Лефлобакт

• русский
• қазақша

• Скачать инструкцию медикамента

Саудалық атауы

ЛЕФЛОБАКТ

Халықаралық патенттелмеген атауы

Левофлоксацин

Дәрілік түрі

Үлбірлі қабықпен қапталған 500 мг таблеткалар

Құрамы

Бір таблетканың құрамында

белсенді зат - левофлоксацин (левофлоксацин гемигидраты түрінде)

– 500 мг

қосымша заттар: кальций стеараты, крахмал 1500, картоп крахмалы, кросповидон, повидон, лактоза, тальк, микрокристалды целлюлоза,

қабықтың құрамы: гипромеллоза, макрогол, титанның қостотығы Е171, тропеолин О

Сипаттамасы

Сары түсті үлбірлі қабықпен қапталған сопақша таблеткалар

Фармакотерапиялық тобы

Микробқа қарсы жүйелі қолдануға арналған препараттар. Хинолон туындылары. Фторхинолондар

АТЖ коды J01MA 12

Фармакологиялық қасиеттері

Фармакокинетикасы

Левофлоксацин ішке қабылдағанда жылдам және толық дерлік сіңеді (ас ішу сіңірілу жылдамдығы мен толықтығына аз әсер етеді). Биожетімділігі – 99%. Ең жоғары концентрациясына жету үшін қажет уақыт – 500 мг қабылдағанда 1-2 сағат, ең жоғары концентрациясы 5.2 мкг/мл құрайды. Плазма ақуыздарымен байланысы – 30-40%. Мүшелер мен тіндерге: өкпеге, бронхтың шырышты қабығына, қақырыққа, несеп-жыныс жүйесі мүшелеріне (соның ішінде қуық асты безіне), сүйек тініне, жұлын сұйықтығына, полиморфтық-ядролық лейкоциттерге, альвеолярлық макрофагтарға жақсы өтеді.

Бауырда аздаған бөлігі тотықтанады және/немесе дезацетилденеді.

Ағзадан тікелей бүйрек арқылы несеппен шумақтық сүзілу және өзекшелік сөлініс жолымен өзгермеген күйде шығарылады. Бүйрек клиренсі жалпы клиренстің 70%-ын құрайды. Жартылай шығарылу кезеңі – 6-8 сағат. 5%-дан аз левофлоксацин метаболиттер түрінде шығарылады. Ішу арқылы қабылдағаннан кейін бүйрекпен өзгермеген күйде 24 сағат ішінде 70%-ы және 48 сағат ішінде қабылданған дозаның 87%-ы шығарылады; тік ішектен 72 сағат ішінде 4%-ы табылады.

Фармакодинамикасы

Лефлобакт – фторхинолондар тобының бактерияға қарсы препараты. Левофлоксацин – офлоксациннің сол жаққа айналдыру изомері. Левофлоксацин ДНҚ-гираза (II топоизомераза) және IV топоизомераза ферменттерін бөгейді, бактериялар ДНҚ-сы жарылуларының суперспирализациясын және тігісін бұзады.

Левофлоксацин микроорганизмдер штаммдарының көпшілігіне қатысты in vitro және in vivo жағдайларында да белсенді:

Аэробтық грамоң микроорганизмдер: Staphylococcus spp., Staphylococcus aureus, Staphylococcus epidermidis; Streptococcus pyogenes, Streptococcus agalactiae, Streptococcus pneumoniae, Viridans group streptococci, Enterococcus faecalis; Corynebacterium diphtheriae; Listeria monocytogenes;

Аэробтық грамтеріс микроорганизмдер: Acinetobacter spp., Acinetobacter anitratus, Acinetobacter baumannii, Acinetobacter calcoaceticus; Actinotobacillus actinomycetemcomitans; Citrobacter freundii, Citrobacter diversus; Eikenella corrodens; Enterobacter spp., Enterobacter aerogenes, Enterobacter agglomerans, Enterobacter cloacae, Enterobacter sakazakii; Escherichia coli; Gardnerella vaginalis; Haemophilus ducreyi, Haemophilus influenzae, Haemophilus parainfluenzae; Helicobacter pylori; Klebsiella spp., Klebsiella oxytoca, Klebsiella pneumoniae; Moraxella catarrhalis; Morganella morganii; Neisseria gonorrhoeae, Neisseria meningitidis; Pasteurella spp., Pasteurella canis, Pasteurella dagmatis, Pasteurella multocida; Proteus mirabilis, Proteus vulgaris; Providencia spp., Providencia rettgeri, Providencia stuartii; Pseudomonas spp., Pseudomonas aeruginosa, Pseudomonas fluorescens; Salmonella spp.; Serratia spp., Serratia marcescens;

Анаэробтық микроорганизмдер: Bacteroides fragilis; Bifidobacterium spp.; Clostridium perfringens; Fusobacterium spp.; Peptostreptococcus spp.; Propionibacterium spp.; Veillonella spp.;

Басқа микроорганизмдер: Bartonella spp.; Chlamydia pneumoniae, Chlamydia psittaci, Chlamydia trachomatis; Legionella spp., Legionella pneumophila; Mycobacterium spp., Mycobacterium leprae, Mycobacterium tuberculosis; Mycoplasma hominis; Mycoplasma pneumoniae; Rickettsia spp.; Ureaplasma urealyticum.

Қолданылуы

- созылмалы бронхит, пневмония

- синусит, ортаңғы отит

- жедел пиелонефрит, простатит, урогенитальді хламидиоз

- іріңдеп кеткен атеромалар, абсцесс, фурункулдар

- туберкулездің дәріге төзімді түрлері (кешенді ем құрамында)

Қолдану тәсілі және дозалары

Ас ішуге дейін немесе тамақтанулар арасындағы үзілісте, шайнамастан, жеткілікті су мөлшерімен іше отырып ішке қабылдайды (0.5-тен 1 стақанға дейін).

Созылмалы бронхиттің өршуінде – 7-10 күн бойы тәулігіне 1 рет 250-500 мг-ден.

Ауруханадан тыс пневмонияда – 7-14 күн бойы тәулігіне 1-2 рет 500 мг-ден.

Синуситте – 10-14 күн бойы тәулігіне 1 рет 500 мг-ден.

Несеп шығару жолдарының асқынбаған жұқпаларында: 3 күн бойы тәулігіне 1 рет 250 мг-ден.

Несеп шығару жолдарының асқынған жұқпаларында (пиелонефритті қоса) - 7-10 күн бойы тәулігіне 1 рет 250 мг-ден.

Простатитте – 28 күн бойы тәулігіне 1 рет 500 мг-ден.

Терінің және жұмсақ тіндердің жұқпаларында – 7-14 күн бойы тәулігіне 1-2 рет 250-500 мг-ден.

Туберкулезде – МЛУТБ туберкулёзінің дәріге төзімді түрлерін кешенді емдеу құрамында. Левофлоксацин науқастың салмағына сәйкес тағайындалады: 33 кг-ге дейін – 500 мг, 33-49 кг – 500 мг, 50-70 кг – 750 мг, 70 кг-ден көп – 750-1000 мг. МЛУТБ бар науқастарды емдеу ұзақтығы емдеудің қарқынды фазасында – 6-12 ай; демеуші фазасында – 18 ай.

Левофлоксацин көбіне бүйрек арқылы шығарылады, сондықтан бүйрек қызметі шектеулі науқастарды емдегенде препарат дозасын азайту қажет болады. Осы себептегі тиісті ақпарат келесі кестеде көрсетілген:

Лефлобакты таблеткалар түрінде әуелі Лефлобактың инфузияға арналған ерітіндісін көктамыр ішіне енгізу тағайындалған және әріқарай левофлоксацинді ішке қабылдауды жүргізуге мүмкіндік беретіндей ахуалдары жақсарған емделушілерге емдеу курсын жалғастыру үшін тағайындауға болады.

Жағымсыз әсерлері

Жиі

- жүрек айну, диарея (соның ішінде қан аралас)

Кейде

- тәбеттің төмендеуі, ас қорытудың бұзылуы, іштің ауыруы, құсу

- бас ауыру, бас айналу, ұйқышылдық, ұйқысыздық

- эозинофилия, лейкопения

- астения

Сирек

- жалған жарғақшалы энтероколит, гипербилирубинемия, гепатит, дисбактериоз

- артериялық қысымның түсіп кетуі, тахикардия, Q-T аралығының ұзаруы

- әлсіздік, тремор, мазасыздық, парестезиялар, қорқыныш, елестеулер, сананың шатасуы, депрессия, қимыл-әрекет бұзылыстары

- артралгия, бұлшықет әлсіздігі, миалгия, рабдомиолиз

- нейтропения, тромбоцитопения

- порфирияның өршуі

- фотосенсибилизация

- асқын жұқпаның дамуы

Өте сирек

- «бауыр» трансаминазалары белсенділігінің жоғарылауы

- қан тамырлық коллапс

- тәбеттің жоғарылауы, тер бөлінісінің артуы, дірілдеу

- эпилепсиялық ұстамалар (бейімділігі бар емделушілерде)

- көрудің, естудің, иіс сезудің, дәм және жанасу сезімталдығының нашарлауы

- сіңірлердің жарылуы, тендинит

- гиперкреатининемия, интерстициальді нефрит, жедел бүйрек жеткіліксіздігі

- гемолитикалық анемия, агранулоцитоз, панцитопения, геморрагиялар

- аллергиялық реакциялар: кейде – тері қышымасы мен гиперемиясы, есекжем, бронх түйілуі, тұншығу, сирек – терінің және шырышты қабықтардың ісінуі, өте сирек – Стивенс-Джонсон синдромы, Лайелл синдромы, анафилактикалық шок, аллергиялық пневмонит, васкулит, түспейтін қызба

Қолдануға болмайтын жағдайлар

- препараттың белсенді және қосымша құрамдас бөліктеріне асқын сезімталдық

- эпилепсия

- бұрын хинолондармен емдеу жүргізген кездегі сіңірлердің зақымдануы

- жүктілік және лактация кезеңі

- 18 жасқа дейінгі балалық және жасөспірімдік кезең

- бүйрек қызметінің бұзылуы: минутына 20 мл креатинин клиренсінде, гемодиализде жүргенде

- тұқым қуалаған лактозаны көтере алмаушылық, Lapp-лактаза ферментінің тапшылығы, глюкоза-галактоза мальабсорбциясы

Дәрілермен өзара әрекеттесуі

Циклоспориннің жартылай шығарылу кезеңін ұзартады.

Ішек моторикасын бәсеңдететін дәрілік заттар, сукральфат, құрамында алюминий мен магний бар антацидтік дәрілік заттар және темірдің тұздары тиімді әсерін төмендетеді (қабылдаулар арасында 2 сағаттан кем емес үзіліс қажет).

Ибупрофен тобындағы қабынуға қарсы стероидты дәрілер, теофиллин құрысуға дайын болуды жоғарылатады, глюкокортикостероидтар сіңірлердің жарылу қаупін арттырады.

Циметидин мен өзекшелік сөліністі бөгейтін дәрілік заттар шығарылуды баяулатады.

Левофлоксацин К витаминінің антагонистерімен қосылғанда қанның ұю жүйесін бақылау қажет.

Айрықша нұсқаулар

Сақтықпен: егде жас (бүйрек қызметінің қатарлас төмендеу ықтималдығы жоғары), глюкозо-6-фосфатдегидрогеназа тапшылығы.

Дене температурасы қалыптанғаннан кейін емдеуді, кемінде, 48-78 сағат бойы жалғастыру ұсынылады.

Емдеу кезінде тері жабындарының зақымдануын болдырмау үшін күннің көзіне және жасанды УК-сәулеленуден қашық болу қажет (фотосенсибилизация).

Тендиниттің, жалған жарғақшалы колиттің нышандары білінгенде левофлоксацинді дереу тоқтатады.

Сыртартқысында миының зақымдануы бар науқастарда (инсульт, ауыр жарақат) құрысулардың дамуы мүмкін, глюкозо-6-фосфатдегидрогеназа жетіспеушілігінде гемолиздің даму қаупі болады.

Қатарлас қант диабеті бар науқастарда: гипогликемия, тәбеттің «қатты ашылуы», жүйкенің тозуы, діріл. Препаратты сукральфатты, құрамында магний мен алюминий бар антацидтік дәрілерді, сондай-ақ темір тұздарын қабылдауға дейін, ең кемінде, 2 сағат бұрын және одан кейін 2 сағаттан соң қабылдау керек. Емделу кезеңінде алкогольді тұтынудан аулақ болған жөн.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Емделу кезінде автокөлік жүргізгенде және жоғары зейін шоғырландыруды және психомоторлық реакциялар жеделдігін талап ететін қауіптілігі зор басқа қызмет түрлерімен айналысқанда сақтық шарасын қадағалау қажет.

Артық дозаланғанда

Белгілері: жүрек айну, асқазан-ішек жолы шырышты қабықтарының эрозиялық зақымданулары, QT аралығының ұзаруы, сананың шатасуы, бас айналу, құрысулар.

Емі: асқазанды шаю, белгісіне қарай, диализ тиімді емес.

Арнайы у қайтарғысы жоқ.

Шығарылу түрі және қаптамасы

Үлбірлі қабықпен қапталған 500 мг таблеткалар.

5 таблеткадан пішінді ұяшықты қаптамада.

1 пішінді ұяшықты қаптамадан медицинада қолданылуы жөніндегі мемлекеттік және орыс тілдеріндегі нұсқаулықпен бірге картон пәшкеге салынады.

Сақтау шарттары

Құрғақ, жарықтан қорғалған жерде, 25 С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

3 жыл

Жарамдылық мерзімі өткеннен кейін пайдалануға болмайды.

Дәріханалардан босатылу шарттары

Рецепт арқылы

Өндіруші

«Синтез» ААҚ

Ресей, 640008, Қорған қ., Конституция д-лы, 7.

тел./факс: (3522) 48-16-89

Тіркеу куәлігі иесінің атауы және елі

«Синтез» ААҚ, Ресей

Қазақстан Республикасы аумағында тұтынушылардан өнім сапасына қатысты шағымдар қабылдайтын ұйымның мекенжайы

«СТОФАРМ» ЖШС, 000100, Қазақстан Республикасы,

Қостанай обл., Қостанай қ., Орал к-сі, 14

тел.: 714 228 01 79