Медиаторн® (Ипидакрин)

Медиаторн®

Ипидакрин

Дәрілік түрі, дозасы

Таблеткалар, 20 мг

Жүйке жүйесі. Психоаналептиктер. Деменцияға қарсы препараттар. Антихолинестеразды препараттар. Ипидакрин.

АТХ коды N06DA05

4.1 Қолданылуы

Кешенді ем құрамында

• шеткері жүйке жүйесінің аурулары (неврит, полиневрит, полиневропатия, полирадикулоневропатия, миастения және этиологиясы әртүрлі миастениялық синдром)

• бульбарлы паралич және парез

• орталық жүйке жүйесінің органикалық зақымдануынан кейінгі қалпына келтіру кезеңінде, қозғалыс бұзылыстарымен қатар жүреді

• жүйке жүйесінің демиелинизациялық аурулары (оның ішінде жайылған склероз)

• есте сақтаудың шығу тегі әртүрлі бұзылуы (Альцгеймер ауруы, кәрілік деменцияның басқа түрлері)

• ішек атониясы

Қолдану басталғанға дейін қажетті мәліметтер тізбесі

• әсер етуші затқа немесе «Құрамы» бөлімінде аталған қосымша заттардың кез келгеніне аса жоғары сезімталдық

• эпилепсия

• гиперкинезі бар экстрапирамидалық аурулар

• стенокардия

• айқын брадикардия

• бронх демікпесі

• ішек немесе несеп шығару жолдарының бітелуі

• вестибулярлық бұзылыстар

• асқыну сатысындағы асқазанның немесе он екі елі ішектің ойық жарасы

• жүктілік және бала емізу кезеңі

• 18 жасқа дейінгі балалар мен жасөспірімдер (балалардағы дәрілік заттың қауіпсіздігін тексеру бойынша талапқа сай зерттеулер жүргізілген жоқ)

Басқа дәрілік заттармен өзара әрекеттесу

Медиаторн® орталық жүйке жүйесін тежейтін дәрілермен біріктірілімде седативті әсерді күшейтеді. Холинэстеразаның басқа тежегіштерімен және М-холиномиметикалық дәрілермен бірге қолданғанда әсері мен жағымсыз әсерлері күшейеді.

Myasthenia gravis бар пациенттерде Медиаторн® басқа холинергиялық дәрілермен бір мезгілде қолданылса, холинергиялық криздің даму қаупі артады. Адреноблокаторлар Медиаторнмен емдеу басталғанға дейін қолданылса, брадикардияның даму қаупі артады.

Церебролизин Медиаторн® препаратының тиімділігін арттырады.

Алкоголь препараттың жағымсыз әсерлерін күшейтеді.

Арнайы ескертулер

Асқазан мен он екі елі ішектің ойық жарасы, тиротоксикоз, жүрек-қантамыр жүйесі аурулары, сондай-ақ анамнезде тыныс алу жолдарының аурулары бар немесе жедел тыныс алу жолдарының аурулары бар пациенттерге сақтықпен тағайындау керек.

Препарат құрамында лактоза бар. Сирек туа біткен галактоза жақпаушылығы, Lapp лактаза тапшылығы немесе глюкоза-галактоза мальабсорбциясы бар пациенттерге қолдануға болмайды.

Педиатрияда қолдану

Осы дәрілік затты 18 жасқа дейінгі балалар мен жасөспірімдерде қолдану қауіпсіздігі осы уақытқа дейін дәлелденген жоқ.

Жүктілік немесе лактация кезінде

Препарат жатырдың тонусын күшейтеді және мерзімінен бұрын босануды тудыруы мүмкін, сондықтан жүктілік кезінде қолдануға болмайды.

Бұл препаратты бала емізетін аналарға қолдануға болмайды.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Медиаторн® седативті әсер етуі мүмкін, сондықтан орталық жүйке жүйесі жағынан, мысалы, ұйқышылдық сияқты жағымсыз әсерлер байқалатын адамдар көлік құралын басқарудан бас тарта тұрғандары жөн.

Қолдану бойынша ұсынымдар

Дозалау режимі

Дозалары мен емдеу ұзақтығы аурудың ауырлығына байланысты жеке анықталады.

Шеткері жүйке жүйесінің аурулары, миастения және миастениялық синдром

Ішке, күніне 1-3 рет 10-20 мг.

Емдеу курсы бір айдан екі айға дейін. Қажет болса, емдеу курсын курстар арасындағы 1-2 ай үзіліспен бірнеше рет қайталауға болады.

Жүйке-бұлшықет өткізгіштігінің ауыр бұзылуларында миастениялық криздердің алдын алу үшін қысқа уақыт ішінде ипидакрин гидрохлориді инъекцияға арналған ерітінді түрінде парентеральді түрде енгізіледі. Содан кейін емді таблеткаланған түрімен дозаны күніне 5-6 рет 20-40 мг дейін арттырумен жалғастырады.

Есте сақтаудың шығу тегі әртүрлі бұзылуы (Альцгеймер ауруы, кәрілік деменцияның басқа түрлері)

Емдеудің дозасы мен ұзақтығын жеке белгілейді. Ең жоғары тәуліктік доза кейде 200 мг жетуі мүмкін. Емдеу курсы – бір айдан бір жылға дейін.

Ішек атониясын емдеу және профилактикасы

20 мг күніне 2-3 рет 1-2 апта бойы.

Енгізу әдісі мен жолы

Таблеткалар ішке қабылданады. Таблетканы сумен ішіп, жұту керек.

Артық дозалану жағдайында қабылдануы қажет шаралар

Симптомдары

Ауыр дозаланғанда «холинергиялық криз» дамуы мүмкін, оның симптомдары бронх түйілуі, көзден жас ағу, терлеудің жоғарылауы, көз қарашығының үлғаюы, нистагм, өздігінен болатын дефекация және несеп шығару, құсу, брадикардия, жүрек блокадасы, аритмия, гипотензия, мазасыздық, мазасыздық, қозу, қорқыныш сезімі, атаксия, түсініксіз сөйлеу, ұйқышылдық, әлсіздік, конвульсия, кома. Симптомдар жұмсақ болуы мүмкін.

Емі

Улану немесе препараттың салыстырмалы дозалануы жағдайында симптоматикалық ем қолданылады. М-холиноблокаторлар қолданылады: атропин, тригексифенидил, метацин және т. б.

Дәрілік препаратты қолдану тәсілін түсіндіру үшін медицина қызметкеріне кеңес алуға жүгіну бойынша ұсынымдар

Дәрілік препаратты қолдану тәсілін түсіндіру үшін медицина қызметкеріне жүгіну ұсынылады.

ДП стандартты қолдану кезінде пайда болатын жағымсыз реакциялардың сипаттамасы және бұл жағдайда қабылдануы тиіс шаралар

Жиі

- сілекейдің көп бөлінуі, жүрек айнуы

- жүректің қағуы, брадикардия

- қатты терлеу

Жиі емес

- бронх секреті бөлінуінің күшеюі

- жоғары дозаларды қолданғаннан кейін – бас айналу, бас ауыру, әлсіздік, ұйқышылдық, бұлшықет құрысулары, терінің аллергиялық реакциялары (терінің қышынуы, бөртпе), құсу

Сирек

- эпигастрийдегі ауырсыну, іш өту

Белгісіз (қолда бар деректер бойынша анықтау мүмкін емес)

- бронх түйілуі

- аса жоғары сезімталдық реакциялары (аллергиялық дерматитті, анафилаксиялық шок, демікпе, уытты эпидермальді некролизді, эритеманы, есекжемді, ысқырып тыныс алуды, көмейдің ісінуін қоса)

Сілекей бөліну мен брадикардияны м-холиноблокаторлармен (атропин және т.б.) азайтуға болады.

Мұндай жағдайларда дозаны азайтады немесе препаратты қабылдауды қысқа мерзіге (1-2 күнге) тоқтатады.

Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса алғанда, дәрілік препараттарға жағымсыз реакциялар (әсерлер) бойынша тікелей ақпараттық дерекқорға жүгіну керек

Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препараттың құрамы

Бір таблетканың құрамында

белсенді зат: ипидакрин гидрохлориді моногидраты 20,0 мг,

қосымша заттар: лактоза моногидраты; картоп крахмалы; кальций стеараты.

Сыртқы түрінің, иісінің, дәмінің сипаттамасы

Тегіс беткейлі, ойығы бар дөңгелек пішінді, ақ немесе ақ дерлік түсті таблеткалар.

6.5 Шығарылу түрі және қаптамасы

10 таблеткадан поливинилхлоридті (түссіз, мөлдір) үлбірден және лакталған, баспалы алюминий фольгадан жасалған пішінді ұяшықты қаптамада.

5 пішінді ұяшықты қаптама медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынады.

2 жыл

Жарамдылық мерзімі өткеннен кейін қолдануға болмайды

Түпнұсқалық қаптамасында, 25 ºС-ден аспайтын температурада сақтау керек.

Балалардың қолы жетпейтін жерде сақтау керек!

6.7 Дәріханалардан босатылу шарттары

Рецепт арқылы

Өндіруші туралы мәліметтер

«Киевмедпрепарат» ЖАҚ, Украина, 01032, Киев қ., Саксаганский к-сі, 139.

тел/факс: +38-044-490-75-22

E-mail: office@arterium.ua

Тіркеу куәлігінің ұстаушысы

«АРТЕРИУМ ЛТД» ЖШҚ, Украина, 01032, Киев қ., Саксаганский к-сі, 139.

тел/факс: +38-044-490-75-22

E-mail: office@arterium.ua

Қазақстан Республикасының аумағында тұтынушылардан дәрілік заттардың сапасы жөнінде шағымдарды (ұсыныстарды) қабылдайтын және дәрілік заттың қауіпсіздігін тіркеуден кейінгі бақылауға жауапты ұйымның атауы, мекенжайы және байланыс деректері (телефон, факс, электронды пошта)

«ТД Фармамед» ЖШС, 

Алматы қ., Ходжанов көшесі, 67 ғимарат, т.е. 4а

Тел.: +7 (727) 344-99-05/06

E-mail: Almaty@pharmamed.kz