Лидаза-Биофарма (64 ЕД)
Инструкция
-
русский
-
қазақша
Саудалық атауы
Лидаза - Биофарма
Халықаралық патенттелмеген атауы
Гиалуронидаза
Дәрілік түрі
Инъекция үшін ерітінді дайындауға арналған ұнтақ 64 ӘБ
Құрамы
Бір құтының ішінде
белсенді зат – гиалуронидаза (ірі қара малдың аталық безінен алынған) 64 ӘБ
Сипаттамасы
Ақтан қарқындығы әртүрлі крем түстіге дейін таблетка түріндегі ұнтақ немесе лиофилизацияланған кеуекті масса. Беткейінде құрғақ қабықшасының болуына жол беріледі.
Фармакотерапиялық тобы
Басқа да гематологиялық препараттар. Ферментті препараттар. Гиалуронидаза .
АТХ коды В06А А03
Фармакологиялық қасиеттері
Лидаза-Биофарма препаратының құрамында гиалуронидаза ферменті бар ірі қара малдың аталық безінен алынатын препарат. Гиалуронидаза – бұл спецификалық субстрат қызметін гиалурон қышқылы атқаратын фермент. Соңғысы құрамына ацетилглюкозамин мен глюкурон қышқылы енетін мукополисахарид болып табылады. Гиалурон қышқылының тұтқырлығы жоғары болады; оның биологиялық мәні негізінен дәнекер тіннің «цементтегіш» заты болуымен айқындалады. Гиалуронизада гиалурон қышқылының глюкозаминге және глюкурон қышқылына дейін ыдырауын туындатады, сөйтіп тіндердің өткізгіштігін және тін аралық сұйықтықтың жылжуын жақсартады; тіндердің ісінуін азайтады, тыртықтарды жұмсартады және жайпақтайды, буындардың қозғалыс көлемін ұлғайтады. Гиалуронидазаның әсері қайтымды - оның концентрациясы азайғанда гиалурон қышқылының тұтқырлығы қалпына келеді.
Қолданылуы
- буындар контрактурасында, Дюпюитрен контрактурасында (бастапқы сатысында)
- шорбуынданатын спондилоартритте
- терінің түрлі тектегі тыртықтанып өзгеруінде
- гематомаларда (пайда болу сатысында)
- склеродермияда
- ревмотоидтық артритте
- жүйке өрімдері мен шеткері жүйкелердің жарақатты зақымдануларында
- өкпе туберкулезімен науқастарда өкпе қабынуының өнімді сипатында
- офтальмологиялық практикада кешенді ем құрамында кератиттерді, ретинпатияларды емдеуде
Қолдану тәсілі мен дозалары
Лидаза-Биофарма препаратын тыртықтанып өзгеруі бар тін астындағы тері астына, электрофорез тәсілімен бұлшық ет ішіне енгізеді немесе шырышты қабықтарға аппликациялау тәсілімен (көзді емдеу практикасында) қолданады. Инъекцияға арналған ерітінді дайындау үшін құтының ішіндегісін натрий хлориді изотониялық ерітіндісінің 1 мл-нде немесе 0,5% новокаин ерітіндісінің 1 мл-нде ерітеді. Новокаинді еріткіш ретінде пайдаланғанда, препаратты қолданар алдында новокаинге аллергиялық сынама жүргізілуі керек.
Контрактураларда, түрлі тектегі тыртықтарда, гематомаларда, шорбуынданатын спондилоартритте ересектерге зақымданған жердің жанынан тері астына немесе тыртықтанып өзгерген тінге 1 мл (64 ӘБ) көлемінде енгізеді. Инъекцияларды күн сайын немесе күнара жасайды. Емдеу курсына 6-10-15 (және одан көп) инъекциядан келеді.
Жүйке өрімдері мен шеткері жүйкелердің жарақаттық зақымдануларында новокаин ерітіндісінде 64 ӘБ дозада ересектерге тері астына күнара енгізеді. Емдеу курсы 12-15 инъекция, қажет болғанда оны қайталайды.
Өкпе туберкулезі бар науқастардағы асқынудың өнімді сипатында зақымдану ошағында антибиотиктер мен бактерияға қарсы басқа дәрілердің концентрациясын арттыру мақсатында препаратты жиынтық ем құрамында инъекция және ингаляция түрінде тағайындайды. Ингаляция үшін құтының ішіндегісін 5 мл натрий хлориді изотониялық ерітіндісінде ерітеді. Ингаляцияларды күн сайын тәулігіне 1 реттен жасайды (құрамында 64 ӘБ бар 5 мл ерітінді). Курсқа 20-25 ингаляциядан келеді. Қажет болғанда қайталау курстарын 1,5-2 ай аралықпен жүргізеді.
Ревматоидты артритте препаратты электрофорез тәсілімен қолданады: ересектерге 64 ӘБ препаратты 30 мл дистилляцияланған суда ерітіп, 0.1% хлорлы сутегі қышқылы ерітіндісінің 4-5 тамшысын қосады және екі айырық электродтан (анодтан) екі буынға енгізеді. Енгізу ұзақтығы - 20-30 минут, емдеу курсы – 10-15 сеанс.
Сыртқа препарат ерітіндісі сіңірілген таңғыш түрінде қолданылады. Ерітіндіні дайындау үшін әрбір 64 ӘБ мөлшерді 0.9 % натрий хлоридінің 10 мл стерильді ерітіндісінде немесе бөлме температурасындағы қайнатылған суда ерітеді. Одан әрі ерітіндімен 4-5 қабатталып бүктелген стерильді таңғышты сулайды да, оны зақымданған аймаққа төсеп, балауыз жағылған қағазбен жауып жұмсақ таңғышпен бекітеді.
Кератит кезінде мөлдір қабаттың зақымданған аймақтарының неғұрлым жұқа тыртықтануы үшін антибиотиктерді, сульфаниламидтерді бір мезгілде қолданғанда препарат ерітіндісін 1 тамшыдан тамызады.
Ерітінді дайындау үшін құтының ішіндегісін натрий хлориді 20 мл изотониялық ерітіндісінде ерітеді.
Ретинопатияларда 0,5 мл ерітіндіден самай терісінің астына енгізеді (препараттың 1 ампуласы ішіндегісін 20 мл 0,9 % натрий хлориді ерітіндісінде немесе 20 мл 0,5 % новокаин ерітіндісінде еріту керек). Емдеу курсы 10-15 емшараны құрайды.
Жағымсыз әсерлері
Организмнің жалпы реакциялары: әлсіздік, дене температурасының жоғарылауы, қалтырау, тершеңдікЖүйке жүйесі тарапынан: бас айналу, бас ауыру
Аллергиялық реакциялар, оның ішінде гиперемия, терідегі бөрту, қышыну, есекжем, ангионевроздық ісіну
Жергілікті реакциялар: бұлшықет ішіне, тері астына енгізу тәсілінде бөрту, гиперемия, қышыну, қызару, ісіну, ауыру, инъекция орнындағы ыстықты сезіну; офтальмология тәжірибесінде субконъюнктивальді, ретробульбарлы қолдану тәсілінде – ісіну, қабақ, бет терісі параорбитальді бөлігі гиперемиясы, ақ қабық гиперемиясы болуы мүмкін.
Қолдануға болмайтын жағдайлар
- препаратқа жоғары сезімталдық
- қатерлі жаңа түзілімдер
- жедел инфекциялық-қабыну үдерістері
- өкпелік қан кету және қан түкіру
- эстрогендерді қолдану
- гематомалар жедел сатысы
- айқын өкпе жеткіліксіздігі бар туберкулез
- жүктілік пен лактация кезеңі
- 18 жасқа дейінгі балалар мен жасөспірімдерге
Дәрілермен өзара әрекеттесуі
Лидаза-Биофарма әртүрлі дәрілік заттардың (жергілікті анестетиктер, миорелаксанттар және т.б.) соңғыларын тері астына және бұлшықет ішіне енгізген кезде сіңуін жеделдетеді.
Айрықша нұсқаулар
Тек қана ұсынылған ерітіндіні пайдалану керек. Дайындалған ерітіндіні басқа дәрілік заттармен араластыруға болмайды. Ерітіндіні дайындалғаннан кейін бірден қолдану керек. Емдеуді бастаудың алдында 20 мкл гиалуронидазаны т/і (терішілік) енгізу арқылы тест жүргізген дұрыс болады.
Новокаинді еріткіш ретінде қолданғанда аса жоғары сезімталдық реакциялары дамуы мүмкін екендігін ескерген жөн. Осыған байланысты Лидаза-Биофарма препаратын бұл еріткішпен тағайындағанда сақ болу қажет.
Препаратты қан құйылу енді ғана болған кезде қолданбайды.
Жүктілік немесе бала емізу кезеңінде қолдану. Препаратты жүктілік немесе бала емізу кезеңінде қолданудың тиімділігі мен қауіпсіздігі туралы деректер жоқ. Препаратты жүкті әйелдерге қолдануға болмайды. Емдеу кезінде бала емізуді тоқтату керек.
Балалар. Препаратты балаларға қолданудың тиімділігі мен қауіпсіздігі туралы деректер жоқ, сондықтан педиатриялық тәжірибеде қолданбаған жөн.
Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері
Қызметі зейін қою мен психомоторлық реакциялардың жоғары жылдамдығын қажет етуімен байланысты пациенттерге сақтықпен қолданған жөн. Препаратты көздің мөлдір қабығына жергілікті қолданғанда уақытша бұлыңғырлануы және көрудің өзге де бұзылыстары болуы мүмкін. Егер бұл құбылыстар туындаса, пациент автомобиль немесе қозғалатын механизмдермен жұмыс істеудің алдында көру қалпына келгенше тоса тұру қажет.
Артық дозалануы
Симптомдары: қалтырау, жүрек айну, құсу, бас айналу, тахикардия және гипотензия, жергілікті ісіну, есекжем, эритема.
Емі: препаратты тоқтату, адреналин, глюкортикоидтар енгізу; гистаминге қарсы қолданылатын дәрілік заттарды қолдану.
Шығарылу түрі мен қаптамасы
Гиалуронидазалық белсенділігі бар 64 ӘБ-ден лиофильді құрғатуға арналған бромбутилді резеңке тығынмен тығындалған, алюминий қалпақшамен қаусырылған көлемі 2 мл шыны құтыда.
Құтыларға жабысқақ негіздегі заттаңба жапсырылады.
5 құтыдан алюминий фольгамен жабылатын ПВХ үлбірден жасалған пішінді ұяшықты қаптамаға салынады. Құтылары бар 2 пішінді ұяшықты қаптамадан медициналық қолдану жөніндегі мемлекеттік және орыс тіліндегі нұсқаулықпен бірге қораптық картоннан (хром-эрзац) жасалған қорапшаға салынады. Қорапшалар топтық ыдысқа салынады және топтық заттаңба жапсырылады.
Сақтау шарттары
Жарықтың әсер етуінен қорғау үшін түпнұсқалық қаптамасында 2 ºС-ден 8 ºС-ге дейінгі температурада сақтау керек.
Балалардың қолы жетпейтін жерде сақтау керек!
Сақтау мерзімі
2 жыл
Препаратты жарамдылық мерзімі өткеннен кейін қолдануға болмайды.
Дәріханалардан босатылу шарттары
Рецепт арқылы
Өндіруші /Қаптаушы
«БИОФАРМА» ФЗ» ЖШҚ, Украина, 09100, Киев обл., Белая Церковь к-сі, тел. (044) 277-36-10
Тіркеу куәлігінің ұстаушысы
«БИОФАРМА» ФЗ» ЖШҚ, Украина
Қазақстан Республикасы аумағында дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электрондық пошта)
«БИОФАРМА» ФЗ» ЖШҚ Қазақстан Республикасындағы өкілдігі, Алматы қ., Мирас 65, Мирас БО, 101 кеңсе;
Тел.: +77015205577;
e-mail: a.imanalin@biofarma.ua.