Креброс

• русский
• қазақша

• Скачать инструкцию медикамента

Саудалық атауы

Креброс

Халықаралық патенттелмеген атауы

Левоцетиризин

Дәрілік түрі

Қабықпен қапталған 5 мг таблеткалар

Құрамы

Бір таблетканың құрамында

белсенді зат: 5,00 мг левоцетиризин дигидрохлориді,

қосымша заттар: магний стеараты, сусыз коллоидты кремнийдің қостотығы, поливинилпирролидон K25, натрий кроскармеллозасы, микрокристалды целлюлоза 101, лактоза моногидраты, опадрай ақ 04F28674.

Сипаттамасы

Ақ түсті қабықпен қапталған, сопақша пішінді, екі жақ беті дөңес, бір жақ бетінде нақышталған «LS» жазуы бар таблеткалар.

Фармакотерапиялық тобы

Жүйелі әсері ететін антигистаминдік препараттар. Пиперазин туындылары.

АТЖ коды R06AE09

Фармакологиялық қасиеттері

Фармакокинетикасы

Ішке қабылдағаннан кейін левоцетиризин асқазан-ішек жолынан тез сіңеді. Қан плазмасында ең жоғары концентрацияға 0,9 сағат ішінде жетеді. Тепе-тең концентрацияға екі күннен кейін жетеді. Левоцетиризиннің плазма ақуыздарымен байланысуы 90% құрайды. Таралу көлемі – 0,4 л/кг.

Левоцетиризин метаболизмінің дәрежесі дозаның 14%-дан азын құрайды.

Жартылай шығарылу кезеңі ересектерде 7.9±1.9 сағатты құрайды. Препараттың 85,4%-ы өзгермеген күйінде несеппен бірге шығарылады. Дозаның 12,9%-ы ғана нәжіспен бірге шығарылады. Левоцетиризин шумақтық сүзілу және белсенді өзекшелік секреция арқылы шығарылады. Ллевоцетиризиннің фармакокинетикасы дозаға байланысты сипатқа ие және доза мен уақытқа байланысты өзгермейді, әр адамда жекелей өзгергіштігі төмендігімен сипатталады. Сіңу және бөлініп шығу барысында киральдік қайта түзілу пайда болмайды.

Бүйрек қызметі бұзылған (КК минутына 40 мл-ден төмен) науқастарда препарат клиренсі азаяды, ал T1/2 ұзарады (гемодиализдегі науқастарда жалпы клиренсі 80%-ға төмендейді), бұл дозалау режимін тиісті өзгертуді қажет етеді. Левоцетиризиннің 10%-дан азы гемодиализ барысында жоғалады. Емшек сүтіне енеді.

Фармакодинамикасы

Креброс левоцетиризин, цетиризиннің энантиомері болып табылады, гистаминнің антагонистеріне жатады, Н1-гистаминді рецепторларды бөгейді. Фармакодинамикалық зерттеулер левоцетиризин дозасының жартысы цетиризинмен бірге теріде де, мұрында да тепе-тең белсенділік танытатынын көрсетті. Гистаминнің әсер етуінің нәтижесі ретіндегі бөртпе мен ісікке, 10 мг цетиризиннің күшіндей 5 мг левоцетиризиннің де тежегіш күші бар. Креброс трансэндотелиальді эозинофильдік гранулоциттердің дерма және өкпе жасушалары арқылы эотаксин-индукцияланған миграциясын басады. Креброс VCAM-1 (I типті қантамырлық эндотелийдің адгезия молекуласының) босап шығуын тежейді, қантамырлық өткізгіштігін реттейді және эозинофильдік гранулоциттердің миграциясын төмендетеді. ЭКГ зерттеулер QT аралығына левоцетиризиннің ықпал етпейтіндігін көрсетті.

Қолданылуы

- маусымдық аллергиялық ринитте (офтальмологиялық симптомдарды қоса есептегенде)

- жыл бойғы аллергиялық ринитте

- созылмалы идиопатиялық есекжемде

Қолдану тәсілі және дозалары

Кребросты ішке, шайнамай, аспен бірге немесе ашқарынға, сұйықтықтың аздаған мөлшерімен ішіп қабылдайды. Препаратты қабылдау уақыты тамақтануға байланысты емес. Ересектер мен 6 жастан асқан балаларға: тәуліктік дозасы – 5 мг (1 таблетка).

Егде жастағы науқастарда (бүйрек қызметі қалыпты болғанда) дозаны төмендетудің қажеті жоқ. Бүйрек қызметінің созылмалы жеткіліксіздігі бар емделушілерде дозаны КК минутына 30 мл-ден 49 мл-ге дейін болғанда екі есеге (күнара 1 таблетка) және КК минутына 10 мл-ден 29 мл-ге дейін болғанда 3 есеге (3 күнде 1 таблетка) төмендетеді. Бауыр қызметінің жеткіліксіздігі бар науқастарға дозалау режимін түзету қажет емес.

Тәуліктік дозаны бір рет қабылдау керек. Қабылдау ұзақтығы ауруға байланысты. Поллинозды емдеу үшін орта есеппен 1–6 апта бойы қабылдауға тағайындайды. Созылмалы ауруларда (жыл бойғы ринитте, атопиялық дерматитте) емдеу ұзақтығы 18 айға дейін созылуы мүмкін.

Жағымсыз әсерлері

Жиі

- бас ауыру, ұйқышылдық, әлсіздік, астения.

- ауыз ішінің құрғауы

Жиі емес

- іштің ауыруы

Сирек

-бас айналу, құрысулар

-жүректің айнуы, диспепсия, гепатит

- жүректің қағуы

- көрудің нашарлауы

- ентігу

- ангионевротикалық ісіну, терінің қышуы, бөртпе, есекжем

- «бауыр» ферменттері белсенділігінің қысқа мерзімдік жоғарылауы

- дене салмағының артуы

Қолдануға болмайтын жағдайлар

- левоцетиризинге (соның ішінде пиперизиннің басқа туындыларына) немесе препараттың басқа компоненттеріне жоғары сезімталдық

- бүйрек қызметінің ауыр жеткіліксіздігі (креатинин клиренсі (КК) < 10 мл/мин) және диализдегі емделушілер

- 6 жасқа дейінгі балалар

- жүктілік және лактация кезеңі

- галактоземия, Лапп лактазаның тапшылығы немесе глюкоза-галактоза мальабсорбциясы синдромы

Сақтықпен

- бүйрек қызметінің созылмалы жеткіліксіздігі (дозалау режимін түзету қажет етіледі), егде жас (шумақтық сүзілу төмендеуі мүмкін).

Дәрілермен өзара әрекеттесуі

Макролидтермен немесе кетоконазолмен біріктіріп қолдану ЭКГ-да өзгерістерді туындатқан жоқ.

Теофиллинмен (тәулігіне 400 мг) бірге тағайындау левоцетиризиннің жалпы клиренсін 16%-ға төмендетеді (теофиллиннің кинетикасы өзгермейді).

Емдік дозаларда пайдаланған кезде алкогольмен өзара әрекеттесуі жөнінде деректер алынған жоқ. Дегенмен, құрамында алкоголі бар сусындарды пайдалануды тоқтата тұру қажет.

Айрықша нұсқаулар

Дәрілік заттың көлікті немесе қауіпті механизмдерді басқару қабілетіне ықпал ету ерекшеліктері

Автокөлікті басқаратын және психомоторлы және қимыл-қозғалыс реакцияларының шапшаңдығын қажет ететін қызмет түрлерімен айналысатын адамдарға сақтықпен тағайындаған жөн.

Артық дозаланғанда

Симптомдары: ересектерде ұйқышылдық; балаларда бастапқы кезеңде мазасыздық және жайсыздық, кейін ол ұйқышылдыққа ұласады.

Емдеу: Өзіне тән ерекше у қайтарғысы жоқ. Симптоматикалық немесе демеуші ем жүргізу. Егер препараттың қабылданғанына аздаған уақыт өтсе, асқазанды шаю керек. Левоцетиризинді гемодиализ жолымен шығару тиімсіз.

Шығарылу түрі және қаптамасы

ПВДХ үлбірден және алюминий фольгадан жасалған пішінді ұяшықты қаптамада 10 таблеткадан.

Пішінді 2 қаптама медицинада қолданылуы жөнінде мемлекеттік және орыс тілдеріндегі нұсқаулықпен бірге картон пәшкеге салынған.

Сақтау шарттары

25°C-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

2 жыл.

Жарамдылық мерзімі өткеннен кейін қолдануға болмайды.

Дәріханадан босатылу шарттары

Рецепт арқылы

Өндіруші

Санта Фарма Илач Санаи А.Ш.

34382 Шишли- Стамбул, Түркия

Тел(0212) 534 79 00, факс, (0212) 521 06 44

 

Қазақстан Республикасы аумағында тұтынушылардан өнім (тауар) сапасы жөнінде шағымдарды қабылдайтын ұйымның мекенжайы

«Фармактив» ЖШС

050010, Қазақстан Республикасы, Алматы қ-сы, Қарасай батыр к-сі, 1А

Тел/факс: +7 727 291 81 00

e-mail: info@farmaktiv.com

Тіркеу куәлігі иесінің атауы және елі

Берксам Илач Тиджарет А.Ш., Түркия