Майсепт-500

• русский
• қазақша

• Скачать инструкцию медикамента

Саудалық атауы

Майсепт-500

Халықаралық патенттелмеген атауы

Микофенол қышқылы

Дәрілік түрі

500 мг таблеткалар

Құрамы:

Бір таблетканың құрамында

белсенді зат –500мг микофенолат мофетилі

қосымша заттар: микрокристалды целлюлоза (Авицел РН 101), натрий кроскармеллозасы, повидон (К-90), төмен орынбасылған гидрокси-пропилцеллюлозасы (LH-21), магний стеараты, күлгін Опадри 03В50051 бар,

күлгін Опадри 03В50051 құрамы: гипромеллоза 2110 (6ср), титанның қостотығы (Е171), макрогол/полиэтиленгликоль 400, FD&С көгілдір#2, индигокармин (Е171), темірдің қызыл тотығы (E104).

Сипаттамасы

Бір жақ бетінде «MYT 500» таңбаланған, екінші жақ беті таңбасыз, сопақша түрдегі ашық-қызғылт түсті таблеткалар

Фармакотерапиялық тобы

Селективті иммунодепресанттар.

АТХ коды L04АА06

Фармакологиялық қасиеттері

Фармакокинетикасы

Сіңірілуі

Ішке қабылдағаннан соң жылдам және толық сіңеді және белсенді метаболит- микофенол қышқылының (МФҚ) түзілуімен микофенолат мофетилінің (MМФ) толық жүйе алды метаболизмі жүреді. Ішке қабылданғандағы микофенолат мофетилінің биожетімділігі, көктамыр ішіне енгізгендегі мфқAUC көрсеткішіне байланысты орта есеппен 94% құрайды. Ішке қабылдағаннан кейін, микофенолат мофетилінің концентрациясы плазмада анықталмайды. Трансплантациядан кейінгі ерте кезеңде (бүйрек, жүрек немесе бауырды ауыстырып қондырғаннан кейінгі 40 күнге дейін), соңғы трансплантациядан кейінгі кезеңмен (ауыстырып отырғызғаннан кейінгі 3-6 ай) салыстырғанда, мфқAUC орташа көрсеткіші 30% төмен, ал Cmax- шамамен 40% төмен. Тамақ қабылдау, бүйрек трансплантациясынан кейін науқастарға 1.5г–нан тағайындағанда, микофенолат мофетилінің сіңу дәрежесіне әсер етпейді. Алайда МФҚ Cmax, препаратты тамақ ішу уақыттында қабылдағанда 40% төмендейді.

Таралуы

Әдетте, препаратты қабылдағаннан соң шамамен 6-12 сағаттан кейін плазмадағы МФҚ концентрациясының екінші реттегі көтерілуі байқалады, бұл препараттың бауыр-ішектік қайта айналуын көрсетеді. Колестираминмен бір уақытта қабылдағанда мфқAUC 40%-ке төмендейді, ол бауыр-ішектік айналымның тоқтағанын көрсетеді. МФҚ клиникалық маңызы бар концентрацияда плазма альбуминімен 97% байланысады.

Метаболизм

МФҚ негізінен глюкуронилтрансферазаның әсерімен, фармакологиялық белсенді емес фенольды глюкуронид МФҚ (МФҚГ) түзе отырып, метаболизденеді. МФҚГ In vivo бауыр-ішектік қайта айналым барысында, бос МФҚ-ға айналады.

Шығарылуы

Ішке қабылдағаннан кейін Микофенолат мофетилінің қабылданған дозасының 93% - ы несеп арқылы, 6%-ы нәжіс арқылы шығарылады. Енгізілген дозаның көп бөлігі (шамамен 87 %-ы) МФҚГ түрінде несеп арқылы шығарылады. Препараттың аз ғана бөлігі (<1% дозасы ) МФҚ түрінде несеп арқылы шығарылады.

МФҚ және МФҚГ клиникалық анықталатын концентрациясы гемодиализ жолымен шығарылмайды. Алайда МФҚГ (>100мкг/мл) өте жоғарғы концентрациясында кейбір бөлігі шығарылуы мүмкін. Колестирамин типті өт қышқылының секвестранттары бауыр-ішектік қайта айналымын бұзып, мфқ AUC төмендетеді.

Айрықша клиникалық жағдайлардағы фармакокинетикасы

Бір реттік препаратты қабылдаумен зерттеулерде, дені сау немесе айқындығы төмен бүйрек зақымдануымен науқастармен салыстырғанда, ауыр дәрежедегі созылмалы бүйрек жеткіліксіздігімен науқастарда (шумақтық сүзілістің жылдамдығы <25 мл/мин/1.73м2) мфқAUC 28-75% жоғарырақ. Бір реттік дозаны қабылдағаннан кейін, ауыр дәрежедегі бүйрек жеткіліксіздігімен науқастарда мфқAUC 3-6 есе жоғары, бұл МФҚГ–нің бүйрек арқылы шығарылуы жөніндегі белгілі деректерге сәйкес келеді.

Ауыр дәрежедегі созылмалы бүйрек жеткіліксіздігінде микофенолат мофетилін бірнеше рет еңгізуге қатысты зерттеулер жүргізілмеген.

Ауыстырып қондырғаннан кейін бүйрек трансплантатының қызметінің кідіруімен науқастарда МФҚ үшін AUC0-12 орташа мәні, ауыстырып қондырғаннан кейін бүйрек трансплантатының қызметінің кідіруінсіз науқастарда салыстырмалы, ал МФҚГ үшін AUC0-12 орташа мәні плазмада 2-3 есе жоғары.

ММФ ішке қабылдағаннан кейін бауырдың алкогольды циррозымен емделушілерде МФҚ және МФҚГ фармакокинетикасында өзгерістер анықталмаған, ол бауыр паренхимасының зақымдануының ММФ тағайындауға қарсы көрсетілім болып табылмайтынын көрсетеді. Бауыр патологиясының осы үдеріске әсері белгілі ауруға байланысты болуы мүмкін. Өт жолдарының зақымдануының басымырақ болуымен бауыр аурулары жағдайында (мысалы, алғашқы билиарлы цирроз) әсері басқалай болуы мүмкін.

Егде жастағы және қарт (≥65 жас) науқастарда фармакокинетикасы зерттелмеген.

Фармакодинамикасы

Майсепт- 500 фармакологиялық әсері – иммуодепрессивті. Майсепт-500 инозинмонофосфатдегидрогеназаны селективті тежейді және гуанозин нуклетоид de novo синтезін тежейді. Лимфоциттерге айқын цитостатикалық әсер етеді, митогенді, және сондай-ақ аллоспецификалық ынталандыруға жауап ретінде, олардың пролиферациясын тежейді. B-лимфоциттермен антиденелердің түзілуін басады. Эндотелийлермен жасушааралық өзара әрекеттесуге қатысатын лимфоцитарлы және моноцитарлы гликопротеиндердің гликозилирленуінің алдын алады және лимфоциттердің қабыну ошағына көшуін және трансплантаттың ажырап қалуын азайтады, мононуклеарлардың ДНҚ синтезіне және пролиферациясына әсерін бөгейді.

Азатиопринмен және циклоспоринмен біріктірілімде, сондай-ақ антитимоцитарлы глобулиннің индукциялық курсымен трансплантациядан кейін алғашқы 6 ай ішінде жағымсыз нәтижелер жиілігін азайтады.

Қолданылуы

- циклоспориндер және кортикостероидтармен біріктірілімде бүйрек, жүрек немесе бауырды аллогенді ауыстырып қондырғаннан кейін науқастарда трансплантаттың жедел ажырап қалуының алдын алуда

Қолдану тәсілі және дозалары

Майсепт-500 ішке, аш қарынға тағайындалады. Трансплантаттың ажырап қалуының алдын алу үшін — кортикостероидтар және циклоспориндермен біріктіріп, 1 грамнан күніне 2 рет (алғашқы дозаны трансплантациядан кейін 3-тәулік бойы қабылдау керек). Басқа емге рефрактерлі ажырап қалу реакциясын емдеу үшін — 1,5 г күніне 2 рет, сондай-ақ біріктіріп.

Майсепт-500 емдеу мүшелерді трансплантациялауда арнайы білімі бар мамандармен ғана тағайындалуы және демеп тұрылуы керек.

Бүйрек трансплантатының ажырап қалуының алдын алу

Ересектер: Майсепт-500 ішу арқылы, ауыстырып қондырғаннан кейін 72 сағат ішінде тағайындау керек. Бүйрегі ауыстырып қондырылған емделушілер үшін ұсынылған доза 1 г құрайды, күніне екі рет тағайындалады (тәуліктік доза 2 г).

Жүрек трансплантатының ажырап қалуының алдын алу

Ересектер: Майсепт-500 ішу арқылы, ауыстырып қондырғаннан кейін 5 күн ішінде бастау керек. Жүрек трансплантатымен емделушілер үшін ұсынылған доза күніне екі рет 1.5 г құрайды (тәуліктік доза 3 г).

Бауыр трансплантатының ажырап қалуының алдын алу

Ересектер: мүмкіндігінше трансплантациядан кейін дереу маманның тағайындауы бойынша Майсепт-500 ішу арқылы тағайындалуымен Микофенолат мофетилі бауырды ауыстырып қондырғаннан кейін алғашқы 4 күн ішінде көктамыр ішіне енгізілуі керек. Бауыры ауыстырылып қондырылған емделушілер үшін ұсынылған ішу арқылы дозасы күніне екі рет 1.5 г құрайды (тәуліктік доза 3 г).

Айрықша жағдайлардағы дозасы

Егде жаста қолданылуы (> 65 жас): Аталған жас мөлшеріне сәйкес келетін бүйрегі ауыстырылып қондырылған емделушілер үшін ұсынылған 1 г дозасы күніне екі рет қабылдауға, және жүрегі мен бауыры ауыстырылып қондырылған емделушілер үшін ұсынылған 1.5 г дозасы екі рет қабылдауға тағайындалады.

Бүйрек жеткіліксіздігінде қолданылуы: созылмалы ауыр бүйрек жеткіліксіздігімен (шумақтық сүзіліс жылдамдығы <25 мл/мин/1.73м2) емделушілерде бүйректі ауыстырып қондырғанда трансплантациядан кейінгі кезеңнен басқа уақытта күніне екі рет 1 г артық дозадан аулақ болу керек. Бұл емделушілер мұқият бақылауда болуы керек.

Операциядан кейінгі кезеңде бүйрек трансплантатының баяулатылған қызметімен емделушілер үшін дозаны өзгертудің қажеті жоқ. Созылмалы ауыр бүйрек жеткіліксіздігімен жүрек немесе бауыры ауыстырып қондырылған емделушілер үшін деректер жоқ.

Бауыр қызметінің ауыр бұзылуында қолданылуы: бауырдың ауыр паренхиматозды ауруларымен бүйрегі ауыстырып қондырылған емделушілер үшін дозаны іріктеудің қажеті жоқ. Бауырдың ауыр паренхиматозды ауруларымен жүрегі ауыстырып қондырылған емделушілер үшін деректер жоқ.

Жағымсыз әсерлері

Өте жиі (>10%)

• акне, жай герпес, белдеуленген теміреткі, бөртпе, қышыма, жоғары тершеңдік

• аяқтың құрысуы, бұлшықетттің ауыруы, бұлшықет әлсіздігі

• жөтелдің күшеюі, ентігу, ринит, синусит, фарингит, бронхит, пневмония, бронх демікпесі, плевралық жалқық, ателектаз

• артериялық гипертензия, аритмия, брадикардия, жүрек жеткіліксіздігі, перикардиальді жалқық, шеткергі ісінулер, асцит

• ықылық, жүректің айнуы, құсу, анорексия, іш қату, диарея, метеоризм, диспепсия, ауыз қуысы шырышты қабатының кандидозы, эзофагит, холангит, гастрит, асқазан, он екі елі ішектің ойық жарасы, холестатикалық сарғаю, гепатит, панкреатит, колит, кейбір жағдайларда ішек түйіршіктерінің атрофиясы

- гематурия, бүйрек өзекшелерінің некрозы, несеп шығару жолдарының жұқпасы, бүйрек қызметінің бұзылуы, олигурия

• бас айналуы,бас ауыруы, ұйқысыздық, діріл, психомоторлы қозу, үрейлену сезімі, сананың шатасуы, депрессия, гипертонус, парестезиялар, ұйқышылдық, амблиопия, құрысу

• астения, қызба, іштің, белдің, кеуде қуысының ауыруы

• жұқпалық асқынулар, цитомегаловирусты этиологиядағы колит, оппортунистиктік жұқпалар, сепсис, перитонит

• анемия (оның ішінде, гипохромды), лейкоцитоз, лейкопения, тромбоцитопения, экхимоздар

• ацидоз (метаболикалық немесе респираторлық), дене салмағының артуы, гиперволемия

• гипергликемия, гипер- немесе гипокалиемия, гипофосфатемия, гипербилирубинемия, қалдық азоттың жоғарылауы, креатининнің жоғарылауы, қан сарысуындағы ферменттер (ЛДГ, АСТ, АЛТ) белсенділігінің жоғарылауы, гиперхолестеринемия, гиперлипидемия, гиперурикемия, гипомагниемия, гипонатриемия; гипокальциемия, гипопротеинемия

Жиі (3-10%)

• шаштың түсіп қалуы, терінің қатерсіз жаңа түзілімдері, зеңдік дерматит, гирсутизм, терінің гипертрофиясы, терінің ойық жарасы, терінің обыры

• мұрыннан қан кету, қанды қақырық, жаңа түзілімдер, пневмоторакс, қақырықтың бөлінуінің күшеюі, дауыстың өзгеруі, гипервентиляция, тыныс жолдарының кандидозы, өкпенің ісінуі

• стенокардия, гипотония, оның ішінде ортостатикалық, тахикардия, тромбоз, вазодилатация, суправентрикулярлы аритмиялар және асқазандық экстрасистолалар, жүрекшелердің жыпылықтауы және дірілдеуі, суправентрикулярлы және қарыншалық тахикардиялар, іркілген жүрек жеткіліксіздігі, өкпе гипертензиясы, вазоспазм, көктамырлық қысымның жоғарылауы

• несеп шығарудың жиілеуі, никтурия, дизурия, несепті ұстай алмау және іркілуі, альбуминурия, гидронефроз, бүйрек жеткіліксіздігі, жедел бүйрек жеткіліксіздігі, ұманың ісінуі, импотенция

• қант диабеті, қалқанша без маңындағы аурулар, Кушинг синдромы, гипотиреоз

• қаңқа бұлшықетінің гипертонусы, құрысулар, көңіл күйдің ауытқымалығы, елестеулер, нейропатия, психоз, патологиялық ойлар

• катаракта, конъюнктивит, көрудің бұзылуы, саңыраулық, құлақтың ауыруы, көзге қан құйылу, вестибулярлы бас айналуы

• ауыр, өмірге қауіп төндіретін жұқпалардың (менингит, жұқпалы эндокардит) жекелеген жағдайлары, туберкулез және атипиялық микобактериялық жұқпалар секілді кейбір жұқпалардың жиілігінің жоғарылауы

• тұмауға ұқсас синдром, жалпы әлсіздік

• кисталар (оның ішінде лимфоцеле және гидроцеле), операциядан кейінгі жарықтар

• панцитопения, полицитемия

• гемостаздың бұзылуы (петехиялар, протромбиндік және тромбопластиндік уақыттың ұзаруы)

• қан сарысуында сілтілі фосфатаза, гамма-глютамилтранспептидаза белсенділігінің жоғарылауы, гиперкальциемия, гипогликемия, гипохлоремия

Қолдануға болмайтын жағдайлар

• препаратқа және микофенол қышқылына жоғарғы сезімталдық

• препарат компоненттеріне жоғарғы сезімталдық

• асқазанның және он екі елі ішек ойық жара ауруларының және АІЖ басқа ауруларының асқынуында

• жүктілік және емшекпен емізу кезеңінде

• балаларға және 18 жасқа дейінгі жас өспірімдерге

Дәрілермен өзара әрекеттесуі

Бүйрек жеткіліксіздігінде Майсепт-500 және ацикловирді бір уақытта қабылдағанда екі препараттың да плазмадағы концентрациясы жоғарылайды, мүмкін өзекшелік сөлініске қатысты бәсекелестікке байланысты, ол өз кезегінше ары қарай екі дәрілік препараттың да концентрациясының жоғарылауына әкелуі мүмкін.

Құрамында магний гидроокисі және алюминий бар антацидтер микофенолат мофетилінің сіңуін төмендетеді.

Бұрын 4 күн ішінде колестираминді 4 г-нан тәулігіне 3 рет қабылдағандарға Майсепт-500 бір реттік дозасын тағайындағаннан кейін, мфқ AUC 40% азайған. ММФ және бауыр-ішектік қайта айналымға әсер ететін препараттарды бір уақытта тағайындағанда сақтық шараларын сақтау керек.

Майсепт-500 циклоспориннің фармакокинетикасына әсер етпейді. Майсепт-500 және ганцикловирді бір уақытта тағайындау екі препараттың да концентрациясының жоғарылауына әкеледі. Микофенол қышқылының фармакокинетикасының ары қарай өзгермеуіне байланысты, Майсепт-500 дозасын түзету қажет емес. Майсепт-500 және ганцикловир препараты мен оның туындыларын қабылдайтын бүйрек жеткіліксіздігімен емделушілер дәрігердің мұқият бақылауында болуы керек.

Майсепт-500 ішу арқылы қабылданатын контрацептивтерге қоса қабылдағанда қосымша контрацепцияның басқа әдістерін қолдану керек.

Триметоприм/сульфаметоксазол, норфлоксацин, метронидазол МФҚ биожетімділігіне әсер етпейді. Бірақ Майсепт-500 бір рет қабылдағаннан кейін, Майсепт-500 норфлоксацин және метронидазолмен біріктіріп бір уақытта тағайындау МФҚ АUС0-48 30% азайтады.

Бауырды және бүйректі ауыстырып қондырғаннан кейін емделушілерде такролимуспен бір уақытта қабылдағанда МФҚ AUC және Cmax әсері анықталмаған. Бүйрек трансплантациясынан кейін емделушілерде Майсепт-500 тағайындау такролимустің концентрациясына әсер еткен жоқ.

Тұрақты бауыр трансплантатымен науқастарда Майсепт-500 1.5 г в дозада тәулігіне 2 рет бірнеше рет қабылданғаннан кейін такролимус AUC шамамен 20% артқан.

Жүрек пен өкпені бір мезгілде ауыстырып қондырғаннан кейін, рифампицинмен бір уақытта қабылдағанда, дозаны түзеткеннен кейін МФҚ әсері 70% (АUС0-12) төмендегіні анықталған. Бірге тағайындағанда клиникалық әсерін демеп тұру үшін қан плазмасында МФҚ тұрақты концентрациясын бақылау және Майсепт-500 дозасын түзету ұсынылады.

Өзекшелік сөлініс бөгегіштері (пробенецид) МФҚГ концентрациясын жоғарылатады.

Севеламер және басқа құрамында кальций жоқ фосфатбайланыстыратын препараттарды, МФҚ сіңірілуіне әсерін азайту үшін Майсепт-500 қабылдағаннан кейін, 2 сағаттан соң тағайындау керек.

Тірі вакциналар емделушілерге иммунодепрессия жағдайында енгізілмеуі керек. Антидене түзілуі басқа вакциналарға жауап ретінде төмендеуі мүмкін.

Айрықша нұсқаулар

Жалпы қауіпсіздік шаралары

Майсепт-500 иммуносупрессивті сызбаның компоненті ретінде тағайындағанда лимфомалар мен басқа да, әсіресе терінің қатерлі жаңа түзілімдерінің даму қаупі жоғарылайды. Бұл қауіп қандай да болмасын препаратты қабылдаумен емес, иммуносупрессияның қарқындылығы мен ұзақтығына байланысты.

Тері обырының дамуының жоғары қаупімен басқа аурулардағыдай сәйкес жабық киіммен және күн сәулесінен қорғайтын жоғары дәрежедегі қорғау факторымен кремдерді пайдаланумен күн және, ультракүлгін сәулелердің әсерін шектеу керек.

Майсепт-500 қабылдайтын науқастар, дәрігерге жұқпаның кез келген белгілерінде, қанағыштықта, қан кетуде немесе сүйек кемігінің бәсеңдетілуінің кез келген белгілерінде дереу хабарлау туралы хабардар болуы керек.

Иммунды жүйені шамадан тыс бәсеңдету жұқпаларға, оның ішінде оппортунистік, сепсиске және өліммен аяқталатын басқа жұқпаларға сезімталдықты жоғарылатуы мүмкін. Майсепт-500 емдеу барысында вакцинацияның тиімділігі төмен болуы мүмкін; тірі әлсіздендірілген вакциналарды қолданудан аулақ болу керек. Ұлттық ұсыныстарға сәйкес тұмауға қарсы вакцинация жүргізуге болады.

Майсепт-500 қолдану АІЖ тарапынан жағымсыз реакциялармен жүруі мүмкін болғандықтан, Майсепт-500 асқыну сатысындағы асқорыту жолдарының ауруларымен науқастарға тағайындағанда сақтық шараларын сақтау керек.

Майсепт-500 инозинмонофосфатдегидрогеназаның (ИМФДГ) тежегіші болғандықтан, теориялық көз қараста оны сирек кездесетін генетикаға байланысты тұқым қуалаған гипоксантингуанинфосфорибозилтрансфераза (Леша-Найен және Келли-Зигмиллер синдромдары) тапшылығымен емделушілерге тағайындауға болмайды.

Бүйрек трансплантаты қызметінің іркілуімен науқастарда дозаны түзетудің қажеттігі жоқ болғанмен, оларды мұқият бақылау керек. Жүрек пен бауыры ауыстырып қондырылған және бүйректің ауыр жеткіліксіздігімен науқастарға қатысты деректер жоқ.

Майсепт-500 азатиопринмен бір уақытта тағайындау ұсынылмайды, өйткені екі препарат та сүйек кемігін бәсеңдетеді және оларды бір уақытта қабылдау зерттелмеген.

Майсепт-500 бауыр-ішектік айналымға әсер ететін препаратармен бір уақытта тағайындағанда сақтық шараларын сақтау керек, өйткені олар

Майсепт-500 тиімділігін төмендетуі мүмкін.

Қарт жастағы науқастарда жағымсыз әсерлер қаупі жасырақ емделушілердегі жағымсыз әсерлер қаупіне қарағанда жоғары болуы мүмкін.

Зертханалық көрсеткіштерді бақылау

Майсепт-500 емдеу барысында қанның кеңейтілген формуласын анықтау керек алғашқы ай ішінде - апта сайын, екінші және үшінші ай ішінде – айына 2 рет, ал содан кейін алғашқы жыл бойы - ай сайын. Нейтропения Майсепт-500 қабылдаумен де, сондай- ақ басқа дәрілік препараттарды қабылдаумен, вирусты жұқпалармен немесе осы себептердің біріктірілімімен байланысты болуы мүмкін. Нейтропения пайда болғанда (нейтрофилдердің абсолютті саны 1300/мкл төмен) осы науқастарды мұқият бақылай отырып, Майсепт-500 емді тоқтату керек немесе дозасын азайту керек.

Лимфопролиферативті үдерістердің даму қаупінің жоғарылау мүмкіндігін ескеріп (1% жуық жағдай ), шеткергі қан құрамын үнемі бақылау керек, нейтрофилдер саны 1,3·103 /мкл төменге азайғанда дозаны редукциялау немесе емдеуде үзіліс керек (және сәйкес ем жүргізу). Шумақтық сүзіліс жылдамдығы 25 мл/мин төмендеген жағдайда тәулігіне 2 реттен көп қолдану ұсынылмайды.

Жүктілік және лактация кезеңі

Курс кезінде және аяқталғаннан кейін 6 апта ішінде міндетті түрде сенімді контрацепция қажет; сонда да жүкті болып қалған жағдайда, оны үзу мүмкіндігін қарастыру керек.

Жүктіліктің бар жоғына теріс тест нәтижесі алынғанша Майсепт-500 емді бастау ұсынылмайды. Тиімді контрацепция Майсепт-500 емдеуді бастағанға дейін, емдеу барысында және емді аяқтағаннан кейін алты апта жүргізілуі керек.

Емделушілер жүкті болған жағдайда дереу дәрігермен кеңесуі керек.

Майсепт-500 қолдану жүктілік кезінде ұсынылмайды және ешқандай сәйкес келетін баламалы ем қол жетімді болмаған жағдайда ғана тағайындалады.

Дәрілік заттың көлік құралдарын және әлеуетті қауіпті механизмамдерді басқару қабілетіне әсер ету ерекшеліктері

Фармакодинамикалық бейіні және жағымсыз әсерлері Майсепт-500 қабылдау кезінде көлік жүргізу және әлеуетті қауіпті механизмдермен жұмыс жасаудан аулақ болу керектігін көрсетеді.

Артық дозалануы

Симптомдары: асқазан-ішектік және гемотологиялық (атап айтқанда нейтропения) жағымсыз әсерлер жиілігінің артуы. Емдеу: препараттың дозасын азайту немесе тоқтату. Экскрециясын жылдамдату үшін өт қышқылдарының секвестранттары тағайындалуы мүмкін. Глюкуронидтің аздаған мөлшері гемодиализ көмегімен (микофенол қышқылы диализденбейді) шығарылуы мүмкін. Шығарылу түрі және қаптамасы

10 таблеткадан мөлдір емес, ақ пішінді ұяшықты қаптамаларға салынған.

3 пішінді қаптамадан медицинада қолданылуы жөнінде мемлекеттік және орыс тілдеріндегі нұсқаулықпен бірге картон пәшкеге салынған.

Сақтау шарттары

30°С-ден аспайтын температурада сақтау керек. Балалардың қолы жетпейтін жерде сақтау керек!

Сақтау мерзімі

24 ай Қаптамада көрсетілген жарамдылық мерзімі өткеннен кейін қолдануға болмайды Дәріханадан босатылу шарттары

Рецепт арқылы

Өндіруші

Панацея Биотек Лтд,

Малпур, Бадди, Техсил Налагарх,

Солан районы (Х.П)-173205, Үндістан

Тіркеу куәлігінің иесі

Панацея Биотек Лтд, Үндістан

Қаптаушы

Панацея Биотек Лтд , Үндістан

Қазақстан Республикасы аумағында тұтынушылардан өнім (тауар)сапасына қатысты шағымдарды қабылдайтын ұйымның мекенжайы:

«Корал-Мед Казахстан» ЖШС

Алматы қаласы , Әуезов көшесі 3

Тел./факс + 7 727 266 95 50, E-mail: coralmedkz@mail.ru