Лопирел

МНН: Клопидогрел
Производитель: Актавис Лтд
Анатомо-терапевтическо-химическая классификация: Clopidogrel
Номер регистрации в РК: № РК-ЛС-5№017653
Период регистрации: 31.03.2016 - 31.03.2021
Республиканский центр развития здравоохранения
КНФ (ЛС включено в Казахстанский национальный формуляр лекарственных средств)
Включено в Список бесплатного амбулаторного лекарственного обеспечения
АЛО (Включено в Список бесплатного амбулаторного лекарственного обеспечения)
Включено в Список ЛС в рамках ГОБМП, подлежащих закупу у Единого дистрибьютора
ЕД (Включено в Список ЛС в рамках ГОБМП, подлежащих закупу у Единого дистрибьютора)
Предельная цена закупа в РК: 198.32 KZT

Инструкция

Саудалық атауы

Лопирел

Халықаралық патенттелмеген атауы

Клопидогрел

Дәрілік түрі

Қабықпен қапталған 75 мг таблеткалар

Құрамы

Бір таблетканың құрамында

белсенді зат – 97,87 мг клопидогрел гидросульфаты,

(75,00 мг клопидогрелге баламалы),

қосымша заттар: сусыз лактоза, микрокристалды целлюлоза, кросповидон (А типі), глицерол дибехенаты, тальк

қабық құрамы Opadry II 85G34669 Қызғылт: поливинилді спирт, тальк, титанның қостотығы Е 171, макрогол 3350, лецитин (Е322), темірдің (III) қызыл тотығы Е172

Сипаттамасы

Бір жақ бетінде «I» әрпі ойылып жазылған және диаметрі 9 мм қызғылт түсті қабықпен қапталған дөңгелек, екі беті дөңес таблеткалар.

Фармакотерапиялық тобы

Антикоагулянттар. Тромбоциттер агрегациясының тежегіштері. Клопидогрел

АТХ коды В01АС04

Фармакологиялық қасиеттері

Фармакокинетикасы

75мг дозада ішке қайталап қабылдағаннан кейін клопидогрел асқазан-ішек жолынан жылдам сіңеді. Алайда қан плазмасындағы бастапқы бірігуінің концентрациясы шамалы ғана және қабылдағаннан кейін 2 сағаттан соң да өлшеу шегіне (0,25 мкг/л) жетпейді. Сіңуі 50%-ды құрайды. 75мг дозада Лопирел препаратын қайталап қабылдағаннан кейін негізгі айналымдағы метаболиттің (карбоксильді туындыларының) қан плазмасындағы ең жоғарғы концентрациясы 3 мг/л құрайды және қабылдағаннан кейін шамамен 1 сағаттан соң байқалады. Негізгі метаболиттің фармакокинетикасы клопидогрелдің 50-ден 150 мг-ге дейін дозасы шегінде дозаға тәуелділігін көрсетті.

Клопидогрел және оның негізгі метаболиті қан плазмасы ақуыздарымен in vitro (тиісінше 98% және 94%) жағдайындағы қайтымды байланысады.

Клопидогрел бауырда жылдам биоөзгеріске ұшырайды. Оның негізгі метаболиті, карбоксил қышқылының туындысы, фармакологиялық белсенділікке ие емес және қан плазмасы айналымындағы қосындылардың 85%-ға жуығын құрайды. Клопидогрел әсер етуші заттың ізашары болып табылады. Оның белсенді метаболиті, тиоль туындылары, клопидогрелдің 2-оксо-клопидогрелге тотығуы және ары қарай гидролизі арқылы түзіледі. Тотықтандырғыш саты CYP2B6 және 3А4, аз дәрежеде – СYP1A1, 1A2, 1C19 арқылы реттеледі. Белсенді тиольді метаболит жылдам және қайтымсыз тромбоцитарлы рецепторлармен байланысады, осылайша тромбоциттердің агрегациясын бәсеңдетеді. Бұл метаболит қан плазмасында байқалмайды.

Клопидогрелдің қабылданған дозасының 50%-ға жуығы несеппен және 46%-ға жуығы нәжіспен қабылдағаннан кейін 5 күн бойы шығарылады. Метаболиттің жартылай шығарылу кезеңі бір рет және қайталап қабылдағаннан кейін 8 сағатты құрайды.

Фармакодинамикасы

Лопирел - тромбоциттер агрегациясының тежегіші.

Лопирел тромбоциттер бетінде орналасқан оның рецепторларымен аденозиндифосфаттардың (АДФ) байланысуын, осылайша тромбоциттер агрегациясын тежей отырып кейінгі IIb/IIIа гликопротеині кешенінің белсенділенуін селективті тежейді. Тромбоциттерді тежеу үшін клопидогрелдің биотрансформациялануы қажет. Лопирел, сондай-ақ босап шыққан АДФ-пен тромбоциттердің белсенділігінің жоғарылауын бөгеу арқылы басқадай агонистер туғызған тромбоциттер агрегациясына кедергі болады. Клопидогрелдің әсері тромбоциттің барлық өмірі бойы созылады, тромбоцитарлық функциясы клопидогрелді қабылдауды тоқтатқаннан кейін 7-10 күннен соң қалпына келеді. Емдік дозада клопидогрелді (тәулігіне 75 мг) ұзақ уақыт бойы тағайындаған кезде тромбоциттер агрегациясын белгілі тежегені емдеудің бірінші күнінде-ақ байқалған, одан кейін антиагрегантты әсері біртіндеп өседі және препаратты тұрақты қабылдағанда 3-7 күнде ең жоғарғы деңгейге жетеді. Емдік дозаны ұзақ уақыт бойы қабылдаған кезде тежеудің орташа деңгейі 40 және 60 % аралықта болады. Емдеуді аяқтағаннан кейін тромбоциттер агрегациясына клопидогрелдің әсері және қан кету уақыты әдетте 5 күн ішінде төмендейді. Препарат ацетилсалицил қышқылымен салыстырғанда жаңа ишемиялық бұзылулар (миокард инфарктіcінің, ишемиялық инсульттің және кездейсоқ өлімнің) жиілігін статистикалық сенімді төмендетуге әкеледі.

Қолданылуы

Атеротромбоздық бұзылулардың профилактикасында:

- жуық арада өткерген миокард инфарктісіннен (миокард инфарктісінен кейін 35 күнге дейін), ишемиялық инсультті өткергеннен (7 күннен 6 айға дейін) немесе окклюзия элементтері бар шеткергі қан айналымы ауруларының диагнозы қойылғаннан кейін

- жедел коронарлық жеткіліксіздік синдромында:

1) ST сегментінің жоғарылауынсыз (тұрақсыз стенокардияда немесе Q тісінсіз миокард инфарктісінде) жедел коронарлық жеткіліксіздігінің синдромында, оның ішінде тері арқылы коронарлық стент қойылған науқстарда (ацетилсалицил қышқылымен біріктірілімде)

2) ST сегментінің жоғарылауымен жедел миокард инфарктісінде (тромболитикалық ем жүргізуге жататын науқастарда ацетилсалицил қышқылымен біріктірілімде)

Қолдану тәсілі және дозалары

Таблеткаларды, тамақ ішуге байланыстырмай-ақ судың жеткілікті мөлшерімен бірге ішке қабылдау керек.

Жуық арада өткерген миокард инфарктісінде, ишемиялық инсультте немесе шеткергі артериялар ауруларында

Лопирелдің күнделікті ұсынылатын дозасы – күніне 75мг (бір таблетка) бір рет.

Жедел коронарлық синдромда

Лопирел препаратының бастапқы дозасы- бір рет 300 мг. Демеуші доза -тәулігіне 75-325 мг доза ацетилсалицил қышқылымен үйлестіріп тәулігіне 75мг дозада. Ацетилсалицил қышқылын жоғары дозада қолдану қан кету қаупінің артуымен жүретін болғандықтан ацетилсалицил қышқылының осы көрсетілімде ұсынылған дозасы 100 мг-ден аспауы керек.

Клиникалық зерттеулер деректері бойынша ең жоғары емдік әсері 3 айдан кейін байқалады, емдеу курсы 12 айға дейін.

75 жастан асқан пациенттерде емді бастапқы дозаны қабылдамай-ақ бастау керек.

Бүйрек жеткіліксіздігімен пациенттер

Бүйрек жеткіліксіздігімен пациенттерде қолдану тәжірибесі шектеулі.

Бауыр жеткіліксіздігімен пациенттер

Бауыр жеткіліксіздігімен пациенттерде қолдану тәжірибесі шектеулі.

Жағымсыз әсерлері

Жиі

- іштің ауыруы, диспепсия, диарея, асқазан-ішектік қан кетулер

- қанталаулар, гематома, пункция орнынан қан кету

- мұрыннан қан кету

Жиі емес

- тромбоцитопения, лейкопения, эозинофилия

- бассүйекішілік қан құйылу

- бас ауыруы, бас айналуы, парестезия

- конъюнктивалық, тор қабықтан қан құйылу

- гастрит, асқазан мен он екі елі ішектің ойық жарасы,

жүрек айнуы, құсу, іш қату, метеоризм

- тері бөртпесі, қышыну, пурпура

- гематурия

- қан кету уақытының ұзаруы, нейтрофилдер санының азаюы,

шеткергі қанда тромбоциттер санының азаюы

Сирек

- ауыр нейтропенияны қоса, нейтропения

- ішперде артындағы кеңістікке қан кету

Өте сирек

- тромботикалық тромбоцитопениялық пурпура (ТТП)

- анемия, оның ішінде апластикалық, панцитопения, агранулоцитоз,

ауыр тромбоцитопения, гранулоцитопения

- сарысу құю ауруы, анафилактоидты реакциялар

- елестеулер, сананың шатасуы

- дәм сезудің бұзылуы

- операциялық жарадан қан кету

- васкулит

- гипотензия

- қанды қақырық, өкпеден қан кету

- бронхтүйілуі, интерстициальді пневмонит

- асқазан-ішектен қан кету

- панкреатит, колит, оның ішінде ойық жаралы және лимфоцитарлы колит,

стоматит

- бауыр функциясының бұзылуы, гепатит, жедел бауыр жеткіліксіздігі

- буллезді дерматит (уытты эпидермальді некролиз, Стивенс-Джонсон синдромы, мультиформалы эритема), ангионевроздық ісіну, эритематозды бөртпе, есекжем, экзема, қызыл жалпақ теміреткі

- гемартроз, артрит, артралгии, миалгии

- гломерулонефрит, қандағы креатинин деңгейінің жоғарылауы

- қызба

Қолдануға болмайтын жағдайлар

- препарат компоненттеріне жоғары сезімталдық

- бауыр функциясының ауыр түрде бұзылуы

- жедел қан кетулер (мысалы, асқазанның немесе он екі елі ішектің ойық жарасында немесе бассүйекішіне қан құйылған кезде)

- жүктілік, лактация кезеңі

-18 жасқа дейінгі балаларға және жасөспірімдерге

- туа біткен фруктозаны көтере алмаушылық, Lapp-лактаза ферментінің тапшылығы, глюкоза-галактоза мальабсорбциясы синдромы

Дәрілермен өзара әрекеттесуі

Варфарин: Қан кету қаупі жоғары болғандықтан Лопирел және варфаринді бір уақытта қолдануға болмайды.

IIb/IIIa гликопротеинді тежегіштер: IIb/IIIa гликопротеин тежегіштерін Лопирел препаратымен бір уақытта қолдануда сақ болу керек.

Ацетилсалицил қышқылы: Ацетилсалицил қышқылы АДФ-индуцирленген тромбоциттер агрегациясына Лопирелдің тежегіш әсерін өзгертпейді, бірақ Лопирел коллаген-индуцирленген тромбоциттер агрегациясына ацетилсалицил қышқылының әсерін күшейтеді. Лопирел препараты және ацетилсалицил қышқылының фармакодинамикалық өзара әрекеттесуі мүмкін және ол қан кетудің даму қаупін арттырады. Сондықтан бұл препараттарды бір уақытта қолдануда сақ болу керек. Алайда 1 жыл бойы мұндай бірігулерді қолдану қауіпсіздігі жөнінде деректер бар.

Гепарин: гепаринмен бір мезгілде қолданған кезде Лопирел гепаринге жалпы қажеттілікті де, қан ұюға гепариннің әсерін де өзгертпейді. Гепаринді бір мезгілде қолдану тромбоциттердің агрегациясына Лопирелдің тежегіш әсерін өзгертпеді.

Тромболитиктер: Лопирелді, фибрин- спецификалық немесе фибрин-спецификалық емес тромболитикалық препараттармен және гепаринмен бір уақытта қолдану қауіпсіздігі жедел миокард инфарктісі бар науқастарда зерттелген. Клиникалық мәнді қан кетулер жиілігі тромболитикалық дәрілерді және гепаринді ацетилсалицил қышқылымен бір уақытта қолдануда байқалған қан кетулермен ұқсас болады. Лопирелді басқадай тромболитиктермен біріктіріп қолдану қауіпсіздігі айтарлықтай зерттелмеген, сондықтан сақтықпен қолдану керек.

Қабынуға қарсы стероидты емес дәрілер (ҚҚСД): Лопирелді және напроксенді бір мезгілде қабылдаудағы клиникалық зерттеулер деректері бойынша, ол асқазан-ішек жолында жасырын қан кетулердің пайда болу қаупін жоғарылатады. Осы уақытқа дейін барлық ҚҚСД үшін асқазан-ішек қан кетулерінің жоғарғы қаупі сипатының бар-жоғы белгісіз. Осылайша, ҚҚСД, оның ішінде ЦОГ-2 тежегіштерін және Лопирелді тағайындау сақ болуды талап етеді.

Басқадай үйлесімді ем: Лопирел препаратын атенололмен, нифедипинмен немесе екі препаратпен де бір уақытта қолданған кезде клиникалық мәнді фармакодинамикалық өзара байланысқаны байқалмаған. Лопирелдің әсері фенобарбиталмен, циметидинмен және эстрогенмен бір уақытта қолданған кезде өзгерген жоқ. Дигоксиннің және теофилиннің фармакокинетикасы Лопирел препаратымен үйлестіріп қолданған кезде өзгерген жоқ. Антацидтік дәрілер Лопирелдің сіңу дәрежесін өзгерткен жоқ.

Іс-тәжірибелік деректерде байқалғандай жоғарғы концентрацияда Лопирел Р450(2С9) белсенділігін тежейді, осының салдарынан қан плазмасында кейбір дәрілік заттардың (фенитоиннің, толбутамидтің, тамоксифеннің, варфариннің, торсемидтің, флувастатиннің және көптеген қабынуға қарсы стероидты емес дәрілердің) деңгейі жоғарылауы мүмкін. Сондықтан бұл препараттар Лопирелмен бір уақытта сақтықпен қолданылуы керек.

Айрықша нұсқаулар

Қан кету және гематологиялық жағымсыз әсерлердің даму қаупінің болуына байланысты ем жүргізген кезде осы клиникалық белгілерді бағыттайтын белгілер көрініс берген жағдайда қанға талдау жүргізу керек. Пациенттер қан кету белгілеріне, жасырын қан кетулерді қоса, әсіресе емдеудің алғашқы аптасында және/немесе инвазиялық кардиологиялық емшарадан кейін немесе хирургиялық араласулардан кейін мұқият тексеруден өтулері керек.

Лопирел қан кету кезеңін ұзартады, сондықтан жарақатпен байланысты, хирургиялық араласуларда немесе басқадай патологиялық (әсіресе асқазан-ішектен және көзшілік) жағдайда қан кету қаупі жоғарыға жататын пациенттерге, сондай-ақ ацетилсалицил қышқылымен, қабынуға қарсы стероидты емес дәрілермен, гепаринмен, IIb/ IIIa гликопротеинді тежегіштермен және тромболитикалық препараттармен біріктірген жағдайда сақтықпен тағайындау керек. Жоспарланған хирургиялық араласулар кезінде Лопирел препаратымен емдеу курсын операцияға дейін 5 күн бұрын тоқтату керек.

Пациенттерді Лопирел қабылдау кезінде (жеке немесе ацетилсалицил қышқылымен үйлестіруде) әдеттегіге қарағанда қан кетудің тоқтауы ұзаққа созылатыны жөнінде ескерту керек, оған қоса олар барлық белгісіз (жергілікті немесе ұзақ) қан кетулер жөнінде дәрігерді хабардар етулері керек. Егер оларға операция жүргізілетіндей немесе дәрігер жаңа препарат тағайындайтындай жағдай болып жатса, онда пациенттер Лопирелді қабылдағаны жөнінде дәрігерді және стоматологты хабардар етулері керек.

Өте сирек Лопирел препаратын қабылдағаннан кейін кейде тіпті қысқа мерзімдік қабылдаған кезде де тромбоцитопениялық тромботикалық пурпура (ТТП) дамыған. Ол тромбоцитопениямен, микроангиопатиялық гемолитикалық анемиямен, неврологиялық бұзылулармен, бүйрек дисфункциясымен, температураның жоғарылауымен сипатталған. ТТП плазмоферезді қоса, күттірмейтін араласуларды талап ететін жағдай болып табылады. Лопирел препаратын қолдану тәжірибесі жеткіліксіз болғандықтан, бауыр функциясының орташа бұзылуы бар пациенттерге сақтықпен тағайындау керек, ол геморрагиялық диатезді тудыруы мүмкін. Сондай-ақ бүйрек функциясы бұзылған кезде препаратты, сақтықпен тағайындау керек.

Препарат құрамында лактоза болғандықтан, туа біткен галактозаны көтере алмаушылықпен, глюкоза және галактоза мальабсорбция синдромы және лактаза тапшылығы бар науқастарға оны тағайындауға болмайды.

Педиатрияда қолданылуы

Балаларға аталған дәрілік затты қолдануға болмайды, өйткені препаратты аталған жас тобында қолданудың қауіпсіздігі мен тиімділігі дәлелденбеген.

Дәрілік заттың көлік құралдарын немесе әлеуетті қауіпті механизмдерді басқару қабілетіне әсер ету ерекшелігі

Көлік құралдарын немесе әлеуетті қауіпті механизмдерді басқаруда Лопирелді сақтықпен тағайындау керек.

Артық дозалануы

Симптомдары: қан кету уақытының ұзаруы және осының салдарынан болған асқынулар.

Емі: препаратты қабылдауды тоқтату. Егер қан кету уақытын жылдам түзету қажет болса тромбоцитарлы массаны құю, симптоматикалық ем ұсынылады. Арнайы у қайтарғысы жоқ.

Шығарылу түрі және қаптамасы

Аl/Al жасалған пішінді ұяшықты қаптамада 7 немесе 10 таблеткадан.

7 таблеткадан 2 немесе 4 пішінді қаптама медициналық қолдану жөніндегі мемлекеттік және орыс тілдеріндегі нұсқаулықпен бірге картоннан жасалған қорапшаға салынған.

10 таблеткадан 3 немесе 9 пішінді қаптама медициналық қолдану жөніндегі мемлекеттік және орыс тілдеріндегі нұсқаулықпен бірге картоннан жасалған қорапшаға салынған.

Сақтау шарттары

25°С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

3 жыл

Жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецепт арқылы

Өндіруші

Актавис Лтд.

B16 Bulebel Industrial Estate, Zejtun ZTN 08, Мальта.

Тіркеу куәлігінің иесі

Актавис Лтд., Мальта

Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын ұйымның мекенжайы:

Алматы қаласындағы «Актавис Интернешнл Лтд.» өкілдігі

Қазақстан Республикасы, 050009, Алматы қ-сы, Мұқанов к-сі 241, 1-а кеңсе.

Тел./факс: 8 (727) 313 74 30, 313 74 31, 313 74 32;

Электронды поштасы: actavis@actavis.kz; сайт: www.actavis.com

Прикрепленные файлы

845673191477976266_ru.doc 73.5 кб
185346921477977472_kz.doc 95 кб

Отправить прикрепленные файлы на почту

Источники

Национальный центр экспертизы лекарственных средств, изделий медицинского назначения и медицинской техники