Лозартан-бене (100 мг)

Лозартан-бене

Лозартан

Үлбірлі қабықпен қапталған таблеткалар, 50 мг және 100 мг

Бір таблетканың құрамында

белсенді зат - 50 мг немесе 100 мг калий лозартаны

қосымша заттар (50 мг дозасы): микрокристалды целлюлоза, кальций гидрофосфаты дигидраты, натрий кроскармеллозасы, магний стеараты, сусыз коллоидты кремнийдің қостотығы, тальк;

қосымша заттар (100 мг дозасы): микрокристалды целлюлоза, лактоза моногидраты, желатинделген жүгері крахмалы, магний стеараты;

қабығының құрамы: поливинил спирті, макрогол (полиэтиленгликоль) 3350, тальк, титанның қостотығы (Е171).

50 мг дозасы: дөңгелек, екі беті дөңес, сызығы бар, ақ түсті үлбірлі қабықпен қапталған таблеткалар.

100 мг дозасы: дөңгелек, екі беті дөңес, ақ түсті үлбірлі қабықпен қапталған таблеткалар.

Жүрек-қантамыр жүйесі. Ренин-ангиотензин жүйесіне әсер ететін препараттар. Ангиотензин II антагонистері. Лозартан.

АТХ коды C09CA01

Фармакокинетикасы

Сіңірілуі

Ішке қабылданғанда лозартан жақсы сіңіріледі және бауыр арқылы «алғаш өтуі» кезінде метаболизмге ұшырайды, соның нәтижесінде белсенді карбоксилденген метаболиті мен белсенді емес метаболиттері түзіледі. Таблеткалар түріндегі лозартанның жүйелі биожетімділігі 33 % жуықты құрайды. Лозартан мен оның белсенді метаболиті орташа ең жоғарғы концентрацияларына сәйкесінше 1 сағаттан соң және 3-4 сағаттан соң жетеді. Әдеттегі ас ішу лозартанның қан плазмасындағы концентрациясының бейініне клиникалық тұрғыдан елеулі әсер етпейді.

Таралуы

Лозартан мен оның белсенді метаболиті қан плазмасы ақуыздарымен (негізінен, альбуминмен) 99 %-дан астамға байланысады. Лозартанның таралу көлемі 34 л құрайды.

Метаболизмі

Вена ішіне немесе ішке енгізілген лозартан дозасының 14 %-ына жуығы, оның белсенді метаболитіне айналады. 14С таңбалы лозартанды ішу арқылы және вена ішіне енгізгеннен кейін, айналымдағы қан плазмасының радиоактивтілігі, әдетте, онда лозартан мен оның белсенді метаболитінің болуымен байланысты. Лозартанның белсенді метаболитіне айналу жылдамдығының төмендігі шамамен 1 % пациентте байқалған. Белсенді метаболиттен өзге, лозартанның белсенді емес бірнеше метаболиті түзіледі.

Шығарылуы

Лозартан мен оның белсенді метаболитінің плазмалық клиренсі 600 мл/минутқа және 50 мл/минутқа жуықты құрайды. Лозартан мен оның белсенді метаболитінің бүйректік клиренсі сәйкесінше, шамамен 74 мл/минут және 26 мл/минутты құрайды. Лозартанды ішке қабылдағанда дозасының 4 %-ына жуығы несеппен өзгеріссіз күйінде шығарылады, дозасының 6 %-ына жуығы несеппен белсенді метаболиті түрінде шығарылады. Калий лозартанын 200 мг дейінгі дозаларда ішу арқылы қолданғанда, лозартан мен оның белсенді метаболитінің фармакокинетикасы дозасына тәуелді.

Ішке қабылдағаннан кейін лозартан мен оның белсенді метаболитінің плазмалық концентрациялары полиэкспоненциальді төмендеп, жартылай шығарылуының ақырғы кезеңі сәйкесінше 2 сағат және 6-9 сағатқа жуықтайды. Препаратты 100 мг дозада тәулігіне 1 рет қабылдағанда, лозартан да, оның белсенді метаболиті де қан плазмасында айтарлықтай жинақталмайды.

Лозартан мен оның метаболиттерінің шығарылуы өт және несеп арқылы жүзеге асады. 14С таңбалы лозартанды ішке қабылдағаннан кейін радиоактивтілігінің 35 %-ына жуығы несепте және 58 %-ы – нәжісте анықталады. 14С таңбалы лозартанды вена ішіне енгізгеннен кейін радиоактивтілігінің шамамен 43 %-ы несепте және 50 %-ы – нәжісте анықталады.

Пациенттердің жекелеген топтарындағы фармакокинетикасы

Егде жастағы пациенттер

Артериялық гипертензиясы бар, егде жастағы пациенттерде лозартан мен оның белсенді метаболитінің қан плазмасындағы концентрациялары артериялық гипертензиясы бар жастау пациенттердегі осындай көрсеткіштерден айтарлықтай өзгешеленбейді.

Жыныстары әр түрлі пациенттер

Артериялық гипертензиясы бар әйелдерде лозартанның қан плазмасындағы концентрациялары артериялық гипертензияға шалдыққан ерлермен салыстырғанда 2 есе жоғары. Ерлер мен әйелдердегі белсенді метаболитінің концентрацияларында айырмашылық жоқ.

Бүйрек функциясының бұзылуы бар пациенттер

Креатинин клиренсі (КК) 10 мл/минуттан жоғары пациенттерде лозартанның плазмалық концентрациялары бүйрек функциясы өзгермеген адамдардағы осындайдан өзгешеленбейді. Бүйрек функциясының бұзылуы бар немесе гемодиализдегі пациенттерде белсенді метаболитінің плазмалық концентрациялары өзгермейді. Лозартан мен оның белсенді метаболиті организмнен гемодиализдің көмегімен шығарылмайды.

Бауыр функциясының бұзылуы бар пациенттер

Бауырдың ауырлығы жеңіл және орташа дәрежелі алкогольдік циррозы бар пациенттерде лозартанның концентрациясы 5 есе, ал белсенді метаболитінің концентрациясы – 1,7 есе жоғары.

Балалар мен жасөспірімдер

Лозартанның белсенді метаболитінің түзілуі барлық жас топтарындағыларда орын алады. Алынған нәртижелерге сәйкес, лозартанның ішке қабылдағаннан кейінгі фармакокинетикалық параметрері жаңа туған нәрестелер мен екі жасқа дейінгі, мектеп жасына дейінгі, мектеп жасындағы балаларда және жасөспірімдерде шамамен бірдей. Метаболитінің фармакокинетикалық параметрлері жас тобына байланысты айқынырақ өзгешеленіп отырған. Мектеп жасына дейінгі балалар мен жасөспірімдерді салыстырғанда, бұл айырмашылық статистикалық тұрғыдан елеуі бола береді. Жаңа туған нәрестелер мен екі жасқа дейінгі балалардағы экспозициясы салыстырмалы түрде жоғары болды.

Фармакодинамика

Лозартан ішу арқылы қолдануға арналған, AT1 типті ангиотензин II рецепторларының (АII РБ) синтетикалық блокаторы болып табылады. Ангиотензин II – күшті вазоконстриктор – ренин-ангиотензин жүйесінің негізгі бесенді гормоны және артериялық гипертензия патофизиологиясының аса маңызды факторы болып табылады. Ангиотензин II көптеген тіндерде (қантамырлардың тегіс бұлшықеттерінде, бүйрекүсті бездерінде, бүйрек пен жүректе) болатын AT1-рецепторлармен байланысып, сол жерде вазоконстрикция мен альдостерон босап шығуын қоса, бірқатар маңызды биологиялық функцияларды атқарады. Сондай-ақ, ангиотензин II тегіс бұлшықеттер жасушаларының пролиферациясын стимуляциялайды.

Лозартан AT1-рецепторларды іріктеп бөгейді. Лозартан мен оның фармакологиялық тұрғыдан белсенді метаболиті (Е-3174) ангиотензин II синтезі көзіне немесе жолына байланыссыз, оның физиологиялық тұрғыдан маңызды барлық әсерлерін бөгейді.

Лозартан агонистік әсер көрсетпейді және басқа гормондардың рецепторларын немесе жүрек-қантамыр жүйесі функциясының реттелуінде маңызды рөл атқаратын ион арналарын бөгемейді. Бұдан өзге, лозартан брадикининді ыдырататын фермент АӨФ (киназа II) бәсеңдетпейді. Сәйкесінше, брадикинин түрткі болған жағымсыз әсерлердің күшеюі жүрмейді.

Лозартанды қолданғанда ангиотензин II ренин секрециясына теріс кері реакцииясының жойылуы қан плазмасындағы ренин белсенділігінің (ПРБ) жоғарылауына алып келеді. ПРБ жоғарылауы қан плазмасындағы ангиотензин II концентрациясының жоғарылауына алып келеді. Мұндай жоғарылауына қарамастан, гипертензияға қарсы белсенділігі мен қан плазмасындағы альдостерон концентрациясының төмендеуі сақталып қалады, бұл ангиотензин II рецепторарының тиімді блокадасын көрсетеді. Лозартанды қолдануды тоқтатқаннан кейін ПРБ мен ангиотензин II көрсеткіштері 3 күн ішінде бастапқы мәндеріне қайтып келеді.

Лозартанның да, оның негізгі белсенді метаболитінің де AT2-рецепторларға қарағанда, AT1-рецепторларына тектестігі жоғары. Белсенді метаболиті лозартанға қарағанда 10-40 есе белсендірек (салмағына шаққанда).

- ересектердегі артериялық гипертензияны емдеу үшін;

- ересек пациенттерде ангиотензин-өзгертуші фермент тежегіштерін қолдану көтерімсіздігі себебіне байланысты мүмкін емес болып саналған, әсіресе, жөтел дамыған жағдайда, немесе оларды тағайындауға болмайтын жағдайларда жүректің созылмалы жеткіліксіздігін (сол жақ қарыншаның лықсыту фракциясы ≤40%, клиникалық тұрғыдан тұрақты жағдай) емдеу үшін

- артериялық гипертензиясы және ЭКГ-да расталған сол жақ қарыншаның гипертрофиясы бар ересек пациенттерде инсульттің даму қаупін төмендету үшін

- артериялық гипертензиясы және тәулігіне ≥ 0,5 г протеинуриямен жүретін 2 типті қант диабеті бар ересек пациенттерде бүйрек ауруларын емдеу үшін, гипертензияға қарсы емнің бір бөлігі ретінде

Таблеткаларды ас ішуге байланыссыз, ішке, бір стақан сумен ішіп қабылдау керек.

Артериялық гипертензия

Пациенттердің көпшілігі үшін стандартты бастапқы және демеуші дозасы тәулігіне 1 рет 50 мг құрайды. Ең жоғарғы гипотензиялық әсеріне емдеу басталғаннан кейін 3-6 аптадан соң жетеді. Кейбір пациенттерде жоғарғы әсеріне қол жеткізу үшін, дозасын тәулігіне 1 рет (таңертеңгілік) 100 мг дейін арттыруға болады.

Препаратты гипертензияға қарсы басқа препараттармен, әсіресе, диуретиктермен (мысалы, гидрохлоротиазидпен) біріктіріп қабылдауға болады.

Артериялық гипертензиясы және сол жақ қарыншаның гипертрофиясы бар пациенттерде инсульт пен миокард инфарктісінің даму қаупін төмендету үшін

Препараттың стандартты бастапқы дозасы тәулігіне 1 рет 50 мг құрайды. Ары қарай төмен дозалардағы гидрохлоротиазидті қосу дозасын артериялық қысымның (АҚ) төмендеуі дәрежесін ескере отырып, тәулігіне 1 рет 100 мг дейін арттыру ұсынылады.

2 типті қант диабеті және тәулігіне ≥ 0,5 г протеинуриясы бар пациенттерде бүйрек функциясын қорғау үшін

Препараттың стандартты бастапқы дозасы тәулігіне 1 рет 50 мг құрайды. Дозасын АҚ көрсеткіштеріне байланысты, емдеу басталғаннан кейін 1 айдан соң тәулігіне 1 рет 100 мг дейін арттыруға болады. Лозартанды гипертензияға қарсы басқа дәрілермен (диуретиктермен, кальций өзекшелерінің блокаторларымен, альфа- және бета-адреноблокаторлармен және орталықтық әсері бар препараттармен), инсулинмен және басқа гипогликемиялық дәрілермен (сульфонилмочевина туындыларымен, глитазондармен және глюкозидаза тежегіштерімен) біріктіріп тағайындауға болады.

Жүректің созылмалы жеткіліксіздігі

Жүректің созылмалы жеткіліксіздігі бар пациенттер үшін лозартанның бастапқы дозасы, негізінен, тәулігіне 1 рет 12,5 мг құрайды. Әдетте, дозасы жекелей көтерімділігіне байланысты, бір апта аралықпен, әдеттегі, тәулігіне бір рет 50 мг демеуші дозасына дейін (тәулігіне 12,5 мг, тәулігіне 25 мг, тәулігіне 50 мг) арттырылады.

Пациенттердің жекелеген топтары

Егде жастағы пациенттер

Әдетте, егде жастағы пациенттерде лозартанның дозасын түзету қажет емес, әйтсе де, 75 жастан асқан пациенттерде 25 мг бастапқы дозасын қолдану мүмкіндігін қарастыру керек.

Бүйрек функциясының бұзылуы бар пациенттер

Бүйрек функциясының бұзылуы бар пациенттерде және гемодиализдегі пациенттерде бастапқы дозасын өзгерту қажет емес.

Бауыр функциясының бұзылуы бар пациенттер

Анамнезінде бауыр аурулары бар пациенттерге препараттың төменірек дозаларын тағайындау ұсынылады. Препаратты бауыр функциясының ауыр бұзылулары бар пациенттерді емдеу үшін қолдану тәжірибесі болмаған, сондықтан, пациенттердің аталған тобында лозартанды қолдануға болмайды.

Айналымдағы қан көлемі төмендеген пациенттер

Айналымдағы қан көлемі төмендеген (мысалы, диуретиктердің жоғары дозаларын қабылдағанда) пациенттерді емдеу үшін, препараттың тәулігіне 1 рет 25 мг бастапқы дозасын қолдану мәселесін қарастыру керек.

Балалар мен жасөспірімдер

Лозартанды 6 жасқа дейінгі балаларда қолдану үшін ұсынылмайды, өйткені, пациенттердің аталған тобында препараттың қолданылуы жөнінде мәліметтер жеткіліксіз.

Таблеткаларды жұта алатын, және дене салмағы > 20 кг және < 50 кг балалар үшін, ұсынылатын дозасы тәулігіне бір рет 25 мг құрайды. Бірен-саран жағдайларда дозасын ең жоғарғысына – тәулігіне бір рет 50 мг дейін арттыруға болады. Дозасын артериялық қысым деңгейіне әсер етуіне байланысты түзету керек.

Дене салмағы > 50 кг пациенттерде әдеттегі дозасы тәулгіне бір рет 50 мг құрайды. Бірен-саран жағдайларда, дозасын ең жоғарғысына – тәулігіне бір рет 100 мг дейін арттыруға болады. Тәулігіне 1.4 мг/кг асатын (немесе 100 мг асатын) дозаларының балаларда қолданылуы зерттелмеген.

Жағымсыз әсерлерінің туындау жиілігі: өте жиі (≥1/10), жиі (≥1/100, бірақ <1/10), жиі емес (≥1/1000, бірақ <1/100), сирек (≥1/10000, бірақ <1/1000), өте сирек (<1/10000).

Артериялық гипертензия

Жүйке жүйесі тарапынан бұзылулар: жиі – бас айналуы; жиі емес – ұйқышылдық, бас ауыруы, ұйқының бұзылуы.

Есту мүшесі тарапынан бұзылулар және лабиринттік бұзылулар: жиі – вертиго.

Жүрек тарапынан бұзылулар: жиі емес – пальпитация, стенокардия, тахикардия.

Қантамырлар тарапынан бұзылулар: жиі емес – симптоматикалық гипотензия (әсіресе, айналымдағы қан көлемі төмендеген, мысалы, жүректің ауыр жеткіліксіздігі бар пациенттерде немесе диуретиктермен жоғары дозаларында емдегенде), дозасына тәуелді ортостатикалық әсері.

Тыныс алу жүйесі, кеуде қуысы ағзалары және көкірекорта тарапынан бұзылулар: жиі емес – жөтел, мұрынның бітелуі, фарингит, қосалқы қойнауларының аурулары, жоғарғы тыныс жолдарының инфекциялары.

Асқазан-ішек жолы тарапынан бұзылулар: жиі емес – іш ауыруы, іш қатуы, диарея, диспепсия, жүрек айнуы.

Тері және теріасты тіндері тарапынан бұзылулар : жиі емес – бөртпе.

Қаңқа-бұлшықет және дәнекер тіндер тарапынан бұзылулар: жиі емес – арқаның ауыруы, бұлшықет түйілулері.

Жалпы бұзылыстар және енгізген жердегі бұзылулар: жиі емес – астения, қатты қажу, ісінулер, кеуде қуысының ауыруы.

Зертханалық және аспаптық зерттеулердің нәтижелеріне әсері: жиі – гиперкалиемия; сирек – аланинаминотрансфераза (АЛТ) белсенділігінің жоғарылауы, әдетте, препаратты тоқтатқаннан кейін қайтымды.

Артериялық гипертензиясы және сол жақ қарыншаның гипертрофиясы бар пациенттер

Жүйке жүйесі тарапынан бұзылулар: жиі – бас айналуы.

Есті мүшесі тарапынан бұзылулар және лабиринттік бұзылулар: жиі – вертиго.

Жалпы бұзылыстар және енгізген жердегі бұзылулар: жиі – астения, қатты қажу.

Жүректің созылмалы жеткіліксіздігі

Қан және лимфа жүйесі тарапынан бұзылулар: жиі – анемия.

Жүйке жүйесі тарапынан бұзылулар: жиі – бас айналуы; жиі емес – бас ауыруы; сирек – парестезия.

Жүрек тарапынан бұзылулар: сирек – синкопе, жүрекшелердің фибрилляциясы, инсульт.

Қантамырлар тарапынан бұзылулар: жиі – ортостатикалық гипотензияны қоса, гипотензия.

Тыныс алу жүйесі, кеуде қуысы ағзалары мен көкірекорта тарапынан бұзылулар: жиі емес – диспноэ, жөтел.

Асқазан-ішек жолы тарапынан бұзылулар: жиі емес – диарея, жүрек айнуы, құсу.

Тері және теріасты тіндері тарапынан бұзылулар: жиі емес – есекжем, қышыну, бөртпе.

Бүйрек және несеп шығару жолдары тарапынан бұзылулар: жиі – бүйрек функциясының бұзылуы, бүйрек жеткіліксіздігі.

Жалпы бұзылыстар және енгізген жердегі бұзылулар: жиі емес – астения, қатты қажу.

Зертханалық және аспаптық зерттеулердің нәтижелеріне әсері: жиі –қандағы мочевина деңгейінің, қан сарысуындағы креатинин мен калийдің жоғарылауы, жиі емес – гиперкалиемия (жиі –лозартанды 50 мг орнына 150 мг дозада қабылдаған пациенттерде).

Артериялық гипертензия және бүйрек ауруымен бірге жүретін 2 типті қант диабеті

Жүйке жүйесі тарапынан бұзылулар: жиі – бас айналуы.

Қантамырлар тарапынан бұзылулар: жиі – гипотензия.

Жалпы бұзылыстар және енгізген жердегі бұзылулар: жиі – астения, қатты қажу.

Зертханалық және аспаптық зерттеулердің нәтижелеріне әсері: жиі – гипогликемия, гиперкалиемия*.

*Нефропатиямен бірлескен 2 типті қант диабеті бар пациенттердің қатысумен жүргізілген клиникалық зерттеулер барысында > 5.5 ммоль/л гиперкалиемия лозартанды қабылдаған 9.9 % пациентте, және плацебо қабылдаған 3.4 % пациентте анықталды.

Келесі жағымсыз реакциялар плацебо тобындағы пациенттерге қарағанда, лозартанды қолданған пациенттерде жиірек туындап отырған.

Қан және лимфа жүйесі тарапынан бұзылулар: жиілігі белгісіз – анемия.

Жүрек тарапынан бұзылулар: жиілігі белгісіз – синкопе, пальпитация.

Қантамырлар тарапынан бұзылулар: жиілігі белгісіз – ортостатикалық гипотензия.

Асқазан-ішек жолы тарапынан бұзылулар: жиілігі белгісіз – диарея.

Қаңқа-бұлшықет жүйес мен дәнекер тіндер тарапынан бұзылулар: жиілігі белгісіз – арқаның аурыуы.

Бүйрек және несеп шығару жолдары тарапынан бұзылулар: жиілігі белгісіз – несеп шығару жолдарының инфекциялары.

Жалпы бұзылыстар және енгізген жердегі бұзылулар: жиілігі белгісіз – тұмау тәрізді симптомыдар.

Тіркеуден кейін қолдану тәжірибесі

Қан және лимфа жүйесі тарапынан бұзылулар: жиілігі белгісіз – анемия, тромбоцитопения.

Иммундық жүйе тарапынан бұзылулар: сирек – аса жоғары сезімталдық реакциялары, анафилаксиялық реакциялар, ангионевроздық ісіну (тыныс жолдарының обструкциясын және/немесе беттің, еріннің, жұтқыншақтың және/немесе тілдің ісінуін туғызатын, көмей мен дауыс саңылауының ісінуін қоса). Бірқатар пациенттерде ангионевроздық ісіну бұрын да, басқа дәрілік заттарды, соның ішінде АӨФ тежегіштерін қабылдағанда дамыған; Шенлейн-Генох пурпурасын қоса, васкулит.

Психика бұзылулары: жиілігі белгісіз – депрессия.

Жүйке жүйесі тарапынан бұзылулар: жиілігі белгісіз – бас сақинасы, дисгевзия.

Есті мүшесі тарапынан бұзылулар және лабиринттік бұзылулар: жиілігі белгісіз – құлақтың шыңылдауы.

Тыныс алу жүйесі, кеуде қуысы ағзалары және көкірекорта тарапынан бұзылулар: жиілігі белгісіз – жөтел.

Асқазан-ішек жолы тарапынан бұзылулар: жиілігі белгісіз – диарея, панкреатит, құсу.

Бауыр және өт шығару жолдары тарапынан бұзылулар: сирек – гепатит; жиілігі белгісіз – бауыр функциясының бұзылуы.

Тері және теріасты тіндері тарапынан бұзылулар: жиілігі белгісіз – есекжем, қышыну, бөртпе, фотосезімталдық, эритродермия.

Қаңқа-бұлшықет және дәнекер тіндер тарапынан бұзылулар: жиілігі белгісіз – миалгия, артралгия, рабдомиолиз.

Бүйрек және несеп шығару жолдары тарапынан бұзылулар: ренин-ангиотензин-альдостерон жүйесінің тежелуі салдарынан, қауіп тобындағы пациенттердегі бүйрек жеткіліксіздігін, қоса, бүйрек функциясындағы өзгерістер туралы хабарланған; бүйрек функциясының ондай өзгерістері емдеу тоқтатылғанннан кейін қайтымды болуы мүмкін.

Жыныс мүшелері мен сүт бездері тарапынан бұзылулар: жиілігі белгісіз – эректильді дисфункция/импотенция.

Жалпы бұзылыстар және енгізген жердегі бұзылулар: жиілігі белгісіз – дімкәстану.

Зертханалық және аспаптық зерттеулердің нәтижелеріне әсері: жиілігі белгісіз – гипонатриемия.

Балалар

Балалардағы жағымсыз реакцияларының бейіні ересек пациенттердегі бейініне ұқсас. Балалардағы жағымсыз реакцияларына қатысты мәліметтер шектеулі.

Нұсқаулықта көрсетілген жағымсыз әсерлерінің кез келгені ушыққан немесе нұсқаулықта көрсетілмеген кез келген басқа жағымсыз әсерлер пайда болған жағдайда, бұл туралы емдуші дәрігерге хабарлау қажет.

- лозартанға немесе препараттың басқа компоненттеріне жоғары сезімталдық;

- бауыр функциясының ауыр бұзылулары;

- қант диабеті немесе бүйректің орташа/ауыр жеткіліксіздігі бар (ШСЖ <60 мл/мин/1.73 м2) пациенттерде лозартанды алискиренмен бір мезгілде қолдану;

- жүктілік және лактация кезеңі

- балалар мен 18 жасқа дейінгі жасөспірімдерге

Гипертензияға қарсы басқа дәрілер лозартанның гипотензиялық әсерін күшейтуі мүмкін. Артериялық қысымды төмендетуге қабілетті басқа препараттармен (үшциклдық антидепрессанттар, нейролептиктер, баклофен, амифостин) бір мезгілде қолдану, гипотензияның туындау қаупін арттыруы мүмкін.

Лозартан көбінесе, Р450 (CYP) цитохромы жүйесінің 2С9 қатысуымен белсенді карбокси-қышқылды метаболитіне дейін метаболизденеді. Флуконазол (CYP2C9 тежегіші) мен рифампицин (метаболизм ферменттерінің индукторы) белсенді метаболитінің қан плазмасындағы концентрациясын сәйкесінше, шамамен 50 % және 40 %-ға төмендетеді. Бұл әсерінің клиникалық маңызы белгісіз. Лозартан мен флувастатинді (CYP2C9 әлсіз тежегішін) бір мезгілде қолданғанда, препараттың концентрациясында өзгешеліктер байқалған жоқ.

Ангиотензин II немесе оның әсерлерін бөгейтін басқа препараттарды қолданғандағы сияқты, организмдегі калийді кідіртетін (мысалы, калий жинақтаушы диуретиктер: спиронолактон, триамтерен, амилорид) немесе калий деңгейін арттыруы мүмкін (мысалы, гепарин) препараттарды, сондай-ақ, калий қоспаларын немесе құрамында калий бар тұз алмастырғыштарын қатарлас қолдану қан сарысуындағы калий деңгейінің жоғарылауына алып келуі мүмкін. Ондай дәрілерді бір мезгілде қолдану ұсынылмайды.

Литийдің қан сарысуындағы концентрацияларының қайтымды жоғарылағаны, сондай-ақ, оның уыттылығы туралы, литийді АӨФ тежегіштерімен бір мезгілде қолданғанда хабарланған. Сонымен қатар, аталған жағымсыз реакция туралы ангиотензин II рецепторларының антагонистерін қолданғанда өте сирек хабарланды. Литиймен және лозартанмен бір мезгілде емдеуді абайлап жүргізу керек. Егер мұндай біріктірілімін қолдану қажет деп есептелсе, бірге қолданылу кезеңі бойына қан сарысуындағы литий деңгейлерін тексеру ұсынылады.

Ангиотензин II антагонистері мен циклооксигеназа-2 (ЦОГ-2)селективті тежегіштерін, қабынуға қарсы дозалардағы ацетилсалицил қышқылын және селективті емес ҚҚСД қоса,қабынуға қарсы стероидты емес дәрілерді (ҚҚСД) бір мезгілде тағайындағанда, гипертензияға қарсы әсерінің әлсірегені байқалуы мүмкін. Ангиотензин IІ антагонистерін немесе диуретиктер мен ҚҚСД бірге қолдану бүйрек функциясы бұзылуларының даму қаупін, соның ішінде, бүйректің жедел жеткіліксіздігінің даму қаупін арттыруы, сондай-ақ, әсіресе, бүйрек функциясының бұзылулары бұрыннан бар пациенттерде қан сарысуындағы калий мөлшерінің жоғарылауына алып келуі мүмкін. Препараттардың мұндай біріктірілімі әсіресе, егде жастағы адамдарға сақтықпен тағайындалуы тиіс. Пациенттер сұйықтықты жеткілікті мөлшерде тұтынуы тиіс, сондай-ақ, біріктіріп емдеу басталғаннан кейін бүйрек функциясына бақылау жүргізу, және ары қарай оны жүйелі түрде жүргізіп отыру қажет.

Ренин-ангиотензин-альдостерон жүйесінің (РААЖ) қосарлы блокада (мысалы, АII РБ-ға АӨФ тежегішін немесе алискиренді қосу арқылы) монотерапиямен салыстырғанда, гипотония, гиперкалиемия қаупінің жоғарылауымен және бүйрек функциясының бұзылуымен (соның ішінде, бүйректің жедел жеткіліксіздігінің дамуымен) астасқан.

Емдеуші дәрігер пациент қабылдап жүрген барлық дәрілер туралы хабардар болуы тиіс. Лозартан-бене препаратымен емделу кезінде қандай-да бір дәрілік затты қабылдауды бастардың алдында емдеуші дәрігермен кеңесу қажет.

Жоғары сезімталдық

Ангионевроздық ісіну көрініс беруі мүмкін. Анамнезінде ангионевроздық ісінуі (беттің, еріннің, тамақтың және/немесе тілдің ісінуі) бар пациенттер мұқият бақылауда болуы тиіс.

Артериялық гипотензия және су-электролит теңгерімінің бұзылулары

Әсіресе, препараттың алғашқы дозасын қабылдағаннан кейінгі немесе дозасын арттырғаннан кейінгі симптоматикалық артериялық гипотензия, диуретиктердің жоғары дозаларымен емдеудің, тұз тұтынылуы шектелген диетаның, диареяның немесе құсудың салдарынан натрийдің тамырішілік көлемі азайған және/немесе натрий тапшылығы бар пациенттерде туындауы мүмкін. Ондай жағдайларды лозартан тағайындалғанға дейін түзету немесе препараттың төменірек бастапқы дозасын пайдалану керек. Тура осындай ұсынымдар препаратты балаларда қолдануға да қатысты.

Электролит теңгерімінің бұзылулары бүйрек функциясының бұзылулары (қант диабетімен немесе онсыз жүретін) бар пациенттерде жиі кездеседі, мұны назарда ұстау керек. Нефропатиямен жүретін 2 типті қант диабеті бар пациенттер қатысқан клиникалық зерттеулерде, гиперкалиемияның туындауы жиілігі плацебо қабылдаған топқа қарағанда, лозартанды қолданған топта жоғары болды. Осылайша, әсіресе, жүрек жеткіліксіздігі бар және креатинин клиренсі 30-50 мл/минут пациенттерде қан плазмасындағы калий концентрациясын және креатинин клиренсі көрсеткіштерін мұқият бақылау қажет.

Құрамында калий бар диуретиктерді, несеп айдайтын дәрілерді, калий қоспалары мен құрамында калий бар тұз алмастырғыштарын лозартанмен бір мезгілде пайдалану ұсынылмайды.

Бауыр функциясының бұзылуы

Бауыр циррозы бар науқастарда лозартанның қан плазмасындағы концентрациясының елеулі жоғарылауын көрсететін фармакокинетикалық мәліметтерге орай, анамнезінде бауыр функциясының бұзылулары бар пациенттерде препараттың төменірек дозасын пайдалану керек. Лозартанды бауыр функциясының ауыр бұзылулары бар пациенттерде емдеуде қолдану тәжірибесі жоқ. Сондықтан лозартанды бауыр функциясының ауыр бұзылулары бар пациенттерде қолданбау керек.

Лозартан бауыр функциясының бұзылулары бар балаларды емдеу үшін ұсынылмайды.

Бүйрек функциясының бұзылуы

Ренин-ангиотензин жүйесінің тежелуі салдарынан, препаратты қабылдағанда бүйрек жеткіліксіздігін қоса, бүйрек функциясының бұзылулары (атап айтқанда, бүйрек функциясы РААЖ белсенділігіне тәуелді пациенттерде, мысалы, жүректің ауыр жеткіліксіздігі бар пациенттерде немесе бүйрек функциясының бұзылуы бұрыннан бар пациенттерде) байқалған. РААЖ әсер ететін басқа дәрілік препараттарды қолданғандағы сияқты, бүйрек артерияларының екіжақты стенозы немесе жалғыз бүйрек артериясының стенозы бар пациенттерде қандағы мочевина концентрациясының және қан сарысуындағы креатининнің жоғарылағаны туралы хабарланды. Бүйрек функциясының ондай өзгерістері емдеуді тоқтатқаннан кейін қайтымды болуы мүмкін. Лозартанды бүйрек артерияларының екіжақты стенозы немесе жалғыз бүйрек артериясының стенозы бар пациенттерді емдеу үшін сақтықпен қолдану керек.

Бүйрек функциясының бұзылулары бар балаларда қолданылуы

Препаратты шумақтық сүзіліс жылдамдығы <30 мл/мин/1.73 м2балаларды емдеу үшін қолдану ұсынылмайды, өйткені пациенттердің аталған тобында қолданылу тәжірибесі туралы мәліметтер жоқ.

Лозартанмен емдеу кезеңі бойына бүйрек функциясын жүйелі түрде тексеріп отыру керек, өйткені, ол нашарлап кетуі мүмкін. Әсіресе бұл, лозартан бүйрек функциясына әсер етуі мүмкін басқа патологиялық жағдайлар (қызба, дегидратация) бар кезде қолданылған жағдайларға қатысты.

Лозартан мен АӨФ тежегіштерін бір мезгілде қолдану бүйрек функциясын нашарлатады, сондықтан, мұндай біріктірілімі ұсынылмайды.

Бүйрек трансплантациясы

Жуырда бүйрек трансплантациясын бастан өткерген пациенттерде қолданылу тәжірибесі болмаған.

Бастапқы гиперальдостеронизм

Бастапқы гиперальдостеронизмі бар пациенттерде жалпы алғанда, ренин-ангиотензин жүйесін тежеу арқылы әсер ететін гипертензияға қарсы препараттармен емдеуге жауап болмайды. Сондықтан, лозартанды қолдану ұсынылмайды.

Коронарлық артериялардың аурулары және цереброваскулярлық ауру

Гипертензияға қарсы басқа препараттарды қолданғандағы сияқты, ишемиялық кардиоваскулярлық және цереброваскулярлық ауруы бар пациенттерде артериялық қысымның шамадан тыс төмендеуі миокард инфарктісінің немесе инсульттің дамуына алып келуі мүмкін.

Жүрек жеткіліксіздігі

Ренин-ангиотензин жүйесіне әсер ететін басқа препараттарды қолданғандағы сияқты, бүйрек функциясының бұзылуымен немесе онсыз жүрек жеткіліксіздігі бар пациенттерде ауыр артериялық гипотензия мен бүйрек функциясы бұзылуының (көбінесе жедел) даму қаупі бар.

Лозартанды жүрек жеткіліксіздігі және бүйрек функциясының қатарас ауыр бұзылуы бар пациенттерде, жүректің ауыр жеткіліксіздігі бар (NYHA жіктемесі бойынша IV класы) пациенттерде, сондай-ақ, жүрек жеткіліксіздігі және симптоматикалық, өмірге қауіп төндіретін жүрек аритмиясы бар пациенттерде емдеуде қолданудың тәжірибесі жеткіліксіз. Сондықтан лозартанды пациенттердің аталған тобында сақ болып қолдану керек. Лозартанды бета-блокаторлармен біріктірілімінде сақтықпен қолдану керек.

Қолқа және митральді клапандардың стенозы, обструкцияық гипертрофиялық кардиомиопатия

Басқа вазодилататорларды қолданғандағы сияқты, препаратты қолқа және митральді клапандардың стенозы немесе обструкциялық гипертрофиялық кардиомиопатиясы бар пациенттерге айрықша сақтықпен тағайындайды.

Қосымша заттары жөніндегі арнайы ақпарат

Лозартанның 100 мг дозалы препаратының құрамында лактоза бар, сондықтан оны галактозаны көтере алмаушылығы, Лапп лактазасы тапшылығы немесе глюкоза-галактоза мальабсорбциясы бар пациенттерге тағайындау ұсынылмайды.

Басқа сақтандырулар және ескертулер

Басқа нәсіл өкілдеріндегіге қарағанда, негроидтық нәсілді пациенттерде АӨФ тежегіштері, лозартан және ангиотензиннің басқа антагонистерінің артериялық қысымды төмендету үшін тиімділігі едәуір аз екендігі анықталған; бұған, артериялық гипертензиядан зардап шегіп жүрген негроид нәсілді пациенттер арасында ренин мөлшері төмен адамдардың басым болатындығы түрткі болуы мүмкін.

Ренин-ангиотензин-альдостерон жүйесінің қосарлы блокадасы

Гипотензия, гиперкалиемия және бүйрек функциясының әлсіреуінің (бүйректің жедел жеткіліксіздігін қоса) даму қаупінің жоғарылайтынын көрсететін мәліметтер бар. Сондықтан, АӨФ-тежегіштерін, ангиотензин II рецепторларының блокаторларын немесе алискиренді бір мезгілде пайдалану арқылы РААЖ қосарлы блокадасын жүргізу ұсынылмайды.

Егер қосарлы блокадасы аса қажет болып есептелсе, ондай ем тек маманның қадағалауымен, бүйрек функциясын, электролиттер деңгейлері мен артериялық қысымды жиі мониторингілеумен жүргізіледі.

АӨФ тежегіштері мен ангиотензин II рецепторларының блокаторын диабеттік нефропатиясы бар пациенттерде бір мезгілде қолданбау керек.

Жүктілік және лактация кезеңінде қолданылуы

Лозартанды жүктіліктің алғашқы триместрі кезінде қолдану ұсынылмайды және жүктіліктің екінші және үшінші триместрлері кезінде қолдануға болмайды. Лозартанмен емдеу тіршілік үшін маңызды болып табылатын жағдайларда болмаса, жүктілікті жоспарлап жүрген пациент әйелдер жүктілік кезінде қолдану үшін қауіпсіздік бейіні анықталған, гипертензияға қарсы баламалы дәрілерді қабылдауға ауыстырылуы тиіс. Жүктілік расталған жағдайда, лозартанмен емдеуді дереу тоқтату және, қажет болған жағдайда, баламалы емге көшу керек.

Жүктіліктің екінші және үшінші триместрлері бойына ангиотензин II рецепторларының антагонистерін қолдану фетоуыттылығы (бүйрек функциясының әлсіреуі, олигогидрамнион, бассүйек сүйектері оссификациясының кідіруі) мен неонатальді уыттылығын (бүйрек жеткіліксіздігі, гипотензия, гиперкалиемия) индукциялайтыны белгілі.

Егер жүктіліктің екінші триместрі бойына ангиотензин II рецепторларының антагонистері қолданылса, бүйрек функциясы мен бассүйек сүйектерінің жағдайын тексеру үшін, ультрадыбыстық тексеру жүргізу ұсынылады.

Аналары лозартанды қабылдаған жаңа туған нәрестелерге артериялық гипотензияны дер кезінде анықтау және түзету мақсатында медициналық қадағалау жүргізілуі керек.

Ллозартанды бала емізу кезінде қолдану туралы ақпарат жоқ болғандықтан, бұл препаратты қолдану ұсынылмайды. Бала емізу кезінде, әсіресе, жаңа туған нәрестелерді немесе шала туылған балаларды тамақтандыру кезінде, қолданылуының қауіпсіздік бейіндері анықталған, баламалы емді қолданған дұрыс.

Балаларда қолданылуы

Лозартанды 6 жасқа дейінгі балаларды емдеу үшін қолдану ұсынылмайды, өйткені аталған жас тобында қолданылу тәжірибесі туралы мәліметтер шектеулі.

Препаратты шумақтық сүзіліс жылдамдығы <30 мл/мин/1.73 м2 балаларды емдеу үшін қолдану ұсынылмайды, өйткені пациенттердің аталған тобында қолданылу тәжірибесі туралы мәліметтер жоқ.

Сондай-ақ, лозартан бауыр функциясының бұзылулары бар балаларда қолдану үшін ұсынылмайды.

Көлік құралын немесе қауіптілігі зор механизмдерді басқару қабілетіне әсер ету ерекшеліктері

Лозартанның көлік құралдарын немесе басқа техникалық құралдарды басқару қабілетіне әсері туралы мәіметтер жоқ. Дегенмен, препаратпен гипертензияға қарсы емдеу аясында, әсіресе, емдеудің басында немесе препараттың дозасын арттырғанда бас айналуы немесе ұйқышылдық туындауы мүмкін екендігін ескеру керек.

Симптомдары: АҚ айқын төмендеуі, тахикардия, парасимпатикалық (вагустық) стимуляция салдарынан болатын брадикардия.

Емі: симптоматикалық артериялық гипотензия туындаған жағдайда, демеуші ем жүргізу керек. Емдеу шаралары препарат қабылданған сәттен бері өткен уақытқа, симптомдарының типі мен ауырлығына тәуелді. Бірінші кезектегі міндет жүрек-қантамыр жүйесінің жұмысын тұрақтандыру болып табылады. Препаратты ішке қолданған кезде артық дозаланған жағдайда, белсендірілген көмірдің жеткілікті мөлшерін қабылдау ұсынылады. Содан кейін, тіршілік ету көрсеткіштерін мұқият бақылау және қажет болған жағдайда, оларды түзету керек.

Лозартан да, оның белсенді метаболиті де организмнен гемодиализдің көмегімен шығарылмайды.

Дәрілік препараттың дәрігер жазып бергеннен жоғары дозасын қабылдап қойған жағдайда, дер кезінде медициналық көмек көрсетілуі үшін, пациент дереу мамандарға жүгінуі керек.

Шығарылу түрі және қаптамасы

Үлбірлі қабықпен қаптаған таблеткалар, 50 мг.

Пішінді ұяшықты қаптамада 15 таблеткадан. Ішіне 15 таблеткадан салынған пішінді ұяшықты екі қаптама медициналық қолдану жөніндегі мемлекеттік және орыс тілдеріндегі нұсқаулықпен бірге картоннан жасалған қорапшаға салынады.

Үлбірлі қабықпен қаптаған таблеткалар, 100 мг.

Пішінді ұяшықты қаптамада 15 таблеткадан. Ішіне 15 таблеткадан салынған пішінді ұяшықты екі қаптама медициналық қолдану жөніндегі мемлекеттік және орыс тілдеріндегі нұсқаулықпен бірге картоннан жасалған қорапшаға салынады.

Құрғақ, жарықтан қорғалған жерде, 25 °С-ден аспайтын температурада сақтау керек.

Балалардың қолы жетпейтін жерде сақтау керек.

2 жыл

Жарамдылық мерзімі өткеннен кейін қолдануға болмайды.

Рецепт арқылы

«АКАДЕМФАРМ» мемлекеттік кәсіпорны,

Беларусь Республикасы, Минск қ., 220141, Академик В.Ф. Купревич к-сі, 5 үй, 3 корп., тел./факс: +375 17 268 63 64

Тіркеу куәлігінің ұстаушысы

«Sabipharm» ЖШС, Алматы қ., Қазақстан Республикасы

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефоны, факсы, электронды поштасы):

«Sabipharm» ЖШС, Алматы қ., Әл Фараби д-лы 19, 202 кеңсе, тел.:8(727)3110591, A.Karkitbaeva@v-trade.kz