Лорада ОДТ

• русский
• қазақша

• Скачать инструкцию медикамента

Саудалық атауы

ЛОРАДА ОДТ

Халықаралық патенттелмеген атауы

Дезлоратадин

Дәрілік түрі

Ауыз қуысында ұнтақталынатын таблеткалар, 5 мг

Құрамы

Бір таблетканың құрамында

белсенді зат: 5 мг дезлоратадин бар,

қосымша заттар: калий полакрилині, лимон қышқылы моногидраты, магний стеараты, натрий кроскармеллозасы, «Тутти Фрутти» хош иістендіргіші, аспартам, микрокристалды целлюлоза, маннитол, темірдің қызыл тотығы (Е 172), калий гидроксиді.

Сипаттамасы

Дөңгелек пішінді, тегіс, шеттері қиғашталған және бір жағында «5» өрнегі бар, кірпіш тәрізді қызыл түсті таблеткалар.

Фармакотерапиялық тобы

Жүйелі қолдануға арналған басқа да антигистаминдік препараттар. Дезлоратадин

АТХ коды R06AX27

Фармакологиялық қасиеттері

Фармакокинетикасы

Дезлоратадин қан плазмасында қабылдағаннан кейін 30 минут ішінде анықтала бастайды. Дезлоратадин плазмадағы ең жоғарғы концентрациясына орташа алғанда 3 сағаттан соң жетеді, жартылай шығарылу кезеңі орташа алғанда 27 сағатты құрайды. Дезлоратадиннің жинақталу дәрежесі оның жартылай шығарылу кезеңіне (27 сағатқа жуық) және қолданылу жиілігіне (тәулігіне бір рет) сәйкес келеді. Дезлоратадиннің биожетімділігі 5-тен 20 мг дейінгі ауқымдағы дозасына пропорционалды болған. Қарқынды метаболизмге ұшырайды. Дезлоратадин метаболизмінің негізгі жолы – глюкуронидпен байланысқан 3-ОН-дезлоратадин түзе отырып 3 қалыпта гидроксилдену. Дезлоратадин CYP3A4 in vivo тежемейді, және in vitro зерттеулер медициналық препараттың CYP2D6 тежемейтінін және П-гликопротеиннің субстраты немесе тежегіші болып табылмайтынын көрсетті. Гематоэнцефалдық бөгет арқылы өтпейді. Дезлоратадин плазма ақуыздарымен орташа (83 – 87%) байланысады. Дезлоратадинді тәулігіне бір рет 5-тен 20 мг дейінгі дозада 14 күн бойы қолданғанда, препараттың клиникалық елеулі жинақталу белгілері анықталмаған. Тағамның (жоғары калориялы майлы таңғы ас) дезлоратадиннің сіңуіне әсер етпейтіні анықталған.

Дезлоратадин организмнен глюкуронидтік қосылыс түрінде шығарылады. Дозасының азғантай бөлігі өзгеріссіз күйде нәжіспен және несеппен шығарылады.

Фармакодинамикасы

ЛОРАДА ОДТ шеткергі гистаминдік Н1-рецепторлардың тыныштандыратын әсер бермейтін селективті блокаторы болып табылады.

ЛОРАДА ОДТ лоратадиннің негізгі белсенді метаболиті болып табылады. Дезлоратадин мен лоратадиннің уыттылық профильдерінде сапалық немесе сандық айырмашылықтар анықталмаған. ЛОРАДА ОДТ ішу арқылы қабылдағаннан кейін шеткергі Н1-гистаминдік рецепторларды селективті бөгейді және гематоэнцефалдық бөгет арқылы өтпейді. Антигистаминдік белсенділігінен басқа ЛОРАДА ОДТ аллергияға қарсы және қабынуға қарсы әсер етеді. ЛОРАДА ОДТ аллергиялық қабыну дамуы негізіндегі түрлі реакцияларды бәсеңдететіні анықталған, атап айтқанда:

• қабыну цитокиндерінің (жуан жасушалардан базофилдерден IL-4, IL-6, IL-8 және IL-13,) бөлінуі;

• қабынуға қарсы хемокиндердің бөлінуі;

• полиморфты ядролы нейтрофилдермен белсенділендірілген супероксидтік анион өндірілуі;

• эозинофилдердің адгезиясы және хемотаксисі;

• эндотелий жасушаларындағы адгезивті П-селектин молекуласының экспрессиясы;

• гистаминнің, простагландиннің және лейкотриеннің тәуелді бөлінуі;

• жедел аллергиялық бронх түйілуі.

ЛОРАДА ОДТ гематоэнцефалдық бөгет арқылы өтпейді, ұйқышылдық тудырмайды және психомоторлық функцияға әсер етпейді

Қолданылуы

- поллинозда, аллергиялық ринитте (түшкіру, мұрын бөліністері, қышыну, ісіну және мұрынның бітелуі, сондай-ақ көздің қышуы, көзден жас ағу және көздің қызаруы, таңдай тұсының қышуы және жөтел)

- есекжемде (тері қышынуының , бөртпенің симптомдарын жою үшін).

Қолдану тәсілі мен дозалары

Таблетканы құрғақ қолмен блистерден абайлап шығарып алып, ауызға салу және сору керек. Таблетканы сумен немесе басқа сұйықтықпен ішіп жіберу қажет емес. Ересектер мен 12 жастан асқан жасөспірімдерге тәулігіне 1 рет 1 таблеткадан.

Маусымдық аллергиялық ринитті (симптомдарының аптасына 4 күннен аз немесе 4 аптадан сирек болуы) емделушінің сырқат тарихына сәйкес емдеу керек; емдеуді симптомдарын жойғаннан кейін тоқтатуға және симптомдары қайталанса, қайта жаңғыртуға болады.

Созылмалы аллергиялық ринитте (симптомдарының аптасына 4 немесе одан да көп күн немесе 4 аптадан астам уақыт бойы болуы) аллергияның өршу кезеңінде ұзақ уақыт емделу ұсынылуы мүмкін.

Препаратты ас ішуге байланыссыз, жүйелі түрде тәуліктің бір уақытында қабылдаған дұрыс. Емдеу курсын дәрігер әр адамға жекелей тағайындайды. Таблетканы жұту кезінде қиындықты сезінетін емделушілер үшін ЛОРАДА ОДТ өте ыңғайлы.

Жағымсыз әсерлері

- қатты қажу

- бас ауыруы, елестеулер, бас айналуы, ұйқышылдық, ұйқысыздық, шаршау, ауыздың құрғауы

- психомоторлық аса жоғары белсенділік, құрысулар

- тахикардия, жүректің қағуы

- абдоминальді ауырулар

- жүрек айнуы, құсу, диспепсия, диарея

- бауыр ферменттері деңгейінің жоғарылауы, билирубин деңгейінің жоғарылауы, гепатит

- миалгия

- аллергиялық реакциялар (анафилаксия, Квинке ісінуі, есекжем, ентігу, бөртпе, қышыну сияқты).

Қолдануға болмайтын жағдайлар

– препарат компоненттеріне аса жоғары сезімталдық

– жүктілік және лактация кезеңі

–12 жасқа дейінгі балалар мен жасөспірімдер

– Феллинг синдромы (препараттың құрамында аспартам бар)

Дәрілермен өзара әрекеттесуі

Басқа дәрілік заттармен өзара әрекеттесуі анықталмаған. Ас ішу препараттың тиімділігіне әсер етпейді. ЛОРАДА ОДТ этанолдың психомоторлық функцияға бәсеңдеткіш әсерін күшейтпейді.

Айрықша нұсқаулар

Бүйректің жедел жеткіліксіздігі кезінде препаратты сақтықпен қолдану керек.

Препараттың құрамында аспартам бар. Феллинг синдромында сақтықпен қолдану ұсынылады.

Дәрілік заттардың көлік құралдарын немесе қауіпті механизмдерді басқару қабілетіне әсер ету ерекшеліктері

ЛОРАДА ОДТ автокөлік басқаруға немесе күрделі техникалық құрылғылармен жұмыс жасауға әсер етпейді. Алайда, сирек жағдайларда, препаратты қабылдағаннан кейін автокөлік басқаруға және басқа механизмдермен жұмыс жасауға әсер етуі мүмкін ұйқышылдық байқалады.

Артық дозалануы

Симптомдары: ЛОРАДА ОДТ дозасын 25 мг арттырып қабылдау қандай да бір симптомдардың пайда болуына әкелген жоқ.

Емі: асқазанды шаю, ары қарай адсорбент ретінде белсенділендірілген көмірді қабылдау және симптоматикалық ем тағайындау. ЛОРАДА ОДТ гемодиализдің көмегімен шығарылмайды.

Шығарылу түрі мен қаптамасы

Алюминийден/ажыратылатын Алюминий фольгадан жасалған пішінді ұяшықты қаптамаға 10 таблеткадан салынған.  1 немесе 3 пішінді ұяшықты қаптамадан медицинада қолданылуы жөніндегі мемлекеттік және орыс тілдеріндегі нұсқаулықпен бірге картоннан жасалған пәшкеге салады.

Сақтау шарттары

25 °С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

3 жыл

Дәрілік затты қаптамасында көрсетілген жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецепт арқылы

Өндіруші ұйымның атауы мен елі

Генефарм С.А., Греция

Тіркеу куәлігі иесінің атауы мен елі

Алвоген ИПКо С.ар.л Люксембург

Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын ұйымның мекенжайы

«Алвоген Фарма Трейдинг Юроп ЕООД» өкілдігі 050026, Алматы қ., Бөгенбай батыр к-сі 241, «Ордабасы» бизнес орталығы, 507 кеңсе

тел: 378 22 82, факс: 378 21 55

Электронды поштасы: Sholpan.Yensebayeva@alvogen.com;

сайт: www.alvogen.com