропенемді монотерапия ретінде қолданғанда, басқа антибиотиктерді қолданған кездегідей, төменгі тыныс жолдарының Pseudomonas aeruginosa-дан болған жұқпалары анықталған қиын жағдайда немесе оған күдіктенгенде емделушілердің осы антибиотикке сезімталдығына тестіні жүйелі жүргізген және қолданған кезде сақ болған жөн.

Сирек жағдайларда Меропенемді қолданған кезде, барлық антибиотиктерді дерлік қолданған кездегідей, жалған жарғақшалы колиттің пайда болғаны байқалады, ол ауырлығы бойынша жеңілден өмірге қауіп төндіретін түрге дейін өзгеруі мүмкін. Меронемді енгізу аясында диарея туындаған жағдайда жалған жарғақшалы колит пайда болуы мүмкін екендігін ескеру қажет. Зерттеулер Clostridium difficile жасап шығаратын уыттың антибиотиктерді қолданумен байланысты колиттердің туындауының негізгі себепшісінің бірі болып табылатындығын көрсетсе де, оның басқа да себептерінің болатындығын ескеру қажет.

Меропенемді асқазан-ішектік аурулары бар, әсіресе колиттерден қиналып жүрген емделушілерге абайлап тағайындаған жөн.

Басқа карбапенемдер мен бета-лактамды антибиотиктер, пенициллиндер мен цефалоспориндер арасында ішінара айқаспалы аллергогенділік жөнінде деректер бар.

Меропенеммен емдеуді бастар алдында, сыртартқысында бета-лактамды антибиотиктерге асқын сезімталдық реакциялардың бар-жоқтығына ерекше көңіл бөле отырып, емделушіден мұқият сұрақ-жауап алу қажет. Меропенем сыртартқысында осындай жағымсыз құбылыстар көрсетілген емделушілерге абайлап қолданылуы тиіс. Егер Меропенемге аллергиялық реакция пайда болса, онда препаратты енгізуді тоқтату және тиісті шаралар қабылдау қажет.

Меропенемді бауыр аурулары бар емделушілерге қолдану трансаминаза мен билирубин деңгейлерін мұқият бақылай отырып, жүргізілуі тиіс.

Басқа антибиотиктерді қолданған жағдайдағыдай, төзімді микроорганизмдердің өсуі басым болуы мүмкін, осыған байланысты емделушіні ұдайы бақылауға алу қажет.

Метициллин-төзімді стафилококктан туындаған жұқпаларда Меропенемді қолданбау керек.

Педиатрияда қолданылуы

3 айлыққа дейінгі балаларда препараттың тиімділігі мен жағымдылығына баға берілген жоқ, осыған байланысты Меропенемді осы жастан кіші балаларға қолдануға болмайды.

Препаратты бауыр және бүйрек қызметтері бұзылған балаларға қолдану тәжірибесі жоқ.

Жүктілік және лактация кезеңі

Меропенемді жүктілік кезінде әйелдерге қолданудың қауіпсіздігі және тиімділігі жөнінде деректер жоқ. Меропенем жүктілік кезінде, оны қолданудың артықшылығы ұрық үшін мүмкін болатын қаупінен басым болатын жағдайлардан басқасында, қолданылмауы тиіс. Әрбір жағдайда препарат дәрігердің тікелей бақылауымен қолданылуы тиіс. Меропенемді лактация кезеңінде, оны қолданудың артықшылығы нәресте үшін болуы мүмкін қауіптен басым болатын жағдайлардан басқасында, қолданылмауы тиіс.

Препаратты лактация кезеңінде қолдану қажет болғанда емшек емізуді тоқтатқан жөн.

Дәрілік заттың көлікті немесе қауіпті механизмдерді басқару қабілетіне ықпал ету ерекшеліктері

Препараттың жағымсыз әсерлерін ескеріп, көлікті немесе қауіпті механизмдерді басқарған кезде сақ болған жөн.

Артық дозалануы

Симптомдары: бас айналу, бас ауыру, парестезиялар.

Емдеу: симптоматикалық, бүйрек қызметінің жеткіліксіздігінде гемодиализ тиімді.

Шығарылу түрі және қаптамасы

Сусыз меропенемге шаққанда 0,5 г немесе 1,0 г белсенді зат резеңке тығынмен тығыздап жабылған, алюминий қалпақпен және «FLIPP OFF» пластик қақпақпен қаусырылған құтыларға салынған.

Әрбір құты медицинада қолданылуы жөнінде мемлекеттік және орыс тілдерінде бекітілген нұсқаулықпен бірге картон пәшкеге салынған.

Сақтау шарттары

Құрғақ, жарықтан қорғалған, 200С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

2 жыл

Жарамдылық мерзімі өткеннен кейін қолдануға болмайды.

Дәріханадан босатылу шарттары

Рецепт арқылы

Өндіруші

«Химфарм» АҚ, Қазақстан,

Шымкент қ-сы, Рашидов к-сі, н/ж, т/ф: 560882

Тіркеу куәлігінің иесі

«Химфарм» АҚ, Қазақстан

Тұтынушылардан өнім (тауар) сапасы жөнінде шағымдарды Қазақстан Республикасы аумағында қабылдайтын ұйымның мекенжайы

«Химфарм» АҚ, Шымкент қ-сы, ҚАЗАҚСТАН,

Рашидов к-сі, н/ж, т/ф: 560882

Телефон нөмірі: 7252 (561342)

Факс нөмірі: 7252 (561342)

Электронды поштасы: standart@santo.kz