Максигра® White (50 мг)

Максигра® White

Силденафил

Дәрілік түрі, дозалануы

Шайнайтын таблеткалар, 50 мг, 100 мг

Несеп-жыныс жүйесі және жыныс гормондары. Урологиялық препараттар. Урологиялық басқа препараттар. Эректильді дисфункция кезінде қолданылатын препараттар. Силденафил.

ATХ коды G04BE03

• жыныстық қатынасты қанағаттандыру үшін жыныстық мүшенің эрекциясына қол жеткізуге немесе сақтауға қабілетсіздігімен сипатталатын эректильді дисфункция.

Максигра® White препараты тек сексуалдық стимуляция кезінде тиімді.

Дәрілік препаратты қолданудың басталуына дейінгі қажетті мәліметтер тізбесі

• белсенді затқа немесе қосымша заттардың кез келгеніне жоғары сезімталдық

• азот тотығы донаторлары (амилнитрит) болып табылатын препараттармен немесе кез келген формадағы нитраттармен бірге қолдану

• гуанилатциклазаның стимуляторларымен (риоцигуат) бір мезгілде қолдану

• көру жүйкесінің алдыңғы артерииттік емес ишемиялық нейропатиясы салдарынан бір көзі көрмей қалу, бұл эпизод ФДЭ5 тежегіштерін алдыңғы қолдануға байланысты болғанына немесе болмағанына қарамастан

• бауыр функциясының ауыр жеткіліксіздігі

• көздің торқабығының тұқым қуалайтын дегенеративті аурулары (мысалы, тұқым қуалайтын пигментті ретинит (бұл пациенттердің аз санында көздің торқабығының фосфодиэстерозасы функцияларының тұқым қуалайтын бұзылуы бар))

• артериялық гипотензия (АҚ < 90/50 мм с. б.)

• жүрек-қантамырларының ауыр аурулары (мысалы, жүрек функциясының ауыр жеткіліксіздігі, тұрақсыз стенокардия)

• соңғы 6 айда болған миокард инфарктісі немесе инсульт

• балалар мен 18 жасқа дейінгі жасөспірімдер

• лактозаға тұқым қуалайтын төзімсіздік, Lapp (ЛАПП) -лактаза тапшылығы, глюкоза-галактоза мальабсорбциясы

• фенилкетонурия (препараттың құрамында аспартамның болуына байланысты).

Басқа дәрілік заттармен өзара әрекеттесуі

Басқа дәрілік заттардың силденафилге әсері

Силденафилді CYP3A4 тежегіштерімен (кетоконазол, эритромицин және циметидин сияқты) бір мезгілде қабылдағанда силденафил клиренсінің төмендеуі байқалады. Алайда, бұл пациенттерде жағымсыз құбылыстардың жиілігі ұлғайған жоқ. Егер силденафилмен емдеу CYP3A4 тежегіштерін қолдану аясында жүргізілсе, силденафилдің бастапқы дозасын 25 мг дейін төмендету керек.

P450 цитохромының күшті тежегіші болып табылатын ритонавир протеазасының АИТВтежегішін силденафилмен (100 мг бір реттік дозада) тепе-теңдік күйде (тәулігіне екі рет 500 мг) бір мезгілде қабылдау силденафилдің ең жоғары концентрациясының (Cmax) 300%-ға (4 есе) ұлғаюына, сондай-ақ қан плазмасындағы силденафил AUC 1000%- ға (11 есе) ұлғаюына әкеледі. 24 сағаттан кейін қан плазмасындағы силденафилдің деңгейі тек силденафилді қабылдағаннан кейін шамамен 5 нг/мл салыстырғанда шамамен 200 нг/мл құрайды. Бұл деректер ритонавирдің P450 цитохромы субстраттарының кең спектріне айқын әсерлерімен сәйкес келеді. Жоғарыда көрсетілген деректерге сүйене отырып, силденафилді ритонавирмен бір мезгілде қолдану ұсынылмайды.

Силденафил ритонавирдің фармакокинетикасына әсер етпейді. Силденафилдің ең жоғары дозасы ешбір жағдайда 48 сағат ішінде 25 мг аспауы тиіс.

CYP3A4 тежегіші болып табылатын саквинавир АИТВ-протеаза тежегішін силденафилмен (100 мг бір реттік дозада) тепе-тең жағдайда (тәулігіне үш рет 1200 мг) бір мезгілде қабылдау силденафилдің Cmax 140%-ға ұлғаюына, сондай-ақ силденафилдің AUC 210%-ға ұлғаюына әкеледі. Силденафил саквинавирдің фармакокинетикасына әсер етпейді.

Кетоконазол және итраконазол сияқты CYP3A4 күшті тежегіштері айқын әсерге ие.

Силденафилді эритромицинмен, орташа CYP3A4 тежегішімен бірге бір рет қабылдағанда силденафилдің жүйелік әсерінің ұлғаюы байқалады.

Азитромицин AUC, Cmax, Tmax, элиминация жылдамдығының тұрақтылығына немесе силденафилдің немесе оның негізгі айналымдағы метаболитінің келесі жартылай шығарылу кезеңіне әсер етпейді.

P450 цитохромының тежегіші және CYP3A4 спецификалық емес тежегіші болып табылатын циметидинді силденафилмен бір мезгілде қолдану қан плазмасындағы силденафил концентрациясын арттырады.

Грейпфрут шырыны ішек қабырғасында CYP3A4-жанама метаболизмінің әлсіз тежегіші болып табылады және қан плазмасында силденафил деңгейінің орташа жоғарылауын тудыруы мүмкін.

Антацидті дәрілерді (магний гидроксиді/алюминий гидроксиді) бір рет қабылдау силденафилдің биожетімділігіне әсер етпейді.

CYP2C9 тежегіштері (толбутамид, варфарин және фенитоин), CYP2D6 тежегіштері (серотонинді кері қармаудың селективті тежегіштері, трициклді антидепрессанттар), тиазидті және тиазид тәрізді диуретиктер, ілмекті және калий жинақтаушы диуретиктер, ангиотензин-өзгертуші фермент (АӨФ) тежегіштері, кальций өзекшелерінің блокаторлары, бета-адренергиялық рецепторлардың блокаторлары және P450 метаболизмдік белсенділіктің индукторлары (рифампицин, барбитураттар) силденафилдің фармакокинетикасына әсер етпейді.

Эндотелин бозентан антагонисін силденафилмен бір мезгілде қолдану силденафилдің AUC және Cmax төмендеуіне әкеледі. Рифампицин сияқты CYP3A4 күшті индукторларымен бір мезгілде қолдану қан плазмасындағы силденафил концентрациясының неғұрлым айқын төмендеуіне себепші болады.

Никорандил калий өзекшелері мен нитрат активаторының гибриді болып табылады. Нитраттық компонент есебінен ол силденафилмен елеулі өзара әрекетке түседі.

Силденафилдің басқа дәрілік заттарға әсері

Силденафилдің теофиллин немесе дипиридамол сияқты спецификалы емес фосфодиэстераз тежегіштерімен өзара әрекеттесуі туралы деректер жоқ.

Силденафил нитраттардың гипотензивті әсерінің күшеюіне, атап айтқанда артериялық қысымның едәуір төмендеуіне әкеледі. Сондықтан оны азот тотығының донаторларымен (амилнитрит) немесе нитраттармен кез келген түрде қолдануға болмайды.

Риоцигуат ФДЭ-5 тежегіштерінің гипотензиялық әсерін күшейтеді. Риоцигуатты ФДЭ-5 тежегіштерімен, оның ішінде силденафилмен бір мезгілде қолдануға болмайды.

Силденафилді альфа-адреноблокаторлармен ем қабылдайтын пациенттерге бір мезгілде қолдану кейбір сезімтал пациенттерде симптоматикалық артериялық гипотензияның туындауына әкелуі мүмкін. Силденафилді қабылдағаннан кейін 4 сағат ішінде пайда болуы мүмкін.

Силденафил мен доксазозинді доксазозинмен емдеу арқылы тұрақтандырылған пациенттерде бір мезгілде қолданған кезде пациенттерде симптоматикалық постуральді артериялық гипотензия пайда болуының сирек жағдайлары туралы хабарланды. Бұл хабарламаларда бас айналу және талма алдындағы жағдайды қамтыды, бірақ талма болмаған.

Силденафилді (50 мг дозада) толбутамидпен (250 мг дозада) немесе варфаринмен (40 мг дозада) бір мезгілде қолданғанда, олардың екеуі де CYP2C9 метаболизденеді, айтарлықтай өзара әрекеттесулер байқалмаған.

Силденафил ацетилсалицил қышқылын қабылдаудан туындаған қан кету уақытын арттыруға ықпал етпейді.

Силденафил (50 мг дозада) 80 мг/дл қандағы алкогольдің орташа ең жоғары деңгейінде алкогольдің гипотензивті әсерінің күшеюіне ықпал етпейді.

Антигипертензивті дәрілік препараттармен бірге қолдану (диуретиктер, бета-блокаторлар, АӨФ тежегіштері, ангиотензин II антагонистері, тамыр кеңейтетін және орталықтан әсер ететін антигипертензивті дәрілік заттар, адренергиялық нейроблокаторлар, кальций өзекшелерінің блокаторлары және альфа-адренорецепторлардың блокаторлары) жағымсыз әсерлер бейінінің айырмашылықтарын анықтаған жоқ. Силденафилді (100 мг дозада) артериялық гипертензиясы бар пациенттерде амлодипинмен бір мезгілде қолданғанда, шалқасынан жатқан жағдайда систолалық артериялық қысымның қосымша төмендеуі силденафилді қолданған кезде байқалған шамаға ұқсас болды.

Силденафил тепе-теңдік жағдайында (100 мг дозада) АИТВ-протеаза, саквинавир және ритонавир тежегіштерінің фармакокинетикасына әсер етпейді, олардың екеуі де CYP3A4 субстраттары болып табылады.

Бозентанмен бірге қолданғанда силденафил бозентанның AUC және Cmax жоғарылауын тудырады.

Арнайы сақтандырулар

Эректильді дисфункцияны диагностикалау және оның ықтимал алғашқы себебін анықтау үшін аурудың тарихын зерттеп, фармакологиялық емдеу мүмкіндіктерін қарастырғанға дейін медициналық тексеру жүргізу керек.

Жүрек-қантамыр ауруларының қауіп факторлары

Эректильді дисфункцияны емдеуді бастамас бұрын емдеуші дәрігердің пациенттердің жүрек-қантамыр жағдайын бағалағаны жөн, себебі жыныстық белсенділікке байланысты жүрек асқынуларының белгілі бір қаупі бар.

Силденафилді тағайындар алдында дәрігерлерге осы препараттың белгілі бір негізгі аурулары бар пациенттердің жай-күйіне, әсіресе олардың жыныстық белсенділікпен үйлескенде тамыр кеңейтетін әсерінің жағымсыз салдарларының ықтималдығын мұқият тексеру керек. Тамырды кеңейтетін дәрілерге жоғары сезімталдық тобына солжақ қарыншаның шығаберіс бөлігінің тарылуы бар пациенттер (мысалы, қолқа қақпақшасының стенозы, гипертрофиялық обструктивті кардиомиопатия), сондай-ақ артериялық қысымды автономды бақылаудың бұзылуының ауыр дәрежесі түрінде көрінетін көптеген жүйелі атрофияның сирек синдромы бар пациенттер жатады.

Максигра® White нитраттардың гипотензиялық әсерін күшейтеді.

Тіркеуден кейінгі кезеңде миокард инфарктісін, тұрақсыз стенокардияны, жүректің кенеттен тоқтап қалуы, қарыншалық аритмияны, цереброваскулярлы қан кетуді, транзиттік ишемиялық шабуылды, артериялық гипертензияны және силденафилді қолдану кезінде артериялық гипотензияны қоса алғанда, күрделі жүрек-қантамыр асқынулары жағдайлары тіркелген. Осы пациенттердің көпшілігінде, бірақ барлығында емес, алдында жүрек-қантамыр ауруларының қауіп факторлары болды. Осы құбылыстардың көпшілігі жыныстық қатынас кезінде немесе аяқталғаннан кейін көп ұзамай тіркелді, сондай-ақ бірнеше құбылыстар жыныстық белсенділіксіз силденафилді қабылдағаннан кейін көп ұзамай тіркелді. Бұл құбылыстардың силденафилді қабылдаумен, жыныстық белсенділікпен, жүрек-қантамырлары ауруларымен, осы факторлардың біріктірілімімен немесе басқа факторлармен тікелей байланысты болғанын анықтауға мүмкіндік жоқ.

Приапизм

Эректильді дисфункцияны емдеуге арналған дәрілік препараттарды, оның ішінде силденафилді жыныс мүшесінің анатомиялық деформациясы бар (ангуляция, кавернозды фиброз немесе Пейрони ауруы сияқты) пациенттерге, сондай-ақ приапизмнің дамуына бейім аурулары бар (орақ тәрізді-жасушалық анемия, көптеген миелома немесе лейкемия сияқты) пациенттерге сақтықпен қолдану керек.

Силденафилді тіркеуден кейінгі қолдану кезеңінде ұзартылған эрекция мен приапизм жағдайлары хабарланды. 4 сағаттан астам уақытқа созылатын эрекция жағдайында пациент жедел медициналық көмекке жүгінуі керек. Шұғыл емдеу болмаған кезде прапизм жыныстық мүше тінінің зақымдануына және потенцияның қайтымсыз жоғалуына әкелуі мүмкін.

Эрекцияның бұзылуларын емдейтін басқа дәрілермен бірге қолдану

Максигра® White препаратының қауіпсіздігі мен тиімділігі басқа ФДЭ5 тежегіштерімен немесе құрамында силденафил (мысалы, Ревацио) бар өкпелік артериялық гипертензияны емдеуге арналған басқа препараттармен немесе эрекцияның бұзылуын емдеуге арналған басқа препараттармен бірге зерттелмеген, сондықтан мұндай біріктірілімді қолдану ұсынылмайды.

Көруге әсері

Силденафил мен ФДЭ5 басқа да тежегіштерін қолданумен байланысты көрудің бұзылу жағдайлары байқалуы мүмкін, атап айтқанда сирек кездесетін ауру - көру жүйкесінің артерииттік емес алдыңғы ишемиялық нейропатиясы. Көру өткірлігінің кез келген ақауы туындаған жағдайда Максигра® White қабылдауды тоқтату және дереу дәрігерге жүгіну керек.

Альфа-адреноблокаторлармен бір мезгілде қабылдау

Силденафилді альфа-адреноблокаторлар тобындағы препаратты қабылдайтын пациенттерге сақтықпен қолдану ұсынылады, өйткені оларды бір мезгілде қолдану кейбір сезімтал пациенттерде симптоматикалық артериялық гипотензияны тудыруы мүмкін. Бұл силденафилді қабылдағаннан кейін 4 сағат ішінде байқалуы мүмкін. Постуральді артериялық гипотензияның даму қаупін азайту үшін силденафилмен емдеуді бастамас бұрын альфа-адреноблокаторлармен ем қабылдайтын пациенттердің гемодинамикалық тұрақтылық жағдайына қол жеткізу керек. Силденафилді 25 мг дозадан бастап қолдану мүмкіндігін қарастыру керек. Бұдан басқа, дәрігерлер пациенттерге постуральді гипотензия симптомдары пайда болған жағдайда қолданылатын әрекеттер туралы нұсқау беруі керек.

Қанның ұюына әсері

Силденафил натрий нитропруссидінің агрегацияға қарсы әсерін күшейтетіні анықталды. Силденафилді қанның ұюы бұзылған немесе белсенді пептикалық ойықжарасы бар пациенттерге қолдану қауіпсіздігі туралы мәліметтер жоқ, сондықтан силденафилді пайда/қауіп арақатынасын мұқият бағалағаннан кейін ғана қолдану керек.

Педиатрияда қолдану

Препаратты балалар мен 18 жасқа дейінгі жасөспірімдерге қолдануға болмайды.

Жүктілік және бала емізу

Максигра® White препараты әйелдерге қолдануға арналмаған.

Дәрілік заттың көлік құралын және қауіптілігі зор мехнаизмдерді басқару қабілетіне әсер ету ерекшеліктері

Силденафил автокөлік құралдарын басқару немесе қауіптілігі зор механизмдермен жұмыс істеу қабілетіне шамалы әсер етуі мүмкін.

Автокөлік құралдарын басқару немесе механизмдермен жұмыс істеу алдында препараттың бас айналу және көрудің бұзылуы сияқты жағымсыз әсерлеріне байланысты пациенттер организмінің Максигра® White препаратын қабылдауға қалай жауап беретінін анықтауы керек.

Қолдану жөніндегі нұсқаулар

Дозалану режимі

Ересектерге қолдану

Максигра® White препаратының ұсынылатын ішуге арналған дозасы жыныстық қатынасқа дейін шамамен 1 сағат бұрын 50 мг құрайды. Тиімділігі мен көтерімділігін ескере отырып, доза 100 мг дейін арттырылуы немесе 25 мг дейін азайтылуы мүмкін. Ең жоғары ұсынылатын доза 100 мг құрайды.

Ұсынылатын ең жоғары қабылдау жиілігі – тәулігіне 1 рет.

Пациенттердің ерекше топтары

Егде жастағы пациенттер

Егде жастағы (≥ 65 жас) пациенттерде дозаны түзету қажет емес.

Бүйрек функциясы бұзылған пациенттер

Бүйрек функциясының жеңіл және орташа бұзылу дәрежесі кезінде (креатинин клиренсі 30-80 мл/мин) дозаны түзету талап етілмейді. Бүйрек функциясы ауыр бұзылған (креатинин клиренсі < 30 мл/мин) пациенттерде силденафил клиренсінің төмендеуіне байланысты Максигра® White препаратын 25 мг дозада қолдану мүмкіндігін қарастыру керек. Препараттың тиімділігі мен көтерімділігіне қарай, қажет болған жағдайда, оның дозасын кезең кезеңімен 50 мг дейін және 100 мг дейін ұлғайтуға болады.

Бауыр функциясы бұзылған пациенттер

Силденафил клиренсі бауыр функциясы бұзылған (мысалы, циррозбен) пациенттерде төмендігіне байланысты препаратты 25 мг дозада қолдану мүмкіндігін қарастыру керек. Препараттың тиімділігі мен көтерімділігіне қарай, қажет болған жағдайда, оның дозасын кезең кезеңімен 50 мг дейін және 100 мг дейін ұлғайтуға болады.

Балалар мен жасөспірім пациенттер

Силденафилді балалар мен 18 жасқа толмаған жасөспірімдерге қолдануға болмайды.

Басқа дәрілік заттарды қабылдайтын пациенттердің қолдануы

Силденафилмен бір мезгілде қабылдау ұсынылмайтын ритонавирді қоспағанда, CYP3A4 тежегіштерімен бірге ем алатын пациенттерге препаратты 25 мг бастапқы дозада қолдану мүмкіндігін қарастыру керек.

Альфа-адреноблокаторлармен емделіп жатқан пациенттерге постуральді артериялық гипотензияның даму қаупін төмендету мақсатында силденафилмен емдеуді бастамас бұрын альфа-адреноблокаторларды алатын пациенттердің жағдайын тұрақтандыру керек. Бұдан басқа, силденафилді 25 мг дозадан бастап қолдану мүмкіндігін қарастыру керек.

Енгізу әдісі мен жолы

Пероральді қабылдауға арналған. Таблеткаларды жұту алдында шайнау керек.

Максигра® White препаратын тамақпен немесе онсыз қабылдауға болады. Дегенмен, тағаммен қабылдаған жағдайда препараттың әсері басталу үшін көп уақыт қажет болуы мүмкін.

Емдеу ұзақтығы

Дәрігердің ұсынымдарына сәйкес.

Артық дозалану жағдайында қабылдау қажет болатын шаралар

Максигра® White (200 мг) препаратының жоғары дозаларын қабылдау препараттың тиімділігін арттырмайды, тек жағымсыз реакциялар жиілігін арттырады (бас ауыру, гиперемия, бас айналу, диспепсия, мұрынның бітелуі және көру арқылы қабылдаудың бұзылуы).

Артық дозаланғанда стандартты симптоматикалық шараларды қабылдау керек.

Гемодиализ силденафил клиренсін жылдамдатпайды, өйткені силденафил қан плазмасының ақуыздарымен белсенді байланысады және несеппен шығарылмайды.

Дәрілік препараттың бір немесе бірнеше дозаларын өткізіп алғанда қолдану қажет шаралар

Өткізіп алған дозаны толтыру үшін қос дозаны қабылдамаңыз.

Дәрілік препаратты қабылдамас бұрын дәрігерден немесе фармацевтен кеңес алыңыз.

ДП стандартты қолдану кезінде көрініс беретін жағымсыз реакциялар сипаттамасы және осы жағдайда қабылдау керек шаралар

Силденафилді қолданғанда, олардың біліну жиілігі бойынша жіктелген жағымсыз әсерлер төмендегіше тіркелген: өте жиі (≥ 1/10), жиі (≥1/100-ден < 1/10-ға дейін), жиі емес (≥1/1000-ден < 1/100-ге дейін) және сирек (≥ 1/10 000 және < 1/1000).

Өте жиі

• бас ауыруы

Жиі

• бас айналу

• мұрынның бітелуі

• түсті ажыратудың бұрмалануы (хлоропсия, хроматопсия, цианопсия, эритропсия, ксантопсия), көрудің бұзылуы, көрудің бұлыңғырлануы

• гиперемия, ысыну

• диспепсия, жүрегі айну

Жиі емес

• ринит

• жоғары сезімталдық

• ұйқышылдық, гипестезия

• көзжасы ағуымен байланысты бұзылулар (көздің құрғауы, көзжасы безі функциясының бұзылуы, көзжасының көп ағуы), көздің ауыруы, фотофобия, фотопсия, көз тамырларының гиперемиясы, көру арқылы қабылдаудың ашықтығы, конъюнктивит 

• кеңістіктік адасу (вертиго), құлақ шулау

• тахикардия, жүрек соғуын сезіну

• артериялық гипертензия, артериялық гипотензия

• мұрыннан қан кету, мұрынның қосалқы қуыстарының бітелуі

• іштің жоғарғы бөлігіндегі ауырсыну, гастроэзофагеальді рефлюкс ауруы, құсу, ауыздың құрғауы

• бөртпе

• миалгия, аяқ-қолдың ауыруы

• гематурия

• кеуде қуысындағы ауырсыну, аса шаршағыштық, ысыну сезімі

• жүректің жиырылу жиілігінің артуы

Сирек

• ми қанайналымының жіті бұзылуы, транзиторлы ишемиялық шабуыл, құрысу ұстамасы, құрысу ұстамасының қайталануы, талып қалу

• көру жүйкесінің алдыңғы артерииттік емес ишемиялық нейропатиясы, торқабық тамырларының окклюзиясы, торқабыққа қан құйылу, артериосклероздық ретинопатия, торқабық ауруы, глаукома, көру өрісінің ақауы, дипломопия, көру өткірлігінің төмендеуі, миопия, астенопия, шыны тәрізді дененің өзгермелі бұлыңғырлануы, нұрлы қабықтың ауруы, мидриаз, көру өрісінде құбылмалы шеңбердің болуы, көздің ісінуі, көздің ісініп кетуі, көрудің бұзылуы, конъюнктивалық гиперемия, көздің тітіркенуі, көзде өзгеше сезімнің болуы, қабақтың ісінуі, аққабық түсінің өзгеруі

• саңыраулық

• жүректің кенеттен тоқтап қалуы, миокард инфаркті, қарыншалық аритмия*, жүрекшелер фибрилляциясы, тұрақсыз стенокардия

• тамақтың қысылу сезімі, мұрын ісінуі, мұрынның шырышты қабығының құрғауы

• ауыз гипестезиясы

• Стивенс-Джонсон синдромы, уытты эпидермальді некролиз

• еркектің жыныстық мүшесінен қан кету, приапизм, гематоспермия, эрекцияның күшеюі

• ашушаңдық

Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек

Қазақстан Республикасы Денсаулық сақтау министрлігі Тауарлар мен көрсетілетін қызметтердің сапасы мен қауіпсіздігін бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препарат құрамы

Бір таблетканың құрамында

белсенді зат – силденафил цитраты 70.24 мг немесе 140.48 мг тиісінше (50.00 мг немесе 100.00 мг силденафилге баламалы),

қосымша заттар: калий полакрилині, сусыз коллоидты кремний, лактоза моногидраты, повидон К-30, аспартам, натрий кроскармеллозасы, жалбыз хош иістендіргіші, магний стеараты, калий гидроксиді немесе хлорсутек қышқылы

Сыртқы түрінің, иісінің, дәмінің сипаттамасы

Ақ түсті, екі беті дөңес, бір жағында "50" нақышталған жазуы бар үшбұрыш пішінді таблеткалар (50 мг доза үшін).

Ақ түсті, екі беті дөңес, бір жағында "100" нақышталған жазуы бар үшбұрыш пішінді таблеткалар (100 мг доза үшін).

Шығарылу түрі және қаптамасы

2 немесе 4 таблеткадан ПВХ/ПТФЭ үлбірінен және алюминий фольгадан жасалған қаптамаға салынады.

1 қаптамадан медициналық қолданылуы жөніндегі мемлекеттік және орыс тілдеріндегі нұсқаулықпен бірге картон қорапшаға салынған.

3 жыл

Жарамдылық мерзімі өткеннен кейін қолдануға болмайды!

Түпнұсқалық қаптамасында, жарықтан қорғалған жерде, 30°С-ден төмен температурада сақтау керек.

Балалардың қолы жетпейтін жерде сақтау керек!

Рецепт арқылы

Өндіруші туралы мәліметтер

Генефарм АҚ, Греция

18 км Маратон Авеню, 15351 Паллини Аттикис, Греция

Тіркеу куәлігінің ұстаушысы

«Химфарм» АҚ, Қазақстан Республикасы, Шымкент қ-сы, Рашидов к., 81

Телефон нөмірі: +7 7252 (610151)

Автожауапбергіш нөмірі: +7 7252 (561342)

Электронды пошта мекенжайы: infomed@santo.kz

Қазақстан Республикасы аумағында тұтынушылардан дәрілік заттар сапасына қатысты шағымдар (ұсыныстар) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«Химфарм» АҚ, Қазақстан Республикасы, Шымкент қ-сы, Рашидов к., 81

Телефон нөмірі: +7 7252 (610151)

Автожауапбергіш нөмірі: +7 7252 (561342)

Электронды пошта мекенжайы: complaints@santo.kz; phv@santo.kz