Ко-Диротон® (10 мг/12,5 мг)

• русский
• қазақша

• Скачать инструкцию медикамента

Саудалық атауы

Ко-Диротон

Халықаралық патенттелмеген атауы

Жоқ

Дәрілік түрі

10 мг/12,5 мг, 20 мг/12,5 мг таблеткалар

Құрамы

Бір таблетканың құрамында

белсенді заттар:

10 мг лизиноприл (10,89 мг лизиноприл дигидратына баламалы) және

12,5 мг гидрохлоротиазид немесе

20 мг лизиноприл (21,77 мг лизиноприл дигидратына баламалы) және

12,5 мг гидрохлоротиазид,

қосымша заттар: темірдің сары тотығы (Е 172) 20/12,5 мг доза үшін, индиготин (Е 132), ішінара прежелатинделген крахмал, прежелатинделген крахмал, магний стеараты, жүгері крахмалы, маннитол, кальций гидрофосфатының дигидраты.

Сипаттамасы

Дөңгелек пішінді, тегіс беткейлі, бір жағында ойығы мен «С43» өрнегі бар, ашық-көгілдір түсті таблеткалар (10 мг/12,5 мг доза үшін).

Дөңгелек пішінді, тегіс беткейлі, бір жағында ойығы мен «С44» өрнегі бар, ашық-жасыл түсті таблеткалар (20 мг/12,5 мг доза үшін).

Фармакотерапиялық тобы

Ренин-ангиотензин жүйесіне әсер ететін препараттар. Басқа да препараттармен біріктірілген АКФ тежегіштері. Диуретиктермен біріктірілген АКФ. Диуретиктермен біріктірілген лизиноприл.

АТХ коды С09BA03

Фармакологиялық қасиеттері

Фармакокинетикасы

Лизиноприл. Ішке қабылдағаннан кейін орташа сіңірілу дәрежесі 25 жуық құрайды. Ас қорыту жолында тамақтың болуы препараттың сіңуіне әсер етпейді. Абсолютті биожетімділігі жүрек жеткіліксіздігі бар емделушілерде шамамен 16 төмендейді. Қан сарысуында ең жоғары концентрациясына шамамен 6-7 сағаттан соң жетеді және 24 сағат бойы сақталады. АӨФ-тен басқасы қан сарысуының өзге ақуыздарымен байланыспайды. Гематоэнцефалдық бөгет арқылы аздаған дәрежеде өтеді; тіндерде жинақталмайды. Организмде метаболизденбейді, өзгеріссіз күйде тек қана несеппен шығарылады. Жартылай шығарылу кезеңі 12,6 сағат құрайды. Бүйрек қызметінің әлсіреуі шығарылуын баяулатады, бірақ баяулауы шумақтық сүзілу жылдамдығы минутына 30 мл төмен азайғанда ғана клиникалық мәнге ие болады.

Егде жастағы емделушілер, жастау тұлғалармен салыстырғанда, плазмада «концентрация/уақыт» қисығы астындағы ауданының (AUC) едәуір жоғары мәндерін иеленеді.

Гидрохлоротиазид. Ішке қабылдағаннан кейін өзгермеген күйде жылдам сіңеді. Ішу арқылы қабылданған емдік дозасының 70% жуығы негізінен он екі елі ішекте және аш ішектің жоғарғы бөлімдерінде сіңеді. Ас ішу сіңуіне әсер етпейді, әрі жоғары шекті концентрациясына қабылдағаннан кейін 2-4 сағат ішінде жетеді. Таралу көлемі 0,8-ден 3 л/кг дейін құрайды. Метаболизмге ұшырамайды, бүйрек арқылы тез шығарылады. Жартылай шығарылу кезеңі 8-ден 12 сағатқа дейін құрайды, ал 95 сіңірілген гидрохлоротиазид бүйрекпен шығарылады. Гидрохлоротиазидті ішу арқылы қабылдағаннан кейін диурез 2 сағаттан соң басталады, жоғары шегіне шамамен 4 сағаттан соң жетеді және 6-12 сағат жалғасады. Кемінде 61 препарат 24 сағат ішінде өзгермеген күйде шығарылады. Плаценталық бөгет арқылы өтеді; гематоэнцефалдық бөгет арқылы өтпейді.

Фармакодинамикасы

Ко-Диротон - гипертензияға қарсы және диуретиктік әсер ететін құрамында АӨФ тежегіші (лизиноприл) және тиазидті диуретик (гидрохлоротиазид) бар біріктірілген препарат. Лизиноприл мен гидрохлоротиазид біріктірілімінің, әрбір жеке компонентке қарағанда, гипертензияға қарсы айқындау әсері бар.

Лизиноприл – АӨФ тежегіші, ангиотензин І-ден ангиотензин ІІ түзілуін кедергілейді, ангиотензин ІІ тамыр тарылтатын әсерін азайтады, қан плазмасында альдостерон деңгейін төмендетеді. АӨФ бөгеу де брадикининнің белсенділігінен айрылуын азайтады. Препараттың кешенді әсері жалпы шеткергі тамырлық кедергінің, артериялық қысымның, алдыңғы жүктеменің, өкпе қылтамырларындағы қысымның төмендеуіне, қанның минуттық көлемінің көбеюіне және созылмалы жүрек жеткіліксіздігі бар науқастарда жүктемелерге төзімділіктің артуына алып келеді. Лизиноприл артерияны, көктамырға қарағанда, үлкен дәрежеде кеңейтеді. Ұзақ уақыт қолданғанда миокардтың және резистивті типті артериялар қабырғаларының гипертрофия айқындылығы азаяды, ишемияланған миокардтың қанмен жабдықталуы жақсарады. Нәтижесінде, АӨФт созылмалы жүрек жеткіліксіздігі бар науқастарда өмір сүру ұзақтығын арттырады, жүрек жеткіліксіздігінің клиникалық көріністерінсіз миокард инфарктісін өткерген науқастарда сол жақ қарынша қызметі бұзылуының үдеуін баяулатады. Ұзақ уақыт емделгенде лизиноприл тиімділігі сақталады. Гипотензиялық әсері қабылдағаннан кейін шамамен 1 сағаттан соң басталады.

Гидрохлоротиазид диурезді арттырады, соның салдарынан айналымдағы қан көлемі азаяды және гипертензияға қарсы әсері білінеді. Диуретиктік әсері нефронның дистальді бөлігінде Na+, Cl-, K+, Mg2+ иондарының және судың қайта сіңірілуінің бұзылуымен байланысты; сонымен бір мезгілде Са2+ иондарының және несеп қышқылының шығарылуы кідіреді. Диуретиктік әсері қабылдағаннан кейін 1-2 сағаттан соң басталады, 4 сағат өткенде ең жоғары шегіне жетеді және 6-12 сағат сақталады. Гипотензиялық әсері 3-4 күннен соң білінеді, ал гипертензияға қарсы ұтымды әсері 3-4 апта қабылдағаннан кейін байқалады.

Қолданылуы

- артериялық гипертензияда, егер гидрохлоротиазидпен немесе лизиноприлмен монотерапия артериялық қысымның қалаулы

төмендеуіне әкелмесе.

Қолдану тәсілі және дозалары

Препарат тәулігіне 1 рет 1 таблеткадан шамамен белгілі бір уақытта ішке қабылдауға тағайындалады. Егер күтілімді емдік әсерге 2-4 аптаның ішінде жетпесе, дозаны тәулігіне 1 рет 2 таблеткаға дейін арттыруға болады. Доза емдік әсеріне қарай әркімге жеке таңдалады.

Бүйрек жеткіліксіздігі бар емделушілер

Әлсіз немесе орташа бүйрек жеткіліксіздігі бар, креатинин клиренсі  30 және  80 мл/мин емделушілерде 10 мг + 12,5 мг Ко-Диротон ғана қолдануға болады.

Диуретиктер қабылдайтын емделушілерде симптоматикалық гипотензияны болдырмау үшін диуретик қабылдауды Ко-Диротон тағайындаудан 2-3 күн бұрын тоқтату қажет.

Егде жастағы емделушілер

Клиникалық зерттеулерде лизиноприл мен гидрохлоротиазидтің тиімділігі мен көтерімділігі олар бір мезгілде тағайындалғанда артериялық гипертензиясы бар егде жастағы емделушілерде де, едәуір жас емделушілерде де бірдей болды.

Егер егде жастағы емделушіде бүйрек қызметінің төмендеуі байқалса, лизиноприлдің бастапқы дозасын түзету керек.

Жағымсыз әсерлері

Жиі (≥ 1/100-ден  1/10-ға дейін)

- бас айналу, бас ауыру

- парестезия

- гипотензия (ортостатикалық гипотензияны қоса)

- құрғақ жөтел, жоғарғы тыныс жолдарының жұқпалары

- кеуде қуысының ауыруы

- шаршау сезімі, әлсіздік

- жүрек айну, құсу, диарея

- тері бөртпесі

- бұлшықеттердің түйілуі

- импотенция, либидоның төмендеуі

- қан сарысуында мочевина, креатинин деңгейінің жоғарылауы

- гемоглобин деңгейінің төмендеуі

Жиі емес (≥ 1/1000-нан  1/100-ге дейін)

- депрессия, көңіл-күйдің өзгеруі, ұйқы бұзылысы (ұйқышылдық, ұйқысыздық)

- естен тану

- құлақтың шуылдауы, құлақтың ауыруы

- көру өткірлігінің төмендеуі

- ентігу, кеуденің жайсыздануы

- аллергиялық ринит, созылмалы синусит, бронхит

- анорексия, ауыздың кеберсуі, қыжыл, іштің ауыруы, асқазан-ішектік түйілу, метеоризм, ксеростомия

- тахикардия

- тері қышынуы, дерматит, қатты терлеу

- арқаның ауыруы, табан аумағындағы ауыру

- гематокрит төмендеуі

- подагра

Сирек (≥ 1/10000-нан  1/1000-ға дейін)

- жүрек қағу

- бұлшықет әлсіздігі, миалгия, артралгия/артрит, васкулит

- фотосенсибилизация

- гипертермия

- бет, аяқ-қол, ерін, тіл, дауыс және/немесе көмей саңылауы аумағындағы Квинке ісінуі

- анемия, оң антинуклеарлы антиденелер (АНА), ЭШЖ жоғарылауы, эозинофилия, лейкоцитоз

- жедел бүйрек жеткіліксіздігі, олигурия, гиперурикемия

- қан сарысуындағы бауыр ферменттері, билирубин деңгейінің жоғарылауы, панкреатит

- гипонатриемия, гипер немесе гипокалиемия, гипергликемия

Өте сирек ( 1/10000)

- агранулоцитоз, гемолитикалық анемия, лейкопения, тромбоцитопения

- аса жоғары сезімталдық реакциялары (iшектің ангионевротикалық ісінуі)

- гепатит, гепатоцеллюлярлы, немесе холестатикалық сарғаю, бауыр жеткіліксіздігі

Препарат компоненттеріне басқа да жағымсыз реакциялардың пайда болуы әбден мүмкін:

Лизиноприл

- гипотензия, тахикардия (миокард инфарктісі немесе ми инсультімен қауіп жоғары болатын топтағы емделушілерде дамуы ықтимал)

- дәм сезудің және/немесе ұйқының бұзылуы

- көңіл-күйдің өзгеруі, сананың шатасуы

- бас айналу

- гастралгия, гастрит, диарея

- бронх түйілуі

- ринит, синусит

- терінің қышынуы, алопеция, есекжем, псориаз, ауыр сипатты тері аурулары (соның ішінде, сулы бөртпе, уытты эпидермалық некролиз, Стивенс-Джонсон синдромы және көптүрлі эритема)

- қатты терлеу

- гипонатриемия

- бүйрек қызметінің бұзылуы, жедел бүйрек жеткіліксіздігі, олигурия/анурия

- гепатит, сарғаю

- гемолитикалық анемия

Гидрохлоротиазид

- анорексия, іш қату

- сарғаю (бауырішілік өт жолдарының бітелуінен болатын өт іркілісі), панкреатит

- сиалоаденит

- бас айналу

- ксантопсия

- лейкопения, агранулоцитоз, тромбоцитопения, апластикалық анемия, гемолитикалық анемия

- пурпура, фотосенсибилизация, есекжем, анафилактикалық реакциялар

- жарықтан қорқу

- некроздық васкулит

- қызба

- пневмония және өкпе ісінуі

- гипергликемия, глюкозурия

- гиперурикемия

- электролиттік теңгерімнің бұзылуы, гипонатриемияны қоса

- бұлшықеттердің түйілуі, қимыл-қозғалыс мазасыздығы

- көру өткірлігінің өткінші төмендеуі

- интерстициальді нефрит, бүйрек қызметінің бұзылулары, бүйрек жеткіліксіздігі

Қолдануға болмайтын жағдайлар

- лизиноприлге және басқа АӨФ тежегіштеріне; гидрохлоротиазидке және сульфонамидтер туындыларына немесе препараттың басқа компоненттеріне аса жоғары сезімталдық

- сыртартқыдағы АӨФ тежегіштерін қолданумен байланысты ангионевротикалық ісіну

- артериялық гипотензия

- тұқым қуалайтын немесе идиопатиялық ангионевротикалық ісіну

- бүйрек артерияларының екіжақты стенозы, азотемияның үдеуімен жалғыз бүйрек артериясының стенозы

- анурия, бүйрек қызметінің ауыр бұзылуы (соның ішінде, бүйрек жеткіліксіздігіне орай, гемодиализде жүрген емделушілерде), бүйрек жеткіліксіздігі (креатинин клиренсі 30 мл/мин аз, сондай-ақ бүйрек трансплантациясы жасалған емделушілерде)

- гиперкальциемия

- гипонатриемия

- порфирия

- прекома

- бауыр қызметінің ауыр бұзылуы, бауыр комасы

- қант диабетінің ауыр түрлері

- подаграның өршуі

- алғашқы гиперальдостеронизм

- жүктілік және лактация кезеңі

- 18 жасқа дейінгі балалар мен жасөспірімдерге

Дәрілермен өзара әрекеттесуі

Лизиноприл

Қабынуға қарсы/ревматизмге қарсы стероидты емес препараттар: гипертензияға қарсы әсердің азаюы, гиперкалиемия және бүйрек қызметінің нашарлауы. Әдетте, бұл әсер қайтымды. Сирек жағдайларда, әсіресе, бүйрек қызметі әлсіреген емделушілерде (егде жастағы немесе дегидратациясы бар) жедел бүйрек жеткіліксіздігі болуы мүмкін.

Қан сарысуындағы калий деңгейін арттыратын дәрілік заттар (калий жинақтаушы диуретиктер - спиронолактон, триамтерен, амилорид), құрамында калий бар тұз қоспалары және алмастырғыштары: қанда калий деңгейінің жоғарылау қатері артады.

Литий: литийдің шығарылу жылдамдығының азаюына және литиймен уыттанудың даму қаупінің артуына орай, құрамында литий бар препараттармен бір мезгілде қарсы көрсетілімді.

Аллопуринол: бүйректің зақымдану қаупін және лейкопенияның даму қаупін арттырады.

Циклоспорин: бүйрек қызметінің бұзылу қаупін және гипергликемияның даму қаупін арттырады.

Ловастатин: бір мезгілде қабылдау гипергликемияның даму қаупін арттырады.

Цитостатиктер, иммуносупрессорлар, прокаинамид: АӨФ тежегіштерімен бір мезгілде қабылдау лейкопенияның даму қаупін арттырады.

Үш циклды антидепрессанттар, психозға қарсы және ауыруды басатын дәрілер: артериялық қысым айқын төмендеуі мүмкін;

Симпатомиметиктер: АӨФт гипотензиялық әсері әлсіреуі мүмкін:

Диабетке қарсы дәрілер (ішуге арналған гипогликемиялық дәрілер және инсулин): гипогликемия қатері бір мезгілде артқанда қандағы глюкоза деңгейінің жоғарылауы (бүйрек қызметі әлсіреген емделушілерде біріктірілген емнің алғашқы екі аптасында осы құбылыс ықтималдығы көбірек), диабетке қарсы дәрі дозасын түзету қажеттілігі туындауы мүмкін.

Жүрек гликозидтері: тиазидтер туғызған гипокалиемияға орай, жүрек гликозидтерімен артық дозалану қатерінің жоғарылауы болады.

Диуретиктер: егер лизиноприлмен емдеудің шарықтау шегінде диуретик қосылса, гипертензияға қарсы қосымша әсер алынады. Ко-Диротонның® алғашқы дозасынан кейін симптоматикалық гипотензия дамуы мүмкін; диуретиктермен алдыңғы емнің нәтижесінде сұйықтық және/немесе тұз тапшылығы бар емделушілерде осы жай-күйдің дамуы туындайды. Диуретиктермен емдеу Ко-Диротонмен® ем басталғанша тоқтатылуы тиіс.

Есірткілік препараттар/психозға қарсы препараттар: АӨФ тежегіштерін қабылдау аясында ортостатикалық артериялық гипотензия дамуы мүмкін.

Барбитураттар немесе есірткілер: ортостатикалық гипотензияның күшеюі болуы мүмкін.

Ацетилсалицил қышқылы, тромболитиктер, бета-блокаторлар, нитраттар:

Ко-Диротонды® ацетилсалицил қышқылымен (кардиологиялық дозаларда), тромболитиктермен, бета-блокаторлармен және/немесе нитраттармен бір мезгілде пайдалануға болады.

Гипертензияға қарсы басқа да препараттар: Ко-Диротонның® гипертензияға қарсы әсері басқа препараттарды бір мезгілде тағайындағанда күшеюі мүмкін, бұл ортостатикалық гипотензияны туғызуы ықтимал. Глицерил тринитраты мен басқа нитраттарды немесе өзге вазодилататорларды бір мезгілде пайдалану артериялық қысымды қосымша төмендетуі мүмкін.

Антацидтер: АӨФт биожетімділігін төмендетеді.

Гидрохлоротиазид

Алкоголь, барбитураттар, есірткілік дәрілер: ортостатикалық гипотензия болуы мүмкін.

Холестирамин және колестипол шайырлары: гидрохлоротиазид сіңуінің азаюы. Сульфонамидтерді осы дәрілік препараттарды қабылдауға дейін 1 сағат бұрын немесе одан кейін 4-6 сағаттан соң қабылдау керек.

Глюкокортикостероидтар, кортикотропин, карбеноксолон, В амфотерицині: электролиттер, әсіресе, калий теңгерімінің бұзылуы.

Деполяризацияламайтын миорелаксанттар: миорелаксант әсерінің күшеюі мүмкін.

Соталол: бір мезгілде қабылдағанда аритмияның даму қаупі артады.

Триметоприм: АӨФ тежегіштерімен және тиазидті диуретиктермен бір мезгілде қабылдау гиперкалиемияның даму қаупін арттырады.

«Пируэт» типті қарыншалық тахикардияны басуға арналған дәрілік препараттар: гиперкалиемияның даму қаупіне орай, гидрохлоротиазид пен «пируэт» типті қарыншалық тахикардияны туғызатын дәрілік препараттарды (мысалы, антипсихоздық препараттар) бір мезгілде тағайындауды абайлап жүргізген жөн.

Прессорлы аминдер (мысалы, эпинефрин-адреналин): прессорлы аминдер әсеріне жауап төмендеуі мүмкін, бірақ оларды пайдалануды тоқтататындай емес.

Айрықша нұсқаулар

Үлкен сақтықпен қатарлас аурулары: митральді және аортальді стенозы, гипертрофиялық кардиомиопатия, сүйек кемігінің гипоплазиясы, айналымдағы қан көлемінің төмендеуі (соның ішінде диарея, құсу кезінде), дәнекер тін аурулары (жүйелік қызыл жегі, жүйелік склеродермия), подагра, гиперурикемия, гиперкалиемия, цереброваскулярлық жеткіліксіздігі, ауыр созылмалы жүрек жеткіліксіздігі бар емделушілерге тағайындалады.

Препаратты тағайындағанда емделушіні ангионевротикалық ісінудің болжамды белгілері (тыныс алудың және жұтынудың қиындауы, аяқ-қолдың, беттің, тілдің, көздің, еріннің ісінуі) туралы хабардар ету қажет, бұл препаратты дереу тоқтатуды және дәрігермен кеңесуді талап етеді.

Симптоматикалық гипотензия диуретиктер қабылдаған науқастарда немесе шығу тегі өзгеше дегидратация дамығанда (қатты тершеңдік, ұзақ құсу, профузды іш өту), сондай-ақ жүрек жеткіліксіздігі кезінде пайда болуы мүмкін. Емдеу басталғанша, мүмкіндігінше, қан сарысуындағы натрий деңгейін қалпына түсіріп, жетпейтін сұйықтық көлемін толықтырып, артериялық қысымды бақылау керек.

Егер емделуші иммуносупрессорлар және/немесе аллопуринол, прокаинамид қабылдаса, нейтропения/агранулоцитоз, тромбоцитопения, анемияның пайда болу қаупінің зор екенін ескеріп, шеткергі қанды (ауыр жұқпалардың даму мүмкіндігіне орай) мезгіл-мезгіл бақылау қажет.

Ауқымды операциялық араласуларда және/немесе артериялық гипотензияны туындатуға қабілетті наркозға арналған дәрілер қолданғанда лизиноприл рениннің компенсаторлы босап шығуынан кейін басталатын ангиотензин ІІ түзілуін бөгейді. Шығу тегі осындай гипотензияны тамырішілік сұйықтық көлемін толықтырумен жоюға болады.

Егде жастағы емделушілерде, қатарлас аурулардың және басқа дәрілер қабылдау салдарынан бауыр, бүйрек және жүрек қызметтерінің нашарлау ықтималдығының жоғары екеніне орай, емдеуді төмен дозалануынан

(10 мг + 12,5 мг Ко-Диротон) бастайды. Дозаны таңдау кезінде сақтану шараларын қадағалау (бүйрек қызметін бақылау) керек.

Емделу кезеңінде емделуші спиртті ішімдіктер тұтынудан бас тарту керек.

Препарат зертханалық көрсеткіштерге әсерін тигізуі мүмкін: кальций метаболизміне ықпал етуіне байланысты, тиазид туындылары қалқанша маңы бездерінің қызметін анықтайтын тест нәтижелерін өзгертуі мүмкін.

Cирек жағдайларда АӨФ тежегіштерімен ем алатын емделушілерде декстран сульфатымен тығыздығы төмен липопротеидтер (ТТЛП) аферезі кезінде өмірге қатер төндіретін анафилактикалық реакциялар дамыған. Бұл симптомдарды әрбір аферез алдында АӨФ тежегіштерімен емдеуді уақытша тоқтату арқылы болдырмауға болады.

Десенсибилизациялаушы ем кезінде (мысалы, бірқатар жарғақ қанатты жәндіктер уымен) АӨФ тежегіштерін алатын емделушілерде ауыр анафилактикалық реакция дамуы мүмкін.

АӨФ тежегіштерімен ем алған бүйрек артериясының бір жақты және екі жақты стенозы және жалғыз бүйрек артериясының стенозы бар кейбір емделушілерде қан мочевинасы концентрациясының және сарысу креатининінің жоғарылауы (әдетте, емді тоқтатқаннан кейін қайтымды) байқалды. Бүйрек жеткіліксіздігі, гипертензиясы және басқа қатарлас аурулары бар емделушілерге, әсіресе, емнің басында бүйрек қызметін (калий, глюкоза, мочевина, липидтер және креатинин) бақылау қажет.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Препаратты қабылдау бас айналуын туғызып (әсіресе, емнің басында), көлік құралдарын басқару және жоғары зейін шоғырландыруды және психомоторлық реакциялар шапшаңдығын талап ететін аса қауіпті қызмет түрлерімен айналысу қабілетіне әсер етуі мүмкін. Әркімнің жеке реакциясын анықтағанша осындай қызметтен бас тарту керек.

Артық дозалануы

Симптомдары: артериялық қысымның айқын төмендеуі, электролиттік теңгерім бұзылуы, бүйрек жеткіліксіздігі болуы мүмкін.

Емі: белгісіне қарай және демеуші ем.

Шығарылу түрі және қаптамасы

10 таблеткадан поливинилхлоридті үлбірден және алюминий фольгадан жасалған пішінді ұяшықты қаптамаға салады.

1 немесе 3 пішінді ұяшықты қаптамадан медицинада қолданылуы жөніндегі мемлекеттік және орыс тілдеріндегі нұсқаулықпен бірге картон қорапқа салынады.

Сақтау шарттары

15 оС-ден 30 оС-ге дейінгі температурада сақтау керек.

Балалардың қолы жетпейтін жерде сақтау керек!

Сақтау мерзімі

3 жыл

Жарамдылық мерзімі өткеннен кейін пайдалануға болмайды!

Босатылу шарттары

Рецепт арқылы

Өндіруші-ұйымның атауы және елі

«Гедеон Рихтер Польша» ЖШҚ, Польша

Тіркеу куәлігі иесінің атауы және елі

«Гедеон Рихтер» ААҚ, Венгрия

Қазақстан Республикасы аумағында тұтынушылардан өнім сапасына қатысты шағымдар қабылдайтын ұйымның мекенжайы:

ҚР-дағы «Гедеон Рихтер» ААҚ өкілдігі

Алматы қ., Нұрлыбаев к-і 11

Телефон: 8-(727)258-26-22, 8-(727)258-26-23

E-mail: info@richter.kz

 

 

10