Линкомицин

МНН: Линкомицин
Производитель: Белмедпрепараты РУП
Анатомо-терапевтическо-химическая классификация: Lincomycin
Номер регистрации в РК: № РК-ЛС-5№018014
Период регистрации: 04.10.2016 - 04.10.2021

Инструкция

Саудалық атауы

Линкомицин

Халықаралық патенттелмеген атауы

Линкомицин

Дәрілік түрі

Капсулалар, 250 мг

Құрамы

Бір капсуланың құрамында

белсенді зат - 250 мг линкомицин (линкомицин гидрохлориді түрінде),

қосымша заттар: құмшекер, кальций стеараты, картоп крахмалы,

капсуланың құрамы: желатин, глицерин, тазартылған су, титанның қостотығы, натрий лаурилсульфаты.

Сипаттамасы

Өлшемі № 0, ақ түсті қатты желатин капсулалар. Капсуланың ішіндегісі – ақ түсті түйіршіктер мен ұнтақтың қоспасы.

Шыны таяқшамен басқан кезде үгітілетін, капсула массасының бағанша немесе таблетка түрінде тығыздалуына жол беріледі.

Фармакотерапиялық тобы

Жүйелі пайдалануға арналған бактерияға қарсы препараттар. Макролидтер, линкозамидтер және стрептограминдер. Линкомицин

АТХ коды J01FF02

Фармакологиялық қасиеттері

Фармакокинетикасы

Препараттың сіңірілуі 30-40 % құрайды (тамақтану сіңу жылдамдығын және дәрежесін баяулатады). Қан плазмасында ең жоғары концентрациясына жету уақыты – 2-3 сағат. Өкпе, бауыр және бүйрек тіндеріне, плацентарлық бөгет арқылы емшек сүтіне жақсы өтеді; сүйектің тінінде және буындарда жоғары концентрацияда анықталады. Гематоэнцефалдық бөгет арқылы линкомицин аздаған мөлшерде өтеді, менингит кезінде – өтуі жоғарылайды. Бауырда ішінара метаболизденеді. Жартылау шығарылу уақыты – 5 сағ. Өзгермеген түрде әрі метаболиттер түрінде өтпен және несеппен шығарылады.

Фармакодинамикасы

Streptomyces lincolniensis өндіретін, линкозамидтер тобындағы антибиотик.

Рибосом 50S субъбірлігімен қайтымды байланысуы салдарынан бактериялардың ақуыздық синтезін басады, пептидті байланыстың түзілуін бұзады.

Staphylococcus spp., Streptococcus spp., соның ішінде Streptococcus pneumoniae; Haemophilus influenzae; Bacillus anthracis, Mycoplasma spp., Bacteroides spp., Corynebacterium diphtheriae, Clostridium perfringens, Clostridium tetani қатысты белсенді.

Пенициллинге, тетрациклиндерге, хлорамфениколға, стрептомицинге, цефалоспоринге төзімді (эритромицинге төзімді 30 % Staphylococcus spp., линкомицинге қатысты айқаспалы төзімділікке ие) Staphylococcus spp. қатысты тиімді.

Enterococcus spp. (соның ішінде Enterococcus faecalis), көптеген грамтеріс бактерияларға, зеңдердерге, вирустарға, қарапайымдарға әсер етпейді; споро түзетін анаэробтарға қатысты белсенділігі жөнінде эритромицинге жол береді. Әсер ету оптимумы сілтілі ортада (pH 8-8.5) болады. Линкомицинге төзімділік баяу дамиды. Емдік концентрациясында бактериостатикалық әсер көрсетеді, жоғары дозада бактерицидті әсерге ие.

Қолданылуы

Сезімтал микроорганизмдер туындатқан бактериялық инфекцияларда.

- жеделге жуық септикалық эндокардит

- созылмалы пневмония

- өкпе абсцессі

- плевра эмпиемасы

- плеврит

- отит

- остеомиелит (жедел және созылмалы)

- іріңді артрит

- операциядан кейінгі іріңді асқынулар

- жарақатты инфекциялар

- терінің және жұмсақ тіндердің инфекциялары.

Қолдану тәсілі мен дозалары

Ішке, тамақтануға дейін 1-2 сағат бұрын немесе одан кейін 2 сағаттан соң, көп мөлшердегі сұйықтықпен қабылдау керек. Капсулаларды бөлуге, ашуға болмайды. Ересектер мен 12 жастан асқан балаларға: 500 мг-дан тәулігіне 3-4 рет.

6-дан 14 жасқа дейінгі, денесінің салмағы 25 кг асатын балаларға дене салмағының 30 мг/кг есебінен 3-4 рет қабылдауға бөлінген тәуліктік дозаны, ауыр жағдайларда - дене салмағының 60 мг/кг есебінен тәулігіне 3-4 қабылдауға тағайындайды.

Емдеу ұзақтығы аурудың түріне және ауырлығына қарай 7-14 күнді құрайды (остеомиелит кезінде – 3 апта және одан астам).

Ұзақ немесе қайталанған курстарда емді бауыр мен бүйрек функциясын бақылай отырып жүргізу керек. Бауыр және/немесе бүйрек функциясының бұзылуы кезінде Линкомициннің тәуліктік дозасын 1/3 – 1/2-ге азайту және қабылдау аралығын ұзарту қажет.

Жағымсыз әсерлері

- глоссит, стоматит, жүрек айнуы, құсу, эпигастрий аймағының ауыруы, іштің ауыруы, диарея

- транзиторлық гипербилирубинемия, бауыр трансаминазаларының жоғарылауы

- жалған жарғақшалы энтероколит

- қайтымды лейкопения, нейтропения, агранулоцитоз, тромбоцитопения

- есекжем, тері бөртпесі, эксфолиативті дерматит, көп түрдегі эритема, ангионевроздық ісіну, анафилаксиялық шок;

- құлақтың шуылдауы, вертиго;

- бүйрек функциясының бұзылуы (азотемия, олигурия, протеинурия).

Қолдануға болмайтын жағдайлар

- аса жоғары сезімталдық

- бауырдың және/немесе бүйректің ауыр жеткіліксіздігі

- жүктілік және лактация кезеңі

- 6 жасқа дейінгі балалар

Дәрілермен өзара әрекеттесуі

Канамицинмен фармацевтикалық тұрғыда үйлеспейді. Антагонизм – эритромицинмен, хлорамфениколмен, ампициллинмен және өзге де бактерицидті антибиотиктермен, синергизм – аминогликозидтармен болады. Диареяға қарсы дәрілік заттар линкомициннің тиімділігін төмендетеді (оларды қолдану аралығы кемінде 4 сағат болуы керек). Ингаляциялық наркозға арналған дәрілік заттардың, миорелаксанттардың және апиынды анальгетиктердің әсерін күшейте отырып, жүйке-бұлшықет блокадасы және тыныс алудың тоқтап қалу қаупін жоғарылатады. P450 тежегішімен, линкомицинмен бір мезгілде қабылдағанда теофиллиннің әсерінің күші ұлғаюы мүмкін, сондықтан оның дозасын азайту талап етіледі.

Айрықша нұсқаулар

Ұзақ уақыт емделу аясында «бауыр» трансаминазаларының белсенділігін және бүйрек функциясын мезгіл-мезгіл бақылау қажет. Бауыр жеткіліксіздігімен пациенттерге тағайындауға «өмірлік» көрсеткіштері бойынша ғана жол беріледі. Жалған жарғақшалы энтероколиттің белгілері (диарея, лейкоцитоз, қызба, іштің ауыруы, нәжіспен қанның және шырыштың бөлінуі) пайда болған кезде, жеңіл жағдайларда препаратты қабылдауды тоқтату және ион алмастырғыш шайырды (колестирамин) тағайындау жеткілікті, ауыр жағдайларда жоғалтқан сұйықтықтың, электролиттердің және ақуыздардың орнын ванкомицинді ішке қабылдауға арналған ерітінді ретінде 0.5-2 г (3-4 рет) тәуліктік дозада 10 күн бойы немесе бацитрацинді қабылдап толтыру керек.

Препараттың тәуліктік дозасының (2 г) құрамында 0.1 НБ көміртегі бар, мұны қант диабетімен пациенттерді емдеу кезінде ескеру керек.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері: зерттелмеген

Артық дозалануы

Симптомдары: іш ауыруы, жүрек айнуы, құсу, диарея. Ұзақ уақыт емдеген кезде жалған жарғақшалы колит, кандидоз болуы мүмкін.

Емі: препаратты қабылдауды тоқтату, симптоматикалық ем. Гемо- және перитонеальді диализ кезінде нашар шығарылады.

Шығарылу түрі және қаптамасы

Капсулалар, 250 мг

10 капсуладан поливинилхлоридті үлбірден және алюминий фольгадан жасалған пішінді ұяшықты қаптамаға салынған.

2 пішінді қаптамадан медициналық қолдану жөніндегі мемлекеттік және орыс тіліндегі нұсқаулықпен бірге картон қорапшаға салынған.

Сақтау шарттары

Ылғалдан және жарықтан қорғалған жерде, 25 0С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

4 жыл

Қаптамасында көрсетілген жарамдылық мерзімі өткеннен кейін пайдалануға болмайды.

Дәріханалардан босатылу шарттары

Рецепт арқылы

Өндіруші/Қаптаушы

«Белмедпрепараты» РУК, Беларусь Республикасы

Заңды мекенжайы және шағымдарды қабылдайтын мекенжайы:

220007, Минск қ., Фабрициус к-сі, 30,

т./ф.: (+375 17) 220 37 16, e-mail: medic@belmedpreparaty.com.

Тіркеу куәлігі иесінің атауы мен елі

«Белмедпрепараты» РУК, Беларусь Республикасы

Дәрілік заттың тіркеуден кейінгі қауіпсіздігін қадағалауға жауапты ұйымның атауы және мекенжайы

«Белмедпрепараты» РУК, Беларусь Республикасы

220007, Минск қ., Фабрициус к-сі, 30,

т./ф.: (+375 17) 220 37 16, e-mail: medic@belmedpreparaty.com.

Қазақстан Республикасы аумағында тұтынушылардан өнім сапасына қатысты шағымдарды қабылдайтын ұйымның мекенжайы:

«КазБелМедФарм» ЖШС

Заңды мекенжайы/нақты мекенжайы: ҚР 050028, Алматы қ.,

Бейсебаев к-сі, 151 үй

Телефон/факс нөмірі: 8(727) 383-93-74; 383-93-69

Электрондық пошта: info@kmbf.kz

 

Прикрепленные файлы

024568751477975731_ru.doc 55.5 кб
343533411477977440_kz.doc 62.5 кб

Отправить прикрепленные файлы на почту

Источники

Национальный центр экспертизы лекарственных средств, изделий медицинского назначения и медицинской техники