Ксефокам Рапид

• русский
• қазақша

• Скачать инструкцию медикамента

Саудалық атауы

Ксефокам Рапид

Халықаралық патенттелмеген атауы

Лорноксикам

Дәрілік түрі

Үлбірлі қабықпен қапталған 8 мг таблеткалар

Құрамы

Бір таблетканың құрамында

белсенді зат –8 мг лорноксикам,

қосымша заттар: кальций стеараты – 1,6 мг, гидроксипропилцеллюлоза – 16 мг, натрий гидрокарбонаты – 40 мг, бір орын басқан гидроксипропилцеллюлоза – 48 мг, микрокристалды целлюлоза – 96 мг, кальций гидрофосфаты – 110,4 мг,

қабықтың құрамы: пропиленгликоль – 1,1 мг жуық, тальк – 3,6 мг жуық, титанның қостотығы (Е171) – 3,6 мг жуық, гипромеллоза – 5,7 мг жуық

Сипаттамасы

Ақтан ашық сары түске дейінгі дөңгелек, екі беті дөңес, үлбірлі қабықпен қапталған таблеткалар.

Фармакотерапиялық тобы

Қабынуға қарсы және ревматизмге қарсы препараттар. Қабынуға қарсы стероидты емес препараттар. Оксикамдар. Лорноксикам.

АТХ коды М01АС05

Фармакологиялық қасиеттері

Фармакокинетикасы

Лорноксикам ішке қабылдағаннан кейін асқазан-ішек жолынан (АІЖ) жылдам және іс жүзінде толық сіңеді. Бұл ретте плазмадағы ең жоғары концентрациясына (Сmax) шамамен 1-2 сағаттан кейін жетеді. Лорноксикамның Сmax Ксефокам препаратын қабылдаған кездегі Сmax қарағанда Ксефокам Рапид препаратын қабылдаған кезде жоғары және парентеральді енгізуге арналған лорноксикамның дәрілік формалары үшін Сmax баламалы. Ксефокам Рапид таблеткаларының абсолюттік биожетімділігі 90-100% құрайды. Орташа жартылай шығарылу кезеңі 3-4 сағатты құрайды.

Лорноксикам плазмада өзгермеген күйде, сондай-ақ, фармакологиялық белсенділігі жоқ гидроксилденген метаболит түрінде болады. Плазма ақуыздарымен байланысу дәрежесі 99% құрайды және концентрацияға байланысты емес. Лорноксикам толық метаболизденеді, шамамен 2/3 бауыр арқылы және белсенді емес қосылыс түрінде 1/3 бүйрек арқылы шығарылады.

Емшек сүтімен шығарылады.

Егде жастағы емделушілерде және бауыр мен бүйрек функциясы бұзылған науқастарда лорноксикам фармакокинетикасының маңызды өзгерістері байқалған жоқ.

Фармакодинамикасы

Лорноксикам тиімді анальгетикалық әсері бар қабынуға қарсы стероидты емес препарат (ҚҚСП) болып табылады. Лорноксикамның әсер ету механизмі негізінде циклооксигеназа-1 және циклооксигеназа-2 изоферменттерінің белсенділігін теңгерімді бәсеңдету салдарынан простогландиндер синтезін бәсеңдету жатыр. Бұдан басқа, лорноксикам белсендірілген лейкоциттерден оттегі радикалдарының босап шығуын тежейді.

Лорноксикам орталық жүйке жүйесіне апиын тәрізді әсер етпейді, сондықтан тыныс алуды бәсеңдетпейді, сондай-ақ, іш қатуды және миотикалық әсер туғызбайды. Сондай-ақ, науқастарда лорноксикамға дәрілік тәуелділіктің туындау мүмкіндігін болжауға негіз жоқ.

Қолданылуы

- шығу тегі әр түрлі орташа және айқын ауыру синдромында

- қабыну және дегенеративтік ревматизмдік ауруларда ауыру мен қабынуды симптоматикалық емдеуде

Қолдану тәсілі және дозалары

Орташа және айқын ауыру синдромы кезінде ішке 16 мг бастапқы дозада тағайындайды, қажет болғанда алғашқы 24 сағатта қосымша 16 мг-ден астам қабылдауға болмайды; ары қарай тәулігіне 2 рет 8 мг-ден тағайындайды. Ең жоғары тәуліктік доза – 16 мг.

Ревматизмдік ауруларда доза мен емдеу курсын жекелей белгілейді. Орташа доза емделушінің жағдайына байланысты тәулігіне 8-16 мг құрайды; қабылдау реттілігі – тәулігіне 2 рет; ең жоғары тәуліктік доза – 16 мг.

Демеуші ем үшін 4 мг-ден тәулігіне 2-3 рет немесе 8 мг-ден тәулігіне 2 рет тағайындайды. Ең жоғары тәуліктік доза -–16 мг.

Ксефокам Рапид таблеткаларын тамақтанар алдында, бір стақан сумен қабылдайды.

Жағымсыз әсерлері

Жиі:

• бас ауыру, бас айналу

• іштің ауыруы, диспепсия, жүрек айнуы, құсу, диарея

Жиі емес

• анорексия, салмақтың өзгеруі

• ұйқысыздық, депрессия

• конъюнктивит

• бас айналу, құлақтағы шуыл

• жүрек соғуының бұзылуы, тахикардия, жүрек жеткіліксіздігі, ісінулер (шеткергі және жайылған)

• ринит

• іштің қатуы, метеоризм, кекіру, ауыздың құрғауы, ауыз қуысының ойық жаралары

• бауыр трансаминазалары деңгейінің жоғарылауы, бауыр функциясының бұзылуы

• бөртпе, қышыну, эритематозды бөртпе, есекжем және Квинке ісінуі, алопеция, тершеңдік, гиперемия

• артралгия

• дімкәстік, беттің ісінуі

Сирек:

• мелена, қан аралас құсу, эзофагит, гастрит, гастроэзофагеальді рефлюкс, дисфагия

• асқазан мен ішектің шырышты қабығының эрозиялы-ойық жаралы зақымданулары, соның ішінде тесілумен және қан кетумен

• афтозды стоматит, глоссит, фарингит, ентігу, жөтел, бронхтың түйілуі

• анемия, тромбоцитопения, лейкопения, қан кету уақытының ұзаруы

• жоғары сезімталдық, анафилактоидты реакция және анафилаксия

• сананың шатасуы, ашушаңдық, қозу, ұйқышылдық, парестезия, тремор, бас сақинасы

• дәм сезудің бұзылуы

• көрудің бұзылуы

• гипертония, ысынулар, қан кету, гематомалар

• сүйектің ауыруы, бұлшықет түйілуі, миалгия

• никтурия, несеп шығарудың бұзылуы, қан сарысуында мочевина азоты мен креатинин деңгейінің жоғарылауы

• астения

• дерматит және экзема, пурпура

Өте сирек

• нейтропения, агранулоцитоз, апластикалық және гемолитикалық анемия

• негізінен жүйелі қызыл жегі немесе дәнекер тіндердің аралас аурулары бар емделушілерде туындайтын асептикалық менингит

• бауыр жеткіліксіздігі, гепатит, сарғаю, холестаз

• ісіну синдромы, буллездік реакция, Стивенс-Джонсон синдромы, Лайелл синдромы

• жедел бүйрек жеткіліксіздігі, интерстициальді нефрит, нефротикалық синдром.

Қолдануға болмайтын жағдайлар

• лорноксикамға, ацетилсалицил қышқылына немесе басқа да ҚҚСП-ға жоғары сезімталдық

• геморрагиялық диатез, қан ұюының бұзылуы, шығу тегі белгісіз гематологиялық бұзылулар

• қан кету қаупімен үйлескен операцияны бастан өткерген адамдар

• өршу фазасындағы асқазан мен он екі елі ішектің ойық жаралы ауруы

• цереброваскулярлы қан кету

• бауыр функциясының ауыр бұзылулары

• бүйрек функциясының ауыр бұзылулары (КК 30 мл/мин төмен)

• ауыр жүрек жеткіліксіздігі және гиповолемия

• айқын тромбоцитопения

• 18 жасқа дейінгі балалар мен жасөспірімдерге

  • бронх демікпесі

Дәрілермен өзара әрекеттесуі

Бір уақытта қолданғанда:

- Ксефокам Рапид пен антикоагулянттар немесе тромбоциттер агрегациясының тежегіштерін – қан кету уақытының ұзаруы және қан кетудің даму қаупі жоғарылауы мүмкін;

- Ксефокам Рапидті сульфонилмочевина туындыларымен – соңғысының гипогликемиялық әсері күшеюі мүмкін

- Ксефокам Рапидті басқа да қабынуға қарсы стероидты емес дәрілермен - жағымсыз реакциялар даму қаупі артады

- Ксефокам Рапид пен диуретиктерді – несеп айдағыш әсерді төмендетеді, бұл ретте олардың гипотензиялық әсері төмендейді

- Ксефокам Рапидті β-адреноблокаторлармен және АӨФ тежегіштерімен - гипотензиялық әсерін төмендетеді

- Ксефокам Рапидті литий тұздарымен - литийдің плазмадағы ең жоғары концентрациясы көтерілуі және сол арқылы литийдің белгілі жағымсыз әсерлері күшеюі мүмкін

- Ксефокам Рапидті метотрексатпен немесе циклоспоринмен – қан плазмасында метотрексат немесе циклоспорин концентрацияларының жоғарылауына әкеледі, соңғысының жағымсыз әсерінің дамуы күшейеді

- Ксефокам Рапидті дигоксинмен немесе аминогликозидтермен –бүйрек клиренсінің төмендеуіне әкеледі

- Ксефокам Рапид пен циметидинді – қан плазмасында лорноксикамның концентрациясы жоғарылайды

- Ксефокам Рапид глюкокортикостероидтардың жағымсыз әсерін арттырады

Айрықша нұсқаулар

Төмендегі бұзылуларда Ксефокам Рапид емнің күтілетін пайдасы мен ықтималды қауіпті мұқият бағалаудан кейін ғана қолданылуы тиіс.

Асқазан-ішектің ойық жаралары мен сыртартқысында қан кету

Клиникалық бақылау жүргізу ұсынылады. Асқазанның пептидтік ойық жарасында және он екі елі ішектің ойық жаралы ауруында Ксефокам Рапидпен емді протондық помпа (пантапрозол) тежегіштерімен қабылдау аясында жүргізу керек.

Бүйрек жеткіліксіздігі:

Бүйрек функциясы бұзылған емделушілерде (сарысулық креатинин деңгейі 150-300 мкмоль/л), жүрек жеткіліксіздігінде, бауыр функциясының бұзылуларында және айналымдағы қан көлемі мен бүйректік қан ағымының төмендеуін туындататын басқа жай-күйлерде тұрақты түрде клиникалық мониторинг, бүйрек пен (мысалы, сарысулық креатинин деңгейі бойынша) бауыр функциясына бақылау жасайды.

Қан ұюының бұзылуы бар емделушілер:

Мұқият клиникалық мониторинг және зертханалық талдау (мысалы, протромбиндік индекс) ұсынылады.

Бауыр аурулары (мысалы, бауыр циррозы):

Ұдайы клиникалық мониторинг және зертханалық талдау (мысалы, бауыр ферменттерінің белсенділігін) жүргізу ұсынылады.

Ұзақ емдеу (3 айдан астам):

Қанның жағдайына (гемоглобин), бүйрек функциясына (креатинин) және бауыр ферменттеріне ұдайы бағалау жүргізу ұсынылады.

65жастан асқан немесе дене салмағы 50 кг-ден төмен емделушілерге немесе ауқымды операциялық араласуларды өткергендерге Ксефокам Рапидтің аз дозасын енгізу ұсынылады. Тәуліктік жиынтық доза 8 мг-ден аспауы тиіс. Ксефокам Рапид препаратын ұзақ уақыт қолданғанда шеткергі қан көрінісін, сондай-ақ бүйрек пен бауыр функциясының көрсеткіштерін бақылау қажет.

Төмендегі емделушілерде бүйрек функциясын бақылау маңызды:

• ауқымды хирургиялық араласуды бастан өткерген;

• бүйрек функциясының бұзылуы бар, мысалы, айтарлықтай қан жоғалту немесе ауыр дегидратация нәтижесінде;

• жүрек жеткіліксіздігі бар;

• диуретиктермен бір уақытта ем қабылдаған;

• бүйректің зақымдалуына әкелуі мүмкіндігіне күдік туындаған немесе белгілі препараттармен бір уақытта ем қабылдайтын;

Ксефокам Рапид бір уақытта алкоголь қабылдаумен үйлесімсіз.

Жүктілік және лактация

Клиникалық тәжірибе жеткіліксіз болғандықтан, Ксефокам Рапид препаратын жүктілік және бала емізу кезінде қолдануға болмайды.

Дәрілік заттың көлік құралын және қауіптілігі зор механизмдерді басқару қабілетіне әсер ету ерекшеліктері

Ксефокам Рапид психомоторлық реакциялар жылдамдығын төмендетеді, препаратты қолдану кезеңінде көлік басқарғанда немесе басқа да қозғалыстағы механизмдермен жұмыс істегенде өте сақ болу керек.

Артық дозалануы

Симптомдары: жүрек айнуы және құсу, церебральді симптомдар (бас айналуы, комаға және құрысуларға ұласатын атаксия). Бауыр мен бүйрек функциясының өзгеруі, қан ұюының бұзылуы мүмкін.

Емі: дәріні қабылдауды тоқтату, симптоматикалық емдеу керек. Жартылай шығарылу кезеңінің қысқа болуына орай, лорноксикам организмнен жылдам шығарылады. Лорноксикам диализбен шығарылмайды. Қазіргі уақытқа дейін арнайы у қайтарғы белгісіз. Ксефокам Рапид препаратын қабылданғаннан кейін бірден белсенділендірілген көмір қабылдау бұл препараттың сіңуінің төмендеуіне ықпал етеді. Ксефокам Рапид препаратынан туындаған асқазан-ішек бұзылуларын қайтару үшін простагландин немесе ранитидин баламаларын пайдалануға болады.

Шығарылу түрі және қаптамасы

ПВХ-дан және алюминий фольгадан жасалған пішінді ұяшықты қаптамада 6 таблеткадан. 1 немесе 2 пішінді қаптамадан медицинада қолданылуы жөніндегі мемлекеттік, орыс және әзірбайжан тілдеріндегі нұсқаулықпен бірге картон қорапшаға салынған.

Сақтау шарттары

300С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

2 жыл

Жарамдылық мерзімі өткеннен кейін препаратты пайдалануға болмайды.

Дәріханалардан босатылу шарттары

Рецепт арқылы

Өндіруші

Такеда ГмбХ, Ораниенбург, Германия

Тіркеу куәлігі иесінің атауы және елі

Такеда Фарма А/С, Дания

Қаптаушы ұйымның атауы және елі

Такеда ГмбХ, Ораниенбург, Германия

Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын ұйымның мекенжайы «Taкеда Остевропа Холдинг ГмбХ»

Алматы қ., Бегалин к-сі, 136 а

Телефон нөмірі (727) 2444004

Факс нөмірі: (727) 2444005

Электронды поштасы DSO-KZ@takeda.com