Мексидол® (125 мг)

• русский
• қазақша

• Скачать инструкцию медикамента

Саудалық атауы

Мексидол®

Халықаралық патенттелмеген атауы

Жоқ

Дәрілік түрі

Үлбірлі қабықпен қапталған таблеткалар, 125 мг

Құрамы

Бір таблетканың құрамында

белсенді зат: этилметилгидроксипиридин сукцинаты – 125 мг.

қосымша заттар: лактоза моногидраты, повидон, магний стеараты.

қабықтың құрамы: ақ опадрай II 33G28435 (гипромеллоза, титанның қостотығы (Е171), лактоза моногидраты, полиэтиленгликоль (макрогол), триацетин).

Сипаттамасы

Дөңгелек, екі жағы дөңес, ақтан крем реңді ақ түске дейінгі үлбірлі қабықпен қапталған таблеткалар.

Фармакотерапиялық тобы

Жүйке жүйесінің ауруларын емдеуге арналған басқа препараттар. Жүйке жүйесінің ауруларын емдеуге арналған басқа да препараттар.

АТХ коды N07XX

Фармакологиялық қасиеттері

Фармакокинетикасы

Ішке қабылдаған кезде жылдам сіңеді. 400-500 мг дозада ең жоғары концентрациясы 3,5-4,0 мкг/мл құрайды. Ағзалар мен тіндерге жылдам таралады. Ішке қабылдағаннан кейін препараттың организмде орташа сақталу уақыты - 4,9-5,2 сағат. Бауырда глюкурондыконъюгирлену арқылы метаболизденеді. 5 метаболитінің бар екені анықталды: 3-оксипиридин фосфаты – бауырда түзіледі және сілтілік фосфатазаның қатысуымен фосфор қышқылына және 3-оксипиридинге дейін ыдырайды; 2-ші метаболиті – фармакологиялық тұрғыдан белсенді, көп мөлшерде пайда болып, енгізілгеннен кейін несепте 1-2 тәулік ішінде анықталады; 3-шісі – несеппен көп мөлшерде шығарылады; 4-ші және 5-ші глюкуронконъюгаттар. Ішке қабылдағанда жартылай шығарылу кезеңі (Т1/2) – 2,0-2,6 сағат. Негізінен метаболиттер түрінде және аздаған мөлшері өзгермеген күйде несеппен шығарылады. Препаратты қабылдағаннан кейін алғашқы 4 сағат ішінде барынша қарқынды түрде шығады. Өзгермеген препараттың және оның метаболиттерінің несеппен шығарылу көрсеткіштері әр адамда өзгеріп отыруы мүмкін.

Фармакодинамикасы

Мексидол® бос радикалды үдерістердің тежегіші, гипоксияға қарсы тұра алатын жарғақшалық протектор, стресс протективті әсері бар, ноотропты, құрысуға қарсы және анксиолитикалық әсері бар. Препарат организмнің әртүрлі зақымдайтын факторларға (шок, гипоксия және ишемия, ми қан айналымының бұзылуы, алкоголдің және антипсихоздық дәрілердің (нейролептиктердің)) төзімділігін арттырады.

Мексидол® препаратының әсер ету механизмі оның антиоксиданттық, антигипоксанттық және жарғақшапротекторлық әсеріне байланысты. Ол липидтердің асқын тотығуын тежеп, супероксиддисмутазаның белсенділігін арттырады, липид-ақуыз арақатынасын жақсартады, жарғақшаның тұтқырлығын төмендетеді, оның аққыштығын арттырады. Мексидол® жарғақшаларды байланыстыратын ферменттердің (кальцийге тәуелді емес фосфодиэстеразаның, аденилатциклазаның, ацетилхолинэстеразаның), рецепторлық кешендердің (бензодиазепиндік, гамма-аминмай қышқылының (ГАМҚ),ацетилхолиндік) белсенділігін өзгертеді, бұл олардың лигандтармен байланысу қабілетін күшейтіп, биожарғақшалардың құрылымдық-функционалдық құрылуын тұрақтандырады, нейромедиаторлардың тасымалдануын және синапстық берілістерді жақсартады. Мексидол® мидағы дофамин мөлшерін жоғарылатады. Аэробтық гликолиздің компенсаторлы белсенділігін арттырып және Кребс цикліндегі тотығу үрдістерін бәсеңдету дәрежесін азайтып, гипоксия орын алғанда аденозинтрифосфаттың (АТФ) және креатинфосфаттың мөлшерін көбейтеді, митохондрийлердің энергия синтездеуші функциясын жандандырып, жасуша жарғақшаларын тұрақтандырады.

Препарат мидағы метаболизмді және қан айналымын жақсартады, қанның микроциркуляциясын және реологиялық қасиеттерін жақсартады, тромбоциттер агрегациясын азайтады. Гемолизде қан жасушаларының (эритроциттердің және тромбоциттердің) жарғақшалық құрлымдарын тұрақтандырады. Гиполипидемиялық әсері бар, жалпы холестериннің және төменгі тығыздықтағы липопротеидтердің мөлшерін азайтады.

Антистрессорлық әсері стресстен кейінгі мінез-құлықты, сомато­вегетативті бұзылыстарды қалыптандыруда, ұйқы-сергектік циклдерін, бұзылған оқу және есте сақтау үдерістерін қалыпқа келтіруде, мидың әр түрлі құрылымдарындағы дистрофиялық және морфологиялық өзгерістерді төмендетуде байқалады.

Мексидол® абстинентті синдром кезінде айқын уыттылыққа қарсы әсерге ие. Ол жедел орын алған алкогольдік интоксикация кезінде пайда болған неврологиялық және нейроуыттылық білінулерді қайтарады, мінез-құлық, вегетативтік қызметтің бұзылуын орнына келтіріп, сондай-ақ этанолды ұзақ уақыт пайдаланудан және оны тоқтаудан болған когнитивті бұзылыстарды қайтаруға қабілетті. Мексидолдың® әсерінен транквилизациялаушы, нейролептикалық, антидепрессиялық, ұйықтататын және құрысуға қарсы дәрілердің әсері күшейеді, бұл олардың дозасын төмендетуге және олардың жағымсыз әсерлерін азайтуға мүмкіндік береді.

Мексидол® ишемиялық миокардтың функционалдық жағдайын жақсартады. Коронарлық жеткіліксіздік жағдайында ишемиялық миокардтың коллатералдық қанмен қамтылуын ұлғайтады, кардиомиоциттер бүтіндігінің сақталуына және олардың функционалдық белсенділігінің тұрақтылығына ықпал етеді. Қайтымды жүрек дисфункциясы кезінде миокард жиырылғыштығын тиімді түрде қалпына келтіреді.

Қолданылуы

• жедел орын алған ми қан айналымы бұзылуының, оның ішінде өтпелі ишемиялық шабуылдардан кейін, субкомпенсациялық фазада профилактикалық курс ретінде

• жеңіл бассүйек-ми жарақатында, бассүйек-ми жарақатының салдарында

• шығу тегі әр түрлі (дисциркуляторлы, дисметаболикалық, жарақаттан кейінгі, аралас түрлерде) энцефалопатияда

• вегетативтік дистония синдромында

• шығу тегі атеросклероздық жеңіл когнитивті бұзылыстарда

• невроздық және невроз тәрізді жағдайдағы үрейлі бұзылыстарда

• ишемиялық жүрек ауруында кешенді ем құрамында

• невроз тәрізді және вегетативті-қантамырлық бұзылыстар, постабстиненттік бұзылыстар басым болатын алкоголизм кезінде абстиненттік синдромды басуда

• антипсихоздық дәрілермен жедел уланудан кейінгі жағдайларда

• астениялық жағдайларда, сондай-ақ төтенше факторлар мен жүктемелердің әсерінен соматикалық аурулар дамуының профилактикасы үшін

• төтенше (стресстік) факторлар әсер етуінде

Қолдану тәсілі және дозалары

Ішке қабылдауға, 125-250 мг-ден тәулігіне 3 рет; ең жоғары тәуліктік доза - 800 мг (6 таблетка). Емдеу ұзақтығы - 2-6 апта; алкогольдік абстиненцияны басу үшін - 5-7 күн. Емдеуді дозаны 2-3 күн бойы біртіндеп төмендете отырып, тоқтатады.

Бастапқы доза - 125-250 мг (1-2 таблетка) тәулігіне 1-2 рет, емдік әсері болғанға дейін біртіндеп жоғарылату керек; ең жоғары тәуліктік доза – 800 мг (6 таблетка).

Ишемиялық жүрек ауруына шалдыққан науқастарды емдеу қурсының ұзақтығы кем дегенде 1,5 – 2 ай. Қайталау курстарын (дәрігердің ұсынымы бойынша) мүмкіндігінше көктем-күз мезгілінде жүргізген дұрыс.

Жағымсыз әсерлері

– жүрек айну және ауыздың құрғауы

– ұйқышылдық

– аллергиялық реакциялар

Қолдануға болмайтын жағдайлар

– препаратқа жекелей жоғары сезімталдық

– бауыр мен бүйрек функциясының жедел бұзылулары

– тұқым қуалайтын фруктозаны көтере алмаушылық, Lapp-лактаза ферментінің тапшылығы, глюкоза-галактоза мальабсорбциясы

– 18 жасқа дейінгі балалар мен жасөспірімдер

– жүктілік және лактация кезеңі

Дәрілермен өзара әрекеттесуі

Мексидол® соматикалық ауруларды емдеу үшін пайдаланылатын барлық препараттармен үйлеседі. Бензодиазепиндік препараттардың, антидепрессанттардың , анксиолитиктердің, құрысуға қарсы дәрілер және паркинсон ауруына қарсы дәрілердің әсерін күшейтеді. Этил спиртінің уытты әсерін азайтады.

Айрықша нұсқаулар

Препаратты қант диабеті бар науқастарға тағайындаған жағдайда қандағы глюкоза деңгейін тұрақты түрде бақылап отыру қажет. Мұндай жағдайда емдеуді ұсынылатын ең аз дозадан бастап, емдік әсеріне қол жеткізгенше (жағымсыз реакциялар болмаса) біртіндеп жоғарылата береді

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Автокөлікті және қауіптілігі зор механизмдерді басқарғанда сақ болған жөн.

Артық дозалануы (уыттану)

Симптомдары: жағымсыз әсерлердің күшеюі.

Емі: препаратты уақытша тоқтатады. Симптоматикалық ем.

Шығарылу түрі және қаптамасы

Үлбірлі қабықпен қапталған 125 мг таблеткалар. 10 таблеткадан поливинилхлоридті үлбірден және алюминий фольгадан жасалған пішінді ұяшықты қаптамада.

3 немесе 5 пішінді ұяшықты қаптамадан қолданылуы жөніндегі мемлекеттік және орыс тілдеріндегі нұсқаулықпен бірге картон қорапшада.

Сақтау шарттары

Құрғақ, жарықтан қорғалған жерде, 25 ºС-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

3 жыл

Қаптамасында көрсетілген мерзімі өткеннен кейін қолдануға болмайды.

Дәріханалардан босатылу шарттары

Рецепт арқылы

Өндіруші ұйым

«ЗиО-Здоровье» ЖАҚ

Ресей, 142103, Мәскеу облысы, Подольск қ-сы, Железнодорожная к-сі, 2 үй

Тіркеу куәлігінің иесі

«ҒӨК «ФАРМАСОФТ» ЖШҚ, Ресей

Ресей, 115280, Мәскеу қ-сы, Автозаводская к-сі, 17 үй, 3 корп., 4 бөлме

Қазақстан Республикасы аумағында тұтынушылардан дәрілік заттардың сапасына қатысты шағымдарды қабылдайтын және дәрілік заттың тіркеуден кейінгі қауіпсіздігін қадағалауға жауапты ұйым

Қазақстан Республикасындағы «Векторфарм» ЖШҚ өкілдігі

Қазақстан Республикасы, 050004, Алматы қ.,  Желтоқсан к-сі, 37, 301 «B» кеңсесі Тел.: +7(727)279-24-31

E-mail: info-kz@vektorpharm.ru