Лозартан (50 мг, Белмедпрепараты РУП

Лозартан

Лозартан

Дәрілік түрі, дозалануы

Үлбірлі қабықпен қапталған таблеткалар, 50 мг

Жүрек-қантамыр жүйесі. Ренин-ангиотензин жүйесіне әсер ететін препараттар. Ангиотензин ІІ антагонистері. Лозартан.

АТХ коды C09CA01.

• эссенциальді гипертензияны емдеу

• артериялық гипертензиясы және протеинуриясы ≥ 0,5 г/тәул 2 типті қант диабеті бар ересек пациенттерде бүйрек аурулару емдеу - гипертензияға қарсы емнің бөлігі ретінде;

• ангиотензин-өзгертуші ферменттің тежегіштерін қолдану жақпаушылыққа байланысты, әсіресе жөтел, дамығанда мүмкін емес болып есептелгенде немесе оларды тағайындау қарсы көрсетілгенде, ересек пациенттерде созылмалы жүрек жеткіліксіздігін (сол жақ қарыншаның лықсуы ≤40%, клиникалық тұрақты жағдай) емдеу;

• артериялық гипертензиясы және ЭКГ расталған сол жақ қарыншаның гипертрофиясы бар ересек пациенттерде инсульттың даму қаупін төмендету

Қолданудың басталуына дейінгі қажетті мәліметтер тізбесі

• белсенді затқа немесе препараттың кез келген компонентіне жоғары сезімталдық («Құрамы» бөл.қ);

• ауыр бауыр жеткіліксіздігі;

• қант диабеті немесе бүйрек функциясының бұзылулары бар (СКФ < 60 мл/мин/1,73 м2) пациенттерде алискиренмен бірге қолдану;

• жүктілік және лактация кезеңі;

• 6 жасқа дейінгі балалар.

Қолдануды бастағанға дейін қажетті мәліметтер тізбесі

Аса жоғары сезімалдық

Ангионевроздық ісіну. Анамнезінде ангионевроздық ісіну бар (беттің, еріннің, тамақтың және тілдің ісінуі) пациенттердің жағдайын жиі бақылау керек.

Артериялық гипотензия және су-электролиттік теңгерімнің бұзылуы

Симптоматикалық артериялық гипотензия, әсіресе препараттың алғашқы дозасын қолданғаннан кейін немесе дозаны арттырғаннан кейін, қантамырішілік көлемі төмендеген және/немесе, күшті диуретиктерді қолдану, тұзды пайдалануды диеталық шектеу, диарея немесе құсу салдарынан натрий тапшы болатын пациенттерде пайда болуы мүмкін. Лозартанмен емдеуді бастар алдында осындай жағдайларды түзеткен немесе препаратты өте төмен бастапқы дозада қолданған жөн.

Электролиттік теңгерімнің бұзылуы

Бүйрек функциясы бұзылған (қант диабетімен және онсыз) пациенттерде электролиттік теңгерімнің бұзылуы жиі байқалады, бұған көңіл бөлген жөн. 2 типті қант диабеті және нефропатиясы бар пациенттердің қатысуымен клиникалық зерттеуде гиперкалиемияның пайда болу жиілігі плацебоны қолдану тобына қарағанда лозартанды қолдану тобында жоғары болды. Сондықтан, әсіресе жүрек жеткіліксіздігі бар және креатинин клиренсі минутына 30–50 мл болатын пациенттерде қан плазмасындағы калий концентрациясын және креатинин клиренсінің көрсеткіштерін жиі тексерген жөн.

Лозартанды және калий үнемдеуші диуретиктерді, калийлік қоспаларды және құрамында калий бар тұз алмастырғыштарды бір мезгілде қолдануға болмайды.

Бауыр функциясының бұзылуы

Бауыр циррозы бар пациенттердің қан плазмасында лозартанның едәуір жоғары концентрацияларын көрсететін фармакокинетикасы жөніндегі деректерге көңіл бөле отырып, анамнезінде бауыр функциясының бұзылулары бар пациенттерде препарат дозасын төмендету жөніндегі мәселені қарастырған жөн. Лозартанды бауыр функциясының ауыр бұзылулары бар пациенттерде қолдану тәжірибесі жоқ. Сондықтан лозартанды бауыр функциясының ауыр бұзылулары бар пациенттерде қолданбаған жөн.

Бүйрек функциясының бұзылуы

Ренин-ангиотензин жүйесінің тежелуіне байланысты, бүйрек жеткіліксіздігін қоса, (әсіресе, бүйрек функциясы ренин-ангиотензин-альдостерон жүйесіне тәуелді пациенттерде, яғни жүрек функциясының ауыр бұзылулары бар немесе бүйрек функциясының бұзылулары бұрыннан бар пациенттер) бүйрек функциясында өзгерістердің болғаны жөнінде мәлімделген. Ренин-ангиотензин-альдостерон жүйесіне әсер ететін басқа дәрілік заттарды қолданған кездегідей, бүйрек артерияларының екі жақты стенозы және жалғыз бүйрек артериясының стенозы бар пациенттердің қан сарысуындағы мочевина және креатинин деңгейлерінің жоғарылағаны жөнінде мәлімделді. Бүйрек функциясының бұл өзгерістері емді тоқтатқаннан кейін қайтымды болуы мүмкін. Лозартанды бүйрек артерияларының екі жақты стенозы және жалғыз бүйрек артериясының стенозы бар пациенттерде абайлап қолданған жөн.

Бүйрек функциясының бұзылулары бар балаларда пайдаланылуы

Лозартанды өзекшелік сүзілісі < 30 мл/мин/1,73 м2 балаларға ұсынылмайды, себебі деректер жоқ.

Бүйрек трансплантациясы

Жақын арада бүйрек трансплантациясы болған пациенттерде қолдану тәжірибесі жоқ.

Бастапқы гиперальдостеронизм

Алғашқы гиперальдостеронизмі бар пациенттерде, әдеттегідей, ренин-ангиотензин жүйесін тежеу арқылы әсер ететін гипертензияға қарсы препараттар тиімді емес. Сондықтан лозартанды қолдануға болмайды.

Коронарлық артериялар аурулары және цереброваскулярлы аурулар

Гипертензияға қарсы басқа да препараттарды қолданған кездегідей, ишемиялық жүрек-қантамыр ауруы және цереброваскулярлы аурулары бар пациенттерде артериялық қысымның шамадан тыс төмендеуі миокард инфарктісінің немесе инсульттің дамуына әкелуі мүмкін.

Жүрек жеткіліксіздігі

Ренин-ангиотензин жүйесіне ықпал ететін басқа да препараттарды қолданған кездегідей, бүйрек функциясының бұзылуы бар/жоқ жүрек жеткіліксіздігі бар пациенттерде ауыр артериялық гипотензияның және (жиі жедел) бүйрек функциясы бұзылуының даму қаупі бар.

Лозартанды жүрек жеткіліксіздігі бар және бүйрек функциясының қатарлас ауыр бұзылуы бар пациенттерде, ауыр жүрек жеткіліксіздігі (NYHA бойынша ІV класс) бар пациенттерде, сондай-ақ жүрек жеткіліксіздігі және өмір үшін қауіпті симптоматикалық аритмиясы бар пациенттерге қолданудың жеткілікті емдік тәжірибесі жоқ. Лозартан мен бета-блокаторларды бір мезгілде қолданғанда сақ болған жөн.

Аортальді және митральді қақпақшалардың стенозы, обструктивті гипертрофиялық кардиомиопатия

Басқа да вазодилататорларды қолданған кездегідей, аортальді және митральді қақпақшалардың стенозы немесе обструктивті гипертрофиялық кардиомиопатиясы бар пациенттерге препаратты абайлап тағайындайды.

Ренин-ангиотензин-альдостерон жүйесінің (РААЖ) қосарлы блокадасы

Гипотензияның, гиперкалиемияның даму қаупінің жоғарылауын және бүйрек функциясының әлсіреуін (жедел бүйрек жеткіліксіздігін қоса) куәландыратын деректер бар. Сондықтан, АӨФ-тежегіштерін, ангиотензин II рецепторларының блокаторларын немесе алискиренді бір мезгілде пайдалану арқылы РААЖ қосарлы блокадасы ұсынылмайды.

Егер қосарлы блокада аса қажет деп есептелсе, мұндай ем бүйрек функциясын, электролиттер деңгейлері мен артериялық қысымды жиі мониторингтеумен маманның бақылауымен ғана жүргізіледі.

Диабеттік нефропатиясы бар пациенттерде АӨФ тежегіштерін және ангиотензин II рецепторларының блокаторларын бір мезгілде қолданбаған жөн.

Басқа дәрілік препараттармен өзара әрекеттесуі

Басқа гипотензивті препараттар лозартанның гипотензивті әсерін күшейтуі мүмкін. Жағымсыз реакция ретінде артериялық гипотензияның пайда болуын индукциялауы мүмкін басқа препараттармен (үшциклді антидепрессанттар, антипсихотропты дәрілер, баклофен және амифостин) бір мезгілде қолдану гипотензияның пайда болу қаупін арттыруы мүмкін.

Лозартан, негізінен, Р450 (CYP) 2C9 цитохромы жүйесінің қатысуымен белсенді карбоксиқышқылды метаболитке дейін метаболизденеді. Клиникалық зерттеуде флуконазол (CYP2C9 тежегіші) белсенді метаболиттің экспозициясын шамамен 50% - ға төмендетеді. Лозартанмен және рифампицинмен (метаболизм ферменттерінің индукторы) бір мезгілде емдеу қан плазмасындағы белсенді метаболит концентрациясының 40% - ға төмендеуіне әкеп соғатыны анықталды. Бұл әсердің клиникалық мәні белгісіз. Лозартан мен флувастатинді (CYP2C9 әлсіз тежегішін) бір мезгілде қолданғанда экспозицияда айырмашылықтар жоқ.

Сондай-ақ, ангиотензин II немесе оның әсерлерін бөгейтін басқа препараттарды қолданғандағыдай, организмде калийды іркілтетін препараттарды (мысалы, калий сақтайтын диуретиктер: спиронолактон, триамтерен, амилорид) немесе калий деңгейін арттыруы мүмкін (мысалы, гепарин), сондай-ақ калий қоспаларын немесе құрамында калий бар тұзды алмастырғыштарды қоса қолдану қан сарысуындағы калий құрамының артуына әкелуі мүмкін. Мұндай дәрілерді бір уақытта қолдану ұсынылмайды.

Қан сарысуындағы литий концентрациясының қайтымды артуы туралы, сондай-ақ оның уыттылығы туралы литийді АӨФ тежегіштерімен бір мезгілде қолданғанда хабарланған. Сондай-ақ ангиотензин II (АРАІІ) рецепторларының антагонистерін қолданған кезде осы жағымсыз реакция туралы өте сирек хабарланған. Литиймен және лозартанмен бір мезгілде емдеуді сақтықпен жүргізу керек. Егер мұндай біріктірілімді қолдану қажет деп есептелсе, бірге қолдану барысында қан сарысуындағы литий деңгейін тексеру ұсынылады.

АРАІІ және қабынуға қарсы стероидты емес препараттарды бір мезгілде қолданғанда (мысалы, циклооксигеназа-2 (ЦОГ-2) селективті тежегіштері, қабынуға қарсы әсер ететін дозалардағы ацетилсалицил қышқылы, селективті емес ҚҚСП) гипертензияға қарсы әсерін әлсіретуі мүмкін. Ангиотензин II антагонистерін немесе ҚҚСП-мен диуретиктерді бір мезгілде қолдану жедел бүйрек жеткіліксіздігінің даму мүмкіндігін қоса, бүйрек функциясының нашарлау қаупінің артуына, әсіресе бүйрек функциясының бар бұзылулары бар пациенттерде, сондай-ақ қан сарысуындағы калий деңгейінің жоғарылауына әкелуі мүмкін. Мұндай біріктірілімді, әсіресе егде жастағы пациенттерге сақтықпен тағайындау керек. Пациенттерге тиісті гидратация жүргізу керек, және қатарлас ем басталғаннан кейін, әрі қарай-кезеңмен бүйрек функциясының мониторингіне қатысты мәселені қарастыру керек.

Ренин-ангиотензин-альдостерон жүйесінің қосарлы блокадасы. Клиникалық зерттеулер деректері АӨФ тежегіштерін, ангиотензин II рецепторларының блокаторларын немесе алискиренді бір мезгілде қолдану салдарынан ренин-ангиотензин-альдостерон жүйесінің (РААЖ) қосарлы блокадасы РААЖ-ға әсер ететін препаратпен монотерапиямен салыстырғанда гипотензия, гиперкалиемия және бүйрек функциясының әлсіреуі (жедел бүйрек жеткіліксіздігін қоса) жоғары жиілікпен астасатынын көрсетті.

Алискиренді лозартанмен бірге диабеті бар пациенттерге немесе бүйрек жеткіліксіздігі бар пациенттерге (СКФ < 60 мл/мин) тағайындамаңыз.

Арнайы сақтандырулар

АӨФ тежегіштеріне қатысты анықталғандай, лозартан және ангиотензиннің басқа антагонистері басқа пациенттерге қарағанда, негроидты нәсілді адамдарда тиімділігі төмен, бұл афроамерикандықтар болып табылатын гипертензиясы бар пациенттерде рениннің төмен белсенділігінің кездесу жиілігі жоғары болуына байланысты болуы мүмкін.

Пациенттердің ерекше топтары

Айналымдағы қан көлемі төмендеген пациенттер

Айналымдағы қан көлемі төмендеген пациенттер үшін (мысалы, диуретиктердің жоғары дозаларымен қолдану салдарынан) емді тәулігіне 1 рет 25 мг дозадан бастау керек.

Бүйрек жеткіліксіздігі бар пациенттер және гемодиализді жүргізген пациенттер

Бастапқы дозаны түзетуді жүргізудің қажеті жоқ.

Анамнезінде бауыр функциясының бұзылуы бар пациенттер

Анамнезінде бауыр функциясының бұзылуы бар пациенттер үшін препаратты аз дозада тағайындау туралы мәселені қарастырған жөн. Бауыр функциясының ауыр бұзылуы бар пациенттерді емдеу тәжірибесі жоқ, сондықтан Лозатран пациенттердің осы тобына қарсы көрсетілген.

Егде жастағы пациенттер

Дозаны түзету әдетте қажет емес. Алайда 75 жастан асқан пациенттер жағдайында емді тәулігіне 1 рет 25 мг дозадан бастауды қарастыру керек.

Балалар популяциясы

6 ай - >6 жас

6 айдан 6 жасқа дейінгі балалардың қауіпсіздігі мен тиімділігі анықталмаған. Қазіргі уақытта қол жетімді деректер 5.1 және 5.2 бөлімдерінде сипатталған, бірақ ешқандай дозалау бойынша ұсыныстары жасалуы мүмкін емес.

6-дан 18 жасқа дейін

Таблеткаларды жұта алатын пациенттер үшін ұсынылатын доза 20-дан 50 кг-ға дейінгі салмақпен пациенттерде (ерекше жағдайларда дозаны күніне бір рет 50 мг-ға дейін арттыруға болады) күніне бір рет 25 мг құрайды. Доза артериялық қысымға сәйкес түзетілуі тиіс.

Салмағы >50 кг пациенттерде әдеттегі доза күніне бір рет 50 мг құрайды.

Ерекше жағдайларда дозаны күніне бір рет 100 мг-ға дейін арттыруға болады. Күніне 1,4 мг/кг (немесе 100 мг-ден астам) жоғары дозалар педиатриялық пациенттерде зерттелмеген.

Лозартанды 6 жасқа дейінгі балаларға қолдану ұсынылмайды, өйткені пациенттердің бұл топтарында шектеулі деректер бар.

Өзекшелік сүзіліс жылдамдығы <30 мл/мин/1,73 м2 балаларға қарсы көрсетілген, себебі деректер жоқ.

Лозартан сондай-ақ бауырдың бұзылулары бар балаларға ұсынылмайды.

Жүктілік

Жүктілік кезеңінде ангиотензин II рецепторларының антагонистерін қолдануға болмайды. Ангиотензин II рецепторларының антагонистерін қабылдайтын және жүктілікті жоспарлайтын пациенттер жүктілік кезеңінде қолдану үшін белгіленген қауіпсіздік бейіні бар гипертензияға қарсы дәрілік заттарға көшуі тиіс. Жүктілік анықталған кезде ангиотензин II рецепторларының антагонистерімен емдеуді шұғыл тоқтату және қажет болған жағдайда баламалы емдеуді бастау қажет.

Лактация кезеңі

Лозартанды емшек емізу кезеңінде қолдануға қатысты ақпарат жоқ болғандықтан, бұл препаратты тағайындау ұсынылмайды. Емшек емізуге қатысты, әсіресе нәрестелік кезеңде немесе егер бала шала туған болса, қауіпсіздік бейіні жақсы зерттелген препараттармен баламалы емдеу қолайлы болып табылады.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Лозартанның көлік немесе басқа да техникалық құралдарды басқару қабілетіне ықпалы туралы деректер жоқ. Алайда, көлік құралдарын немесе қозғалатын механизмдерді басқару кезінде гипертензияға қарсы ем қабылдаған кезде кейде бас айналу немесе ұйқышылдық, атап айтқанда емдеуді бастау кезінде немесе дозаны ұлғайту кезінде пайда болуы мүмкін екенін ескеру керек.

Қолдану жөніндегі нұсқаулар

Дозалану режимі

Артериялық гипертензия

Пациенттердің көпшілігі үшін әдеттегі бастапқы және демеуші доза тәулігіне бір рет 50 мг құрайды. Ең жоғары гипертензияға қарсы әсерге емдеу басталғаннан кейін 3-6 аптадан кейін қол жеткізіледі. Кейбір пациенттерде препараттың дозасын тәулігіне (таңертең) 100 мг дейін арттыру тиімдірек болуы мүмкін.

Лозартанды басқа гипертензияға қарсы препараттармен, әсіресе диуретиктермен (мысалы, гидрохлоротиазидпен) бірге қабылдауға болады.

Гипертензиясы және 2 типті қант диабеті бар (протеинурия ≥ 0,5 г/тәул) пациенттер

Әдеттегі бастапқы доза тәулігіне бір рет 50 мг құрайды. Дозаны емдеу басталғаннан кейін бір айдан кейін артериялық қысымның көрсеткіштеріне байланысты тәулігіне бір рет 100 мг-ға дейін арттыруға болады. Лозартанды басқа гипертензияға қарсы препараттармен (мысалы, диуретиктермен, кальций өзекшелерінің блокаторларымен, альфа- немесе бета-рецепторлардың блокаторларымен, орталық әсер ететін препараттармен), сондай-ақ инсулинмен және басқа да кеңінен қолданылатын гипогликемиялық препараттармен (мысалы, сульфонилмочевина, глитазондар және глюкозидазаның тежегіштері) қолдануға болады.

Жүрек жеткіліксіздігі бар пациенттер

Жүрек жеткіліксіздігі бар пациенттерде бастапқы доза әдетте тәулігіне 1 рет 12,5 мг құрайды. Жалпы, пациенттің қол жеткізген әсеріне және дәрілік затты көтере алушылығына байланысты 1 апта аралықпен дозаны титрлеуді (яғни, тәуліктік дозаны 12,5 мг → 25 мг → 50 мг → 100 мг тәулігіне 1 рет 150 мг ең жоғары дозаға дейін бірізді арттыру) жүргізу қажет.

Артериялық гипертензиясы және ЭКГ расталған сол жақ жүрекше гипертрофиясы бар пациенттерде инсульттың даму қаупінің төмендеуі

Әдеттегі бастапқы доза тәулігіне бір рет 50 мг лозартанды құрайды. Артериялық қысым деңгейінің төмендеуіне байланысты емдеуге гидрохлортиазидті төмен дозада қосу және/немесе лозартан дозасын тәулігіне бір рет 100 мг-ға дейін арттыру керек.

Енгізу әдісі және жолы

Лозартанды ішке қабылдау керек.

Қабылдау уақытын көрсетумен қолдану жиілігі

Күннің кез келген уақытында бір рет, бірақ күнделікті бір уақытта.

Дәрілік затты тамақтануға қарамастан, бір стақан сумен іше отырып қабылдайды.

Артық дозалану жағдайында қабылдау қажет болатын шаралар

Симптомдары: деректер шектеулі. Артық дозаланудың ең ықтимал көріністері гипотензия және тахикардия болып табылады; брадикардия парасимпатикалық (вагусты) ынталандырудың салдары болуы мүмкін.

Емі: препаратты қабылдағаннан кейін өткен уақыт ұзақтығына, сондай-ақ симптомдардың сипаты мен ауырлығына байланысты. Жүрек-қантамыр жүйесін тұрақтандыру басым шара болуы тиіс. Лозартанды пероральді қабылдағаннан кейін белсендірілген көмірдің қосарлы дозасын қолдану көрсетілген. Кейінірек организм тіршілігінің негізгі көрсеткіштерін жиі бақылап, қажет болған жағдайда түзету керек. Лозартан және оның белсенді метаболиттері гемодиализді жүргізу кезінде шығарылмайды.

Дәрілік препараттың бір немесе бірнеше дозасын жіберіп алғанда қажетті шаралар

Препараттың дозасын жіберіп алған кезде келесі жоспарланған дозаны қажетті уақытта қабылдау керек. Жіберіп алған дозаның орнын толтыру үшін қосарлы дозаны қабылдамаған жөн.

Препаратты қолдану бойынша сұрақтар болған жағдайда медицина қызметкеріне жүгіну керек.

Дәрілік препаратты стандартты қолдану кезінде көрініс беретін жағымсыз реакциялар сипаттамасы және осы жағдайда қабылдау керек шаралар

Жиі

- анемия

- бас айналуы, вертиго

- дозаға тәуелді ортостатикалық әсерлерді (әсіресе айналымдағы қанның көлемі төмендеген пациенттерде, мысалы, ауыр жүрек жеткіліксіздігі бар пациенттерде немесе жоғары дозадағы диуретиктермен емдеу кезінде) қоса, ортостатикалық гипотензия

- бүйрек функциясының бұзылуы, бүйрек жеткіліксіздігі

- астения, шаршау

- гипогликемия, гиперкалиемия, қандағы мочевина деңгейінің жоғарылауы

- сарысудағы креатинин және калий деңгейінің жоғарылауы

Жиі емес

- ұйқышылдық, бас ауыруы, ұйқының бұзылуы

- жүрек қағуын сезіну, стенокардия

- диспноэ, жөтел

- абдоминальді ауыру, іш қату, диарея, жүрек айнуы, құсу

- есекжем, қышыну, бөртпе

- ісінулер

Сирек

- парестезиялар

- синкопе, жүрекше фибриляциясы, ми инфарктісі

- аланин-аминотрансфераза деңгейінің жоғарылауы (АЛТ; әдетте препаратты тоқтатқаннан кейін қайтымды)

Маркетингтен кейінгі кезеңде мынадай жағымсыз реакциялар байқалған

Сирек

- аса жоғары сезімталдық реакциялары, анафилаксиялық реакциялар, ангионевроздық ісіну (көмейдің және тыныс алу жолының обструкциясына әкелетін дауыс саңылауының ісінуін және/немесе беттің, еріннің, жұтқыншақтың және/немесе тілдің ісінуін қоса; осы пациенттердің кейбіреуінің анамнезінде басқа препараттарды, оның ішінде АӨФ тежегіштерін қолданумен байланысты ангионевроздық ісіну болған), васкулит (Шенлейн-Генох пурпурасын қоса)

- гепатит

Жиілігі белгісіз

- анемия, тромбоцитопения

- депрессия

- бас сақинасы, дисгевзия

- құлақтағы шуыл

- жөтел

- диарея

- панкреатит, бауыр функциясының бұзылуы

- есекжем, қышыну, бөртпе, фотосезімталдық

- миалгия, артралгия, рабдомиолиз

- эректильді дисфункция, импотенция

- гипонатриемия

- жалпы дімкәстік сезімі

- арқаның ауыруы, несеп шығару жолдарының инфекциясы, тұмауға ұқсас симптомдар

Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек:

Қазақстан Республикасы Денсаулық сақтау министрлігі Тауарлар мен көрсетілетін қызметтердің сапасы мен қауіпсіздігін бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препарат құрамы

Бір таблетканың құрамында

белсенді зат – лозартан калий тұзы, 50 мг,

қосымша заттар: желатинделген крахмал, натрий кроскармеллозасы, сусыз коллоидты кремнийдің қостотығы, кальций стеараты, микрокристалды целлюлоза;

қабығы (опадрай ІІ ақ (85 F)) – поливинил спирті, ішінара гидролизденген, макрогол/полиэтиленгликоль 3350, тальк, титанның қостотығы (Е171).

Сыртқы түрінің сипаттамасы

Дөңгелек пішінді екі беті дөңес сарғыш реңкті ақ немесе ақ дерлік түсті үлбірлі қабықпен қапталған таблеткалар. Көлденең тілікте – ақ немесе сарғыш реңкті ақ түсті ядро. Таблетка беткейінде үлбірлі жабынының бүдірлеу болуы мүмкін.

Шығарылу түрі және қаптамасы

10 таблеткадан поливинилхлорид үлбірден және алюминий фольгадан жасалған пішінді ұяшықты қаптамаға салынады.

Үш пішінді ұяшықты қаптамадан медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынады.

2 жыл.

Жарамдылық мерзімі өткеннен кейін қолдануға болмайды!

Ылғалдан және жарықтан қорғалған жерде 25°С-ден аспайтын температурада сақтау керек.

Балалардың қолы жетпейтін жерде сақтау керек!

Рецепт арқылы.

Өндіруші туралы мәліметтер

«Белмедпрепараты» РУК, Беларусь Республикасы

220007, Минск қ., Фабрициус к-сі, 30,

т./ф.: (+375 17) 220 37 16,

e-mail: medic@belmedpreparaty.com.

Тіркеу куәлігінің ұстаушысы

«Белмедпрепараты» РУК, Беларусь Республикасы

220007, Минск қ., Фабрициус к-сі, 30,

т./ф.: (+375 17) 220 37 16,

e-mail: medic@belmedpreparaty.com.

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«Registrarius» ЖШС

Нақты мекенжайы: Алматы қ. 050000, Байзақов к-сі 280, Almaty Towers БО, SmArt.Point Коворкинг-орталығы

Телефон нөмірлері: +77017460421, +77718887711

Электронды пошта: info@registrarius.org