Лоноскар (Лорноксикам)

Лоноскар

Лорноксикам

Дәрілік түрі, дозасы

Вена ішіне және бұлшықет ішіне енгізу үшін ерітінді дайындауға арналған лиофилизат, 8 мг

Сүйек-бұлшықет жүйесі. Қабынуға қарсы және ревматизмге қарсы препараттар. Қабынуға қарсы және ревматизмге қарсы стероидты емес препараттар. Оксикамдар. Лорноксикам

АТХ коды М01АС05

- ересектердегі ауырлық дәрежесі жеңілден орташаға дейінгі қысқа мерзімді жедел ауырсыну синдромын симптоматикалық емдеу.

Қолдану басталғанға дейін қажетті мәліметтер тізбесі

• әсер етуші затқа немесе қосымша заттардың кез келгеніне аса жоғары сезімталдық

• тромбоцитопения

• басқа қабынуға қарсы стероидты емес препараттарға (ҚҚСП), оның ішінде ацетилсалицил қышқылына аса жоғары сезімталдық (демікпе, ринит, ангионевроздық ісіну немесе есекжем кезіндегі симптомдар)

• ауыр жүрек жеткіліксіздігі

• асқазан-ішектен қан кету, цереброваскулярлық қан кету немесе қан ұюының басқа бұзылулары

• анамнезінде алдыңғы ҚҚСП емімен байланысты асқазан-ішек жолында қан кетудің немесе тесілудің болуы

• белсенді түрде немесе анамнездегі қайталанатын пептидтік ойық жаралар/қан кетулер (дәлелденген ойық жара немесе қан кетудің екі немесе одан да көп жеке эпизодтары)

• бауыр функциясының ауыр бұзылуы

• бүйрек функциясының ауыр бұзылуы (сарысу креатинині > 700 мкмоль/л)

• жүктілік және лактация кезеңі

Қолдану кезінде қажетті сақтық шаралары

Лорноксикам тромбоциттердің агрегациясын төмендетеді және қанның ұю уақытын ұзартады. Демек, қан кетуге бейімділігі жоғары пациенттерге тағайындағанда сақ болу керек.

Лорноксикамды пациенттердің келесі санатына пайда-қаупін мұқият бағаланғаннан кейін ғана тағайындау керек:

• бүйрек функциясының бұзылулары бар пациенттер: лорноксикам бүйрек функциясының жеңіл (сарысу креатинині: 150 - 300 мкмоль/л) және орташа (сарысу креатинині: 300 - 700 мкмоль/л) бұзылулары бар пациенттерде сақтықпен қолданылғаны жөн, өйткені бүйрек простагландиндері бүйректегі қан ағымының сақталуын қамтамасыз етеді (4.2-бөлімді қараңыз). Емдеу кезінде бүйрек функциясы нашарлаған жағдайда, лорноксикаммен емдеуді тоқтату керек

• мына пациенттерде бүйрек функциясын бақылап отыру керек:

• ауқымды хирургиялық араласудан өткен

• жүрек жеткіліксіздігі бар

• бүйрекке зақым келтіруі мүмкін диуретиктермен немесе дәрілік препараттармен қатар ем қабылдайтын

• бауыр функциясының бұзылулары бар пациенттер (мысалы, бауыр циррозы): бауыр функциясы бұзылған пациенттерге клиникалық мониторинг және зертханалық бағалау тағайындау ұсынылады, өйткені 12-ден 16 мг дейінгі тәуліктік дозалармен емдеу аясында мұндай пациенттерде лорноксикамның жинақталуы (AUC ұлғаюы) болуы мүмкін. Осы фактіні қоспағанда, бауыр функциясының бұзылуы дені сау адамдармен салыстырғанда лорноксикамның фармакокинетикалық параметрлеріне әсер етпейді

• қан ұюы бұзылған пациенттер: клиникалық мониторинг мұқият жүргізу және зертханалық бағалауды орындау ұсынылады (мысалы, белсендірілген ішінара тромбопластиндік уақыт (БІТУ))

• 65 жастан асқан егде жастағы пациенттерде бүйрек және бауыр функциясын бақылап отыру ұсынылады. Хирургиялық араласудан өткен егде жастағы пациенттерді емдеуде сақ болу керек.

ҚҚСП бірге қолдану

Лорноксикам мен ҚҚСП, оның ішінде циклооксигеназа-2 селективті тежегіштерін бірге қолданудан аулақ болу керек.

Жағымсыз құбылыстардың даму қаупін төмендету үшін ең аз ықтимал қысқа курспен ең аз тиімді дозаны пайдалану керек.

Асқазан-ішек ойық жаралары, қан кетулер және тесілулер

Өліммен аяқталуы мүмкін АІЖ-дағы қан кетулер, ойық жараланулар және тесілулер емдеу процесінде кез келген уақытта туындайтын барлық ҚҚСП қолдану аясында, алдын алу симптомдарымен немесе анамнезінде ауыр АІЖ бұзылуларының болуымен тіркелген.

АІЖ қан кету, ойық жара немесе тесілуі қаупі ҚҚСП дозаларының жоғарылауымен, ойық жара ауруы бар пациенттерде, әсіресе оның қан кетуімен немесе тесілуімен асқынған кезде және егде жастағы пациенттерде артады. Бұл пациенттер емдеуді ең аз мүмкін болатын дозадан бастауы тиіс. Гастропротекторлармен (мысалы, мизопростол немесе протон сорғысының тежегіштері) біріктірілген ем тағайындау мүмкіндігін осы пациенттерге, сондай-ақ ацетилсалицил қышқылын төмен дозаларда немесе асқазан-ішек жолдарының бұзылу қаупін арттыратын басқа да препараттарды бір мезгілде қабылдауды қажет ететін пациенттерге қарастыру керек (төмендегі ақпаратты қараңыз). Тұрақты аралықтар арқылы клиникалық мониторинг жүргізу ұсынылады.

Анамнезінде АІЖ тарапынан уытты құбылыстары бар пациенттер, бірінші кезекте егде жастағы адамдар, әсіресе емдеудің бастапқы кезеңдерінде кез келген әдеттен тыс абдоминальді симптомдар (ең алдымен АІЖ-да қан кету белгілері туралы) туралы хабарлау қажеттілігі жайында білуі тиіс.

Ойық жаралану немесе қан кету қаупін арттыруға қабілетті дәрілік заттарды бір мезгілде қабылдайтын пациенттерге, мысалы, пероральді кортикостероидтарды, варфарин сияқты антикоагулянттарды, серотонинді қайта қармаудың селективті тежегіштерін немесе ацетилсалицил қышқылы сияқты тромбоцитке қарсы препараттарды сақтау ұсынылады.

Лорноксикам қабылдайтын пациенттерде АІЖ-да қан кету немесе ойық жара пайда болған кезде емдеуді тоқтату қажет.

Анамнезінде АІЖ аурулары бар пациенттерде ҚҚСП сақтықпен қолдану керек (мысалы, ойық жаралы колит, Крон ауыруы) осы аурулардың ықтимал өршуіне байланысты.

Егде жастағы пациенттер

Егде жастағы пациенттерде ҚҚСП-да жағымсыз реакциялардың, әсіресе асқазан-ішектен қан кетулер және тесілулер пайда болуының аса жоғары жиілігі байқалады, олар өмірге қауіпті болуы мүмкін.

Жүрек-қантамыр және цереброваскулярлық әсерлер

Бұрын артериялық гипертензиядан және/немесе ауырлығы орташа дәрежедегі жүрек іркілісінен зардап шегетін немесе зардап шеккен пациенттерге тиісінше мониторинг және медициналық консультациялар қажет, өйткені ҚҚСП емі аясында сұйықтықтың іркілуі және ісіну жағдайлары хабарланды.

Клиникалық зерттеулер барысында алынған ақпарат және эпидемиологиялық деректер кейбір ҚҚСП қолдану, әсіресе жоғары дозаларда және ұзақ емдеу курстары шеңберінде артериялық тромбоздық асқынулар (мысалы, миокард инфарктісі немесе инсульт) қаупінің жоғарылауымен астасуы мүмкін. Лорноксикамды қабылдау кезінде мұндай қауіпті болдырмау үшін жеткілікті деректер алынған жоқ.

Бақыланбайтын гипертензиясы, іркілісті жүрек жеткіліксіздігі, диагноз қойылған жүректің ишемиялық ауруы, шеткері артерия ауруы және/немесе цереброваскулярлық ауруы бар пациенттерге лорноксикаммен емдеуді оның мақсатқа сай болуы мұқият бағаланған соң ғана тағайындауға болады. Осындай бағалауды жүрек-қантамырлар ауруларының даму қаупі факторлары бар пациенттерді ұзақ мерзімді емдеу басталғанға дейін (мысалы, гипертензия, гиперлипидемия, қант диабеті, темекі шегу) жүргізу керек.

ҚҚСП мен гепаринді жұлын немесе эпидуральді анестезия контексінде бір мезгілде тағайындау жұлын/ эпидуральді гематоманың пайда болу қаупін арттырады.

Терінің бұзылуы

ҚҚСП қолдану аясында эксфолиативтік дерматит, Стивенс-Джонсон синдромы (СДС) және уытты эпидермалық некролиз (УЭН) сияқты ауыр тері реакцияларының өте сирек жағдайлары тіркелді, олардың кейбіреулері өліммен аяқталды. Пациенттер емдеу курсының басында үлкен қауіпке ұшырайды, көп жағдайда мұндай реакциялардың симптомдары емнің бірінші айында пайда болады. Тері бөртпесі, шырышты қабықтарда ойық жара немесе аса жоғары сезімталдықтың кез келген басқа белгілері пайда болған жағдайда, лорноксикам қолдануды дереу тоқтату керек.

Респираторлық бұзылулар

Препаратты бронх демікпесімен ауыратын немесе бұрын зардап шеккен пациенттерге тағайындағанда сақ болу керек, өйткені ҚҚСП мұндай пациенттерде бронх түйілуін тудыруы мүмкін екендігі байқалды.

Жүйелі қызыл жегі және дәнекер тіннің аралас аурулары

Жүйелі қызыл жегі (ЖҚЖ) және дәнекер тіннің аралас аурулары бар пациенттерді емдеу кезінде сақ болу керек, өйткені мұндай пациенттер асептикалық менингиттің жоғары қаупіне ұшырауы мүмкін.

Нефроуыттылық

ҚҚСП және такролимусты бірге қолдану бүйректегі простациклин синтезінің азаюына байланысты нефроуыттылық қаупінің жоғарылауына әкелуі мүмкін. Сондықтан біріктірілген ем қабылдайтын пациенттерге бүйрек функциясының қатаң мониторингі көрсетіледі.

Зертханалық көрсеткіштердің қалыптан ауытқуы

Көптеген ҚҚСП қабылдаған кездегідей, сарысудағы трансаминазалар деңгейінің мерзімді жоғарылауы, сарысудағы билирубин немесе бауыр функциясы басқа көрсеткіштерінің жоғарылауы, сондай-ақ қан сарысуындағы креатинин мен қан мочевина азоты деңгейінің жоғарылауы және зертханалық көрсеткіштердің басқа ауытқулары байқалды. Егер осы ауытқулардың кез келгені маңызды немесе тұрақты болып табылса, лорноксикам қабылдауды тоқтатып, тиісті тексерулерді тағайындау керек.

Репродуктивті функция

Лорноксикамды, циклооксигеназа/простагландиндер синтезін сенімді тежейтін кез келген басқа препарат сияқты қабылдау репродуктивтік функцияға теріс әсер етуі мүмкін, сондықтан жүктілікті жоспарлаған әйелдерге ұсынылмайды. Ұрықтану қиын немесе бедеулікке байланысты тексеруден өткен әйелдерге қатысты лорноксикамнан бас тарту мүмкіндігін қарастыру керек.

Желшешек

Ерекше жағдайларда, желшешек тері мен жұмсақ тіндер тарапынан күрделі инфекциялық асқынуларға себеп болуы мүмкін.

Қазіргі сәтте осы инфекциялар асқынуында ҚҚСП түрткі болатын рөлін жоққа шығаруға болмайды. Сондықтан желшешек кезінде лорноксикамды қолданудан аулақ болу ұсынылады.

Басқа дәрілік препараттармен өзара әрекеттесуі

Бір мезгілде қолданғанда, Лорноксикам және

• циметидинді, плазмадағы лорноксикам концентрациясы жоғарылайды, бұл лорноксикам жағымсыз әсерлерінің жоғарылау қаупін тудыруы мүмкін (лорноксикам мен ранитидин немесе антацидтер арасында ешқандай өзара әрекеттесу анықталған жоқ).

• антикоагулянттарды, антикоагулянттардың, мысалы, варфариннің әсерін күшейтуі мүмкін. Халықаралық қалыптастырылған қатынастарға (ХҚҚ) қатаң мониторинг қажет.

• фенпрокумонды, фенпрокумонның емдік әсерінің төмендеуі мүмкін

• гепаринді, жұлын немесе эпидуральді анестезия жағдайында қан кету және жұлын немесе эпидуральді гематомалардың пайда болу қаупі артады.

• ангиотензин өзгертуші фермент тежегіштерін (АӨФ), АӨФ тежегіштерінің гипертензияға қарсы әсері төмендеуі мүмкін.

• диуретиктерді, циклді диуретиктердің, тиазидті диуретиктердің және калий сақтайтын диуретиктердің диурездік және гипертензияға қарсы әсерінің төмендеуі мүмкін (гиперкалиемия және нефроуыттылық қаупінің жоғарылауы).

• бета-адренергиялық рецепторлар блокаторларын, гипертензияға қарсы тиімділігі төмендеуі мүмкін.

• ангиотензин II рецепторлары блокаторларын, гипертензияға қарсы тиімділігі төмендеуі мүмкін.

• дигоксинді, дигоксин бүйрек клиренсінің төмендеуі мүмкін, бұл дигоксиннің уыттылығы қаупінің жоғарылауына әкеледі.

• кортикостероидтардың асқазан-ішек жолында ойық жара немесе қан кету қаупі артады.

• хинолон антибиотиктерін (мысалы, левофлоксацин, офлоксацин): Құрысу ұстамалары қаупінің жоғарылауы.

• антитромбоциттік препараттарды (мысалы, клопидогрел): қан кету қаупінің жоғарылауы.

• басқа ҚҚСД: асқазан-ішек жолында қан кету немесе ойық жара қаупінің жоғарылауы.

• Метотрексатты: метотрексаттың сарысулық концентрациясының жоғарылауы. Нәтижесінде уыттылықтың жоғарылауы мүмкін. Біріктірілген ем жүргізу қажет болған жағдайда қатаң мониторинг жүргізу керек.

• серотонинді кері қармайтын селективті тежегіштер (СКҚСТ): қан кету қаупінің жоғарылауы.

• литий: ҚҚСП литийдің бүйрек клиренсін тежейді, нәтижесінде литийдің сарысулық концентрациясы уытты деңгейге дейін көтерілуі мүмкін. Сондықтан сарысудағы литий деңгейі, әсіресе емнің басында, дозаны таңдау және емді тоқтату кезінде бақылануы тиіс.

• циклоспорин: циклоспориннің сарысулық концентрациясының жоғарылауы. Циклоспориннің нефроуыттылығы бүйрек простагландиндеріне әсер етуіне байланысты ҚҚСП әсерінен артуы мүмкін. Біріктірілген ем кезінде бүйрек функциясының көрсеткіштерін бақылау қажет.

• сульфонилмочевина туындылары (мысалы, глибенкламид): гипогликемия қаупінің жоғарылауы.

• CYP2C9 изоферменттерінің белгілі индукторлары мен тежегіштері: лорноксикам (Р450 2С9 цитохромының (CYP2C9 изоферменті) қатысуымен метаболизденетін басқа да ҚҚСП сияқты) белгілі индукторлармен және CYP2C9 изоферменттерінің тежегіштерімен өзара әрекеттеседі.

• такролимус: бүйректегі простациклин синтезінің төмендеуі нәтижесінде нефроуыттылық қаупінің жоғарылауы. Біріктірілген ем кезінде бүйрек функциясының көрсеткіштерін бақылау қажет.

• пеметрексед: ҚҚСП пеметрекседтің бүйрек клиренсін төмендетуі мүмкін, бұл бүйрек пен асқазан-ішек жолдарына уытты әсердің жоғарылауына, сондай-ақ миелосупрессияға әкеледі.

Арнайы ескертулер

Педиатрияда қолдану

Лорноксикам қауіпсіздік және тиімділік туралы деректердің болмауына байланысты 18 жасқа дейінгі балалар мен жасөспірімдерде қолдануға ұсынылмайды

Егде жастағы пациенттер

65 жастан асқан егде пациенттерге бүйрек немесе бауыр функциясы бұзылған науқастарды қоспағанда, дозаны арнайы түзетудің қажеті жоқ, дегенмен лорноксикамды сақтықпен қолданған жөн, өйткені пациенттердің осы тобында асқазан-ішек жолы тарапынан жағымсыз әсерлер нашар қабылданады

Бүйрек жеткіліксіздігі бар пациенттер

Бүйрек функциясының жеңіл немесе орташа бұзылулары бар пациенттер үшін дозаны төмендету туралы мәселені қарастыру керек. Бүйрек функциясының ауыр бұзылулары бар пациенттерге лорноксикамды қолдануға болмайды.

Бауыр жеткіліксіздігі бар пациенттер

Бауыр функциясының орташа бұзылулары бар пациенттер үшін дозаны төмендету туралы мәселені қарау керек. Бауыр функциясының ауыр бұзылулары бар пациенттерге лорноксикамды қолдануға болмайды.

Жүктілік немесе лактация кезінде

Лорноксикамды жүктіліктің үшінші триместрінде қолдануға болмайды, препаратты жүкті әйелдерде қолдану бойынша клиникалық деректердің болмауына байланысты оны бірінші және екінші триместрде және босану кезінде де қабылдамау керек.

Лорноксикамның адамның емшек сүтіне енуі туралы мәліметтер жоқ. Лорноксикам салыстырмалы түрде жоғары концентрацияда емізетін егеуқұйрықтардың сүтіне енеді. Лорноксикам емшек емізетін әйелдерде қолданылмауы тиіс.

Фертильділік

Лорноксикамды, циклооксигеназа/простагландиндер синтезін сенімді тежейтін кез келген басқа препарат сияқты қабылдау репродуктивтік функцияға теріс әсер етуі мүмкін және жүктілікті жоспарлаған әйелдерге ұсынылмайды. Ұрықтану қиын немесе бедеулікке байланысты тексеруден өткен әйелдерге қатысты лорноксикамнан бас тарту мүмкіндігін қарастыру керек.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Лорноксикаммен емдеу аясында бас айналу және/немесе ұйқышылдық пайда болатын пациенттер автокөлікті басқарудан және жабдықпен жұмыс істеуден бас тартуы тиіс.

Қолдану бойынша ұсынымдар

Бұл дәрілік түрі тез ауырсынуды жеңілдету қажет болған жағдайда немесе таблетка түріндегі препаратты пероральді қабылдау мүмкін болмаған жағдайда қолданылады. Емдеу, әдетте, тек емді бастау мақсатындағы бір инъекцияны білдіреді.

Барлық пациенттер үшін дозалау режимі емделуге жеке жауап негізінде таңдалуы тиіс.

Жағымсыз құбылыстардың даму қаупін төмендету үшін ең аз ықтимал қысқа курспен ең аз тиімді дозаны пайдалану керек.

Дозалау режимі

Ұсынылатын доза: 8 мг вена ішіне (в/і) немесе бұлшықет ішіне (б/і) инъекция түрінде. Тәуліктік доза 16 мг аспауы тиіс. Алғашқы 24 сағатта кейбір пациенттерге қосымша 8 мг препарат қажет болуы мүмкін.

Енгізу әдісі мен жолы

Бұл препарат тек в/і немесе б/і инъекция түрінде бір рет қолдануға арналған.

Инъекцияға арналған ерітіндіні тікелей қолданар алдында құтының ішіндегісін (8 мг Лоноскар ұнтағын) инъекцияға арналған сумен (2 мл) еріту арқылы дайындайды. Ерітіндіні дайындағаннан кейін ине ауыстырылады. Б/і инъекция үшін бұлшықет ішіне терең инъекцияны жасауға ұзындығы жеткілікті инені пайдаланған жөн.

Ерітіндіні вена ішіне енгізу ұзақтығы кемінде 15 секунд, бұлшықет ішіне енгізу ұзақтығы кемінде 5 секунд болуы тиіс.

Лорноксикам 0,9% NaCl, 5% декстроза (глюкоза) және Рингер ерітіндісімен үйлесімділікті көрсетті.

Артық дозаланған жағдайда қабылдануы қажет шаралар

Қазіргі уақытта оның салдарын анықтауға немесе оны тоқтату үшін нақты шаралар ұсынуға мүмкіндік беретін артық дозалану тәжірибесі жоқ. Алайда, лорноксикамның артық дозалануынан кейін келесі симптомдар пайда болуы мүмкін деп күтуге болады: жүрек айну, құсу, церебральді белгілер (бас айналу, көру қабілетінің бұзылуы). Сондай-ақ, комаға ауысатын атаксия және құрысулар, бауыр мен бүйректің зақымдануы және қан ұюының бұзылуы сияқты ауыр симптомдар пайда болуы мүмкін.

Нақты немесе күдікті артық дозалану жағдайында дәрілік затты алып тастау керек. Қысқа жартылай шығарылу кезеңін ескере отырып, лорноксикам организмнен жылдам шығарылады. Лорноксикам диализ кезінде қаннан шығарылмайды. Осы уақытқа дейін арнайы антидоты белгісіз. Мысалы, асқазан-ішек ауруларын емдеу үшін простагландин немесе ранитидин аналогтарын қолдануға болады.

Дәрілік препараттың бір немесе бірнеше дозасын өткізіп алған кезде қажетті шаралар

Өткізіп алынғанның орнына препараттың қосарлы дозасын енгізу ұсынылмайды.

Дәрілік препаратты қолдану тәсілін түсіндіру үшін медицина қызметкерінің кеңесіне жүгіну бойынша ұсынымдар

Егер сізде осы препаратты қолдану туралы қосымша сұрақтар туындаса, дәрігерге немесе фармацевтке хабарласыңыз.

ДП стандартты қолдану кезінде пайда болатын жағымсыз реакциялардың сипаттамасы және бұл жағдайда қабылдануы тиіс шаралар

Жиі

• жеңіл және қысқа мерзімді бас ауыруы және бас айналу;

• көзден бөліністер (конъюнктивит);

• жүрек айну, іштің ауыруы, асқазан бұзылысы, диарея және құсу.

Жиі емес

• салмақ жоғалту (анорексия), ұйықтай алмау (ұйқысыздық), депрессия;

• бас айналуын сезіну, құлақтың шуылдауы (тиннитус);

• жүрек жеткіліксіздігі, жүрек қағуының жиілеуі, тахикардия, бетке қан тебуін сезіну;

• аллергия нәтижесінде мұрынның бітелуі (ринит);

• іш қату, шамадан тыс газдың пайда болуы (метеоризм), кекіру, ауыздың құрғауы, гастрит, пептидтік ойық жара, іштің жоғарғы бөлігінің ауыруы, он екі елі ішектің ойық жарасы, ауыз қуысының ойық жарасы;

• бауыр ферменттерінің белсенділігін арттыру (қан талдауы арқылы анықталады);

• бөртпе, қышыну, терлеудің жоғарылауы, терінің қызаруы (эритема), ангионевроздық ісіну (терінің терең қабаттарының, әдетте беттің тез ісінуі), аллергиялық бөртпе (есекжем), шаштың түсуі (алопеция);

• буынның ауыруы (артралгия);

• өзін нашар сезіну (дімкәстік) беттің ісінуі;

Сирек

• тамақтың ауыруы (фарингит)

• анемия, қан жасушалары санының азаюы (тромбоцитопения және лейкопения);

• анафилактоидтық реакциялар мен анафилаксияны қоса, аса жоғары сезімталдық (әдетте беттің ісінуімен, бетке қан тебумен, тыныс алудың қиындауымен және естен тану алдындағы жай-күймен сипатталатын организмнің реакциясы);

• сананың шатасуы, ашушаңдық, қозу, ұйқышылдық (ұйқы келген кезде), парестезия ( шаншу сезімі), дәмнің өзгеруі, тремор, бас сақинасы, көру қабілетінің бұзылуы;

• артериялық қысымның жоғарылауы, ысынулар;

• қан кету, гематомалар (көгерулер), қан ұю уақытының ұзаруы;

• тыныс алудың қиындауы ( ентігу), жөтел, бронх түйілуі;

• ойық жараның тесілуі, қан құсу, асқазан-ішек жолынан қан кету, қарамай тәрізді нәжіс;

• ауыз қуысының қабынуы, эзофагит (өңештің қабынуы), гастроэзофагеальді рефлюкс, жұтылу қиындықтары, афтозды стоматит (ойық жаралы), тілдің қабынуы;

• бауыр функциясын бағалау нәтижесіндегі қалыптан ауытқу;

• тері проблемалары, мысалы, экзема, бөртпе;

• сүйек ауыруы, бұлшықет түйілуі, бұлшықет ауыруы;

• несеп шығару проблемалары, түнде ояну және несеп шығару қажеттілігі (никтурия) немесе қандағы мочевина мен креатинин деңгейінің жоғарылауы сияқты;

• әлсіздік, қажу.

Өте сирек

• ҚҚСП барлық класына тән әсерлер: нейтропения, агранулоцитоз, апластикалық анемия, гемолиздік анемия, бүйрекке нефроуытты әсер етуі.

• асептикалық менингит;

• бауырдың зақымдануы, гепатит (бауырдың қабынуы), сарғаю, холестаз (бауырдан өт ағынын тоқтату);

• көгеру, ісіну, терінің ауыр бұзылулары (Стивенс-Джонсон синдромы, уытты эпидермальді некролиз);

Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса алғанда, дәрілік препараттарға жағымсыз реакциялар (әсерлер) жөніндегі ақпараттық дерекқорға тікелей жүгіну қажет

Қазақстан Республикасы Денсаулық сақтау министрлігінің Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препараттың құрамы

Бір құтының ішінде

белсенді зат - 8 мг лорноксикам,

қосымша заттар: маннитол, динатрий эдетаты, трометамин, хлорсутек қышқылы, натрий гидроксиді.

Сыртқы түрінің, иісінің, дәмінің сипаттамасы

Лиофилизацияланған сары түсті ұнтақ.

Қалпына келтірілген ерітінді: көрінетін бөлшектерсіз сары түсті мөлдір ерітінді.

Шығарылу түрі және қаптамасы

8 мг лорноксикамға баламалы препаратты бромбутилді резеңке тығынмен тығындалған және flip-off типті пластмасса қалпақшасы бар алюминий қалпақшамен қаусырылған түссіз шыныдан жасалған құтыға (ФШША* І типі) салынады.

5 құтыдан медициналық қолдану жөніндегі қазақ және орыс тілдеріндегі нұсқаулықпен бірге картон қорапқа салынады.

2 жыл

Жарамдылық мерзімі өткеннен кейін қолдануға болмайды!

Жарықтан қорғалған жерде, 25 ºС-ден аспайтын температурада сақтау керек.

Балалардың қолы жетпейтін жерде сақтау керек!

Рецепт арқылы

Өндіруші туралы мәліметтер

MS Pharma Jordan, Иордания

Тел.: 00962 6 5 827999

Электронды пошта: communication@mspharma.com

Тіркеу куәлігінің ұстаушысы

Зентива, к. с., Чех республикасы

Прага 10 – Долни Меколупи, Укабеловни 130, Пошта индексі 102 37, Чех Республикасы

Тел.: (+420) 267 241 111

Электронды пошта: info@zentiva.com

Қазақстан Республикасы аумағында тұтынушылардан дәрілік заттардың сапасы жөніндегі шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«Алвоген Фарма Трейдинг Юроп ЕООД» Қазақстандағы өкілдігі

050008, Алматы қ., Әуезов к-сі, 48, 3/3 кеңсе

тел: +7(727) 345 04 05

PV-Kazakhstan@zentiva.com