Лизобакт®

МНН: Лизоцим, Пиридоксин
Производитель: АО Босналек
Анатомо-терапевтическо-химическая классификация: Прочие препараты
Номер регистрации в РК: № РК-ЛС-5№021494
Период регистрации: 24.06.2015 - 24.06.2020

Инструкция

Саудалық атауы

Лизобакт®

Халықаралық патенттелмеген атауы

Жоқ

Дәрілік түрі

Соруға арналған таблеткалар

Құрамы

Белсенді заттар:

Лизоцим гидрохлориді

20.00мг

Пиридоксин гидрохлориді

10.00мг,

қосымша заттар: лактоза моногидраты, трагакантты шайыр, магний стеараты, натрий сахаринаты, ванилин

Сипаттамасы

Дөңгелек пішінді, шеттері тегіс, бір жағында сызығы бар, диаметрі 8 мм жуық, ақ немесе сарғыштау-ақ түсті таблеткалар.

Фармакотерапиялық тобы

Тамақ ауруларын емдеуге арналған препараттар. Антисептиктер. Басқа да препараттар.

АТХ коды R02AA20

Фармакологиялық қасиеттері

Біріктірілген препарат, оның әсері құрамына кіретін компоненттерге негізделген.

Лизоцим ақуыз тектес фермент болып табылады, оның грамоң және грамтеріс бактерияларға, сондай-ақ зеңдер мен вирустарға тікелей әсер етуі салдарынан антисептик ретіне қолданылады, жергілікті спецификалық емес иммунитетті реттеуге қатысады. Пиридоксин – ауыз қуысы шырышты қабығына қорғаныш әсерін береді (антиафтозды әсер етеді). Лизоцимнің фармакодинамикалық қасиеттеріне әсері жоқ.

Қолданылуы

Ауыз қуысы, иек пен көмей шырышты қабығының инфекциялық қабыну ауруларын емдеуде: гингивит, стоматит, тыныс жолдары жоғарғы бөлігіндегі катаральді құбылыстар, афтозды эрозиялар, герпестік зақымданулар (біріктірілген ем құрамында), кез келген этиологиядағы ауыз қуысы шырышты қабығының эрозиялары.

Қолдану тәсілі және дозалары

Препарат жергілікті қолданылады. Лизобакт таблеткаларын тістеп шақпай, еріген таблетканы толық ерігенге дейін ауызда мүмкіндігінше ұзақтау ұстап, баяу сору қажет. 6 -12 жастағы балаларға - 1 таблеткадан тәулігіне 4 рет. Ересектер мен 12 жастан асқан балаларға - 2 таблеткадан тәулігіне 3-4 рет. Емдеу курсы 8 күнді құрайды.

Жағымсыз әсерлері

Аса жоғары сезімталдық реакциялары.

Қолдануға болмайтын жағдайлар

Препарат компоненттеріне аса жоғары сезімталдық, 6 жасқа дейінгі балалар. Тұқым қуалайтын лактоза жақпаушылығы, лактаза тапшылығы немесе глюкоза-галактоза мальабсорбциясы.

Дәрілермен өзара әрекеттесуі

Лизобакт® препараты антибиотиктердің, оның ішінде пенициллин, хлорамфеникол, нитрофурантоиннің әсерін күшейтеді, диуретиктер әсерін күшейтеді, леводопа белсенділігін әлсіретеді. Изониазид, пеницилламин, пиразинамид, иммуносупрессорлар, эстрогендер мен пероральді контрацептивтер пиридоксинге қажеттілікті арттыруы мүмкін (пиридоксинге қатысты антагонистік әсері немесе ренальді шығарылудың ұзаруы).

Айрықша нұсқаулар

Аса жоғары сезімталдық реакциялары пайда болған жағдайда препарат қабылдауды тоқтатып, дәрігерге қаралу қажет.

Жүктілік және лактация кезеңі

Лизобакт® жүктілік және бала емізу кезінде пайдаланылуы мүмкін.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері .

Әсер етпейді.

Артық дозалануы

Артық дозалану симптомдарының ықтималдығы аз, емдік дозадан едәуір асып түсетін дозаларда қолданғанда жансыздану сезімімен, шаншуды, сондай-ақ аяқ-қол аймағының сезімталдығын жоғалтумен білінуі мүмкін.

Емі: көп мөлшерде су ішу (қарқынды диурез).

Шығарылу түрі және қаптамасы

10 таблеткадан поливинилхлоридтен (ПВХ) және алюминий фольгадан жасалған пішінді ұяшықты қаптамаға салынған.

1 немесе 3 пішінді қаптамадан медициналық қолдану жөніндегі мемлекеттік және орыс тіліндегі нұсқаулықпен бірге картон қорапшаға салынады.

Сақтау шарттары

300С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

5 жыл

Қаптамасында көрсетілген жарамдылық мерзімі өткеннен кейін пайдалануға болмайды.

Дәріханалардан босатылу шарттары

Рецептісіз

Өндіруші

Босналек АО, Босния және Герцеговина. 71000 Сараево, Юкичев к-сі, 53

Тіркеу куәлігінің иесі

Босналек АО, Босния және Герцеговина. 71000 Сараево, Юкичев к-сі, 53

Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын, дәрілік заттың тіркеуден кейінгі қауіпсіздігін қадағалауға жауапты ұйымның атуы және мекенжайы:

«Adalan» ЖШС

Тимирязев к-сі 42, 23 пав. 202 кеңсе, 050057 Алматы қ.

Тел. + 727 269 54 59; e-mail: reg@adalan.kz

 

Прикрепленные файлы

011808601477976430_ru.doc 41.5 кб
274481731477977695_kz.doc 48 кб

Отправить прикрепленные файлы на почту

Источники

Национальный центр экспертизы лекарственных средств, изделий медицинского назначения и медицинской техники