Меверин

• русский
• қазақша

• Скачать инструкцию медикамента

Саудалық атауы

Меверин

Халықаралық патенттелмеген атауы

Мебеверин

Дәрілік түрі

0,2 г капсулалар

Құрамы

Бір капсуланың құрамында

белсенді зат – мебеверин гидрохлоридіне шаққанда пеллеттегі субстанцияда 0,2 г мебеверин гидрохлориді бар;

қосымша заттар: сахароза, жүгері крахмалы, повидон, этилцеллюлоза, тальк, шеллак;

капсула қабығының құрамы: желатин, титанның қостотығы (Е 171).

Сипаттамасы

Нөмірі 1, ақ түсті, қатты желатинді капсулалар. Капсуланың ішінде – ақ немесе ақ дерлік немесе сарғыш реңді ақ түсті сфера пішінді түйіршіктер (пеллеттер).

Фармакотерапиялық тобы

Асқазан-ішек қызметінің бұзылуларын емдеуге арналған препараттар. Синтетикалық холиноблокаторлар – үштік амин топтары бар эфирлер. Мебеверин.

АТХ коды А03А А04

Фармакологиялық қасиеттері

Фармакокинетикасы

Мебеверин ішке қабылданғаннан кейін жүйе алды гидролизіне ұшырайды және қан плазмасында анықталмайды. Бауырда вератров қышқылына және мебеверин спиртіне дейін метаболизденеді. Тиісінше карбоксиль және диметилкарбоксиль қышқылдары түрінде негізінен бүйрекпен, аздаған мөлшерде – өтпен шығарылады.

Меверин капсулаларының босап шығуы ұзаққа созылатын қасиеті бар. Бірнеше рет қабылдағаннан кейін препараттың елеулі жинақталуы байқалмаған.

Фармакодинамикасы

Меверин – асқазан-ішек жолының тегіс бұлшықеттеріне іріктеп әсер ететін миотропты спазмолитик. Ішектің қалыпты жиырылуына ықпалын тигізбей, түйілуін жояды. Ас қорыту қызметінің түйіліп ауыруымен қатарласа жүретін бұзылулары бар науқастарды емдеу үшін, сондай-ақ ас қорытудың органикалық аурулары салдарынан екінші қайтара болатын түйілулерінде қолданылады.

Емдік дозаларда препарат тегіс бұлшықет жасушалары жарғақшаларының натрий өзекшелерін бөгейді, натрий иондарының жасушаларға енуіне және ішкі ағзалардың тегіс бұлшықеттерінің түйілуіне жол бермейді. Холинолитикалық дәрілерден айырмашылығы – Меверин М-холинорецепторларға әсер етпейді және М-холинобөгегіш әсері бар спазмолитикалық дәрілерге тән жағымсыз әсерлерді (ауыз ішінің құрғау сезімі, көрудің нашарлауы, несептің бөлініп шығуының кідіруі) тудырмайды, бұл оны қуықасты безі гипертрофиясы немесе глаукомасы бар емделушілер үшін қолдануға мүмкіндік береді. Меверинді қолдану ішектің рефлекторлы гипотониясының пайда болуымен қатарласа жүрмейді.

Қолданылуы

• абдоминальді ауыруды симптоматикалық емдеуге, «тітіркенген тоқ ішек» синдромында түйілулерді, ішектік бұзылуларды және ішектегі жайсыздық сезімін жоюға

• бауыр, ұйқы безі, ішек және өт жолдары ауруларынан туындаған, салдарлы генезді асқазан-ішектік түйілулерін емдеуге

Қолдану тәсілі және дозалары

Ересектерге Меверинді тамақтанудан (таңертең және кешке) 20 минут бұрын тәулігіне 2 рет 1 капсуладан тағайындайды. Капсуланы шайнамай, сумен ішіп жұтады. Емдеу ұзақтығын дәрігер әр емделушіге жекелей белгілейді.

Жағымсыз реакциялары

Сирек:

• аллергиялық реакциялар, негізінен, тері біліністері түрінде: терінің қышуы, есекжем, Квинке ісінуі, беттің ісінуі, тері бөртпелері

• асқын сезімталдық реакциялары (анафилактикалық реакциялар)

Қолдануға болмайтын жағдайлар

– препарат компоненттеріне жоғары сезімталдық

– жүктілік және лактация кезеңі

– 18 жасқа дейінгі балалар және жасөспірімдер

• тұқым қуалайтын фруктозаның жақпаушылығы, сахароза-изомальтоза жеткіліксіздігі, глюкоза-галактоза мальабсорбциясы синдромы.

Дәрілермен өзара әрекеттесуі

Дәрілермен өзара әрекеттесуіне зерттеулер жүргізілген жоқ.

Айрықша нұсқаулар

Препарат қарапайым антихолинергиялық жағымсыз әсерлерді тудырмайтын болғандықтан, қуықасты безінің гипертрофиясы бар және глаукомасы бар емделушілерге қолданылуы мүмкін.

Емделушілердің ерекше клиникалық топтары

Егде жастағы немесе бүйрек және/немесе бауыр қызметінің жеткіліксіздігі бар емделушілерге арнайы зерттеулер жүргізілген жоқ.

Дәрілік заттың көлікті немесе қауіпті механизмдерді басқару қабілетіне ықпал ету ерекшеліктері

Емдеу кезеңінде автокөлікті жүргізгенде және зейінді жұмылдыруды және психомоторлы реакциялардың шапшаңдығын қажет ететін қауіпті қызмет түрлерімен айналысқанда сақ болған жөн.

Артық дозалануы

Симптомдары: Теориялық тұрғыдан алғанда, артық дозалану жағдайында орталық жүйке жүйесі қозғыштығының жоғарылағаны байқалуы мүмкін. Симптомдар әдетте тез қайтымды. Жүрек-қантамыр немесе жүйке жүйесі тарапынан симптомдар болуы мүмкін.

Емдеу: Арнайы у қайтарғысы белгісіз. Асқазанды шаю және симптоматикалық ем ұсынылады.

Шығарылу түрі және қаптамасы

Поливинилхлоридті үлбірден және лакпен бастырылған алюминий фольгадан жасалған пішінді ұяшықты қаптамаға 10 капсуладан салынған.

Пішінді ұяшықты 3 қаптама медицинада қолданылуы жөнінде мемлекеттік және орыс тілдеріндегі нұсқаулықпен бірге картон пәшкеге салынған.

Сақтау шарттары

Құрғақ, жарықтан қорғалған жерде, 15оС-ден 25оС-ге дейінгі температурада сақтау керек.

Балалардың қолы жетпейтін жерде сақтау керек!

Сақтау мерзімі

2 жыл

Жарамдылық мерзімі өткеннен кейін пайдалануға болмайды.

Дәріханадан босатылу шарттары

Рецепт арқылы

Өндіруші

“Киевмедпрепарат” ААҚ.

Украина, 01032, Киев қ-сы, Саксаганский к-сі, 139

Тіркеу куәлігінің иесі

“Киевмедпрепарат” ААҚ, Украина

Тұтынушылардан өнім сапасы жөнінде шағымдарды ҚР аумағында қабылдайтын ұйымның мекенжайы:

Қазақстан Республикасындағы «Артериум» корпорациясының өкілдігі

050060, Алматы қ-сы, Әл-Фараби даңғылы, 97 үй, 3 подъезд, «54» кеңсе

Тел/факс: 8(727)315-82-09; 8(727)315-82-10;

Е-mail: Almaty@arterium.ua