Лидаза­М

• русский
• қазақша

• Скачать инструкцию медикамента

Саудалық атауы

Лидаза-М

Халықаралық патенттелмеген атауы

Гиалуронидаза

Дәрілік түрі

Инъекция үшін және жергілікті қолдану үшін ерітінді дайындауға арналған лиофилизат, 64 ШБ

Құрамы

Бір ампуланың ішінде:

белсенді зат – гиалуронидаза 64 ШБ

Сипаттамасы

Ақ түсті немесе сарғыш, қызғылт немесе қоңыр реңді ақ түсті таблетка түрінде нығыздалған лиофилизацияланған ұнтақ немесе кеуекті масса.

Фармакотерапиялық тобы

Басқа да гематологиялық препараттар. Ферментті препараттар.

Гиалуронидаза.

АТХ коды В06АА03

Фармакологиялық қасиеттері

Фармакокинетикасы

Тері астына енгізген кезде әсер ету ұзақтығы 48 сағатқа дейін.

Фармакодинамикасы

Мүйізді ірі қара малдың аталық безінен алынған, ферментті препарат.

Дәнекер тіннің аралық затының негізгі компоненті болып табылатын - гиалурон қышқылын ыдыратады. Гиалуронидаза гиалурон қышқылын глюкозаминге және глюкурон қышқылына дейін ыдыратады және осылайша оның тұтқырлығын азайтады. Гиалуронидаза тіндердің және тамырлардың өткізгіштігін арттырады, тінаралық кеңістіктерде сұйықтықтың қозғалуын жеңілдетеді; тіндердің ісінуін азайтады, тыртықтарды тегістейді және жұмсартады, буындардағы қозғалыс аумағын арттырады, контрактураны азайтады және олардың пайда болуының алдын алады.

Қолданылуы

• күйіктік, жарақаттық, операциядан кейінгі тыртықтар

• ұзақ уақыт жазылмайтын ойық жаралар (оның ішінде сәулелік)

• Дюпюитрен контрактурасы, буындардың қозғалысының нашарлауы, буындардың контрактурасы (қабыну үдерісі, жарақаттан кейін), остеоартроз, шорбуынданған спондилоартрит, бел дискілерінің ауыр аурулары

• созылмалы тендовагинит, склеродермия (терідегі біліністері), беткейлік орналасқан жұмсақ тіндер гематомасы

• тыртықтарға байланысты жасалатын тері-пластикалық операцияларға дайындау үшін

• өкпе туберкулезі (бронхтардағы спецификалық емес зақымданумен асқынған), обструкция құбылыстарымен жоғары тыныс жолдарындағы және бронхтардағы қабыну үдерісі

• жүйке өрімдері мен шеткергі жүйкелердің (плексит, неврит) жарақаттық зақымдануы

• гифема, гемофтальм, шығу тегі әртүрлі ретинопатиялар

Қолдану тәсілдері және дозалары

Тері астына, бұлшықет ішіне, сыртқа ингаляция түрінде және электрофорез әдісімен.

Тыртықты зақымдануларда тері астына (тыртықты-өзгерген тіндердің астына) немесе бұлшықет ішіне (зақымданған жерге жақын) күнделікті немесе күнара 64 ШБ-ден (1 мл) енгізеді, емдеу курсы – 10-20 инъекция.

Жүйке өрімдерінің және шеткергі жүйкелердің жарақаттық зақымдануларында зақымданған жүйке аймағындағы тері астына (прокаин ерітіндісінде 64 ШБ) күнара енгізеді; курсы – 12-15 инъекция. Қажет болғанда емдеу курсын қайталайды.

Офтальмологиялық тәжірибеде қолданғанда препаратты субконъюнктивальді – 0,3 мл, парабульбарлы – 0,5 мл, сондай-ақ электрофорез әдісімен енгізеді.

Қабынудың өнімді сипатымен өкпе туберкулезімен науқастарда зақымдану ошағындағы дәрілік заттардың бактерияға қарсы концентрациясын жоғарылату үшін, кешенді ем құрамында инъекция және/немесе ингаляция түрінде тағайындайды. Ингаляцияны 5 мл ерітіндіні (64 ШБ) қолданып, күнделікті 1 рет жүргізеді. Емдеу курсы – 20-25 ингаляция. Қажет болғанда 1,5-2 ай аралығымен қайталау курсын жүргізеді.

Препарат ерітіндісі сіңірілген таңғыш түрінде.

Ерітінді дайындау үшін әрбір 64 ШБ натрий хлоридінің 10 мл 0,9 % стерильді ерітіндісінде немесе бөлме температурасындағы қайнаған суда ерітеді.

Осы ерітіндімен 4-5 қабат бүктелген стерильді таңғышты сулап, оны зақымданған жерге қойып, үстінен қағазбен жауып, жұмсақ таңғышпен бекітеді. Дозасы зақымдану аумағына байланысты 32-64 ШБ/кв.см, орташа – таңғышқа 320 ШБ. Таңғышты күнсайын 15-18 сағатқа 15-60 күн бойы қояды. Ұзақ қолданған жағдайда әр 2 апта сайын 3-4 күнге үзіліс жасайды.

Электрофорез әдісімен қолданған кезде 320 ШБ 64 мл дистилляцияланған суда ерітіп, хлорлы сутегі қышқылының 0,1 % ерітіндісінің 2-3 тамшысын қосып, 20-30 минут ішінде зақымданған жерге анодтан енгізеді. Емдеу курсы – 15-20 сеанс. Дозалаудың аппликациялау тәртібін электрофорезбен кезектестіруге болады. Дайындалған ерітінді 24 сағат аралығында қолданылуы керек.

Жағымсыз әсерлері

• аллергиялық реакциялар

• жергілікті тітіркендіргіш әсер (ұзақ уақыт қолданғанда)

Қолдануға болмайтын жағдайлар

- гиалуронидазаға жоғары сезімталдық

- жедел жұқпалы-қабыну аурулары

• жақын арадағы қан кетулер

• айқын тыныс алу жеткіліксіздігімен өкпе туберкулезі

• өкпеден қан кету және қанды қақырық

• қатерлі жаңа түзілімдер

• шыны тәріздес денеге жаңадан қан кету

Дәрілермен өзара әрекеттесуі

Тері астына немесе бұлшықет ішіне енгізілетін дәрілік заттардың сіңуін жақсартады, жергілікті анестетиктердің әсерін күшейтеді.

Эстрогендермен бір уақытта қолдануға болмайды.

Айрықша нұсқаулар

Ерітіндіні бұрын құрамында катиондар бар ерітінділер енгізілген катетер арқылы енгізуге болмайды.

Инъекцияға арналған ерітінділерді натрий хлоридінің 0,9% ерітіндісінде немесе 5 мг/мл прокаин ерітіндісінде, ингаляция үшін – натрий хлоридінің 0,9% ерітіндісінде, электрофорез үшін–дистилляцияланған суда дайындайды.

Емді бастамас бұрын 20 мкл (1,28 ШБ) гиалуронидазаны тері ішіне енгізу арқылы тест жүргізу тиімді.

Жұқпалы қабыну және ісіктер аймағына енгізуге болмайды.

Жедел қан құйылуларда гиалуронидазаны қолданбайды.

Педиатрияда қолданылуы

Ұсынылмайды. Тиімділігі мен қауіпсіздігі анықталмаған.

Жүктілік және лактация кезеңі

Ұсынылмайды. Тиімділігі мен қауіпсіздігі анықталмаған.

Дәрілік заттың көлікті немесе қауіпті механизмдерді басқару қабілетіне әсер ету ерекшеліктері

Әсер етпейді.

Артық дозалануы

Симптомдары: қалтырау, жүректің айнуы, құсу, бас айналу, тахикардия, артериялық қысымның төмендеуі, жергілікті ісіну, есекжем, эритема.

Емі: эпинефринді, глюкокортикостероидтарды, антигистаминді препараттарды енгізу.

Шығарылу түрі және қаптамасы

Ампулада гиалуронидаза 64 ШБ-ден, 10 ампуладан мемлекеттік және орыс тілдерінде жазылған медицинада қолданылуы жөніндегі нұсқаулықпен, ампулаға арналған пышағымен немесе скарификаторымен бірге картон пәшкеге салынған.

Ашуға арналған сақинасы немесе нүктесі, жұқартылған жері бар ампуланы қолданғанда ампула пышағы немесе ампула скарификаторы салынбайды.

Сақтау шарттары

Жарықтан қорғалған жерде, 15оС-ден аспайтын температурада сақтау керек.

Балалардың қолы жетпейтін жерде сақтау керек.

Сақтау мерзімі

2 жыл

Жарамдылық мерзімі өткеннен кейін пайдалануға болмайды.

Дәріханалардан босатылу шарттары

Рецепт арқылы

Өндіруші

«Микроген ҒӨБ» ФМУК Ресей ДС Министрлігі,

Ресей, 115088, Мәскеу қаласы, 1-ші Дубровская көшесі, 15 үй, тел. (495) 710-37-87.

Өндірістің мекенжайы: Ресей, 634040,Томск облысы,Томск қаласы, Ивановский көшесі, 8 үй, тел. (3822) 63-37-34

Тіркеу куәлігінің иесі

«Микроген ҒӨБ» ФМУК Ресей ДС Министрлігі, Ресей Федерациясы

Қазақстан Республикасы аумағында тұтынушылардан препараттың сапасы туралы түскен шағымдарды қабылдайтын ұйымның мекенжайы: «Нестеренко Н.А.» ЖК, Қазақстан Республикасы, 050000, Алматы қаласы,

Фурманов көшесі, 128 үй, 16 кеңсе, тел. /факс (727) 279-66-59, электрондық поштасы: ip_n_nesterenko@list.ru.