Лорада
Инструкция
-
русский
-
қазақша
Саудалық атауы
ЛОРАДА
Халықаралық патенттелмеген атауы
Дезлоратадин
Дәрілік түрі
Үлбірлі қабықпен қапталған 5 мг таблеткалар
Құрамы
Бір таблетканың құрамында
белсенді зат - 5 мг дезлоратадин,
қосымша заттар: микрокристалды целлюлоза, желатинденген жүгері крахмалы, магний стеараты, сусыз коллоидты кремнийдің қостотығы,
қабықтың құрамы: Opadry 03А30735 көк (гипромеллоза 6сР, титанның қостотығы (Е 171), микрокристалды целлюлоза, стеарин қышқылы, индигокармин (Е 132)).
Сипаттамасы
Дөңгелек пішінді, екі беті дөңес, көк түсті үлбірлі қабықпен қапталған, диаметрі 6.5 + 0.2 мм және қалыңдығы 3.2 + 0.3 мм таблеткалар.
Фармакотерапиялық тобы
Жүйелі әсер ететін басқа да антигистаминдік препараттар. Дезлоратадин
АТХ коды R06AX27
Фармакологиялық қасиеттері
Фармакокинетикасы
Дезлоратадин қан плазмасында қабылдағаннан кейін 30 минут ішінде анықталады. Дезлоратадин плазмадағы ең жоғарғы концентрациясына орташа алғанда 3 сағаттан соң жетеді, жартылай шығарылу кезеңі орташа алғанда 27 сағатты құрайды. Дезлоратадиннің жинақталу дәрежесі оның жартылай шығарылу кезеңіне (27 сағатқа жуық) және қолданылу жиілігіне (тәулігіне бір рет) сәйкес келеді. Дезлоратадиннің биожетімділігі 5-тен 20 мг дейінгі ауқымдағы дозасына пропорционалды болған. Қарқынды метаболизмге ұшырайды. Дезлоратадин метаболизмінің негізгі жолы – 3 қалпындағы глюкуронидпен байланысқан 3-ОН-дезлоратадин түзе отырып гидроксилдену. Гематоэнцефалдық бөгет арқылы өтпейді. Дезлоратадин плазма ақуыздарымен орташа (83 – 87%) байланысады. Дезлоратадинді тәулігіне бір рет 5-тен 20 мг дейінгі дозада 14 күн бойы қолданғанда, препараттың клиникалық елеулі жинақталу белгілері анықталмаған. Тағамның (жоғары калориялы майлы таңғы ас) дезлоратадиннің сіңуіне әсер етпейтіні анықталған.
Дезлоратадин организмнен глюкуронидтік қосылыс түрінде шығарылады. Дозасының азғантай бөлігі өзгеріссіз күйде нәжіспен және несеппен шығарылады.
Фармакодинамикасы
ЛОРАДА шеткергі гистаминдік Н1-рецепторлардың селективті блокаторы болып табылады.
ЛОРАДА лоратадиннің негізгі белсенді метаболиті болып табылады. Дезлоратадин мен лоратадиннің уыттылық бейінінде сапалық немесе сандық айырмашылықтар анықталмаған. ЛОРАДАНЫ ішу арқылы қабылдағаннан кейін, препарат шеткергі Н1-гистаминдік рецепторларды селективті бөгейді және гематоэнцефалдық бөгет арқылы өтпейді. ЛОРАДА гистаминге қарсы белсенділігінен бөлек аллергияға қарсы және қабынуға қарсы әсер етеді. ЛОРАДА аллергиялық қабынудың дамуы негізінде жатқан әр түрлі реакциялар каскадын, атап айтқанда:
- қабынуға қарсы цитокиндердің бөлінуін;
- қабынуға қарсы хемокиндердің бөлінуін;
- полиморфты ядролық нейтрофильдермен белсендірілген супероксидті анионның өндірілуін;
- эозинофильдердің адгезиясы мен хемотаксисін;
- эндотелий жасушаларындағы адгезивті П-селектин молекуласының экспрессиясын
- адгезия молекулаларының экспрессиясын;
- гистаминнің, простагландиннің және лейкотриеннің тәуелді бөлінісін;
- жедел аллергиялық бронх түйілуін бәсеңдететіні анықталған.
ЛОРАДА гематоэнцефалдық бөгет арқылы өтпейді, ұйқыны келтірмейді және психомоторлық қызметке әсер етпейді.
Қолданылуы
- аллергиялық ринитте
- есекжемде.
Қолдану тәсілі мен дозалары
Ішке. Ересектер мен 18 жастан асқан жасөспірімдерге - 1 таблеткадан (5 мг) тәулігіне 1 рет. Таблетканы тұтастай, шайнамай жұту және сумен ішіп жіберу керек. Препаратты ас ішуге байланыссыз, жүйелі түрде тәуліктің бір уақытында қабылдаған дұрыс. Емдеу курсын дәрігер әр адамға жекелей тағайындайды.
Жағымсыз әсерлері
- қатты қажу
- ауыздың құрғауы
- бас ауыруы, елестеулер, бас айналуы, ұйқышылдық, ұйқысыздық
- психомоторлық аса жоғары белсенділік, құрысулар
- тахикардия
- абдоминальді ауырулар
- жүрек айнуы, құсу, диспепсия, диарея
- бауыр ферменттері деңгейінің жоғарылауы, билирубин деңгейінің жоғарылауы, гепатит
- миалгия
- аллергиялық реакциялар (анафилаксия, Квинке ісінуі, есекжем, ентігу, бөртпе, қышыну сияқты).
Қолдануға болмайтын жағдайлар
– препарат компоненттеріне немесе лоратадинге аса жоғары сезімталдық
– жүктілік және лактация кезеңі
-
18 жасқа дейінгі балалар мен жасөспірімдер
Дәрілермен өзара әрекеттесуі
Басқа дәрілік заттармен өзара әрекеттесуі анықталмаған. Ас ішу препараттың тиімділігіне әсер етпейді. Дезлоратадин этанолдың психомоторлық қызметті бәсеңдеткіш әсерін күшейтпейді.
Айрықша нұсқаулар
ЛОРАДАНЫ 18 жасқа толмаған балаларда қолданудың тиімділігі мен қауіпсіздігі анықталмаған.
Бүйректің жедел жеткіліксіздігі кезінде препаратты сақтықпен қолдану керек.
Жүктілік және лактация кезеңі
ЛОРАДАНЫ жүкті әйелдерде қолданудың қауіпсіздігі анықталмаған, сондықтан оны жүктілік кезінде пайдалану ұсынылмайды.
ЛОРАДА емшек сүтіне өтеді, сондықтан бала емізетін әйелдерге, ЛОРАДАНЫ тағайындамаған дұрыс.
Дәрілік заттың көлік құралдарын немесе қауіпті механизмдерді басқару қабілетіне әсер ету ерекшеліктері
ЛОРАДА автокөлік басқаруға немесе күрделі техникалық құрылғылармен жұмыс жасауға әсер етпейді. Алайда, сирек жағдайларда, препаратты қабылдағаннан кейін автокөлік басқаруға және басқа механизмдермен жұмыс жасауға әсер етуі мүмкін ұйқышылдық байқалады.
Артық дозалануы
Симптомдары: 45 мг дейінгі дезлоратадинді қабылдау (9 клиникалық дозасы), қандай-да бір симптомдардың пайда болуына алып келмеген.
Емі: асқазанды шаю, ары қарай адсорбент ретінде белсенділендірілген көмірді қабылдау және симптоматикалық ем тағайындау. ЛОРАДА гемодиализдің көмегімен шығарылмайды.
Шығарылу түрі мен қаптамасы
ПВХ/ПВДХ үлбір мен алюминий фольгадан немесе ПВХ/ПТФХЭ мен алюминий фольгадан жасалған пішінді ұяшықты қаптамаға 10 таблеткадан салынған.
Пішінді ұяшықты 1 немесе 3 қаптама медициналық қолдану жөніндегі мемлекеттік және орыс тілдеріндегі нұсқаулықпен бірге картон қорапшаға салынған.
Сақтау шарттары
Құрғақ, жарықтан қорғалған жерде, 25 °С-ден аспайтын температурада сақтау керек.
Балалардың қолы жетпейтін жерде сақтау керек!
Сақтау мерзімі
3 жыл
Жарамдылық мерзімі өткеннен кейін қолдануға болмайды.
Дәріханалардан босатылу шарттары
Рецепт арқылы
Өндіруші ұйымның атауы мен елі
Генефарм С.А., 18 км Маратон Авеню, 153 51 Паллини Аттикис, Греция
Тіркеу куәлігі иесінің атауы мен елі
Алвоген ИПКо С.ар.л Люксембург
Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын ұйымның мекенжайы
«Алвоген Фарма Трейдинг Юроп ЕООД» өкілдігі 050026, Алматы қ., Бөгенбай батыр к-сі 241, «Ордабасы» бизнес орталығы, 406 кеңсе
тел: 378 22 82, факс: 378 21 55
Электронды поштасы: Sholpan.Yensebayeva@alvogen.com;
сайт: www.alvogen.com