Локстра

Локстра

Жоқ

Көзге тамызатын дәрі 5 мл

1 мл препараттың құрамында

белсенді заттар – офлоксацин 3 мг, преднизолон ацетаты 2 мг, тетрагидрозолин гидрохлориді 0.4 мг,

қосымша заттар: бензалконий хлориді, натрий хлориді, гидроксипропилметилцеллюлоза, хлорсутек қышқылы 1 М немесе натрий гидроксиді ерітіндісі 1 М, инъекцияға арналған су.

Ақтан аздап сары түске дейінгі, бөгде бөлшектерден бос суспензия.

Cезім ағзалары. Офтальмологиялық препараттар. Біріктірілген қабынуға қарсы және инфекцияға қарсы препараттар. Біріктірілген кортикостероидтар және инфекцияға қарсы препараттар. Преднизолон және инфекцияға қарсы препараттар

АТХ коды S01СA02

Преднизолон - препаратты жергілікті қолданғаннан кейін преднизолонның көзге жүйелі әсері төмен, бірақ ол конъюнктивалық қуыстан жалпы қан ағымына аздаған мөлшерде сіңірілуі мүмкін. Жергілікті қолдануға арналған преднизолон ацетаты гидрокортизонға қарағанда күшті әсер етеді.

Бауырда метаболизденеді. Т1/2 шамамен 3 сағатты құрайды. Жергілікті әсерінің ұзақтығы 12-36 сағат шегінде. 20%-дан астамы несеппен өзгермеген түрде шығарылады.

Тетрагидрозолин гидрохлориді - симпатомиметикалық препарат, әсері тамызғаннан кейін бірнеше минуттан соң басталады және 4-8 сағат жалғасады. Жергілікті қолданғанда мүлдем сіңірілмейді.

Фармакодинамикасы

Локстра – бактерияға қарсы және қабынуға қарсы, офтальмологияда жергілікті қолдануға арналған симпатомиметикалық әсері бар біріктірілген препарат.

Офлоксацин – фторхинолондар тобының микробқа қарсы заты. Офлоксациннің бактерицидті әсері ДНК- гираза ферментінің бактериялық жасушаларында бөгелуімен байланысты. Оның әсер ету спектрі облигатты анаэробтардан, факультативті анаэробтардан және аэробтардан тұрады. Офлоксацин ішінара Proteus rettgeri, Providencia және Pseudornonas cepacia қатысты тиімді. Анаэробтардың ішінде Clostridium белгілі түрлері (мысалы, Clostridium difficile), Bacteoroides sрр. және Peptococcus sрр. Офлоксацинге төзімді.

Преднизолон. Жергілікті қолданғанда, преднизолонның емдік белсенділігі қабынуға қарсы, аллергияға қарсы және экссудацияға қарсы (вазоконстрикторлы әсерінің арқасында) әсеріне байланысты.

Преднизолон лейкоциттер мен тіндік макрофагтардың функциясын бәсеңдетеді, лейкоциттердің қабынған тұсқа көшуін шектейді. Лизосомалы жарғақшалардың тұрақтандырылуына ықпал етеді, сонымен қабыну тұсы протеолизистік ферменттердің концентрациясын төмендетеді. Гистаминнің босап шығуына байланысты капиллярлардың өткізгіштігін азайтады. Фибробласттардың белсенділігін және коллаген түзілуін бәсеңдетеді. Қабынбалы ауруларда пролиферациялық үдерістерді тежейді және тыртық тіндер түзілуін төмендетеді.

Тетрагидрозолин гидрохлориді – симпатикалық жүйке жүйесінің α-адренорецепторларын ынталандыратын симпатомиметикалық препарат, бірақ β-адренорецепторларға әсер етпейді немесе әлсіз әсер етеді. Симпатомиметик бола отырып, тетрагидрозолин гидрохлоридінің тамыр тарылтқыш әсері бар және тіндердің ісінуін азайтады. Препаратты қолдану кезінде қарашықтың кеңеюі және реактивтік гиперемия пайда болу мүмкіндігі туралы мәліметтер жоқ.

- көздің алдыңғы бөлігінің инфекциялық-қабынбалы ауруларында (блефарит, теріскен, конъюнктивит, дакриоцистит, кератит (эпителийді зақымдамай), көздің хламидий инфекциясы)

- офтальмохирургияда операциядан кейінгі инфекцияларды емдеу және профилактикасы

- эписклерит, склерит, увеитте

- жарақат немесе хирургиялық операциялардан кейінгі қабынбалы асқынуларда.

Препарат тек офтальмологиялық қолдануға арналған.

Тамызардың алдында қолыңызды мұқият жуыңыз.

Қолданар алдында құтыны әбден сілку керек.

Препаратты конъюнктивалық қуысқа 1 - 2 тамышдан тәулігіне 2 - 4 рет тамызады.

Алғашқа 24–48 сағат ішінде дозаны әрбір 2 сағат сайын бір немесе екі тамшыдан арттыруға болады. Клиникалық белгілері жақсаруына қарай қолдану жиілігін толық тоқтатқанға дейін азайтуға болады. Емді уақытынан бұрын тоқтатуға болмайды.

Операциядан кейінгі инфекцияны емдеу және профилактикалау үшін операция күнінен бастап 14 күн бойы жалғастыра отырып 1 тамшыдан тәулігіне 4 рет тағайындайды.

Тамызғаннан кейін қабақты аздап жабу немесе мұрынжас арнасын қысу ұсынылады. Бұл көз тіндері арқылы қолданылатын дәрілік препараттың жүйелі сіңірілуін төмендетеді және осылайша жүйелі жағымсыз әсерлерді төмендетеді.

Құтының ішіндегісін ластамау үшін тамызғы-құтының ұшын көзге немесе кез келген басқа бетке тигізуге болмайды.

Емдеудің ұзақтығы 7 күннен аспайды.

- жергілікті аллергиялық реакциялар: қабақтың ісінуі және қышынуы, конъюнктивалық эритема, көздің гиперемиясы, нүктелік кератит, көзден шамадан тыс жас бөлінуі, тамызғаннан кейін уақытша күйдіру немесе шаншу

Сирек жағдайларда - жоғары көзішілік қысым, көру жүйесінің зақымдануы, субкапсулярлы катаракта, көру өткірілігінің бұзылуы және көру алаңының тарылуы (бұлдырап көру немесе көрмеу, көздің ауыруы, жүрек айнуы, бас айналуы), мөлдір қабақ жұқарғанда – тесілу қаупі

Сирек - көздің вирустық немесе зеңді ауруларының таралуы, қайталанған инфекция дамуы, жараның жазылу үдерісінің баяулауы.

- дәрілік заттың компоненттеріне жоғары сезімталдықта

- Herpes simplex (ағаш тәрізді кератит) туғызған эпителий кератиті

- мөлдір қабық және конъюнктиваның (оның ішінде желшешекте) вирустық ауруларында

- көздің микобактериялық инфекцияларында

- көздің зеңді ауруларында

- көздің инфекциялық ауруларының жедел түрлерінде және іріңді инфекцияларда (бактерияға қарсы емдеу болмағанда)

- трахомада

- глаукомада

- мөлдір қабық эпителийінің тұтастығы бұзылғанда

- көз туберкулезінде

- мөлдір қабықтың бөгде денесін алғаннан кейінгі жай-күйде

- 18 жасқа дейінгі балалар және жасөспірімдерге

- жүктілік және лактация кезеңінде.

Локстра препараты, көзге тамызатын дәрісінің дәрілермен өзара әрекеттесуіне арнайы зерттеулер жүргізілген жоқ.

Жергілікті стероидтар мен қабынуға қарсы жергілікті стероидты емес дәрілерді (ҚҚСД) бір мезгілде қолдану мөлдір қабықтың жазылуымен проблеманы күшейтуі, салицилаттар мен жергілікті қолдануға арналған вирусқа қарсы препараттардың қарқындылығын азайтуы мүмкін.

Көзге арналған дәрі Локстра препараты компоненттерінің жүйелі сіңірілуі шамалы және сондықтан өзара әрекеттесу даму қаупі аз. Кортикостероидтар барбитураттардың, ұйықтатын препараттардың және трициклді антидепрессанттардың әсерін күшейтеді.

Препараттың құрамында моноаминооксидаза тежегіштерімен үйлесімсіз тетрагидрозолин гидрохлориді бар. МАО тежегіштерімен (фенелзин, ниаламид, ипрониазид және басқалар) бір мезгілде және оларды қабылдауды тоқтатқаннан кейін 10 күннің ішінде қолдануға болмайды –гипертензия даму қаупі бар.

Локстра тек жергілікті қолдануға арналған.

Құрамында ГКС (глюкокортикостероидтар) бар препараттарды 10 күннен аса қолданғанда көзішілік қысымды тұрақты өлшеп отыру қажет.

Препаратты жүйелі қолдануға арналған аминогликозидтер тобының антибиотиктерімен бір мезгілде тағайындағанда офлоксацин концентрациясын қадағалау қажет.

Препаратпен ұзақ емдегенде көзішілік қысымды өлшеп отыру ұсынылады. Көзішілік қысым жоғарылаған жағдайда препаратты қолдануды тоқтату керек.

Препараттың құрамында жұмсақ жанаспалы линзалардың бетінде тұтылуы мүмкін бензалконий хлориді (консервант) бар, сондықтан линзаларды тамызардан 15 минут бұрын алып тастау қажет, оны тамызғаннан кейін кем дегенде 15 минуттан соң тағуға болады. Бензалконий хлориді жұмсақ жанаспалы линзаларды түссіздендіреді.

Мөлдір қабықтың немесе аққабық жұқаруына әкеп соғатын аурулар болған жағдайда стероидтарді жергілікті қолдану тесілудің себебіне айналуы мүмкін.

Қарапайым герпесте процесс жайылуы мүмкін.

Аллергиялық реакция дамығанда препаратты қолдануды тоқтату керек.

Дәрілік препараттың автокөлікті немесе қауіптілігі зор механизмдерді басқару қабілетіне ықпал ету ерекшеліктері

Тамызғаннан кейін уақытша бұлдырап көру орын алу мүмкін, ол автомобиль немесе қауіптілігі зор басқа механизмдерді басқару қабілетіне теріс ықпал етуі мүмкін. Бұл жағдайда көру қалпына келгенге дейін біршама уақыт күту қажет.

Офтальмологиялық қолдану кезінде артық дозалануы шамалы. Қазіргі кезде Локстра препаратының артық дозалануы туралы хабарланған жоқ.

Симптомдары: препараттың жағымсыз әсерлерінің күшеюі.

Емі: көзді жылы судың мол мөлшерімен жуу қажет.

Шығарылу түрі және қаптамасы

5 мл-ден алғаш ашуы бақыланатын бұралып жабылатын қақпағы бар полиэтилен құтыларда.

1 құты мемлекеттік және орыс тіліндегі медициналық қолдану жөніндегі нұсқаулықпен бірге картон қорапшаға салынған.

Құрғақ, жарықтан қорғалған жерде 15 0С-ден 25 0C-ге дейінгі температурада сақтау керек.

Балалардың қолы жетпейтін жерде сақтау керек!

2 жыл

Құтыны алғаш ашқаннан кейінгі сақтау мерзімі – 30 күн.

Жарамдылық мерзімі өткеннен кейін қолдануға болмайды.

Рецепт арқылы

Өндіруші

«Jamjoom Pharmaceuticals Co. Ltd», Сауд Арабиясы

Жедах қаласы, Индустриялық алаң фаза 5,

тел./факс +966 2 6081111 / +966 2 6081222

e-mail: ahmed@jamjoompharma.com, jpharma@jamjoompharma.com

Тіркеу куәлігі иесінің атауы және елі

«Jamjoom Pharmaceuticals Со. Ltd», Сауд Арабиясы

Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта):

"Жамжум Фармацеутикалс Компани" өкілдігі

Қазақстан Республикасы, 050059, Алматы қаласы

әл-Фараби даңғылы, 15, «Нұрлы Тау» ӨҚО, блок 4 «В», 18 кеңсе, 20-қабат

тел: +7 727 3111308, +7 727 3111309