ЛИДПРО 100 (Лозартан)

ЛИДПРО 100

Лозартан

Дәрілікі түрі, дозировка

Үлбірлі қабықпен қапталған 100 мг таблеткалар

Жүрек-қантамыр жүйесі. Ренин-ангиотезин жүйесіне әсер ететін препараттар. Ангиотензин ІІ антагонистері. Лозартан.

АТХ коды С09СА01

- ересектердегі эссенциялық гипертензияны емдеу

- артериялық гипертензиясы және ≥ 0.5 г/тәулік протеинуриямен ІІ типті қант диабеті бар ересек пациенттерде бүйрек ауруларын емдеу – гипотензияға қарсы емнің бір бөлігі ретінде

- артериялық гипертензиясы және ЭКГ растаған сол жақ қарынша гипертрофиясы бар ересек пациенттерде инсульттің даму қаупін төмендету

Қолдануды бастағанға дейін қажетті мәліметтер тізбесі

- әсер етуші затқа немесе осы препараттың қосымша заттарының кез келгеніне аса жоғары сезімталдық

- ауыр дәрежедегі бауыр жеткіліксіздігі

- жүктілік және лактация кезеңі

- балалар мен 18 жасқа дейінгі жасөспірімдерге

- бүйрек жеткіліксіздігі немесе қант диабеті бар пациенттерде алискиренмен бірге қолдану (ШСЖ <60 мл / мин / 1,73 м2)

Қолдану кезіндегі қажетті сақтандыру шаралары

Ангионевроздық ісіну

Анамнезінде ангионевроздық ісінуі (бет, ерін, көмей және/немесе тіл ісінуі) бар пациенттердің жай-күйін жиі бақылап отыру керек.

Артериялық гипотензия және су-электролит теңгерімсіздігі

Жоғарғы дозада диуретиктерді қолданудан, тұзды тұтынуды диеталық шектеуден, диареядан немесе құсудан туындаған тамырішілік көлемінің төмендеуі және/немесе натрий тапшылығы бар пациенттерде, әсіресе, препараттың бірінші дозасын қолданудан кейін немесе дозаны арттырудан кейін симптоматикалық артериялық гипотензия пайда болуы мүмкін. ЛИДПРО 100 препаратымен емдеуді бастар алдында осындай жай-күйлерге түзету жүргізу немесе препаратты өте төмен бастапқы дозада қолдану керек.

Электролит теңгерімсіздігі

Электролит теңгерімсіздігі бүйрек функциясының бұзылулары бар (қант диабетімен немесе онсыз) пациенттерде жиірек байқалады, ол ескерілу керек. Қант диабетінің ІІ типі және нефропатия бар пациенттерде лозартан қолданған топтарда гиперкалиемияның туындау жиілігі плацебо қолдану тобынан жоғары болды. Сондықтан, қан плазмасындағы калий концентрациясын және креатинин клиренсі көрсеткіштерін, әсіресе, жүрек жеткіліксіздігі және 30 – 50 мл/мин креатинин клиренсі бар пациенттерде жиі тексеру керек.

ЛИДПРО 100 препараты мен калий сақтаушы диуретиктерді, калий қоспаларын және құрамында калий бар тұз алмастырғыштарын бір мезгілде қолдану ұсынылмайды.

Бауыр жеткіліксіздігі

Бауыр циррозы бар пациенттерде қан плазмасында калий концентрациясының елеулі жоғарылауын көрсететін фармакокинетика туралы деректерін ескере отырып, анамнезінде бауыр функциясының бұзылулары бар пациенттер үшін препарат дозасын азайту мәселесін қарастыру керек. ЛИДПРО 100 препаратын, қолдану тәжірибесінің болмауына орай, бауыр функциясының ауыр бұзылулары бар пациенттерде қолдануға болмайды.

Бүйрек жеткіліксіздігі

Ренин-ангиотензин жүйесінің бәсеңдеуімен байланысты бүйрек жеткіліксіздігін қоса (әсіресе, бүйрек функциясы ренин-ангиотензин-альдостерон жүйесіне тәуелді пациенттерде, яғни жүрек функциясының бұзылулары ауыр немесе бүйрек функциясының бұзылулары бұрыннан бар пациенттерде), бүйрек функциясының өзгерістері мәлімделді. Ренин-ангиотензин-альдостерон жүйесіне әсер ететін басқа препараттарды қолдану кезіндегі сияқты, бүйрек артерияларының екі жақты стенозы немесе жалғыз бүйрек артериясының стенозы бар пациенттерде қан мочевинасы және қан сарысуы креатинині деңгейлерінің жоғарылауы хабарланды. Бүйрек функциясының осындай өзгерістері емді тоқтатудан кейін қайтымды болуы мүмкін. ЛИДПРО 100 бүйрек артерияларының екі жақты стенозы және жалғыз бүйрек артериясының стенозы бар пациенттерде абайлап қолданылу керек.

ЛИДПРО 100 препаратымен емдеу барысында бүйрек функциясын жүйелі тексеру керек, себебі оның нашарлауы болуы мүмкін. Әсіресе, бұл бүйрек функциясына әсер етуі мүмкін басқа патологиялық жай-күйлер (қызба, дегидратация) болғанда лозартан қолданылатын жағдайларға қатысты.

ЛИДПРО 100 мен АӨФ тежегіштерін бір мезгілде қолдану бүйрек функциясын нашарлатады, сондықтан ондай біріктірілім ұсынылмайды.

Бүйрек трансплантациясы

Таяуда бүйрек трансплантациясы жасалған пациенттерде препаратты қолдану тәжірибесі жоқ.

Айналымдағы қан көлемі төмендеген пациенттерде қолдану

Айналымдағы қан көлемі (мысалы, диуретиктердің жоғары дозаларымен емдеу нәтижесінде) төмендеген пациенттерді емдеу сақтықпен және мұқият қадағалаумен жүргізілу керек.

Бастапқы гиперальдостеронизм

Бастапқы гиперальдостеронизм бар пациенттерде, әдетте, ренин-ангиотензин жүйесін тежеу жолымен әсер ететін гипотензияға қарсы препараттар тиімді емес. Сондықтан лозартан қолдануға ұсынылмайды.

Ишемиялық жүрек аурулары және цереброваскулярлық аурулар

Гипотензиялық басқа препараттарды қолдану кезіндегідей, ишемиялық жүрек-қантамыр аурулары және цереброваскулярлық аурулары бар пациенттерде артериялық қысымның шамадан тыс төмендеуі миокард инфарктісінің немесе инсульттің дамуына әкелуі мүмкін.

Жүрек жеткіліксіздігі

Ренин-ангиотензин жүйесіне әсер ететін басқа препараттарды қолдану кезіндегідей, бүйрек функциясының бұзылуларымен/онсыз жүрек жеткіліксіздігі бар пациенттерде ауыр артериялық гипотензияның және (жиі жедел) бүйрек функциясы бұзылуының даму қаупі бар.

ЛИДПРО 100 препаратын жүрек жеткіліксіздігі және бүйрек функциясының қатарласқан ауыр бұзылуы бар пациенттерде жүректің ауыр жеткіліксіздігі (NYHA бойынша ІV класс) бар пациенттерде, сондай-ақ жүрек жеткіліксіздігі және өмірге қауіпті симптоматикалық жүрек аритмиясы бар пациенттерде жеткілікті емдік қолдану тәжірибесі жоқ. Сондықтан ЛИДПРО 100 пациенттердің осы тобында абайлап қолданылу керек. Лозартан мен бета-блокаторларды бір мезгілде сақтықпен қолдану керек.

Аортальді және митральді клапандар стенозы, обструкциялық гипертрофиялық кардиомиопатия

Басқа вазодилататорларды қолдану кезіндегідей, аортальді және митральді клапандар стенозы немесе обструкциялық гипертрофиялық кардиомиопатиясы бар пациенттерге препарат айрықша сақтықпен тағайындалады.

Жүктілік

Лозартанды жүктілік кезінде қолдануға болмайды. Егер лозартанмен емді жалғастыру қажет деп есептелмесе, жүктілікті жоспарлаған пациенттерді жүктілік кезінде қолдану кезінде белгіленген қауіпсіздік бейіні бар балама гипотензиялық препараттарға ауыстыру керек. Жүктілікті диагностикалау кезінде лозартанмен емдеуді дереу тоқтатып, қажет болған жағдайда баламалы емді бастау керек.

Ренин-ангиотензин-альдостерон жүйесінің қосарлы блокадасы (РААЖ)

АӨФ тежегіштерін, ангиотензин II немесе алискирен рецепторларының блокаторларын бір мезгілде қабылдау гипотензия, гиперкалиемия және бүйрек функциясының төмендеуі (жедел бүйрек жеткіліксіздігін қоса) қаупін арттыратыны туралы деректер бар. Сондықтан АӨФ тежегіштерін, ангиотензин II немесе алискирен рецепторларының блокаторларын біріктіріп қолдану жолымен РААЖ қосарлы блокадасы ұсынылмайды.

АӨФ тежегіштері мен ангиотензин II рецепторларының блокаторларын диабеттік нефропатиясы бар пациенттерде бір мезгілде қолдануға болмайды.

Басқа дәрілік препараттармен өзара әрекеттесуі

Басқа гипотензиялық препараттар лозартанның гипотензиялық әсерін күшейтуі мүмкін. Жағымсыз реакция ретінде артериялық гипотензияның пайда болуын индукциялауы мүмкін басқа препараттармен (трициклды антидепрессанттар, психозға қарсы дәрілер, баклофен және амифостин) бір мезгілде қолдану гипотензияның туындау қаупін арттыруы мүмкін.

Лозартан көбінесе Р450 (CYP) 2С9 цитохромы жүйесінің қатысуымен белсенді карбоксиқышқыл метаболитіне дейін метаболизденеді. Клиникалық зерттеуде флуконазол (CYP2С9 тежегіші) белсенді метаболит экспозициясын шамамен 50% төмендететіні анықталды. Лозартан және рифампицинмен (метаболизм ферменттерінің индукторы) бір мезгілде емделу қан плазмасында белсенді метаболит концентрациясының 40% төмендеуіне әкелетіні анықталды. Осы әсердің клиникалық мәні белгісіз. Лозартан және флувастатинді (CYP2С9 әлсіз тежегіші) бір мезгілде қолданғанда экспозиция өзгешеліктері болмайды.

Сонымен қатар, ангиотензин II немесе оның әсерлерін бөгейтін басқа препараттарды қолдану кезіндегі сияқты, организмде калийді жинақтайтын препараттарды (мысалы, калий сақтаушы диуретиктер: спиронолактон, триамтерен, амилорид) немесе калий деңгейлерін арттыруы мүмкін препараттарды (мысалы, гепарин), сондай-ақ құрамында калий бар қоспаларды немесе тұз алмастырғыштарды қатарлас қолдану қан сарысуында калий мөлшерінің артуына алып келуі мүмкін. Осындай дәрілерді бір мезгілде қолдану ұсынылмайды.

Литийді АӨФ тежегіштерімен бір мезгілде қолданғанда қан сарысуында литий концентрациясының қайтымды жоғарылауы, сондай-ақ оның уыттылығы мәлімделді. Сонымен қатар, ангиотензин ІІ рецепторларының антагонистерін қолдану кезіндегі жағдайлар өте сирек хабарланды. Литиймен және лозартанмен бір мезгілде емдеуді абайлап жүргізген жөн. Егер осындай біріктірілімді қолдану қажет болып саналса, бір мезгілде қолдану барысында қан сарысуында литий деңгейлерін тексеру ұсынылады.

Ангиотензин ІІ антагонистері мен қабынуға қарсы стероидты емес препараттарды (мысалы, циклооксигеназа-2 (ЦОГ-2) селективті тежегіштері, қабынуға қарсы әсер ететін дозаларда ацетилсалицил қышқылы, селективті емес ҚҚСП) бір мезгілде қолданғанда гипотензияға қарсы әсері әлсіреуі мүмкін. Ангиотензин ІІ антагонистерін немесе диуретиктерді ҚҚСП-мен бір мезгілде қолдану, әсіресе, бүйрек функциясының бұзылуы бұрыннан бар пациенттерде, жедел бүйрек жеткіліксіздігінің болжамды дамуын қоса, бүйрек функциясының нашарлау қаупінің артуына, сондай-ақ қан сарысуында калий деңгейінің жоғарылауына әкелуі мүмкін. Осындай біріктірілімді, әсіресе, егде жастағы пациенттерге абайлап тағайындау керек. Пациенттерге тиісті гидратация жасау, сондай-ақ қатар жүргізілетін ем басталуынан кейін, ал әріқарай мезгіл-мезгіл бүйрек функциясына мониторинг өткізуге қатысты мәселені қарастыру керек.

Ренин-ангиотензин-альдостерон жүйесін қосарлы бөгеу

Ренин-ангиотензин-альдостерон жүйесін ангиотензин рецепторлары блокаторларымен, АӨФ тежегіштерімен немесе алискиренмен қосарлы бөгеу, монотерапиямен салыстырғанда, гипотония, гиперкалиемия қаупіне, сондай-ақ бүйрек функциясының бұзылуларына (оның ішінде жедел бүйрек жеткіліксіздігіне) әкеледі. ЛИДПРО 100 және ренин-ангиотензин-альдостерон жүйесіне әсер ететін басқа препараттарды қабылдайтын пациенттерде АҚ, бүйрек функциясын және электролиттер деңгейін мұқият бақылау қажет. ЛИДПРО 100 мен алискиренді қант диабеті бар пациенттерге бірге қолдану қарсы көрсетілімді. Бүйрек жеткіліксіздігі (ШСЖ < 60 мл/мин) бар пациенттерге алискиренді лозартанмен бірге тағайындауға болмайды.

Арнайы ескертулер

Қосымша заттар

Препарат құрамына лактоза кіреді. Фруктоза жақпаушылығы, Lapp-лактаза ферментінің тапшылығы және глюкоза-галактоза мальабсорбциясы сияқты сирек тұқым қуалайтын аурулары бар пациенттерге осы препаратты қолдануға болмайды.

Басқа сақтандырулар және ескертулер

Ангиотензин өзгертуші фермент тежегіштеріне қатысты айқындалғандай, лозартан және басқа ангиотензин антагонистерінің, басқа пациенттерге қарағанда, қара нәсілді пациенттерде тиімділігі аз, бұл қара нәсіл өкілдері болып табылатын гипертензиясы бар пациенттерде төмен ренин белсенділігінің кездесу жиілігінің көптігі себебінен болуы мүмкін.

Педиатрияда қолдану

Препараттың балалар үшін тиімділігі мен қауіпсіздігі зерттелмеді.

Жүктілік немесе лактация кезінде

ЛИДПРО 100 препаратын жүктілік кезінде тағайындауға болмайды. Егер лозартанмен емдеудің өмірлік маңызды қажеттілігі болмаса, жүктілікті жоспарлап жүрген пациент әйелдерге жүктілік кезінде қауіпсіз гипотензиялық өзге дәрілерді тағайындау керек. Жүктілік жағдайында ЛИДПРО 100 препаратымен емдеуді дереу тоқтату және баламалы емдеу әдістерімен артериялық қысым бақылауын қамтамасыз ету керек.

II және III триместрде ангиотензин II (АРБ) рецепторларының блокаторларын қолдану фетоуыттылықты (бүйрек функциясының бұзылуы, қағанақ суының аздығы, бас сүйегінің оссификациясының кідіруі) және неонаталдық уыттылықты (бүйрек жеткіліксіздігі, артериялық гипотензия, гиперкалиемия) тудыратыны белгілі.

Егер жүктіліктің II триместрінде АРБ II қолданылса, бүйрек қызметі мен бассүйек сүйектерінің жағдайын тексеру үшін ультрадыбыстық тексеру жүргізу ұсынылады.

Аналары АРБ II қолданған жаңа туған нәрестелердің жағдайын артериялық гипотензияның дамуына жиі тексеру керек.

Бала емізу

Лактация кезінде лозартанды қолдануға қатысты ақпараттың болмауына байланысты бұл препаратты қолдану ұсынылмайды. Лактация кезінде, әсіресе жаңа туған немесе шала туған баланы емшекпен емізу кезінде қауіпсіздік бейіні белгіленген препараттармен баламалы емдеу қолайлы болып табылады.

Препараттың көлік құралдарын және қауіптілігі зор механизмдерді басқару қабілетіне әсері

Препараттың автокөлік және механизмдерді басқару қабілетіне әсер етуіне қатысты зерттеулер жүргізілмеді. Алайда, автокөлік пен басқа механизмдерді басқару кезінде, әсіресе, емдеудің басында және препарат дозасын арттырғанда бас ауыру және ұйқышылдық сияқты жағымсыз реакциялардың дамуы мүмкін екенін есте ұстау керек.

Қолдану жөніндегі нұсқаулар

Дозалану режимі

Артериялық гипертензия

Пациенттердің көпшілігі үшін әдеттегі бастапқы және демеуші доза тәулігіне бір рет 50 мг құрайды. Ең жоғары гипотензияға қарсы әсеріне емдеу басталғаннан кейін 3 – 6 апта өткен соң жетеді. Кейбір пациенттерде препарат дозасын тәулігіне (таңертең) 100 мг дейін арттыру тиімдірек болуы мүмкін.

ЛИДПРО 100 препаратын гипотензияға қарсы басқа препараттармен, әсіресе, диуретиктермен (мысалы, гидрохлоротиазидпен) біріктірілімде қолдануға болады.

ІІ типті қант диабеті (протеинурия ≥0.5 г/тәулік) бар пациенттер

Әдеттегі бастапқы доза тәулігіне бір рет 50 мг құрайды. Емдеу басталған соң бір ай өткеннен кейін артериялық қысым көрсеткіштеріне қарай дозаны тәулігіне бір рет 100 мг дейін арттыруға болады. ЛИДПРО 100 препаратын гипотензияға қарсы басқа препараттармен (мысалы, диуретиктермен, кальций өзекшелерінің блокаторларымен, альфа- немесе бета-рецепторлар блокаторларымен, орталықтан әсер ететін препараттармен), сондай-ақ инсулинмен және кеңінен пайдаланылатын басқа гипогликемиялық препараттармен (мысалы, сульфонилмочевина, глитазондар және глюкозидаза тежегіштері) қолдануға болады.

Артериялық гипертензиясы және ЭКГ растаған сол жақ қарынша гипертрофиясы бар пациенттерде инсульттің даму қаупін төмендету

Әдеттегі бастапқы доза тәулігіне бір рет 50 мг ЛИДПРО 100 құрайды. Артериялық қысым деңгейінің төмендеуіне қарай, емдеуге төмен дозадағы гидрохлоротиазидті қосу және/немесе ЛИДПРО 100 дозасын тәулігіне бір рет 100 мг дейін арттыру керек.

Пациенттердің ерекше топтары

Айналымдағы қан көлемі төмендеген пациенттерде қолдану

Айналымдағы қан көлемі төмен пациенттер үшін (мысалы, диуретиктердің жоғары дозаларымен емдеу кезінде) тәулігіне бір рет 25 мг бастапқы дозасын қарау керек.

Бүйрек функциясының бұзылулары бар пациенттерде және гемодиализ жүргізілетін пациенттерде қолдану

Бүйрек функциясының бұзылулары бар пациенттер, сондай-ақ гемодиализ жүргізілетін пациенттер үшін бастапқы дозаны түзету қажет емес.

Бауыр функциясының бұзылулары бар пациенттер

Анамнезінде бауыр функциясының бұзылулары бар пациенттер үшін препаратты өте төмен дозада тағайындау мәселесін қарастыру керек. Бауыр функциясының ауыр бұзылулары бар пациенттерді емдеу тәжірибесі жоқ, сондықтан ЛИДПРО 100 препараты пациенттердің осы тобында қарсы көрсетілімді.

Егде жастағы пациенттерде қолдану

Әдетте, 75 жастан аспаған егде пациенттер үшін бастапқы дозаны түзету қажет емес.

Балалар

Балаларға арналған препараттың тиімділігі мен қауіпсіздігі зерттелмеген.

Енізу тәсілі мен әдісі

Таблеткалар бір стақан су ішумен пероральді қабылданады.

ЛИДПРО 100 таблеткаларын ас ішуге байланыссыз қолдануға болады.

Артық дозалану жағдайында қабылдануы қажет шаралар

Симптомдары: АҚ айқын төмендеуі және тахикардия; парасимпатикалық (вагустық) стимуляция салдарынан брадикардия туындауы мүмкін.

Емі: симптоматикалық гипотензия дамыған жағдайда демеуші ем ұсынылады. Шаралар препаратты қабылдау уақытына, сондай-ақ симптомдар сипаты мен ауырлығына байланысты қабылданады. Жүрек-қантамыр жүйесін тұрақтандыру шарасына басымдылық берілуі тиіс. Лозартанды пероральді қабылдаудан кейін белсендірілген көмірді екі есе дозада қолдану көрсетілген. Одан әрі өмірлік маңызды параметрлерге мұқият мониторинг өткізу, ал қажет болса, оларды түзету керек. Лозартан және оның белсенді метаболиттері гемодиализ жүргізу кезінде шығарылмайды.

Дәрілік препараттың бір немесе бірнеше дозасын өткізіп алған жағдайда қабылданатын шаралар

Өткізіп алған дозаның орнын толтыру үшін қосарланған дозаны қабылдамаңыз.

Дәрілік препаратты қалай қолдану керектігі туралы дәрігерден кеңес алу бойынша ұсыныстар

Осы дәрілік препаратты қолдану бойынша қосымша сұрақтарыңыз болса, дәрігерден немесе фармацевтен кеңес сұраңыз.

ДП стандартты қолдану кезінде көрініс табатын жағымсыз реакциялардың сипаттамасы және осы жағдайда қабылдануы керек шаралар

Жиі (≥ 1/100-ден < 1/10 дейін)

- анемия

- бас айналу, вертиго

- ортостатикалық гипотензия, оның ішінде дозаға тәуелді ортостатикалық әсерлер (әсіресе айналымдағы қан көлемі төмендеген пациенттерде, мысалы, ауыр жүрек жеткіліксіздігі бар пациенттерде немесе диуретиктердің жоғары дозаларын қабылдағанда)

- бүйрек функциясының бұзылуы, бүйрек жеткіліксіздігі

- астения, шаршау

- гипогликемия, гиперкалиемия, қандағы мочевина деңгейінің жоғарылауы

- қан сарысуында креатинин және калий деңгейінің жоғарылауы

Жиі емес (≥ 1/1000-нан < 1/100 дейін)

- ұйқышылдық, бас ауыру, ұйқы бұзылыстары

- жүрек соғысын сезіну, стенокардия

- диспноэ, жөтел

- абдоминальді ауыру, тұрақты іш қату, диарея, жүрек айну, құсу

- есекжем, қышыну, бөртпе

- ісінулер

Сирек (≥ 1/10000-нан < 1/1000 дейін)

- парестезиялар

- синкопе, жүрекшелер фибрилляциясы, ми инфарктісі

- аланин-аминотрансфераза (АЛТ; әдетте препаратты қабылдауды тоқтатқаннан кейін қайтымды) белсенділігінің жоғарылауы

Маркетингтен кейінгі кезеңде келесі жағымсыз реакциялар байқалды

Сирек (≥ 1/10000-нан < 1/1000 дейін)

- аса жоғары сезімталдық реакциялары, анафилаксиялық реакциялар, ангионевроздық ісіну (тыныс жолдарының обструкциясын туғызатын көмей мен жұтқыншақты қамтитын ангионевроздық ісіну және/немесе бет, ерін, жұтқыншақ және/немесе тіл ісінуін қоса; осы пациенттердің кейбірінің анамнезінде АӨФ тежегіштерін қабылдау кезіндегі ангионевроздық ісінуге көрсетілім болды), васкулит (Шенлейн-Генох пурпурасын қоса)

- гепатит

Белгісіз (қолда бар деректер негізінде бағалау мүмкін емес)

- анемия, тромбоцитопения

- депрессия

- бас сақинасы, дисгевзия

- құлақтың шыңылдауы

- жөтел

- диарея

- панкреатит, бауыр функциясының бұзылуы

- есекжем, қышыну, бөртпе, фотосезімталдық

- миалгиялар, артралгиялар, рабдомиолиз

- эректильді дисфункция, импотенция

- гипонатриемия

- жалпы әлсіздік сезімі

- арқадағы ауырсыну, несеп шығару жолдарының инфекциясы, тұмауға ұқсас симптомдар

Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз

Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препараттың құрамы

Бір таблетканың құрамында

белсенді зат - 100.00 мг калий лозартаны,

қосымша заттар: лактоза моногидраты, микрокристалды целлюлоза, желатинделген крахмал, орын басуы төмен гидроксипропилцеллюлоза, тазартылған тальк, магний стеараты, винкоат WT-2009 ақ1, изопропил спирті2, метиленхлорид2.

1 - Винкоат WT-2009 ақ гидроксипропилметилцеллюлоза, полиэтиленгликоль 400, титанның қостотығы мен тальктан тұрады.

2 - дайын өнімде болмайды

Сыртқы түрінің, иісінің, дәмінің сипаттамасы

Дөңгелек, екі беті дөңес пішінді, бір жағында бөлетін сызығы бар және екінші жағы тегіс, ақ түсті қабықпен қапталған таблеткалар.

Шығарылу түрі және қаптамасы

10 таблеткадан қатты алюминий фольгамен герметикаланған және алюминий композиттік пішінді ұяшықты қаптамаға салынған.

Пішінді ұяшықты 3 қаптамадан медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынады.

2 жыл

Жарамдылық мерзімі өткеннен кейін қолдануға болмайды.

30 ºС-ден аспайтын температурада сақтау керек.

Балалардың қолы жетпейтін жерде сақтау керек!

Рецепт арқылы

Өндіруші туралы мәлімет

Аджанта Фарма Лимитед

Аджанта Хаус, Чаркоп, Кандивли (З),

Мумбай 400067, Үндістан

Телефон: (0091) 22-2868 3625

Факс: (0091) 22-2868 3930/2868 2848

E-mail: info@ajantapharma.com

Тіркеу куәлігінің ұстаушысы

Аджанта Фарма Лимитед

Аджанта Хаус, Чаркоп, Кандивли (З),

Мумбай 400067, Үндістан

Телефон: (91-2431) 232123, 232009, 232077, 233393

E-mail: info@ajantapharma.com

Қазақстан Республикасы аумағында тұтынушылардан дәрілік заттар сапасына қатысты шағымдар (ұсыныстар) қабылдайтын ұйымның атауы және мекенжайы

Қазақстан Республикасындағы Аджанта Фарма Лимитед филиалы,

050062, Алматы қ., Әуезов ауданы, 3 ы/а, 43А үй, №3, №4, №7, №8 каб.

E-mail: ajantakzbranch@gmail.com

Қазақстан Республикасы аумағында дәрілік заттың тіркеуден кейінгі қауіпсіздігін қадағалауға жауапты ұйымның атауы және мекенжайы

ConsultAsia ЖШС

Алматы қ., Шевченко к-сі, 165 Б, 204-206 кеңсе

тел.: +77051708825/+77051708876 (24 сағат бойы қолжетімді)

факс: +727-379-42-58

e-mail: pv@consultingasia.kz

info@consultingasia.kz