Лосар-50

• русский
• қазақша

• Скачать инструкцию медикамента

Саудалық атауы

Лосар - 50

Халықаралық патенттелмеген атауы

Лозартан

Дәрілік түрі

Үлбірлі қабықпен қапталған таблеткалар.

Құрамы

Бір таблетканың құрамында

белсенді зат – 25 мг және 50 мг калий лозартаны,

қосымша заттар: -

ЩЕСТВО000000000000000000000000000000000000000000000000000000000000000000000000000000000000000000000000000000000000000 микрокристалды целлюлоза, лактоза моногидраты, желатинделген крахмал, тазартылған тальк, магний стеараты,

қабықтың құрамы: опадрай ақ 02В18000, опадрай қызғылт 04B540002-

ЩЕСТВО000000000000000000000000000000000000000000000000000000000000000000000000000000000000000000000000000000000000000, изопропилді спирт, дихлорметан.

Cипаттамасы

Дөңгелек пішінді екі жағы дөңес, ақ түсті үлбірлі қабықпен қапталған, бір жағында алтыбұрыш таңбаланған екінші жағында бөлуге арналған сызығы бар (25 мг доза үшін) таблеткалар.

Сопақша пішінді, екі беті дөңес ашық-қызғылт түсті үлбірлі қабықпен қапталған, бір жағында бөлуге арналған сызығы бар (50 мг доза үшін) таблеткалар.

Фармакотерапиялық тобы

Ангиотензин II антагонистері. Лозартан.

АТХ коды С09СА01

Фармакологиялық қасиеттері

Фармакокинетикасы

Лосар асқазан-ішек жолдарынан жылдам сіңеді. Биожетімділігі шамамен 33 %. Бауырдан «алғаш өту» әсеріне ие, белсенді метаболит түзумен Р450 цитохромның 2С9 изоферменті қатысуымен карбоксилдену жолымен метаболизденеді.

Лозартанның ең жоғары концентрацияға жету уақыты 1 сағатты құрайды, тиісінше белсенді метаболитке 3-4 сағат. Қан плазмасының ақуыздарымен лозартанның және белсенді метаболиттің байланысуы жоғары - 99 %. Жартылай шығарылу кезеңі (Т1/2) 6-9 сағатты құрайды. Дозаның шамамен 35 %-ы несеппен, 60 % - ішек арқылы шығарылады.

Фармакодинамикасы

Гипотензивті препарат, ангиотензин II рецепторларының пептидті емес блокаторы болып табылады. АТ1 түріндегі рецепторларға жоғары селективтілігі және аффинитеттілігі бар. Көрсетілген рецепторларды бөгей отырып, Лосар ангиотензин II тамырларды тарылтатын әсерін, оның бүйрек үсті безінің альдостерон секрециясын стимуляциялаушы әсерін және ангиотензин II кейбір басқа да әсерлерін ескертеді және жояды. Брадикининді ыдырататын киназа II ферментті бәсеңдетпейді. Жалпы шеткергі тамыр қарсыласуын (ЖШТҚ), адреналин және альдостеронның қандағы концентрациясын, артериялық қысымды (АҚ), кіші қан айналымдағы қысымды төмендетеді; жүктемені азайтып, диурездік әсер етеді. Миокард гипертрофиясы дамуына кедергі келтіреді, жүрек жеткіліксіздігі бар пациенттерде дене жүктемесіне төзімділікті жоғарылатады.

Бір рет қабылдағаннан кейін гипотензиялық әсері ең жоғары деңгейіне 6 сағат ішінде жетеді (систолалық және диастолалық АҚ азаяды), содан соң 24 ішінде біртіндеп төмендейді.

Препаратты қабылдай бастағаннан 3-6 аптадан соң ең жоғары гипотензиялық әсерге жетеді.

Фармакологиялық деректер бауыр циррозы бар науқастардың қан плазмасындағы Лосардың концентрациясы едәуір артатындығын көрсетті, сондықтан сыртартқысында бауыр аурулары бар пациенттерге азырақ дозада қабылдау ұсынылады.

Қолданылуы

- жеңілден орташа дәрежеліге дейінгі артериялық гипертензияда. Препаратты монотерапия түрінде, сондай-ақ басқа да гипотензиялық препараттармен біріктірілімде қабылдауға болады.

Қолдану тәсілі және дозалары

Лосар препаратын ас ішуге қарамастан ішке қабылдайды, қабылдау жиілігі – тәулігіне 1 рет.

Артериялық гипертензияда орташа тәуліктік доза 50 мг құрайды. Жекелеген жағдайда үлкен әсерге жету үшін дозаны 100 мг-ге дейін ұлғайтады. Екі қабылдауға немесе күніне 1 рет.

Диуретиктерді жоғары дозаларда қабылдайтын пациенттерге препаратты тағайындағанда, Лосардың бастапқы дозасын тәулігіне 1 рет 25 мг-ге дейін төмендету керек.

Егде жастағы пациенттерге немесе бүйрек функциясы бұзылған адамдарда гемодиализде жүрген пациенттерді қоса, дозаны түзетудің қажеті жоқ.

Бауыр функциясының бұзылуы бар пациенттерге Лосардың бұдан төмен дозаларын тағайындау керек.

Ең жоғары гипертензияға қарсы әсері препаратты қабылдауды бастағаннан кейін 3-6 аптадан соң дамиды. Емдеу курсының ұзақтығын емдеуші дәрігер емдік әсерге байланысты анықтайды.

Жағымсыз әсерлері

Жиі

- бас айналуы, астения, бас ауыруы, қажығыштық, ұйқысыздық

– мұрынның бітелуі, жөтел, жоғары тыныс алу жолдарының инфекциялары (дене қызуының көтерілуі, тамақтың ауыруы, синусопатия, синусит, фарингит)

- жүрек айнуы, диарея, диспепсиялық көріністер, іштің ауыруы

– құрысулар, миалгия, белдің, кеуде тұсының, аяқтың ауыруы

- ортостатикалық гипотензия (дозаға тәуелді), жүрек қағуы, тахи- немесе брадикардия, аритмиялар, стенокардия, анемия.

Сирек

- мазасыздық, ұйқының бұзылуы, ұйқышылдық, жадының бұзылуы, шеткергі нейропатия, парестезиялар, гипостезия, бас сақинасы, тремор, атаксия, депрессия, синкопе, құлақтағы шуыл, дәм сезудің бұзылуы, көрудің өзгеруі, конъюнктивит

- диспноэ, бронхит, ринит

- анорексия, ауыздың құрғауы, тістің ауыруы, құсу, гастрит, метеоризм, іш қатуы

- артралгия, иықтың, тізенің ауыруы, артрит, фибромиалгия

- императивті несепті ұстай алмау, несеп шығару жолдарының инфекциялары, бүйрек функциясының бұзылуы, либидоның әлсіреуі, импотенция

- терінің құрғауы, эритема, фотосенсибилизация, қатты тершеңдік, алопеция

- есекжем, бөртпе, қышыну, ангионевроздық, оның ішінде бет, ерін, жұтқыншақ және/немесе тілдің ісінуі

- гиперкалиемия (қан сарысуындағы калий 5,5 ммоль/л астам).

Қолдануға болмайтын жағдайлар

- препарат компоненттеріне жоғары сезімталдық

- артериялық гипотензия

- жүктілік және лактация кезеңі

- 18 жасқа дейінгі балаларға (тиімділігі және қауіпсіздігі анықталмаған).

Дәрілермен өзара әрекеттесуі

Гидрохлортиазидпен, дигоксинмен, тікелей емес антикоагулянттармен, циметидинмен, фенобарбиталмен клиникалық маңызды өзара әрекеттестігі анықталмаған.

Дегидратациясы бар пациенттерде (бұрын диуретиктердің үлкен дозаларымен емделу) АҚ айқын төмендеуі пайда болуы мүмкін.

Басқа гипотензивті заттардың (несеп айдағыш, бета-адреноблокаторлар, симпатолитиктер) әсерін (қайтымды) күшейтеді.

Калий жинақтайтын диуретиктермен және калий препараттарымен бірге қолданғанда гиперкалиемия даму қаупін жоғарлатады.

Айрықша нұсқаулар

Лосарды тағайындаудың алдында дегидратацияны түзету керек немесе емдеуді препаратты төменірек дозада қолданудан бастау керек.

Ренин-ангиотензин жүйесіне әсер ететін препараттар билатеральді бүйрек стенозы немесе жалғыз бүйрек артериясының стенозы бар пациенттерде қандағы мочевина концентрациясын және қансарысуының креатининін жоғарылатуы мүмкін.

Емдеу кезінде әсіресе бүйрек функциясы бұзылуы бар егде жастағы пациенттердің қандағы калий концентрациясын ұдайы бақылау керек.

Дәрілік заттың көлік құралдарын немесе қауіпті механизмдерді басқару қабілетіне әсер ету ерекшеліктері

Жағымсыз әсерлер (мысалы, бас айналуы, астения, ұйқысыздық) пациенттің зейін қою қабілетін және реакциясын әлсіретуі мүмкін. Механизмдермен жұмыс істегенде және көлік құралдарын жүргізгенде сақ болу керек.

Артық дозалануы

Симптомдары: артериялық қысымның айқын төмендеуі, тахикардия, парасимпатикалық (вагусты) стимуляциялаудан брадикардия пайда болуы мүмкін.

Емі: симптоматикалық ем, қарқынды диурез, гемодиализ тиімсіз.

Шығарылу түрі және қаптамасы

Алюминий фольгадан немесе ПВХ/ПВХД/алюминий фольгадан жасалған пішінді ұяшықты қаптамада 10 таблеткадан. 1 пішінді ұяшықты қаптамадан медициналық қолдану жөніндегі мемлекеттік және орыс тілдеріндегі нұсқаулықпен бірге картон қорапшаға салынған.

.

Сақтау шарттары

Құрғақ, жарықтан қорғалған жерде 25°С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

3 жыл

Жарамдылық мерзімі өткеннен кейін пайдалануға болмайды.

Дәріханалардан босатылу шарттары

Рецепт арқылы

Өндіруші

UNICHEM LABORATORIES LTD,

Village Bhatauli Kalan, Baddi, Dist. Solan (H.P.) - 173205, Үндістан

Тіркеу куәлігінің иесі

UNICHEM LABORATORIES LTD, Үндістан

Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын ұйымның мекенжайы

«APC Healthcare Limited» Қазақстандағы өкілдігі

050040, Алматы қ., Попов к-сі 19, 301 кеңсе

Тел: (8727) 260-84-33, факс: (8727) 386-82-25

E-mail: rahulsingh@apchealthcare.com