Латрен

МНН: Пентоксифиллин
Производитель: Юрия-Фарм ООО
Анатомо-терапевтическо-химическая классификация: Pentoxifylline
Номер регистрации в РК: № РК-ЛС-5№122146
Период регистрации: 18.04.2016 - 18.04.2021
Республиканский центр развития здравоохранения
КНФ (ЛС включено в Казахстанский национальный формуляр лекарственных средств)
Предельная цена закупа в РК: 1 300.7 KZT

Инструкция

Саудалық атауы

Латрен

Халықаралық патенттелмеген атауы

Пентоксифиллин

Дәрілік түрі

Инфузияға арналған 0,5 мл ерітінді

Құрамы

1 мл препараттың құрамында

белсенді зат пентоксифиллин 0,5 мг,

қосымша заттар: натрий хлориді, калий хлориді, кальций хлориді, натрий лактаты, инъекцияға арналған су.

Сипаттамасы

Түссіз немесе сәл сарғыштау мөлдір сұйықтық.

Фармакотерапиялық тобы

Шеткергі вазодилататорлар. Пурин туындылары. Пентоксифиллин

АТХ коды C04AD03

Фармакологиялық әсері

Фармакокинетикасы

Негізгі фармакологиялық белсенді метаболит 1-(5-гидроксигексил)-3,7-диметилксантин (метаболит I) қан плазмасында өзгермеген заттардың концентрациясынан 2 есе асып түсетін концентрацияда анықталады және онымен қайтымды биохимиялық тепе-теңдік жағдайында болады. Осыған байланысты пентоксифиллин мен оның метаболитін тұтас белсенді ретінде қарастыру керек. Пентоксифиллиннің жартылай шығарылу кезеңі 1,6 сағатты құрайды.

Пентоксифиллин толықтай метаболизденеді, 90% астамы конъюгирленбеген суда еритін полярлық метаболиттер түрінде бүйрекпен шығарылады. Енгізілген дозаның 4% аздауы нәжіспен шығарылады. Бүйрек функциясының ауыр бұзылуы бар пациенттерде метаболиттердің шығарылуы баяу. Бауыр функциясының бұзылуы бар пациенттерде пентоксифиллиннің жартылай шығарылу кезеңінің ұзаруы байқалған.

Фармакодинамикасы

Пентоксифиллин метилксантин туындысы болып табылады. Пентоксифиллиннің әсер ету механизмін фосфодиэстераза бәсеңдеуімен және тамыр бұлшықеттері тегіс жасушасында, қан жасушаларында, сондай-ақ басқа да тіндер мен ағзаларда 3,5-АМФ жинақталуымен байланыстырады. Пентоксифиллин тромбоциттер және эритроциттер агрегациясын тежейді, олардың иілгіштігін арттырады, қан плазмасында фибриногеннің жоғарылаған концентрациясын төмендетеді және фибринолизді күшейтеді, бұл қан тұтқырлығын азайтады және оның реологиялық қасиеттерін жақсартады. Сонымен қоса, әлсіз пентоксифиллин миотропты қантамыр кеңітетін әсер береді, жалпы шеткергі қантамырлық қарсыласуын біраз азайтады және орташа оң инотропты әсер етеді. Пентоксифиллин қолдану салдарынан микроциркуляция жақсарады және тіндерді, көбіне - аяқ-қолда, ОЖЖ, орташа - бүйректе оттегімен қамтамасыз етеді. Препарат коронарлық қантамырларын елеусіз кеңейтеді.

Қолданылуы

  • Шығу тегі артериосклероздық немесе диабеттік (мысалы, мезгіл-мезгіл ақсақтық немесе тыныш тұрғанда ауыруы) шеткергі артериялардың оклюзиялық ауруында (ШАОА)

  • Трофикалық зақымдануларда (мысалы, аяқ ойық жарасы және гангренасы)

  • Ми қантамырының ауруы (цереброваскулярлық аурулар)

  • Көздің торқабығы мен қантамыр қабығында дегенеративтік қантамыр бұзылуларымен байланысты.

Қолдану тәсілі және дозалары

Дозалау режимін дәрігер анықтайды және айналымдық бұзылулардың ауырлық дәрежесіне, дене салмағына және емдеуді көтере алушылығына байланысты болады.

Әдетте дозану төмендегі қағидаларды басшылыққа ала отырып таңдайды. ШАОА II сатысы (мезгіл-мезгіл ақсақтық) және көздің торқабығы мен тамыр қабығында қан айналымының бұзылуында: емнің басы немесе пероральді емді демеу.

100 мг – 600 мг пентоксифиллин инфузиясын тәулігіне бір немесе 2 рет енгізу ұсынылады. Латрен инфузиясын қатар жүретін ауруларға (мысалы, іркілісті жүрек жеткіліксіздігі) байланысты енгізу ұсынылады, инфузия көлемін азайту қажет болуы мүмкін. Мұндай жағдайларда көлемі бақыланатын инфузиялық помпаны пайдалану қажет.

Егер төменгі дозамен инфузиялық пероральді еммен біріктірілсе, ұсынылатын жалпы тәуліктік дозасы 1200 мг пентоксифиллинді (көктамыр ішіне + пероральді) құрайды.

Одан кейінгі емді тек пентоксифиллиннің таблетка түрімен (пероральді) жалғастыру ұсынылады.

ШАОА III және IV сатысы

Жалпы тәуліктік доза 1200 мг пентоксифиллинді 24 сағат бойы үздіксіз инфузия ретінде, немесе кем дегенде алты сағат кезең бойы күніне екі рет енгізілетін 600 мг инфузия ретінде енгізу ұсынылады.

Қатар жүретін ауруларға байланысты (мысалы, іркілісті жүрек жеткіліксіздігі) инфузияның енгізетін көлемін азайту қажет болуы мүмкін. Мұндай жағдайларда көлемі бақыланатын инфузиялық помпа қажет. Одан кейінгі емге келсек, онда емді пентоксифиллиннің таблетка түрімен (пероральді) жалғастыруға болады.

Педиатрияда қолдану

Балаларда қолдану тәжірибесі жоқ.

Бауыр функциясы бұзылған пациенттер

Жекелей жақпаушылығына байланысты дозаны төмендету бауыр функциясының ауыр бұзылуы бар науқастар жағдайында қажет.

Бүйрек функциясы бұзылған пациенттер

Егер креатинин клиренсі 30 мл/мин төмен болса, жекелей жақпаушылығына байланысты шамамен 30-50 %-ға дозаны төмендету қажет болуы мүмкін.

Басқалары

Гипотензиясы бар пациенттерде және қан айналымы тұрақсыз науқастарда, артериялық қысымның төмендеуінен айрықша қаупі болатын пациенттерде (мысалы, жүректің ауыр ишемиялық ауруы немесе миды қамсыздандыратын қантамырларының айқын стенозы бар науқастар) емдеуді аз дозадан бастау керек; мұндай жағдайларда доза біртіндеп арттырылуы тиіс.

Енгізу

Инфузия ұзақтығы 100 мг пентоксифиллинге кем дегенде 60 мин болуы тиіс.

Зертханалық және диагностикалық тестілерге өзара әсер етуі

Деректер жоқ.

Шамадан тыс тұтыну және тәуелділік

Қолданылмайды.

Жағымсыз әсерлері

Зертханалық көрсеткіштер: трансаминазалар деңгейінің жоғарылауы, сілтілік фосфатаза деңгейінің жоғарылауы.

Жүрек функциясының бұзылуы: аритмия, тахикардия, стенокардия, кардиалгия, артериялық қысымның ауытқуы, төс артының қысылуын сезіну.

Қан түзілу функциясы мен лимфа жүйесінің бұзылуы: тромбоцитопениялық пурпурамен тромбоцитопения және апластикалық анемия (қанның барлық жасушалары түзілуінің ішінара немесе толық тоқтауы, панцитопения), бұл өліммен аяқталуы мүмкін, гипофибриногенемия.

Жүйке жүйесі тарапынан: бас айналу, бас ауыру, асептикалық менингит, тремор, парестезия, құрысулар.

Тері және теріасты тіндері тарапынан: қышыну, терінің қызаруы және есекжем, уытты эпидермалық некролиз және Стивенс-Джонсон синдромы, тырнақтардың жоғарғы сынғыштығы.

Қантамыр жүйесі функциясының бұзылуы: ыстықты сезіну (қан кернеулері), қан кету, шеткергі ісіну.

Иммундық жүйе тарапынан: анафилактикалық реакциялар, анафилаксиялық реакциялар, ангионевроздық ісіну, бронх түйілуі және анафилактикалық шок.

Ас қорыту жүйесі тарапынан: жүрек айну, құсу, анорексия, ішек атониясы, холециститтің өршуі, холестаздық гепатит.

Бауыр және өт шығару жолдары тарапынан: бауырішілік холестаз.

Психикалық бұзылу: қозу және ұйқының бұзылуы, елестеулер, үрейлену, ұйқы бұзылулары.

Көру мүшелері тарапынан: көрудің бұзылуы, конъюнктивит, торқабыққа қан құйылу, торқабықтың ажырауы, скотома.

Басқалар: гипогликемия, қатты тершеңдік, дене температурасының көтерілуі, қалтырау туындаған жағдайлар жайында хабарланған.

Қолдануға болмайтын жағдайлар

Препарат компоненттеріне және ксантин туындыларына аса жоғары сезімталдық. Жедел миокард инфарктісі. Порфирия, препаратты тағайындау сәтінде немесе оны тағайындау қарсаңында орын алған құйылып қан кету, геморрагиялық диатез, көздің торқабығына ауқымды қан құйылу (препарат қабылдауды бірден тоқтатқан жөн). Аритмиялар, коронарлық немесе ми артерияларының ауыр атеросклерозы, бақыланбайтын артериялық гипотензия. Бауыр және/немесе бүйрек жеткіліксіздігі. Асқазан ойық жаралары және/немесе ішек ойық жаралары. Миға қан құйылу (қан кетудің күшею қаупі).

Дәрілермен өзара әрекеттесуі

Қандағы қант деңгейінің инсулинге немесе ішуге арналған диабетке қарсы дәрілерге тән төмендеу әсері күшеюі мүмкін. Сондықтан қан диабеті кезінде дәрі-дәрмектік ем алатын пациенттер мұқият қадағалауда болулары тиіс.

Постмаркетинг кезеңінде пентоксифиллинмен және К антивитаминдерімен бір мезгілде ем қабылдаған пациенттерде антикоагулянттық белсенділіктің жоғарылау жағдайлары хабарланған. Пентоксифиллин тағайындалғанда немесе дозасы өзгертілгенде пациенттердің осы тобында антикоагулянттық белсенділігіне бақылау жасау ұсынылады. Пентоксифиллин гипертензияға қарсы дәрілердің және артериялық қысымның төмендеуін туындатуы мүмкін басқа препараттардың гипотензиялық әсерін күшейтуі ықтимал. Пентоксифиллин мен теофиллинді бір мезгілде қолдану кейбір пациенттерде қандағы теофиллин деңгейінің артуына әкелуі мүмкін. Сондықтан теофиллиннің жағымсыз реакциялары көріністерінің жиілігі артуы және күшеюі ықтимал.

Үйлесімсіздік. Препаратты басқа дәрілік заттармен бір ыдыста араластырмау керек.

Айрықша нұсқаулар

Анафилактикалық / анафилаксиялық реакциялар дамуының алғашқы белгілері кезінде препаратпен емдеуді дереу тоқтатып, дәрігердің көмегіне жүгіну керек. Препаратты созылмалы жүрек жеткіліксіздігі бар пациенттерге қолданған жағдайда алдын ала қанайналымының компенсация сатысына қол жеткізген жөн.

Қант диабеті бар және инсулинмен немесе пероральді диабетке қарсы дәрілермен ем алатын науқастарда препараттың жоғары дозаларын қолданғанда қандағы қант деңгейіне осы препараттардың әсері күшеюі мүмкін («Дәрілермен өзара әрекеттесуі» бөлімін қараңыз). Мұндай жағдайларда инсулин немесе диабетке қарсы дәрілердің дозасын азайтқан және пациентті тиянақты күтімде ұстаған жөн. Жүйелі қызыл жегімен (ЖҚЖ) немесе дәнекер тіннің басқа да ауруларымен науқастарға ықтимал қауіп пен пайдасын мұқият талдаудан кейін ғана, пентоксифиллинді тағайындауға болады. Пентоксифиллинмен емдеу кезінде апластикалық анемияның даму қаупі бар, сондықтан жалпы қан тексерілуін ұдайы бақылап отыру қажет.

Бүйрек жеткіліксіздігі (креатинин клиренсі 30 мл / мин аздау) немесе ауыр бауыр дисфункциясы бар пациенттерде пентоксифиллин баяу шығарылуы мүмкін. Тиісінше мониторинг қажет.

Айрықша мұқият бақылау төмендегілерге қажет:

- ауыр жүрек аритмиясы бар пациенттер;

- миокард инфарктісі бар пациенттер;

- артериялық гипотензиясы бар пациенттер;

- ми және коронарлық тамырлардың айқын атеросклерозы бар пациенттер, әсіресе қатар жүретін артериялық гипертензия және жүрек ырғағының бұзылуы кезінде. Бұл пациенттерде препаратты қабылдағанда стенокардия, аритмия ұстамалары және артериялық гипертензия болуы мүмкін;

- бүйрек жеткіліксіздігі бар пациенттер (креатинин клиренсі 30 мл / мин төмен);

- ауыр бауыр жеткіліксіздігі бар пациенттер;

- қан кетуге жоғары бейімділігі бар пациенттер, мысалы антикоагулянттармен емдеуге немесе қан ұюының бұзылуына негізделген. Қан кетулерге қатысты - «Қолдануға болмайтын жағдайлар» бөлімін қараңыз;

- артериялық қысымның төмендеуі жоғары қауіп төндіретін пациенттер (мысалы, жүректің ауыр ишемиялық ауруы немесе миға қан жеткізетін тамырлар стенозы бар пациенттер);

- пентоксифиллин және К антивитаминдерімен бір мезгілде ем алатын пациенттер («Дәрілермен өзара әрекеттесуі» бөлімін қараңыз);

- пентоксифиллинмен және диабетке қарсы дәрілермен бір мезгілде ем алатын пациенттер («Дәрілермен өзара әрекеттесуі» бөлімін қараңыз).

Жүктілік және бала емізу кезеңінде қолдану. Жүктілік және бала емізу кезеңінде препаратты қолдануға болмайды.

Балалар. Препаратты балаларға қолдану тәжірибесі жоқ.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Препарат стационар жағдайында қолданылатын болғандықтан, ондай әсер етулері туралы деректер жоқ.

Артық дозалануы

Симптомдары: әлсіздік, бас айналу, артериялық қысымның төмендеуі, естен тану жағдайы, тахикардия, ұйқышылдық немесе қозу, естен тану, гипертермия, арефлексия, құрысулар, асқазан-ішектен қан кету, жүрек айну, қан кернеулері.

Емі: симптоматикалық. Қан кетуді болдырмас үшін арнайы шұғыл ем-шаралары жүргізу қажет болуы мүмкін.

Шығарылу түрі және қаптамасы

200 мл-ден резеңке тығынмен тығындалған және алюминий немесе алюминий-пластик қалпақшалармен қаусырылған шыны бөтелкеде.

Сақтау шарттары

25 оС-ден аспайтын температурада сақтау керек. Мұздатып қатыруға болмайды.

Сақтау мерзімі

2 жыл

Дәріханалардан босатылу шарттары

Рецепт арқылы

Өндіруші

«Юрия-Фарм» ЖШҚ

Украина, 18030, Черкасс қ., Вербовецкий к-сі, 108, тел.: +38(044) 281-01-01, www.uf.ua.

Тіркеу куәлігінің иесі

«Юрия-Фарм» ЖШҚ

Украина, 18030, Черкасс қ., Вербовецкий к-сі, 108,

тел.: +38(044) 281-01-01,

www.uf.ua.

Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын ұйымның мекенжайы:

«Юрия-Фарм» ЖШҚ ҚР өкілдігі

Қазақстан Республикасы, 050059 Алматы қ., Фурманов к-сі 235 үй 18 пәтер. Тел. +7 (727) 263-55-22

 

 

Прикрепленные файлы

836068881477976217_ru.doc 64.5 кб
037772241477977456_kz.doc 79.5 кб

Отправить прикрепленные файлы на почту

Источники

Национальный центр экспертизы лекарственных средств, изделий медицинского назначения и медицинской техники