Левомицетин - DF (капли глазные, 0.25%)
Инструкция
-
русский
-
қазақша
Саудалық атауы
Левомицетин-DF
Халықаралық патенттелмеген атауы
Хлорамфеникол
Дәрілік түрі
0,25 % 5 мл, 10 мл көз тамшы дәрісі
Құрамы
1 мл препараттың құрамында
белсенді зат - хлорамфеникол – 2,5 мг
қосымша заттар: бор қышқылы, инъекцияға арналған су
Сипаттамасы
Мөлдір, түссіз сұйықтық.
Фармакотерапиялық тобы
Көз ауруларын емдеуге арналған препараттар. Антибиотиктер.
АТХ коды S01АА01
Фармакологиялық қасиеттері
Фармакокинетикасы
Препаратты көзге тамызғанда көзішілік және ішінара жүйелі сіңу жүзеге асады. Хлорамфениколдың емдік концентрациясы шыны тәрізді денеде, мөлдір қабықта, нұрлы қабықта, көздің сулы ылғалында пайда болады (көз бұршағына хлорамфеникол енбейді).
Фармакодинамикасы
Хлорамфеникол – кең ауқымды әсер ететін бактериостатикалық антибиотик. Микробтарға қарсы әсерінің механизмі микроорганизмдердің ақуыз синтезінің бұзылуымен байланысты. Бактериостатиқалық әсер етеді. Грамоң (стафилококтар мен стрептококтар) және грамтеріс коктар (гонококтар, менингококтар), көптеген бактериялар (ішек және гемофильді таяқшасына, сальмонелла, шигелла, клебсиелла, серрацияға, иерсинияға, протеяға), риккетсияларға, спирохеттерге қатысты белсенді. Препарат пенициллинге, стрептомицинге, сульфаниламидтерге төзімді штамдарына қатысты тиімді.
Қолданылуы
- конъюнктивиттерде
- кератиттерде
- блефариттерде
- блефароконъюнктивитте
- кератоконъюнктивитте
- екіншілік бактериалды жұқпа болғанда нейропаралитикалық кератитте
- трахомада
- пенициллин, тетрациклин, сульфаниламид препараттарын көтере алмаушылықта немесе тиімділігі болмағанда
Қолдану тәсілі және дозалары
Препаратты конъюнктивальді қалтаға:
1 жастан 8 жасқа дейінгі балаларға – әр көзге 1 тамшыдан күніне 3-4 рет
8 жастан үлкен балаларға және ересектерге - әр көзге 1-2 тамшыдан күніне 3-4 рет тамызады.
Емдеу курсы 5-7 күн.
Жағымсыз әсерлері
- жергілікті аллергиялық реакциялар болуы мүмкін
- тамызғаннан кейінгі алғашқы секундтардан соң жылдам кететін шымылдату орын алуы мүмкін
- ұзақ қолданғанда – көздің өткірлігі төмендеуі
- көру және шеткергі жүйкелердің невриті
Қолдануға болмайтын жағдайлар
- препарат компоненттеріне жоғары сезімталдық
- жеке көтере алмаушылық
- тері аурулары (псориаз, экзема, зеңдік зақымданулар)
- жедел интермиттирлейтін порфирия
- сүйек кемігінде қан түзілуінің бәсеңдеуі
- глюкозо-6-фосфатдегидрогеназаның тапшылығы
- жүктілік және лактация кезеңі
- 1 жасқа дейінгі балалар
Дәрілермен өзара әрекеттесуі
Хлорамфениколды бауырдағы зат алмасуға әсер ететін, қан түзілуін бәсеңдететін препараттармен (сульфаниламидтермен, цитостатиктермен), сәулелік еммен бір мезгілде тағайындағанда – жағымсыз әсердің даму қаупі артады.
Эритромицинмен, клиндамицинмен, линкомицинмен бір мезгілде қолданған кезде хлорамфеникол осы препараттарды байланысқан күйден ығыстыруы мүмкін немесе 50S бактериалды рибосомалардың субъбірлігімен байланысуына кедергі ететіндіктен әсерінің өзара әлсіреуі байқалады.
Ішке қабылдайтын гипогликемиялық препараттармен тағайындағанда бауырдағы метаболизмінің бәсеңдеуінен және плазмадағы концентрациясының артуынан олардың әсерінің күшеюі байқалады.
Хлорамфеникол Р450 цитохромының ферментті жүйесін бәсеңдетеді, сондықтан барбитуратпен, фенитоинмен, тікелей емес антикоагулянттармен бір мезгілде қолданғанда осы препараттардың метаболизмі әлсіреуі, плазмадағы концентрациясының шығарылуы бәсеңдеуі және артуы байқалады.
Аминогликозидтер, пенициллиндер, В полимиксиндер, тетрациклиндер, цефалоспориндер, эритромициндердің антибактериалдық әсерін төмендетеді. Сонымен бірге аскорбин қышқылымен, гидрокортизонмен, В тобындағы витаминдермен үйлесімсіз.
Айрықша нұсқаулар
Препаратты алдын алу мақсатында тағайындауға болмайды. Препаратты негізсіз тағайындауға және оны жеңіл түрдегі жұқпалы ауруларға, әсіресе балалар тәжірибесінде қолдануға болмайды.
Емдеу үдерісінде шеткергі қан көрінісін жүйелі бақылау қажет.
Сәулелік ем немесе цитостатикалық препараттармен ерте ем қабылдаған емделушілерге сақтықпен тағайындау керек.
Дәрілік заттың көлік құралдарын және қауіпті механизмдерді басқару қабілетіне әсер ету ерекшеліктері
Автокөлік басқаруға немесе қауіпті механизмдермен жұмыс істеген кезде міндетті түрде сақ болу қажет.
Артық дозалануы
Симптомдары: көздің өткірлігінің төмендеуі
Емі: препаратты тоқтату
Шығарылу түрі және қаптамасы
Препарат 5 немесе 10 мл-ден алғашқы ашылуы бақыланатын қалпақшалармен тығындалған пластик тамызғы-құтыларға құйылады.
Әр құтыға заттаңбалық қағаздан жасалған заттаңбаны жапсырады.
Бір құтыдан медицинада қолданылуы жөніндегі мемлекеттік және орыс тілдеріндегі нұсқаулықпен бірге картоннан жасалған пәшкеге салынған.
Сақтау шарттары
Жарықтан қорғалған жерде, 18 0С-ден 250С-ге дейінгі температурада сақтау керек.
Балалардың қолы жетпейтін жерде сақтау керек!
Сақтау мерзімі
2 жыл
Құты ашылғаннан кейін препарат 15 тәулікке дейін жарамды.
Жарамдылық мерзімі өткеннен кейін қолдануға болмайды.
Босатылу шарттары
Рецепт арқылы
Өндіруші
«DOSFARM» ЖШС, 050034, Қазақстан, Алматы қ-сы, Чаплыгин к-сі, 3.
Тіркеу куәлігінің иесі
«DOSFARM» ЖШС, 050034, Қазақстан, Алматы қ-сы, Чаплыгин к-сі, 3.
Тұтынушылардан өнім сапасы туралы түскен шағымдарды Қазақстан Республикасы аумағында қабылдайтын ұйымның мекенжайы:
«DOSFARM» ЖШС, Қазақстан, Алматы қ-сы, Чаплыгин к-cі, 3, тел./факс: (727) 253-03-88, эл. мекенжайы: dosfarm@dosfarm.kz