Ледермикс® Паста

МНН: Демеклоциклин, Триамцинолон
Производитель: Л-А-В Сервис ГмбХ Лейпцигер Арцнаймиттельверк
Анатомо-терапевтическо-химическая классификация: Прочие противомикробные препараты
Номер регистрации в РК: № РК-ЛС-5№014131
Период регистрации: 20.03.2015 - 20.03.2020

Инструкция

Саудалық атауы

Ледермикс® Паста

Халықаралық патенттелмеген атауы

Жоқ

Дәрілік түрі

Тіс қуыстарында қолдануға арналған паста

Құрамы

1 г препараттың құрамында

белсенді заттар: 30,00 мг демеклоциклин гидрохлориді (30,21 мг демеклоциклин кальций тұзына баламалы), 10,00 мг триамцинолон ацетониді бар,

қосымша заттар: троламин (2,2´,2´´нитрилотрисэтанол), кальций хлориді дигидраты, мырыш тотығы, макрогол 3000, макрогол 400, сусыз натрий сульфиті, натрий кальций эдетаты, сусыз коллоидты кремнийдің қостотығы, тазартылған су.

Сипаттамасы

Көзге көрінетін механикалық қосылыстан бос, сұрғылт-сары жұмсақ паста.

Фармакотерапиялық тобы

Стоматологиялық препараттар. Ауыз қуысы ауруларын жергілікті емдеуге арналған микробқа қарсы препараттар. Басқалары.

АТХ коды А01АВ11

 

Фармакологиялық қасиеттері

Фармакокинетикасы

Зертханалық жағдайда жұлынған тістердегі таңбаланған тетрациклин мен триамцинолонды зерттеу, бұл екі заттың аздаған мөлшерде түбір мен дентин тіс қаптамасы арқылы таралатынын анықтаған. Екі зат та бірнеше күннен бірнеше аптаға дейінгі кезеңде өте аз мөлшерде (нано - моль) босап шығады.

Фармакодинамикасы

Демеклоциклин әсер ету ауқымы кең бактериостатикалық антибиотик болып табылады және хламидия, микоплазма, спирохета, риккетсия сияқты грамоң және грамтеріс микроорганизмдерге қатысты тиімді тетрациклиндер тобына жатады. Ол жасушадан тыс және жасушаішілік патогендерге қатысты да тиімді. Әсер ету механизмі бактериялық рибосомаларда ақуыз синтезін бәсеңдетуге негізделген.

Триамцинолон ацетониді фторланған глюкокортикоид болып табылады, аллергияға қарсы, қабынуға қарсы және жарғақша тұрақтандырушы қасиеттері бар. Кортизонмен салыстырғанда триамцинолон ацетонидінің глюкокортикоидты әсері 160 есе жоғары, ал минералокортикоидты әсерін жоқ деуге болады.

Глюкокортикостероидтар простагландиндер синтезін тежейді, қылтамырлар өткізгіштігін азайтады, фибробласт және басқа да мезенхима жасушалары сияқты әртүрлі жасуша типтерінің пролиферациясын тежейді.

Қолданылуы

  • жедел ішінара немесе жалпы пульпитте негізгі емге дейін шұғыл емдеуде

Қолдану тәсілі және дозалары

Дозалау қолдану тәсіліне байланысты.

Жедел ішінара немесе жалпы іріңді емес пульпитте негізгі емге дейін шұғыл емдеу.

Ледермикс® Паста пастасының аздаған мөлшерімен мақта тампонды тіс пульпасына салып, мысалы, эвгенол қосылған мырыш тотығымен негізгі емге дейін біраз уақытқа жауып қою керек.

Ледермикс® Паста сондай-ақ тіс өзекшесін емдегенде уақытша пломба ретінде қолданылады.

Ледермикс® Паста пастасының қатаюын болдырмас үшін ашқаннан кейін сықпаны нығыздап жабылған, ал ұштығын – таза күйінде сақтау қажет.

Ледермикс® Паста пастасының түсі өзгеруі оның тиімділігіне ықпал етпейді.

Жағымсыз әсерлері

Сирек

  • анафилактикалық шокқа дейін болатын аллергиялық реакциялар

  • басқа тетрациклиндермен айқаспалы аллергия болуы мүмкін

  • натрий сульфиті ауыр аллергиялық реакциялар мен бронх түйілуін тудыруы мүмкін

Қолдануға болмайтын жағдайлар

  • кортикоидтарға және тетрациклиндерге аса жоғары сезімталдық (айқаспалы аллергия)

  • демеклоциклинге, триамцинолон ацетонидіне, натрий сульфитіне немесе препарат құрамына кіретін басқа компоненттерге аса жоғары сезімталдық

  • іріңді пульпит

Дәрілермен өзара әрекеттесуі

Дұрыс қолданған кезде дәрілермен өзара әрекеттесуі болмайды.

Айрықша нұсқаулар

Ледермикс® Пастадағы суда еріген кортикоид пайдаланудың барлық кезеңінде босап шығады. Барлық кортикоидтардың антипролиферативті әсеріне байланысты, Ледермикс® Паста пастасын ықтималдығы бар пульпа некрозын болдырмас үшін ашық пульпада ұзақ кезеңге (2-3 күнге) қалдыруға болмайды; созылмалы пульпит дамуы мүмкін.

Ледермикс® Паста пастасының қатаюын болдырмас үшін сықпаны ашқаннан кейін сықпаның ұштығын таза сақтау, ал сықпаны нығыздап жабу керек. Ледермикс® Паста пастасының түсі өзгеруі оның тиімділігіне ықпал етпейді.

Жүктілік және лактация кезеңі

Ледермикс® Пастасын жүктілік және лактация кезінде қолдану ұсынылмайды.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Жоқ.

Артық дозалануы

Қолдану тәсілінің және сіңу дәрежесінің өте төмендігі арқасында препаратпен артық дозалану болмайды.

Шығарылу түрі және қаптамасы

5 г препараттан ішкі лакты жабыны мен бұрандалы пластмасса қалпақшасы бар алюминий сықпаға салынған.

1 сықпадан медицинада қолданылуы жөніндегі мемлекеттік және орыс тілдеріндегі нұсқаулықпен бірге картон қорапшаға салынады.

Сақтау шарттары

25оС-ден аспайтын температурада сақтау керек

Балалардың қолы жетпейтін жерде сақтау керек!

Сақтау мерзімі

2 жыл

Сықпаны ашқаннан кейін - 2 ай

Жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецепт арқылы

Өндіруші

Л-А-В Сервис ГмбХ Лейпцигер Арцнаймиттельверк,

Elisabeth-Schumacher - str.54/56

04328 Leipzig,

Германия

немесе

Хаупт Фарма Вольфратсхаузен ГмбХ,

Pfaffenrieder Str. 5

82515 Wolfratshausen

Германия

Тіркеу куәлігінің иесі

Римзер Фарма ГмбХ,

Германия

Қазақстан Республикасы аумағында тұтынушылардан өнім/тауар сапасына қатысты шағымдарды қабылдайтын ұйымның мекенжайы

"ДЭНИС Фарм Дистрибьюшн" ЖШС,

Ресей, 195271, Санкт-Петербург, Брюсовская к-сі, 14 үй, лит.А, пом.6-Н.

Тел.: +7(812)438-76-96

Факс: +7(812)438-76-96

e-mail: info@denis-pharm.ru

Прикрепленные файлы

460953421477976528_ru.doc 49 кб
464176421477977688_kz.doc 49.5 кб

Отправить прикрепленные файлы на почту

Источники

Национальный центр экспертизы лекарственных средств, изделий медицинского назначения и медицинской техники